浪．居酒屋 (已結業)

今日我地去左登龍街搵食，登龍街一向都好多不同餐廳，今日我地去左金朝陽中心1樓「浪·居酒屋」食Lunch 。一踏入門口，已經深深被裝潢吸引住，天花掛有不同顏色的紙傘和紙燈籠，勁有和風居酒屋Feel ，再一路走進餐廳，另一邊天花掛滿串燈，串燈襯托櫻花樹下，好浪漫，感覺置身於日本，打卡一流。浪之御膳盒吉列黑豚豬扒和食盒套餐附送小食三貫、壽司卷及湯小食三貫有沙律菜、帶子裙邊、枝豆吉列黑豚豬扒粉漿厚薄適中，外層炸列脆卜卜，入口鬆脆 ， 黑豚的油脂和肉汁都很豐富，送飯一流。特上三色海鮮丼三色刺身有三文魚、吞拿魚、油甘魚，刺身新鮮，而且飯粒飽滿，口感柔軟。

新年放幾日假繼續要食好野，今次我地就揀咗係銅鑼灣食日本野🇯🇵睇IG知道佢地新春期間都照常營業😳一出lift見到好有日本feel，枱頭望天花有好多日本紙傘再行前D成條走廊都係金碧輝煌嘅吊燈，夠哂Grand仲有櫻花樹、鼓做裝飾，真係放咗落足心思👍🏻🥢食物🥢套餐附送小食三貫及麵豉湯。1️⃣一鍋一燒（精品海鮮鍋）$298: 鐵板燒🐮日本和牛及🐷黑豚肉拼盤、南瓜 🎃 蕃薯🍠將牛脂塗好鐵鍋內，將日本和牛輕輕一煎一入口已經爆發油脂及有溶化感！豚肉有嚼勁，肉味夠香濃。之後就可以打邊爐啦🍲店員會先落蔬菜及豆腐湯底有2款選擇，我點了自家製雞白湯，湯底呈奶白色，入口有好香清甜雞味😋海鮮盤有蝦、翡翠螺、帆立貝，材料夠新鮮，再吸埋湯汁真係超正啊😍2️⃣浪之御膳盒（海鮮丼和食盒）$148: 好鍾意一個盒樣樣都有啲🤩大蝦，深海池魚，帶子，蟹籽飯，刺身夠鮮甜👍🏻再配三文魚、雞蛋青瓜壽司，旁邊有沙津、帶子裙邊及枝豆。壽司盤：深海池魚肉質夠清爽、鯛魚肉質細嫩鮮味；再配厚切三文魚及甜蝦刺身。

年初三赤口冇去拜年，就同女朋友去咗銅鑼灣行街同睇Slam Dunk。新年有好多餐廳都冇開，我哋行咗去登龍街搵食，竟然發現金朝陽一樓間浪居酒屋竟然有開。更加估唔到嘅係佢冇加價之餘，仲提供午市套餐，午餐選擇繁多，我諗超過三、四十款，價錢就由$98起，喺銅鑼灣來講其實算OK。午餐用便當盒裝住，每盒都有三款前菜以及壽司刺身卷物，老實講真係超豐富。美國和牛鍋 $268佢係一燒一鍋，意指先食鐵板燒，再食鍋物。碟中左手邊嘅係日本和牛同黑豚肉，佢哋同埋南瓜蕃薯係用嚟燒烤；而另一邊就係美國和牛用嚟打邊爐。鐵鍋先用脂肪預熱，然後放上肉，好快就燒熟食得。兩款肉油脂都重，食落好Juicy。食完燒肉之後，店員主動幫忙加湯，我哋要咗壽喜燒湯，湯頭幾正喎，甜甜鹹鹹，唔會過重口味，而且個鍋仲好保溫。美國和牛片脂肪分佈均匀，唔係低質肥牛。另外仲有兜蔬菜，入面有金菇同娃娃菜等，全部都好索味，但食完就覺得好似爭隻雞蛋咁，哈哈。鍋物配以刺身兩點拼壽司兩貫，三文魚刺身係厚切，質素唔錯喎。另外仲有兩款壽司同卷物，加州卷抵讚，因為蟹籽脆卜卜，爆曬漿。三款前菜分別係枝豆、麻醬沙律同埋帆立貝裙邊，佢哋全部夾夾埋埋令到午餐好繽紛！厚燒美

餐廳環境可以，食味都過得去，最搞笑係壽喜燒有魚蛋。服務無乜等上菜等到暈，可能過年無人又無食材。最反感係有優惠卷去到先話新年唔可以用。如果真係新年特別節日唔可以用係唔係要標明呢？overall 我就覺得偏貴。無物超所值。應該唔會再去。

