海傍美食店

營業中

休息中

唔係講笑，呢間嘢嘅魚蛋同糯米糍一定係全長洲最好食，魚蛋有濃郁嘅魚味，仲有六種唔同嘅味道可以選擇（燒汁、柚子、黑椒、咖喱、沙嗲、麻辣）糯米糍係用半個呂宋芒果去整😍😍，食落去非常之鮮甜，全部真材實料，同埋個芒果沙冰好有肉，係用完個芒果去整，乜嘢都冇加，都係$18真係好抵飲。佢有炸雪糕，見到個個小朋友隻手都得兩粒炸雪糕，就知道好好食，有六隻味（雲呢拿、朱古力、芒果、綠茶、芋頭、番薯），外脆內軟，心食💖💖所以如果冇食過呢間嘅人快啲去食💥

Intro: 黎到長洲一定食整番串長洲大魚蛋，咁多年都仲係賣緊10蚊2粒，而呢一次就決定幫襯近最碼頭嘅小食店，人流排隊多，但就係排隊買魷魚同糕點，而買大魚蛋條隊就無乜人～___________________🍽 長洲大魚蛋 - 燒汁💰 10 / 2粒 ⭐️ 6.5/10✍🏻 呢到嘅大魚蛋嘅大小正常，魚蛋頭會尖起幾搞笑；✍🏻 口感真係幾彈牙，味道同坊間普通魚蛋唔同，魚味嘅成份更重；✍🏻 但燒汁真係無咁夾大魚蛋，相信沙嗲汁或者辣汁更惹味。___________________🏠 海傍美食店📍 長洲海傍路30號地下⭐️ 7/10___________________

前文提要，清大假同老婆入嚟長洲宅渡假兩日一夜，先去咗「張保仔洞、鯆魚灣、五行石」兜個大圈，再返嚟大街嘅「餃子冰室」食晏，然後去渡假屋攞房。經過碼頭對開嘅「海傍美食店」，見到有唔少長洲名物「芒果糯米糍」，就建議買返去食，當喺飯後甜品。睇睇凍櫃，有咩口味就見晒，款式唔多，包括芝麻、花生、芒果及榴槤，而芒果就有大個裝及細個裝。店定仲拉埋張宣傳，純粹睇張宣傳，芒果、榴槤糯米糍日日新鮮製造。又加上極品二字，自然睇高一線。所以，都費事多諗，就要呢兩款口味。芒果糯米糍 $12「極品」之名就預咗肯定喺誇大架啦，不過，咬一啖，就失望到極點，底面兩層都厚，皮厚都算喇，啲芒果肉喺酸嘅就無得容忍啦！榴槤糯米糍 $16同樣都喺好厚皮，還好嘅喺啲皮都好煙糯、好軟熟，比起啲芒果，呢粒嘅榴槤餡就真喺好正喇，又香、又綿，榴槤味勁突出。雖然粒榴槤糯米糍拉番唔少分，但都要俾個負評佢，原因之一，喺成張易拉架話「極品」，已經好流啦，其二，芒果唔熟都用嚟整俾客食，差唔多等同於用啲次貨食材，你叫隻炸雞翼食都預佢炸熟架。

今日(25-12-2022 Sun)晏晝,同老公,女友人HJJ一齊去長洲行,由於過咗食晏時間到,老公肚餓,食正餐嘅地方都唔少人,我哋搵小食食住先,行吓行吓,就見到呢間大魚蛋最少人排隊,於是嚟買.我哋邊排隊邊諗定食咩嘢,老公要$10.00有兩粒嘅大魚蛋,我要炸芒果糯米糍,HJJ要$15.00嘅炸燒賣.排咗10分鐘到我哋,呢喥因做唔切而會逐樣俾,首先係大魚蛋,老公等唔切,自己食晒.之後係我嘅炸芒果糯米糍,造型係長條形,食落外熱同脆,而裡面嘅芒果肉都凍冰冰,感覺都幾新鮮嘅.味道:3分最後炸燒賣呢?我哋黐一粒食,唔算好脆口,但本身口感煙韌,唔太差嘅.味道:4分價錢:原來搵勻都唔見炸芒果糯米糍幾錢,老公又唔記得俾咗幾多,我估$20.00.2.8分呢篇食評嘅味道分唔計大魚蛋.題外話:呢喥係冇堂食.

