洪記粥品 (廣福里)

營業中

休息中

今天幫襯了一家新開的粥店，兩個人，叫了碎牛粥及白粥，原本想食油炸鬼，點知賣晒，真係無想過一早9點幾就賣晒D油炸鬼，侍應問我地試唔試下佢地個牛脷酥，於是就叫左黎試吓。個粥都唔錯嘅，不過就無其他食評講到咁誇張，佢個粥底都算煲得綿。另外就係略嫌碎牛粥D牛肉好似少左D，如果多番少少就好了。個牛脷酥就真係有驚喜，一來好夠熱，佢個保溫櫃好掂，二來超級巨型，出面好少食到咁大舊牛脷酥架。熱辣辣真係好正好好味。

而家食粥都五花八門，由其新鮮滾粥更是好多人的選擇，洪記粥品雖有幾間分店，但質量仍有保證我們點了三款分別是 窩蛋碎牛粥，仿鮑魚雞粥和及第粥想講下個及第粥，非常足料，有粉腸潤肉片豬肚等…齋食送都夠每款粥都滿瀉咁滯，粥入面勁多料，白粥又滑又綿，食一碗都好飽我地仲叫埋炒麵，撈埋麻醬甜醬，老公女兒各食了一大碗不得不提係碟蝦腸，好似酒樓既頂點，大大隻蝦包在腸粉內，簡直人間美味炸兩炒麵非常大盒，塞滿盒最後係牛脷酥…勁巨咁樣食先係食左$168…

呢間粥店有好多粥嘅款式揀👍🏼價錢亦相當實惠連腸粉都想像中多選擇，值得一試🤤❣️菜乾豬骨粥 $24呢款粥我細細已經超中意食，但宜家好多連鎖粥店都唔會有呢款選擇，咁作為愛好者就梗喺要試下啦！菜乾超足👍🏼有3-4舊豬骨，成個粥底有啲似菜乾豬骨湯加入粥到一齊煮，因為味道好濃郁質感偏稀小小🤤個人就幾中意😆❣️皮蛋瘦肉粥 $24粥底好綿滑🤤皮蛋好足料，整碗粥嘅味道好夠但唔喺鹹👍🏼呢個價錢真喺好抵食！❣️碎牛粥 $24粥底同樣好綿滑😋碎牛分量都算多，食落味道唔會太鹹，相當唔錯👍🏼❣️叉燒腸粉 $17有三大條，叉燒喺一大片唔係得細細舊而且每一舊腸粉都食到大大片叉燒 好足料！都只喺$17！超抵！❣️韭黃鮮蝦腸粉 $21腸粉皮薄夠👍🏼，三大條腸粉分成6舊，每一舊都有大大隻蝦而且好新鮮彈牙，讚❗️醬汁方面店舖比得好足，豉油、甜醬、辣椒醬、花生醬都有🤩❣️油條 牛利酥 各$10食粥一定要配油條先夠滿足😆外脆內軟嘅油條😋 牛利酥新鮮出爐好香又脆口🤤飲品🥤-豆漿豆漿味濃郁，味道唔會太淡太甜，最重要係好滑口👍🏼

成日食外賣都唔知食乜好，今日經過大埔買餸見到呢間粥店好多人排，見天氣凍凍地幾適合食粥⭐️狀元及第粥 $38足料既及第粥，粥底夠綿，豬肉丸彈牙入味、豬粉腸同豬內臟都洗得好乾淨，粥身色白鮮明，唔錯唔錯。⭐️ 鹹肉粽 $17定價好平既鹹肉粽，但都絕不馬虎，應有盡有，重點既肥豬肉同鹹蛋黃都有齊。⭐️ 鮮鯇魚腩粥+ 咸蛋 $41街市買鮮鯇魚腩都唔平，佢有成5-6片，真心足料，個粥綿綿加上魚腩，又咁岩無咩骨，暖粒粒幾正。⭐️牛脷酥 $10岩岩新鮮出爐既牛脷酥，香脆可口，餸粥食岩晒。⭐️炒米粉 $14大大盒都係收$14，無咩好炸型啦，加埋辣椒醬食炒米粉最正，夠鑊氣。⭐️蝦米腸粉 $16本來想食炸兩但賣晒，最後叫左蝦米腸粉，腸粉夠滑身，加埋蝦米更加香。⭐️豆漿$9支裝豆漿$9/支 ，正常發揮，不過不失。