環境：餐廳裝修好靚，為咗靚嘅裝修入咗嚟，因為唔需要晏晝食飯排隊，又有靚嘅餐廳環境，佢背景音樂幾好聽。服務：茶餐廳服務，出餐速度比較慢，雖然可能燒鰻魚需要耐啲時間，但係隔離食完落我都未有得食。食物： 普通，食完有啲肚餓，叫咗午市鰻魚便當- 鰻魚偏鹹，前菜一般，魚生要新鮮啲我先會敢食。值得一題：跟餐烏冬好好味，食完個湯都仍然熱，有出煙。天婦羅便當嘅天婦羅都係一半，特別係個蝦唔新鮮。總結：應該附近有更多選擇，唔會再返嚟。

夜晚9點入座，11點閂但已經話冇放題冇set，叫a la carteok fine, 要咗份特級刺身，壽喜燒，天婦羅，串燒同埋d小食味道：好似食緊和民 (刺身厚切，但味道唔算突出，冇特別，零驚喜； 壽喜燒d和牛油脂分佈唔均勻，入口冇和牛油香味，似食緊本地肥牛送極上刀工，因薄到一夾起差d俾冷氣吹走，$400一份加埋50g牛都唔知有冇)環境：寬敞，舒適，但唔似居酒屋，似裝修咗行高檔路線嘅和民服務：似茶餐廳總結：好似喺高檔少少嘅地方用三倍價錢食咗個和民，食物零驚喜，性價比低

星期三晚餐兩個人嘅gathering，「浪·居酒屋」俾到驚喜我。環境地段好好，係喺mid town 一樓，乾淨寬敞，好彩今晚唔係好多人。餐廳有正常menu及任食menu。任食menu係90分鐘任食，我見到有三個選擇，超多嘢食。因為8點先開始食飯，所以費事食太飽，最後就冇揀到食放題，就咁喺menu度揀啲特色嘅嘢食。整體嚟講，服務好，食物好，值得嚟試。放題menu，超多選擇，但會太飽，所以冇揀到，下次有心理準備好先再嚟試。呢啲係套餐menu，都好吸引。芥末牛舌龍蝦蟹子沙律，個樣靚又超好味。Nami卷，又係整得好靚又好味。和牛蛋黃飯，正！燒牛舌明太子烏冬，超好食。中間發生咗小插曲，服務員落錯單，嚟咗個炒烏冬，又誤會我哋講錯。但服務員好好，即刻幫我哋換，因為我哋好想食呢個，所以指住餐牌張相話想要呢個。嚟到真係好好食，同埋多謝服務員幫我哋改番，呢間餐廳真係好好。價錢非常合理。一定會再幫襯。

朋友知道我鐘意食日本菜特別於銅鑼灣預訂一間日式居酒屋和我慶祝生日居酒屋天花的一串串LED燈非常吸睛，就像一片星空，感覺很浪漫還有一棵樱花🌸啱晒打卡餐廳除咗裝潢有特式，食物味道亦不錯我哋3個人點咗🔸日本豚肉鍋（豆乳湯）（$238）雖然價錢要$200以上但份量搭夠，豚肉鍋套餐已包括沙律、茶碗蒸、餃子、魚蛋、野菜及烏冬，份量足夠我哋三人吃🔸雜錦天婦羅 - 賣相非常靚、味道很好嘅雜錦天婦羅，有冬菇、大蝦、蕃薯、南瓜…🔸炸日本小權淮山魚餅和軟殼蟹牛油果卷 - 魚餅和軟殼蟹炸得香口惹味整體來講，食物和環境非常高質。服務員也非常專業，落力推介菜式和不停加水。浪．居酒屋 (銅鑼灣)銅鑼灣登龍街1-29號金朝陽中心2期Midtown1

