海幸壽司 (已結業)

諗唔到呢頭有甘好食嘅鰻魚飯😋上次去開紅碪順便食埋晚飯見到呢條街有好多餐廳，而且都幾有特色見到呢間日本餐廳都幾吸引，就去試了鋪頭唔大，位置有十幾個左右，幾乾淨餐單選擇都幾多，有海鮮丼飯，鰻魚飯，串連燒.....我地揀佐一個鰻魚飯同一個海鮮丼套飯🍱🍣🍤海鮮丼飯+沙律，燉蛋，刺身呢個海鮮丼飯有齊三文魚，油甘魚，帶子，甘蝦，吞拿魚，章紅魚，蟹柳，三文魚子，海鮮好新鮮而且size都唔細，夠曬肥美，魚脂豐富，好香😋醋飯粒粒分明，齊食飯都可以，呢個食得過😏沙律，燉蛋，刺身係要另加$50，分量都算多，沙律爽口又新鮮，刺身都係好鮮甜，燉蛋我就麻麻，唔夠香滑🙃鰻魚飯，條鰻魚燒到好香，魚肉好厚身,整個飯都有鰻魚嘅油脂，每一口飯都好香口，鰻魚又夠曬嫩滑，不過分量不算大，我都唔夠食😂一定要加個小食🥱

外賣咗個幸壽司定食 勁細舊 醋飯又完全唔過關 勁軟爛 9件細細舊118 同事order咗個吉列豬扒烏冬嘩 我係未見過咁細舊嘅吉列豬扒跟住仲要麵湯唔分開麵豉湯又得死鹹味 我個同事直言好難食勁伏……

到左晚上食飯時間，知道勝利道多日本野，一早已經諗定係度慢慢揀。雖然疫情仲未過去，但呢度嘅日本餐廳生意都冇乜受影響，一樣要等位，見到海幸呢一間咁啱有位，而家外面睇落好似幾吸引，好有日本風味，同埋見餐廳而家做緊九折，就入左去一試。環境：入到去餐廳環境唔錯，一樣貫徹外面裝修 有日本風味，如果唔計疫情下要隔開嘅話，坐滿可容納30人左右。餐廳地方未至於好大，但勝在枱與枱之間空間充足，坐得幾舒服。食物：甲羅燒：味道唔錯，每一啖都有蟹肉蟹膏嘅味道 ，加少少檸檬汁令個味道更加有層次，中和左蟹膏嘅肥膩感，另外勝在即叫即燒，新鮮拎出嚟食特別好食。海膽魚子軍艦：本身想叫海膽魚子卷，誤打誤撞嗌錯咗軍艦，但係嚟到幾有驚喜，海膽嘅份量比正常多，加上成舊軍艦好新鮮，食落去海膽嘅味道充斥成個味蕾，配合埋魚子嘅新鮮同埋飯嘅綿綿質感，呢個感覺普通日本餐廳未必畀到你，去到絕對可以一試。p.s. 好食到都唔記得影相🤣溫泉蛋天婦羅：賣相十分精緻，但講真味道一般，只係一嚿普通嘅蛋加一層脆皮嘅外殼，雖然有提供鹽做調味，但感覺味道較淡，但溫泉蛋嚟講都做得幾滑，鍾意食溫泉蛋嘅都不妨一試。牛油果軟殼蟹卷：份量比想像中多，食落軟殼蟹好脆口

叫左個海壽司set, 同埋一個赤身壽司，奉送嘅前菜係大根 含め煮，多年前到訪此店，前菜都係冇變，但感覺上前菜比之前好，印象中之前嘅大根 含め煮，苦味頗重，有揸，今次個だし汁底做得好羅白冇渣，唔錯。平目壽司望落去係尾位有d干身，但入口都ok，感覺上切得厚左小小，同醋飯有d唔平衡。縞鯵脂肪量足，唔錯。赤身用剝片切法，食落去幾乎唔使咬，唯一美中不足就係師傅解凍完即serve，當天雪櫃冇赤身師傅係特登解凍，如果材料櫃有赤身可以一試。食落去需然冇冰但個溫差令人感覺唔太好。厚燒玉子係私伙野，但質素幾好，甜味夠，亦唔干身，不錯吃。

