流金歲月 (已結業)

見佢開左咁耐, 又成日好多人排隊, 所以成家人去試左一次, 結果就係好唔掂...首先, 佢地d野唔係特別好食, 都係普通貨色. 第2, 雖然裝修上o係屯門黎講算好, 但係比較坐低就覺得好逼, 唔係咁舒服, 而且唔適合chat.最難受係蟹粉小籠包o既然入面食唔到有蟹粉...我地向職員求証, 佢地只係堅稱係蟹粉小籠包, 但又無証據, 之後仲走左去, 咁我地咪叫多籠普通小籠包食, 點知味道同外貌都一樣, 小小黃色o既野都無, 有d呃錢o既感覺!

賽螃蟹–無雞蛋係中間, 無得撈搵食, 味道有點單調, 辛好碟餸都幾滑.蝦爆鱔拉麵–蝦幾爽口, 鱔算新鮮, 兩樣都幾好食. 最衰d 餸同湯麵唔係分開上, d 汁比湯沖淡d 味道. 個麵ok.豬扒拉麵–豬扒入味同林大致上d 食物ok 啦

剛過去的星期日，一眾好友訂了流金歲月晚膳，為的是慶祝小妹牛一，認真要說聲多謝大家！言歸正傳(生日不忘寫食評)，要評一評此食店，首先由門口講起，未行到門口，離遠己見店門前人頭湧湧排滿等位的客人，雖然我們一早訂了檯，也要等了約五分鐘，朋友說此店好高竇，衹在它指定時間內提供訂位服務，亦必須早一日訂位，否則貴客自理．食物選擇都算多，一般京川滬菜式都應有盡有，價錢就有小小偏貴喇，而味道還是可以的，唯獨是服務態度仍有待改善！最搞笑的是，好友為我預備了生日蛋糕，想給我一個意外驚喜，但最驚喜的是此店原來沒有鐵叉供應，名符其實的～～無叉用，哈哈．．用筷子食蛋糕都是第一次！

星期日4:00pm 去食第一餐, 我都唔知叫lunch, tea 定dinner 好, 叫o左:1) 燒賣, 蝦蛟, 2樣都一般ja, 唔係話特別好食, 燒賣面有一小粒帶子。2) 雲吞雞($78)娃娃菜墊底, 不過太少了, 多d好d! 隻雞普通啦, 唔滑o既, 好鞋, 味精不算太多o掛~ 3) 雙面黃(無食呀我)4) 小籠包(無食呀我)好似仲有o野, 不過唔記得lu~5) 拔c 香蕉:呢個好食ar, d 糖漿浸o左冰水之後就硬o左, 食落脆脆o地o甘, 好好食呢! d 脆漿又唔會太厚, good!service 都ok 啦, 有禮貌但唔夠細心, 有笑容不過唔夠誠懇~環境幾靚, 味道其實都唔差~仲有, 我o地4個人, 但張table 迫到嘔........4個人食o左成$29x, 阿爸話當dinner 差唔多喇wor.....

好彩仲記得寫番個食評...記得上幾個星期同屋企人去呢度食飯, 補祝母親節...其實成屋人都未黎過..只係見到平時好多人, 打算試下。環境不錯, 不過坐得極唔舒服, 我坐梳化位, 對腳頂住張枱, 而且佢d枱好密....跟本同搭枱無分別..服務態度亦係差到不得了, 對答上完全無禮貌, 見到你揮手就扮睇唔到走....執一張枱竟然可以3個人連部長一齊執, 而無人招呼d客...小竉包都係不過不失, 都係會穿, 大小不均勻, 頂厚皮, 肉質唔夠鮮, 最令我失望既係我既最愛--豆沙鍋餅, 皮又厚, 又稔......真係想問佢係咪翻叮既..前菜又唔記得比我地, 又收我地錢..服務又差, 野又唔係好食...我一毫子貼士都無比....我到而家都唔明點解咁多人去食....唔值

上星期飲早茶,叫左一般點心(蝦蛟,燒賣,擔擔面...),黎就黎得好快,我有個朋友食燒賣成粒擺左落口,一個就咬左一半,點知發覺唔熟,咁就緊係即刻吐返另一半出黎啦!蝦蛟唔夠熱,擔擔面未"聊"散就上臺......不知所謂....個場已經唔多客架啦,又唔係好趕都攪成咁!!再之前去食晚飯聽到隔離臺話食到d "炒手"入面有指夾塊,個客仲話要call食環署.....個下都幾驚....如果各位要食既要三思