朋友介紹浪居酒屋有一個性價比相當高的一鍋二燒晚市二人套餐，今晚一於和好友試吓。店子光潔明亮，寬敞舒適，天花垂下一串串的 Led燈，頗有繾綣星光下的感覺，很美！一鍋二燒頂級和牛二人套餐$788~套餐附送前菜九品御付~賣相精緻，顏色配搭極為吸晴。前菜有酸薑， 胡麻醬沙律菜車厘茄， 醃青瓜蘿蔔，枝豆， 玉子蛋， 龍蝦蟹籽沙律， 芝麻醋飯，葱吞拿魚蓉。紫菜可自由配搭龍蝦蟹子沙律和蔥吞拿魚蓉加醋飯，其他前菜也十分開胃滋味。🔶️一燒鐵板燒~ 🔸️A5鹿兒島和牛牛肩🔸️A4和牛肩里肌🔸️日本黑豚肉🔸️南瓜，蕃薯A4和牛肩里肌~軟嫩多汁，脂肪比例平均。A5鹿兒島和牛牛肩~肉質嫩滑，牛味十分香濃，很美味。日本黑豚肉~肉甘香，細嫩而多汁，沒有油膩感。🔶️二燒涮涮鍋+$100精選鮑魚海鮮拼盤 ~有大蜆，鮑魚，扇貝，翡翠螺和蝦。其他配料有爽口魚蛋，自家製餃子，日本稻庭烏冬，嫩滑豆腐和日本進口時蔬。以金菇菜，黄牙白，冬菇，日本菇和豆腐加入自家製清雞湯，豆腐滑嫩，菜蔬新鮮清甜，稻庭烏冬索滿湯汁很好味。大蜆肉嫩鮮甜，蝦爽彈，扇貝爽滑彈牙，很不錯。甜品~ 糯米糍煙韌彈牙， 加了士多啤梨醬，酸酸甜甜，頗特別。

2022.09.29 lunch 放半日，揀咗嚟銅鑼灣睇戲，所以都揀銅鑼灣食🤪 有得試吓新嘢，通常係Openrice 我都揀咗有得訂位嘅餐廳先，今次訂位優惠係七折，仲要午餐餐牌都有，實在太優惠了😃 入到去，環境都唔錯，餐廳亦好好，有睇我訂枱時嘅要求，安排咗一張比較獨立嘅枱，好開心😃 安坐好，慢慢揀，決定一個要”和食丼”(牛肉生薑燒丼)，一個就要’浪之御膳’(銀雪魚西京燒定食-可揀跟迷你烏冬或飯)，怕食唔到咁多，話晒每個餐都有湯同茶碗蒸，而個御膳就再有三個小前菜，同三件剌身或壽司。啲嘢都嚟得幾快，所以又是食得少少趕，怕熱嘅主食凍晒，終於個湯同茶碗蒸係最後先食，暖晒😆 所有食物都正常味道，唔係會食完嘩個隻😝 但七折咗，加埋咁嘅環境真係抵咗嘅😄牛肉生薑燒丼，唔算有牛味，同埋唔算好夠汁，但係瘦牛，我倆都鐘意，味道都ok嘅。浪之御膳-銀雪魚西京燒定食，女友揀迷你腐皮烏冬，🍣，已好耐冇食生嘢，破例食一次😝

今晚過嚟銅鑼灣呢邊，想同朋友食好西，大家傾好咗想搵特別高質燒肉店，於是見到呢間幾特別嘅🐮🐮店。首先講裝修，環境真係好靚，滿天嘅燈吊落黎好浪漫，如果係同男朋友會更加浪漫😂😂食個氣氛環境都幾好。都點餐環節，見到有個set叫「一石二燒」$788，即係可以燒肉又可以揀涮涮鍋或者壽喜燒，真係滿足兩個願望！首先係前菜九品，有龍蝦沙律、吞拿魚蓉，支豆，飯，紫菜，包埋一舊好好食，好食到份量唔係太夠🤣🤣其次係燒肉，A4和牛厚度岩岩好，輕輕燒燒就已經OK，同埋本身牛肉已經醃好，但係又保留到原汁原味，冇影響到牛肉本身嘅牛味，而豚肉都係好Juicy ，好正。之後就到壽喜燒，有雞蛋、日本菇菜同埋薄切牛肉，滾到禁上下熄爐再打蛋，放入牛肉，再等等，口感就非常好，又稔又滑，油脂均勻，好好味。最後仲送咗個甜品，係日式嘅丸子串，煙煙韌韌都唔錯，總括嚟講呢餐都幾滿意。

今日約了朋友談心傾偈 搵咗間銅鑼灣日式餐廳 《浪。居酒屋》金朝陽一樓 入口非常鮮明 好易搵到裝修非常漂亮 座位又坐得舒服-～餐牌相對簡單，主打係一鍋二燒 or 一鍋三燒🥘我哋兩個不算太肚餓，要了一個一鍋二燒🍱九宮格式前菜: 一鍋二燒套餐單單前菜都非常之靚. 分別有九種唔同前菜配料有沙律,枝豆,拖羅蓉 等等，仲有紫菜可以自製手卷😆最愛係蟹子龍蝦沙律😜食完個前菜之後就到主食～1️⃣第一燒-鐵板燒: 主要以精選和牛為主,包括:鹿兒島A5和牛牛肩,A4和牛里脊同日本黑豚肉~仲有配菜 南瓜同番薯🤩呢度侍應好好，主動幫你燒埋，可以攤大手板做個懶人😆😆😆肉質非常鮮嫩好食 ~ 連醬料都唔使落添！食完鐵板燒之後就食壽喜燒~2️⃣第二燒-壽喜燒: 都係用上和牛，不過係唔同部位~ 包括有A5鹿兒島和牛三角腩同A4牛臀肉以及洋蔥同菇類等 輕輕將牛肉放進壽喜燒幾秒，有鹹香得來亦都食到牛肉嘅嫩滑～真係有入口即溶嘅感覺！！食完之後就係食甜品，今日甜品係和菓子🍡再加上荔枝蜜，非常甜美嘅句號💯食完之後就係食甜品，今日甜品係和菓子🍡再加上荔枝蜜，非常甜美嘅句號💯