🇭🇰 海傍美食店·炸芒果糯米糍$25最後因為我地食唔到想試既dirty tart 所以就決定試下呢間一落船就見到既炸芒果糯米糍🫢佢聽落真係好吸引嘅 但係我建議大家都係食翻炸雪糕好啲🙊🙊因為芒果糯米糍本身唔係雪既 佢放完入冰櫃炸完之後都係未完全解凍曬既 個糯米皮係變咗碎冰咁 質感有啲怪 之後個芒果都變咗唔甜 所以成個配搭都怪怪地 雖然望落好似好正咁😂😂·📍長洲海傍路30號地下·#rby💛#rbyeat #rby好去處#rby港式 #rby甜品飲品#rby長洲 #rby離島

有一次, 我在這間店旁邊魚蛋店買了一串魚蛋, 吃過後, 我便順手把竹籤放到這家店的垃圾桶,誰知這個小氣的阿伯,大聲叫我把竹籤從他的垃圾桶取回, 連一支竹籤都不給人家放進他的垃圾桶,他的食物也唔好得去怎樣！

📍海傍美食店 💛🏷 大魚蛋 ($10)入到黎長洲點可以唔食大魚蛋呢～呢間應該係長洲唯一一間賣大魚蛋既良心小店‼️見到好多人排佢隔離嗰間🔵店😟 希望大家多多支持返同路人！老實講 呢間啲大魚蛋雖然幾彈牙 但唔係幾入味 因為佢係煮熟咗啲魚蛋再係客人落order個陣先另外加汁既 相信將啲醬汁同魚蛋一齊同煮會好味好多！

黎到長洲住幾日。今日第一日就黎到呢間小店食下小食。食物方面，食左個炸雪糕 (雲呢拿味) ($25/2件)。我覺得偏一般。🙈其實只係將雲呢拿味雪米糍，加左炸粉攞去炸。會用個細紙杯去裝比你食。面頭個雪糕未炸到金黃色，食落個皮吾算脆。而且咬左啖之後，個糯米皮同雪糕係會分離左。食落較油膩，無咩驚喜，甚至有少少失望。食完之後見到杯入面好多油，濾油方面可能做得吾太好。🙏🏻店員態度正常。可能其他野食會好食D。

入長洲食大魚旦同芒果糯米糍係指定動作，咁多間芒果糯米糍店，最就腳一定係碼頭對出呢間小食店☺️☺️ 買來做手信拎返屋企就最方便一次過買咗四舊糯米糍，每舊都大大粒好滿足❤️❤️❤️

入來長洲，當然要品嚐一下大魚旦。叫了兩款味道，沙嗲和麻辣汁。魚旦本身個味道同口感係ok嘅，但個汁係就咁淋上面，所以魚旦係吸收唔到汁嘅味道，而且個汁嘅味道完全唔得，好稀，味道唔正中。

入左長洲過週未，當然唔少得食宵夜，呢間美食店真係不得了本身只點了叉燒腸粉同魚餅粥，兩者都已經不錯了，最後唔夠滿足，再多點一碟蝦米腸粉，佢既蝦米咸香真係正，話咁快清左一碟！

見呢排hit，於是一心諗住入開長洲一定要食佢。去到時係見多人排隊買，所以更加期待，但原來希望愈高失望愈大。咬落唔覺脆，成口粉甘，咬左好大啖都未見有芒果肉。芒果肉份量少。$18一舊真係over priced.

長洲之旅食食食！在入碼頭前嘅呢間店，啲媽咪極推介嘅炸雪榚，店面一啲都唔吸引，比較殘舊及亂！炸雪榚即叫即炸，其實係雪榚糯米糍！有四種味道：呍呢嗱、香芋、芒果、蜜瓜，肥髀喜歡呍呢嗱，好快炸好，用小紙杯盛載，一枝竹籤拮住，其實已經唔熱，外脆內冰凍，雪榚軟滑，雖然只係普通現成雪榚糯米糍，加點心思，口感豐富咗！呢個價錢可以一試！叔叔有啲笑容！動作熟手！對小朋友幾nice!

平日去長洲特別爽因為周圍都無咁多人起碼食野唔駛排隊等位嘛😌今次黎最主要係試依個「炸芒」=炸芒果糯米滋 $20點解會講「炸芒」呢？🤔因為依個製作需時4分鐘所以你落完單之後，老闆會比一個牌仔你上面寫住「炸芒」因為平日無乜人，唔駛點等就食到啦外脆內軟，而且皮唔算好厚外熱內冰，芒果雪到有啲冰咁感覺都幾新鮮芒果都幾甜下次黎長洲唔駛淨係食傳統既芒果糯米滋嚕😜.

剛食左lunch冇耐,又走左去食小食,上網見到呢間的炸芒果糯米糍出名,又係新野,一於試下呀。有炸芒果糯米糍及炸榴槤糯米糍,每樣試一個呀。即叫即炸等食中。炸芒果糯米糍及炸榴槤糯米糍,每個$20。炸芒果糯米糍。好大件呀。趁熱即食,入面是好大粒芒果糯米糍,口感外脆內軟,一冷一熱有層次,糯米糍皮煙煙韌韌,芒果肉份量適中,可借芒果味不夠香呀。炸榴槤糯米糍。比較細件的。口感外脆,外皮雖然微熱,但入面的糯米糍太冰了,要解凍呀,糯米糍裡有好多榴槤肉,味道濃郁,都不俗呀。唔係想像中咁好食,不都幾有創意,可一試呀。