上星期六晚飯呢間我可以叫做京菜館吧! 因為佢係食小籠包果d野! 不過屯門實在太少呢類食肆,所以我覺得佢越來越自大!!!!!!!!!!!!!!!!!其實我星期五已致電訂枱,但如上位食評家所說,呢間會係假日分三段時間晚飯(但係以前唔會咁樣,因為之前食過,仲要唔駛等直入....,係因為晚上無人去食)! 仲有餐牌改左,食物選擇少左,價錢貴左d5:00pm to 6:30pm7:30pm to 8:30pm8:30pm to 10:00pm 我記得係咁上下當日我BOOk 左7:00PM ,但我6:45已到,但"知客"話我仲要攞飛等，我覺得好奇怪，其實好在我早到左１５分鐘，因為佢地訂枱唔係計你打電話的時候幫你排了先後次序，而係訂了枱，仲要親自去到門口攞飛再計算入座次序，再加上上一輪ｄ人都沒有埋單，我緊係早到都沒有位坐！！結果都係要等！不過我比其他訂了枱的人早拿飛，所以只係等了１０分鐘就有位了,但係出面就有好多訂了枱的人在等, 不過如果諗住walk-in 既,我就建議你千祈千祈唔好去呢道了……………因為我見到佢地d知客對walk-in 客既態度可以話係不好, 仲要係串tim~~~,知客沒有咁樣對我,

在5月的一個公眾假期, 我們一行六人在晚上6:15到達。全間鋪都望落去都有有好幾十張枱，當時餐廳內只係得三、四枱客左右。帶位的姐姐問我地食唔食煙後，帶我們到一張非吸煙區的大枱坐下。當我地叫左茶，正研究菜單的時候。經理竟然走過來，問我地在7點俾番張枱佢得唔得！大家都真係呆左，唔係呀，當然：「唔得！」。啊經理先同我地講，假日佢地分時段進食喎，所以7點要收番張枱！咁點解唔係坐低前同我地講呢？唔好等我點左菜先講？然後佢話：「一係安排你地去吸煙區啦。」不過，我地一早已明確表示不坐吸煙區的，那不如離開算了。咁佢就講：「咁唔好意思，隨便你地啦。」然後轉頭走左。跟著個waiter哥哥行過來講：「一係下次你地再幫襯啦。」。嘩~好主動趕客走呀！真係離譜！當時都費時追究：點解唔在入坐之前同我地講、為何沒有在當眼處寫明分時段、係咪得非吸煙區分時段進食、那是什麼的態度、都唔知有冇用個腦思考(竟然可以開口叫枱客在中式食府內用45分鐘內點菜及進食)等等。只是一句：以後都不會再去！

星期天晚上9時多才到，不用等位，一行4人直行有位，也挺神奇，人人都說到流金要等位的！裝潢倒是蠻「金」的，不過好像似曾相識，沒有性格…長型燈罩、長雲石桌、玻璃牆壁，總是像某某餐廳的twins。雖然如此，坐得舒服也不錯。要了4個菜：流金炒飯--不錯是不錯，略嫌太簡單了點，既然以店子名字命名，這樣很易被人忘記呢！小籠飽--不過不失，沒有一吃再吃的衝動。(忘了名字)xxx茄子--好味~~很惹味。有一些木魚，口感很好。放在好熱的石碗內，上了桌一陣子還很熱。(忘了名字)有點辣的雞--頗油的，很多骨，吃得不盡興。一句：無甚特別~

媽媽節到此一嘗個front dask 7:00p.m 企左三十人左右因為book 左檯, 到左10 分鐘就有位不過,佢地果兩個姐仔果種十問九唔應強硬得叫人發火既態度, 真係不太認同雖然對我無影響, 不過我為拎飛仔既人十分不值因為佢地比人既感覺係1.我唔知佢知唔知我係咪排緊2.佢比唔到公平對待既感覺我3.拎住張飛仔有好多人都唔知點咁,人人都要企係front dask 好留心(雖然我信佢地係有record,但係完全對張飛仔無咩安全感) -- 唔知大家明唔明我意思講番d 野食,on average and something good 啦小籠包$22 4pcs, 好味皮薄而有彈性,肉汁都多,值口水雞$46 , 夠晒spicy , 不過過了火, 雞都好滑average 之作, 份量係雞上比加雞中翼連尖, 好少好少, 以前菜小食計係ok 份量, 但就要比主菜價錢, 想食多兩款都唔得(半隻雞都係$7x , 半隻脾就4x 好似唔係幾妥當)銀絲卷1pc,我相信係手作既,都唔差酸辣湯$19 一客,係我印象中最好既酸辣湯松鼠桂魚$76 , 一般啦, 我相信係唔夠一條魚同埋好參差, d 魚大細分別幾大, 隔