🎪洪記粥品(大埔)大埔廣福里22號正發樓地舖朝早吃粥是為了完成一頓早餐，但是夜晚食一碗熱騰騰的粥，是一種窩心啊🥰暖心又暖胃，尤其係凍凍地既天氣就最岩！☺️🌟狀元及第粥 $38 / 生滾鮮牛粥 $31粥底很綿滑，及第配料很豐富，有豬膶、豬肚、豬心、肉丸和肉片等等，材料好鮮嫩；鮮牛粥牛肉大大片，肉質嫩滑，加埋薑絲黎提味，正！✨🌟炸兩腸粉$18 / 叉燒腸粉 $17油炸鬼好大件，又酥又脆，腸粉薄身，配埋醬料，入口好滿足🤤！叉燒腸既叉腸份量吾太多，相較下就遜色啦。🤤總體食物味道：4/5💰性價比：5/5💥推介指數：4/5

係大埔買完餸係附近食lunch，天氣凍凍地想食粥，見到呢間粥店門口幾多人買油器好似幾唔錯。叫左個「狀元及第粥 $38」同「鮮鯇魚腩拼鯪魚球粥 $42」粥底真係幾棉，又多料，價錢雖然唔算好平，但料多又大碗好飽肚。之後叫左個「炸兩 $18」夠脆唔會淋，即叫即整有誠意。「豉油皇炒麵 $14」麵條比較粗身，炒得入味又大份。「咸肉粽 $17」有蛋黃有肥豬肉，粽既糯米同綠豆嘅比例幾好。「豆漿 $9」價錢合理。食粥無加一，快食平價首選👍🏻

今日相約一大群朋友到大埔行山，一早8 點行山，中午食粥補充一下體力。大埔真的非常多美食，人流都好旺。洪記門外都有排隊人流，原來等外賣為多。 我們一行數人，分兩張枱入座。皮蛋瘦肉粥$24生滾豬潤粥$31 加$5 配料 肉丸豬潤厚切，很新鮮肥美，彈牙。生滾鮮雞粥$36粥湯底好鮮甜，雞件好滑，而且件數好多。油炸鬼$10 好耐無食過新鮮炸起的油炸鬼，好有面粉香。外脆內軟，放入熱辣辣的粥食，好夾味。環境乾淨，等外賣的人很多，好受歡迎。

洪記粥品門口油炸鬼及牛脷酥出爐，牛脷酥大大件好飽肚，仲好香甜酥脆油炸鬼都好脆口大部分油器 $10 一件艇仔粥味道好甜都好夠熱入面都幾多配料,有尤魚,價錢都叫中上係有個雞粥3十幾蚊唔係幾新鮮的雞 有白粥只、艇仔粥 鮮鯇魚片粥、皮蛋瘦肉粥  生滾鮮牛粥 、狀元及第粥 最貴滑雞粥紫菜墨魚湯有老火粥，有生滾粥平日早上食早餐或者中午食來醫肚，呢個天氣凍凍地食粥就最好不過雖然真係好平..$16-17 蚊仲炒麵及炒米粉,,米粉唔係幾多料...冇咩配料

細個總會覺得係早餐食粥，病左食粥，長大後，就會知道「粥」都可以係屬於正餐，仲食到好飽。皮蛋瘦肉粥皮蛋香味配瘦肉一絕，唔會只得幾粒肉碎浮面，而且粥底唔錯。貌似越簡單既粥，其實越難整得好食，like爆。狀元及第粥及第粥就咩都有，餸非常豐富，生滾粥又正。裡面有豬肉，肉丸，豬腸，豬潤.... 有選擇恐懼症又鍾意食豬既，最佳之選。蝦米炸兩腸粉腸粉皮夠滑同薄，包住酥脆既炸兩和咸香蝦米，沾埋甜辣狀送粥一流。油炸鬼食粥又點少得油炸鬼，大份又好食，唔會軟，夠脆，用黎浸下粥食，粥與油炸鬼果然係朋友。豆漿用樽裝豆漿乾淨，飲唔哂都可以帶走唔浪費。侍應仲主動拎飲管，方便飲用，味道唔錯。

呢幾日天氣好凍 真係要食返啲熱辣辣嘅嘢 我第一時間就諗起食粥 仲要係食生滾粥 食完真係成個人暖暖笠笠 好舒服每碗粥都係即叫即整 即叫即煲 點解我會知? 因為我想將我碗粥嘅粉腸改做豬潤 但係職員同我講已經煮緊 改唔到lu..生滾粉腸粥$31 加魚腩$10皮蛋$4 天氣咁凍食番碗即叫即整熱辣辣嘅最真係好正 這裏的粥底又綿又滑 配料又多 粉腸勁彈牙 沒有腥臭味 魚腩鮮甜 啖啖肉只有幾條大骨生滾粉腸粥 加皮蛋$4鹹蛋$4 生菜絲$4 老公見到我個粉腸粥咁正 佢又叫埋一份 不過佢加嘅配料就同我有少少分別 佢好鍾意食鹹蛋&皮蛋 佢話加咗皮蛋嘅粥 陣味特別香豬潤腸粉$17 好耐未食過啲咁懷舊嘅腸粉 唔係周圍都有得食豬潤粉腸 一於叫返碟試下先 即叫即蒸 豬潤勁爽口 是我喜歡的質感 粉皮夠薄夠滑炒米粉$14 超大碟 堆到成座山咁高 炒得夠鑊氣夠乾身 米粉條條分明蝦米腸$16 鍾意香口嘅可以食蝦米腸 有粒粒蝦乾及蔥花 店內用咗蒸嘅方法就冇咁熱氣 相信用煎嘅方法會更香口炸煎堆$10 煙煙韌韌甜甜地 芝麻香味沒法擋 食粥品又怎能沒有炸物相襯呢聽日嘅早餐一於都係食粥 等我買定碗皮蛋瘦肉粥做早餐先