一進入餐廳就有一種身臨其境嘅感覺屋頂掛滿星星🌟吊燈令人心情十分愉快☺️今次餐廳安排咗我們係櫻花🌸樹下食嘢本身呢間店已經好有日本居酒屋🏮feel再加上櫻花樹同閃亮亮的吊燈 更加有情調💗-每次有客戶光臨都聽到擊鼓🥁以表歡迎💗 👏🏻好特別-一鍋二燒頂級和牛二燒餐 $788（兩位用）我地試咗佢地嘅招牌菜一鍋兩燒首先上嚟嘅係前菜九品御付🍱成個前菜擺盤勁精緻✨ 食物亦十分豐富有香蔥吞拿魚蓉、玉子、枝豆、蟹籽龍蝦沙律、珍珠米飯及紫菜等等一共九款材料 可以按照個人喜好自行搭配嚟食我就鍾意用紫菜包成手卷嚟食啦💗不過不得不說佢地嘅食物好新鮮而且好足料 吞拿魚蓉真係食到啖啖肉 😝-食完前菜之後開始第一燒，鐵板燒！👏🏻和牛分別有A4和牛肩里肌、日本黑豚肉 、A5鹿兒島和牛牛肩、南瓜同番薯🍠粉紅色💗的牛肩肉油花好靚牛肉質感軟嫩 牛味十足 真係食到停唔到口💗😝最重要係有職員專門我地燒好晒啲肉對於唔識燒肉嘅朋友 呢個舉動真係好貼心💗💗-食完第一燒後馬上嚟到第二燒，壽喜燒😍套餐包裝A5鹿兒島和牛三角腩😋同A4和牛臀肉☺️職員好細心將配料 包括洋蔥、菇同豆腐等係煲燒出味然後再倒入壽喜燒湯汁煮到差唔到職員就提醒我地可以開始擺

餐廳佈置很有日本傳統居酒屋既feel 不過係櫻花主題🌸 充滿超多既打卡位（笑）叫左最多人會叫既一鍋兩燒 好似最划算先黎一個超精緻既前菜九品 擺得好靚 當中最愛既一定係蟹籽蓉 同吞拿魚腩蓉喇 出奇地蟹籽蓉有少少辣 唔食辣既要留意番頂級和牛油脂味極濃仲有其他配菜 南瓜同埋蘑菇 平衡番油膩感 所以食完都唔會話超滯頂唔著食唔落去 食完燒肉後就轉食壽喜燒 特別一讚係個sauce 甜甜地 好開胃 和牛同樣都perfectly marbled!!! 無得輸呀 仲有豆腐菇等等既配菜 簡直係超滿足 仲好飽添餐廳服務好好 好貼心周到同埋好寬敞 好岩舒服咁傾計

大家愛吃日本菜吧😏～日本料理之中，壽喜燒是我必點的一道菜。最近銅鑼灣的 • 🇯🇵浪居酒屋 •推出一鍋兩燒套餐囉，今晚來試試吧💕～ 餐廳地方寬敞，佔地超廣，可以容納超多客人。在有預先預約的情況下，可以坐在櫻花樹下🌸，超有ғᴇᴇʟ的～ 「 頂級和牛•一鍋兩燒🍲$788/2位 」 套餐包含: 前菜九品、和牛鐵板燒、涮涮鍋或壽喜燒 和 甜品🥰。 前菜有漬物、沙律、玉子燒、毛豆、吞拿魚蓉、三文魚蓉和飯😙，味道不錯。 鐵板燒有A5鹿兒島和牛牛肩、A4和牛肩里肌、日本黑豚肉、蕃薯🍠和南瓜🎃。食物由服務員親自燒，熟度剛好。牛肩軟腍肥美，黑豚肉則較有嚼勁，同樣好吃。 壽喜燒有A5鹿兒島和牛三角腩、A4和牛腎肉、洋蔥🧅、本菇、京蔥、豆腐，份量不多，建議另點烏冬會比較飽肚呀💓～