那天吃晚飯比較早，才六時半，所以沒有預約也可以。八時半走時看見連商場open area的擺檯位置已坐滿食客，還有人在排隊等候。說回食物，開首的冷盤小吃有雞絲粉皮和鎮江肴肉，還算幾好，鴨舌okay，但之後的熱盤則比較差。當天吃了小籠包，包內湯汁很多，但餡只是okay而已。荷葉飯內裡似乎只有蝦米、乾蔥和飯，不知用了什麼汁來炒，只有甜味，沒有荷香。脆皮雞不大新鮮。甜品楊枝甘露不好。其他菜式也很沒心機吃，松鼠桂魚、翅、紅燒元蹄只是淺嚐。服務一般，禮貌是足夠，但醒目欠奉。裝修有誠意。

小籠包並非很好, 只算中上, 其他d食物真係唔得, 尤其係荷葉飯簡直不知所謂, 荷葉包無料抄飯就算. 茶芥要$9位. 我一家人肯定唔會再去. 服務反而幾好.

担担麵$25﹕麵不會過淋，湯底濃郁，但若再多些花生粒就更好!焗缽仔芋汁菠菜$48﹕這配搭不錯，另可選擇有或無臘肉。另外，環境及服務方面都屬高質素。

又再次幫襯, 因為菜式方面都幾細碟, 所以2 個人食都可叫多幾碟. 但亦因為咁就好容易出現眼闊肚窄的情況, 加上我同男友屬於細食, 結果… 先叫了麻辣担担麵(好似係$25) , 一盎酸辣湯, 小籠包($22/4只) , 糖醋小排骨(小食$38) , 醬汁鴨舌(小食$48) . 食食下, 覺得男友可能唔夠飽, 再叫了一碗咸肉菜飯($18) 及奶皇卷($20/4件) 作甜品. (其實想叫擂沙湯圓, 但係太多啦, 有6 件).麻辣担担麵(份量真係幾細) -- 認真麻辣, 但唔會令你嘅舌頭麻痺o左而食唔到其他味道, 但如果食o左麻辣担担麵才飲酸辣湯的話, 感覺唔到有辣味, 只有酸. 麵幾爽口兼有咬口. 但個湯唔夠濃, 而且唔係太多肉碎及炸菜粒. 暫時我同男友都認為滬揚川上海料理的担担麵“正”d .酸辣湯–清了口中的麻辣, 再飲湯, 覺得都係酸多過辣, 但唔會酸到頂唔緊. 湯料好足, 有好多蝦, 木耳, 豆腐, …等等. 味道一般.小籠包-- 皮薄餡靚有肉汁, 但肉汁唔多(上一次食飯見到隔離枱嘅小籠包係脹卜卜, 好似好多湯) . ok 啦, 好過滄浪庭京川滬料理.糖醋小排骨

今次係阿媽帶路, 話介紹我食好野, 下午茶時間2pm開始做八折喎可能平日關係, 唔駛點等, 入到去.....嘩!!!好鬼靚喎, 呢間真係可能係屯門少有咁正的裝修.......有個下午茶餐$32有小食二件(蘿蔔絲酥餅,小籠包, 紅油炒手,千層峄等) 麵食一碗(麻辣担担麵, 乾蒠撈麵, 粗炒等) 加飲品(豆漿,汽水or免茶) 蘿蔔絲酥餅個酥皮好正, 好鬆化但係鬆過頭, 好易夾到難晒.....味道調得好但個料唔夠多, 小籠包, 阿媽話呢個好過金滬庭,見佢小籠包入面脹卜卜, 好似好多湯咁, size都ok,唔錯!麻辣担担麵認真麻辣, 辣得來又唔會令你食唔到其他味道, 麵有咬口, 湯都飲埋, good啊呀! 乾蒠撈麵話係招牌貨, 嘩!!有好多乾蔥好香好香, 個sauce都唔錯, 似係蠔油汁, 但無咩料, 佢話係手拉麵, 但食落都知唔係啦! 但味道都好正service都唔錯, waiter醒目, 店子又漂亮,食完重送左張八折咭下次用, very good, 可以encore