流記香港仔艇仔粉

營業中

休息中

全香港只剩下兩艘粉艇，其中一個就是流叔的艇仔粉🛶🐟🍜流記艇仔粉沒有菜單，沒有價格，看到什麼菜就點什麼，一切隨性。落單後，坐在碼頭邊看著避風塘景色邊吃艇仔粉！除了那份獨有的風味外，素質也不錯！魚片絕對不是冷凍的貨式，叉燒雖然不是半肥廋的梅頭叉燒，但入口髮化，最重點的是湯頭跟粉是神奇的搭配，河粉很滑，魚湯鮮美，滿滿大地魚香，充滿漁家味道，真的會有想把整碗湯喝完的衝動呢🤤🤤🤤🤤三十元左右的一碗艇仔粉，絕對是難忘的體驗！不過因為流叔並不是每天開檔，而且出未地點不固定，建議食粉前打電話確認流叔出沒位置。有無機會品嚐，就一切隨緣🧘🏻‍♀️

行山經過香港仔，想起多年歷史的流記艇仔粉。艇仔就係餐廳，去到邊賣到邊，自由寫意*⸜( •ᴗ• )⸝* 有時係香港仔海旁，有時係鴨脷洲，如果去到發現開左係另外一邊都唔怕，搭架艇仔過對面都係＄2.5，當遊下船河。一碗雜錦大地魚湯河粉，有齊燒鴨，叉燒，鹵水豬肚，白魚蛋，腸仔，菜 ，每樣有d，承惠30元正，加20蚊多隻鴨髀/雞髀，多年來價格無咩改變，仍然大碗抵食。天氣好坐係海邊整翻碗，心情舒暢。味道可能同燒臘茶記差不多，不過食既係一種風味，一種本土特色，一種歷史。

艇仔粉早在80年代頭已經存在，為水上人服務，現在已經有30多年、接近40年歷史。由於早期水上人多數都住在海邊的住家艇，沒有時間和金錢上岸飲食，主要在船上解決一日三餐。90年代甚至有賣早餐的粥艇、汽水零食艇、雜貨艇、咖啡奶茶甜點艇。直至今日，漁業式微！大部分水上人都搬到街上居住，海上的小艇都見少買少，所以特別珍惜這份回憶味道。艇仔粉好味之處不是它的食材，而是湯底。食材主要都要燒味為主，比較特別的可能是自家制的魚蛋和魚片。但說到湯底，才是艇仔粉的靈魂，早期的湯底由魚湯做湯底，例如梭羅、九棍等，再落大地魚調味，亦是我們水上人聲稱的「下難魚」，意思是無人會買來作為餸菜之一，艇家便用來作為艇仔粉的湯底，所以湯底充滿著魚的鮮甜味，加上粉麵和燒味吸入魚湯的精華，可以說是水上人的最愛，同時把我們養大🤣是一碗不能回頭的粉麵！總要多䓤先正😋😋😋是充滿回憶的味道。

今日去左香港仔海旁，試左電視介紹過嘅艇仔粉，好在朋友之前試過有船家電話，我去到海旁就打俾船家，船家3分鐘就到👍🏻👍🏻👍🏻船家就問我有咩唔食，我就答佢唔食內臟，其他乜都食😉佢就整咗碗雜河比我，內有燒鵝、叉燒、雞、腸仔同魚蛋。湯底好好味，見佢落咗胡椒粉係面，魚蛋好好食好彈👍🏻整體樣樣餸都唔差有水準，以$30一碗就真係唔貴，雖然要座係街邊食，都別有一番風味。大家留意返，最好打左比船家約左位置先，免得白行一堂。

好多遊客來到香港仔，一定會坐船去珍寶海鮮舫食海鮮，而唔會留意到這個比較平價的選擇。要食艇仔粉都唔係咁易，要打電話叫船主來到香港仔海濱公園。碗碗嘅餸都一樣，有魚蛋、豬肚、鴨腎，麵底就有河粉、米粉同瀨粉揀。攞左之後係公園坐低慢慢食，份量都幾多而且價錢好平。我最鐘意嘅係佢嘅湯底，雖然知道係肥，但都飲左幾啖。

香港仔 流記艇仔粉勁有風味啊👍🏼 我本身去到見吾到佢 原來系要打電話比佢 佢先開船過尼 開到過尼佢同佢講艇仔粉就得嫁啦 啲餸就系每樣叫嘅 我尼碗有雞 紅腸 鴨腎 叉燒 魚蛋 咁大碗都系30蚊炸 佢啲湯勁好飲 勁鮮甜 加埋啲胡椒粉無得頂 最尾我差吾多飲哂啲湯魚蛋系一定一定要叫 佢吾系好似平時啲魚蛋咁 佢雖然系淋淋地 但都彈牙 口感都好特別👍🏼佢雖然系30蚊但佢啲雞都切到好大舊比你 未試過嘅朋友一定要試下 好特別 我諗而家香港都吾多尼啲粉食嫁啦 不過提提大家去之前打左比佢make sure佢今日系做生意先 我家可去openrice or facebook 打香港仔流記艇仔粉就搵到嫁啦

艇仔粉 ，睇落每樣餸都是平常或家常吃到的食材，怎麼人人說特別好吃?!今次就來試一試俗稱艇仔粉的龍與鳳。光光看著這只雞脾已經很豐富了，那些丸呀、叉燒、紅腸像是在飾配角吧！首先覺得特別的是柯打在岸上，製作在艇上，明明就是兩個不同的地方，我在地你在避風塘。 第二（賣弄一下）不是第一次光顧啦，我喜歡這個緣份遊戲，從海傍的一端走到另外一端，正想放棄的時候就看到到這艘艇家，會不自控跑動、揮手，大叫要一碗艇粉，深怕艇開走了，這比喻跟欄的士還要誇張，但是你可以打電話約艇家過來。第三它的風味、人情、還有價格完全讓我滿意的。平凡餸配出動令人眉頭一動的味覺，幾片的叉燒像在吊胃口；雞 有雞脾部分就是大快人心，重雞味、滑雞、不肥膩；小時喜愛吃的紅腸幾片，回憶都倒回來了；這麼好吃，重點是否在胡椒粉耶?!還是在路邊吹著風吃呢？!算你狠，好味程度一碗都嫌不夠飽。