海南仔東南亞美食餐廳

營業中

休息中

經常同朋友係呢到買外賣，我地都覺得性價比高，份量多，味道唔錯，野飲都唔錯，鍾意佢地杯奶茶，但好似無乜人認識呢間小店！希望多d人會幫襯佢地啦今次叫左咖喱牛腩米粉，佢地好好幫我轉做米粉唔洗加錢

D間出名海南雞，試左，真係OK，雞都比較滑，份量又多，油飯又香，估計我可以食到兩碟😂😂😂😂😂😂，同埋服務職員服務態度好，略嫌地方有點窄，否則應該會經常黎食

海南仔 17 March 2020HKD 46, it’s hot, with greenery crunchy green peppers, not sure can i say it al dente 有嚼勁的, stir fry Shahe fen 沙河粉 河粉with lean sliced chicken. Yum, fresh, which i always describes their pthe chef is bona fide 有誠意的 i mean to describe their prowess and heart.

  晚上6點幾行過，係門口睇過餐牌覺得唔錯，就決定揀呢間食晚餐，一入到門口見到只有2-3枱客，坐底睇一睇餐牌見到有好多不同類型既選擇，但最後都係揀咗食小菜套餐，叫咗個茄子班腩同椒鹽鮮魷。等緊上菜既時候陸續有好多人入黎，因為餐廳環境比較細，所以好快就已經坐滿哂了。  小菜套餐包括例湯、白飯、飲料，所有小菜即叫即炒，但都唔會話要等好耐。椒鹽鮮魷好脆，炸分又唔會好多，魷魚咬落唔會韌，比得上大排檔水準。茄子班腩個味唔錯，茄子入味，但班腩就唔太好食，下次都唔會叫班腩。

又來大埔搵食了，原本想去食餃子，但去到發現餐廳無開，望到對面有呢間小店，就即管試下啦。餐廳面積比較細，主要做街坊生意，入面每個客都同店員好熟，雖然我去嘅時候已經兩點，但餐廳仍然差唔多坐滿。顧名思義，呢度主打東南亞食物，星馬越泰都有，但亦有提供中餐，夠晒多選擇。午餐大約四十蚊送湯及飲品，非常抵食。落單後店員好快送上例湯，今日係青紅蘿蔔豬骨湯，湯煲得好出味，蘿蔔亦好淋，比一般茶餐廳嘅例湯好飲。今日食咖喱牛腩飯，咖喱汁微辣，送飯一流，唔夠汁的話可以問店員加，牛腩煮得夠淋入味，份量都幾多，可惜薯仔只有一大舊，亦煮得唔夠淋，食左幾啖就要放棄了。

再次大埔介紹~~ 其實同事都好有心去食好嘢，所以推介我去吃一間小店！午市我們也怕沒有位置，因為店子小小...只好爭取最好的時間前去哦~~ 店內位置的確有限，我們一行3人坐在中間的圓枱。 午餐選擇不算很多，但大家其實可以睇餐牌選擇，可惜當日店員沒有給我們餐牌。 我們三人分別叫了洋蕙雞排腸仔飯，豉椒牛肉炒河和京都肉排飯。洋蕙雞排腸仔飯~~朋友評價：雞排不會很老，而且汁易入口唔會好鹹！！所以正常飯餐不太特別的選擇！ 豉椒牛肉炒河~~我的午餐！的確有鑊氣！ 而且牛肉煮得剛剛好，如果汁多少少會比較好！但個汁和河粉是配合的！ 京都肉排飯~~我當然有偷來吃！是有水準之作！帶點甜甜酸酸~~我朋友是味精測試完~事後也證明不加味精！ 大埔小店很多，也有很多是有心的，當然也需要撞運氣！因為我們走的時候~店肉已經坐滿人了！______________________________歡迎邀稿/合作試用/出席活動:To Connect On:Email: mingproduce@gmail.comMore Reviews on:L. Ming FB: https://www.faceb

大埔一向多好野食，而係鐵路博物館附近都有間叫「海南仔」既街坊食堂。入面店面小，繁忙時間一定好多人，但老闆都做外賣。平時我地通常叫外賣，今日我地就第一次dine in。當日正值下午茶時間，但店員提醒，午餐都仲可以order。我叫左一個雪菜肉絲米粉，配飲品只係$31，最重要份量夠！我呢d大食既人都食得飽！男友則點左雞扒腸仔飯配黑椒汁。本來個飯係配火腿，但侍應姐姐都願意換腸仔呢d就係人情味！值得一讚既係我要求凍華田少冰，姐姐真係有幫我少冰！而且華田味濃，無偷工減料。抵讚埋單加兩杯凍飲只係$66，真係要多多支持呢種小店

路過見到新開小店，就入去試一試先！鋪頭唔算大，一眼望晒但勝在兩旁有二人卡座。另外中間有幾張小圓枱，如果坐圓枱就要有心理準備背脊有機會被行過嘅人碰到。新開張營運模式有啲亂。阿姨落單要慢慢寫，要耐心等候一下。雖然店名叫海南仔，除咗有海南雞之外，仲有咖哩，喇沙，西餐，中式小炒。🔻🔻🔻🔻是日點選🔻🔻🔻🔻$42 - 金牌焗豬扒飯 (飯唔會太乾，肉亦算厚)$56 - 雞扒拼豬扒餐wif蒜茸汁（轉碟上）個飯好熱2個餐都送半塊牛油多士（薄薄的）跟扒餐嘅羅宋湯餐飲（咖啡唔夠熱，幾難飲下）埋單$98

而家大埔墟好似越開越多食肆，唔知係唔係因為附近屋苑入伙呢？今晚諗住試下新野，就走左過黎呢間門面都幾靚既海南仔。見佢喺三角公園開左，試業左幾個月，加左一次價，而家先叫做新開張，門口幾個花牌，個價就比試業既時候高左。海南雞叫餐份量唔多，有幾個人食既可以考慮叫半隻，話明係招牌，食落係幾滑，味唔太濃，醬汁就無乜誠意，現成。其他野不過不失，唔係特別難食，又唔會特別好食點左咖哩，轉左個飯做薄餅，好唔抵，薄餅上碟既時侯好唔開心舖面少位窄，除左雞無乜特別，平日食飯都可以考慮既，但唔會係首選。

員工服務態度很好，但嘢食就…叫咗個肥牛喇沙，d肥牛試想像一下每塊有五分四都係肥膏，肉酸到我相都唔敢影，會係幾難食…我未試過食剩肥牛的，唯獨呢次…另外，個扎肉撈朦，個朦粉暖嘅？口感又冧…得個扎肉好味…其實，新開張做街坊生意，不妨俾d心機，我會俾多一次機會試，希望下次係正評你地，因為，我個人好鐘意食越南嘢，唔好再令我失望吧！