海南

營業中

休息中

話說今日成班fd去西環行街，行到西營盤，汗流浹背，諗住是但揾間餐廳食個lunch，抖下。但估唔到d餐廳多到揀唔到。最後決定試試我一向鍾意食嘅海南雞，邀請朋友試下海南菜。係門口見到d 相，口水都流埋。坐底叫左個海南雞飯，諗住越普通嘅菜越可以試出間店嘅水平。點知！雞滑得黎，雞皮底下肥膏唔多，肉質完全唔似我之前係出面食個d咁，呢間d雞嫩得黎仲有小小彈牙。個飯更加出乎意料，出面d飯唔係太乾，就油lumlum，但呢間d飯竟然balance到個適度同味度，水、飯、油嘅ratio整得岩岩好。見咁好食，諗住一碟一定唔夠，打算食完再叫。點知！份量多到我信，差d食唔曬，最後食到lamlam 利。極度推介卑鍾意食海南雞嘅朋友。

好耐冇食咁滑嘅海南雞了😋😋滑嫩得嚟唔油膩 🤤🤤跟餐嘅沙津望落普通但都冇令人失望碗冬瓜湯同油飯更係一絕價錢公道又服務又好 附近都搵唔到性價比咁高的雞了強烈向大家推薦呢間海南雞

得閒兜過見到 見到就行左入去試下新野 係好食的海南雞❤️分量都足夠 服務唔錯 店員算nice 比想像中好好多 雖然舖仔細細 但係都算質素高 最緊要係價錢適中 抵呀 有機會一定會返黎食多次

2019年4月6日。無野做就出去西營盤行下。行行下見呢間幾特別。就同朋友入左去食。入到去都幾特別，好感受到係小生意既感覺。但睇得出有心去經營。坐低就叫野食，佢名叫海南。點都要試下佢個海南雞朋友就食紅燒狀元蹄。兩樣野都睇落幾好，最好既係佢有啲菜～由於雞同豬比我選擇，我一定會選擇雞。所以我覺得海南雞吸引好多！而且夠滑，有岩岩好熟既感覺。技術一流！由於比個雞比下去左。個豬我就覺得一般。都好食既，但我更推薦佢個海南雞。

海南雞飯係我至愛，平日要走入西貢先食到，但依家係西環都有間話說係peak season日子，成日要係公司叫外賣，亦因為咁先食到「海南」～第一次叫只係叫餐～已經覺得啲雞好滑好嫩～之後我地再叫就決定叫成隻雞因為咁先食到肶位～～無骨、肥美、嫩滑，真係想食完一次又一次而且服務非常好，我地係叫外賣app，但落完單先發現漏左一份...即打去問老闆可唔可以加單，最多想方法比返佢，點知佢只答話餐照比，之後先再諗點交收啲錢啦～說到尾再聯絡店員，佢話因為我地張單都算大，所以應該比返優惠我地，所以個餐係免費嫁老闆真係好好人吖～多謝你盡心嘅服務～佢地黎緊金鐘亦有分店～暫時只供外賣app送餐服務支持支持～～

見今日天陰陰，係樓下見到就入去試下，食左50幾，本身冇乜期待，點知味道竟然超水準，肉質鮮嫩口感一流，雖然服務未算周到，但呢個價位同地區黎講，算係咁。雖然唔關事，但食完出黎個天仲變晴。

呢間餐廳已經唔係第一次叫外賣，之前已經覺得佢好好食，令我有衝動為佢寫個食評係佢地既服務🥰話說我同事係公司叫外賣公司，落單後先發現落少左個飯，可惜個apps唔比我地加單😞我地唯有試下直接加去餐廳求助，呢刻先發現人間有情，餐廳即時為我地送多個飯黎，仲送完之後先商討付款方法，真心遇到好人🥰大家都知係公司忙到甩肺冇飯食好慘架嘛！我地叫左一隻海南雞，我偏向鍾意食雞胸，呢到連雞胸都滑一滑，好味道另加$15(apps價錢)有個油飯，有蒜香味，唔覺意就食晒成碗🤣仲有3個醬，個人喜好薑蓉！公司叫外賣又多個選擇！

最近join咗個church group activity，一個星期要過來西半山一次。係呢區附近有好多餐廳，都多選擇，不過一係價錢貴到死，一係就食一次就唔想再番去幫襯。上個月返完個group之後，同個friend行下行下吡我地見到呢間餐廳，應該係最近新開嘅，位置係條街入少少，係大家都知嘅快餐廳對面馬路，橫掂都要食飯一於入去試吓。好奇怪，佢哋得三樣嘢賣，咁都得😅? 我揀去骨海南雞，個friend就叫咗紅燒元蹄套餐，晚餐五十幾蚊，可以接受。講番味道，真係有驚喜，我嘅至愛海南雞已經去咗骨(啱成日要保持食相的我)，好有雞味、好滑，跟來嘅三色醬超正，我後來再要多一碟醬(😅唔好意思)，我吡98分，因為雞嘅份量唔算多，我就啱啱好。我吡個friend試，佢都話好Okay，不過佢好似鍾意佢嘅元蹄多啲。見到堂食人唔算多，不過好多外賣，樓面waiter雖然都冇時間招呼我地，不過都有問我地要唔要加湯，值得讚一讚！整體來講，地方乾淨企理，唔迫，嘢好食，價錢合理，係呢區有咁質素，確係驚喜，我一定會帶其他朋友嚟試。

見他們剛開張，某天下午試了他們的海南雞飯。吃時沒有覺得怎樣。店裡空間闊落，隱約可以看見廚房裡的狀況有人在洗碗。但看不到廚房環境環境如何。當初並沒有對食物抱有太大偏見，就是雞肉感覺一般，雞皮的脂肪比較很厚，飯方面也比較硬，油香不算明顯。但當天用膳後突然因不明原因發燒。後來更有一點肚瀉的跡象，懷疑是進食它們店的海南雞飯後的反應。不肯定是否因為它們處理食材的衛生欠佳所導致。雖不能確定兩者是否有關，但就這個體驗已經讓我決定一定不會回來了。海南雞飯味道上整體也比較一般。

前幾天我同大少經過第1街，我都已經想試呢一間海南雞飯。今日終於有機會。呢間鋪頭，餐牌款式唔多得，三個選擇，就係海南雞，豬手同埋另一款餸，不過我唔記得係乜。午餐亦唔貴，一個海南雞套餐有飯，有雞，有湯都只係$53。加多$10可以加大個餸。大少同我各自叫左一個海南雞套餐，大少嗰個就加大$10。我𠹭碟雞煮到啱啱好，不過大少碟雞就嫩滑咗d，大少有個玻璃肚，所以雖然加大左，但係有一半都唔敢食。個雞飯真係食到有蒜頭去煮，啲飯仲有蒜蓉嘅皮響度。其實呢間鋪頭啲雞嘅味道真係唔差，啲飯又好食，只不過係啲雞太過嫰滑，略為遜色。