▶️呢兩日凍冰冰🥶除咗想食煲仔飯，都想食番碗熱辣辣嘅粥，唔知大家覺唔覺得而家要係自己區搵間粥店好難，剛好呢間係我返工嘅區👍狀元及第生滾粥上網一查先知豬內臟又稱「雜底」，美化為「及第」，影完相先食都熱辣辣，真係生滾粥先做到👍食落口好軟綿，好多配料：肉丸、肉片、豬心、豬潤、豬粉腸同豬肚，內臟處理得幾好，鮮味唔騷，爽脆唔會韌😋成碗粥食得好舒服☺️炸兩腸粉腸粉皮夠滑，油炸鬼保持到外軟內脆，再配埋重醬重芝麻，好難唔好食🤣凍豆漿有豆味，唔會太甜，清清地幾好飲，最緊要係香港製造👍🌟乾淨企理嘅一間粥舖，坐得舒服，凍冰冰食碗熱辣辣嘅粥真係冇得輸👍店員好貼心，我叫碗粥走蔥，佢問埋我使唔使走埋蔥頭同薑☺️

My friend asked me to join him for cycling at Tai Po this morning and after our session ended, we went to a nearby place for lunch. Hung Kee Congee was located at Kwong Fuk Lane, Tai Po, where alot of eateries were located.They served cooked porridge, boiled porridge, fried dish, snack, rice noodle rolls and drinks. Iced soy bean was smooth and slightly sweet, with strong soy bean taste. Congee with pig intestines - The chef was generous with the portion of the ingredients, with pork meat, liver

今日做完body check，成日都冇乜食過野，行過洪記，見到員工捧著一盤油器放到門外的暖櫃，諗到好耐都冇食粥，今晚晚餐就係佢。呢間粥店都幾乾淨企理，坐低點咗一碗生滾粥，一碟腸粉，再加一條油條🤣油條上枱前，員工好細心預先剪開幾段方便食，即刻夾一件，卜卜脆唔油👍生滾北菇滑雞粥，熱騰騰的粥底好綿滑，雞件剛剛熟，肉質好滑🥰加上大量葱花薑絲，帶出香氣，韮黃鮮蝦腸粉，即叫即蒸熱辣辣，腸粉皮薄，包住嘅蝦爽口彈牙，完全冇腥味，加埋甜豉油，好食😋。

成日都諗唔到食咩好，襯著放假就去睇下有咩好食，平時都很少食粥品，見到有位就入去餐廳坐低食啦～睇睇餐牌都好多款式選擇，心多樣樣都想食，最後都選擇以下的粥品，一一介紹下啦😊😚艇仔粥仲好大碗粥底好軟綿綿，相當足料，十分滋味黃沙豬膶粥生滾粥十分美咪，夠晒熱辣辣，豬膶都有好多片，質感很爽口，同平時食啲豬膶質感不一樣炸兩腸粉好耐冇食過炸兩，好大碟油炸鬼香脆包着腸粉，食落帶點脆口包住腸粉，質感剛剛好😋蝦米腸粉蝦肉大大隻，又很新鮮和彈牙😋豆漿枝裝豆漿方便衛生，味道唔算好甜幾好飲～

街坊小店洪記粥品呢間位於大埔的街坊小店，家庭式經營，溫馨又窩心，好多街坊幫襯。今次同朋友經過試吓，又幾有驚喜窩。平時都中意食d地道野，粥，炸兩都係心頭好。今次都朋友經過，都試左兩款粥：豬膶瘦肉粥同狀元及第粥。好大碗！料又足，豬膶厚切，及第粥都好多料！又叫左兩個腸粉：炸兩同韭黃蝦仁腸，腸粉彈牙，薄皮，好好味！最後加多兩個炒麵同米粉，呢個中規中矩！好飽，兩個人食吾曬添，呢度d生滾粥一流，下次宵夜再利試吓！