洪記粥品 (廣福里)

營業中

休息中

今日做完body check，成日都冇乜食過野，行過洪記，見到員工捧著一盤油器放到門外的暖櫃，諗到好耐都冇食粥，今晚晚餐就係佢。呢間粥店都幾乾淨企理，坐低點咗一碗生滾粥，一碟腸粉，再加一條油條🤣油條上枱前，員工好細心預先剪開幾段方便食，即刻夾一件，卜卜脆唔油👍生滾北菇滑雞粥，熱騰騰的粥底好綿滑，雞件剛剛熟，肉質好滑🥰加上大量葱花薑絲，帶出香氣，韮黃鮮蝦腸粉，即叫即蒸熱辣辣，腸粉皮薄，包住嘅蝦爽口彈牙，完全冇腥味，加埋甜豉油，好食😋。