喺何文田食飯撞正luncH hour周圍都係人，見到呢間相對上唔駛等咁耐，就諗住去試吓。叫咗個魚生飯，有吞拿魚、三文魚同埋甜蝦。吞拿魚啲肉可以甩咗一條條咁，食落口冇咩香味，好似唔係太新鮮。三文魚都差唔多，冇乜魚味。甜蝦就正正常常，不過得壹隻。Wasabi唔係一pat pat嗰啲，諗住應該質素Ok，點知用咗成一大舊，都仲係冇辣味朋友叫咗個鐵板安格斯牛扒餐，點知仲衰過魚生飯。塊牛扒仔好明顯係cheap野，冇乜牛味得來又好林，冇下次Lunch來講價錢都唔平，一個68，一個88蚊，我唔係期望呢種質素

呢間舖頭喺勝利道已經好多年，如果我哋喺附近學嘢，就會揸車嚟呢度食飯，不過都要睇吓好唔好彩有冇車位。午市呢度係好抵食嘅，小朋友最鍾意食佢嘅薄燒牛肉飯、日式牛肉烏冬，湯頭清甜，其實好啱小朋友食，仲有個滑滑蒸燉蛋，見到好多小朋友都係同爸爸媽媽嚟呢度食嘢。大人叫一個魚生海鮮飯，魚生十分新鮮，幾十蚊一個定食有湯同前菜其實唔貴，對比起中環，閒閒地一個普通刺身飯都要$100。服務其實不過不失，小小店舖當然不會有大酒店的服務，每次小朋友嚟都會分開送清水給小朋友，送熱茶給大人。我喜歡這裏小小的，很悠閑的感覺。附近最近忽然開了很多日式大碗飯的店舖，愈來愈多選擇，但我始終喜歡到這間，有一種暖暖的感覺。

晚市8點後入座，都唔係全滿。嗌左幾件壽司同其他嘢食，餓住呆等左35分鐘催左3次先上壽司，食完壽司個煱燒烏冬要等45分鐘先上。真係食到冇曬心機，以後唔會再幫襯...

看店舖外觀我以為消費都蠻高，原來午膳價錢都是$58起，免收加一，外賣還有9折。當時午膳時間已經人頭湧湧，幸好我一個人就可以即時有位了。我叫了一個「自家豬軟骨定食」，味道有一點點辣，感覺相當不錯👍🏻

今日我肥仔就試咗勝利道呢間日本野。中午的時分很多人排隊。佢有熟食同刺身，但係我諗住既然係港式日本野，我都係食返熟食穩陣啲12點幾去到嘅時候都幾乎無位喇同事叫咗呢個燒雞飯。不過不失另外一位女仔同事，就叫左呢個豚肉生姜飯！臀肉嘅份量都唔少，但係肥肉超級多。所以我同事幾乎搞咗一半以上嘅肥肉出嚟！所以對於嗰啲唔鍾意食肥肉嘅女仔，呢個飯就唔係好啱佢哋啦我自己呢就叫咗呢個網燒和牛飯。見到隔離枱有好多人都叫呢個飯所以我都想試吓！呢個和牛都唔錯，大概有八成熟,肥肉唔算多,啲汁都可以,好好送飯呀

好日都唔黎呢頭 行過成條街有好多食魚生飯 見到呢間門口好似好企理咁 價錢都好似唔係好貴 午餐飯面類50-60蚊 壽司70-80蚊咁 有海膽果啲就要過100蚊 諗住正正常常試下壽司啦 個男嘅40歲呀叔幫我落單 過左10分鐘我問一問佢 佢先如夢初醒咁去check check 電腦 話無落單 一句唔好意思都無就話“宜家壽司好多單 你轉過樣其他啦”最後把鬼火叫左個炸雞飯 點知黎到啲雞係林嘅 炸嘅時候啲油處理得勁差 做生意唔係咁做嘅 附近仲有幾間其他選擇

今日lunch突然唔知食咩好，忽然睇到斜對面"勝利道"心諗應該會野食掛🤔嘩！點解變左成條日本街咁？入面開左好多日本餐廳/食堂/拉麵店……總之入左去包你唔會揾唔到食🤭我地坐門口等左一陣，望下門口個menu又ok喎價錢合理，但心諗唔知好冇食😅好快就有位坐，店員亦好快咁比左2個午餐牌比我地，原本想食魚生架，但第一次嚟當然試下一D正常野先😁叫左一個炸雞定食，一個照燒雞扒烏冬，2個set嚟到嚇左一跳(份量幾多下)。炸雞睇落有點dry，但食落又啱啱相反(唔乾/有汁/即炸)，再加埋個咸咸地的沙津醬都幾夾，不過如果改用唐楊做法再配番個酸醋汁+蘿蔔溶應該仲正😋(現在有D似台灣炸雞咁)，碗白飯好好味😂👍個照燒雞扒烏冬set亦好大份，碗烏冬前所未見過咁大碗🙄個雞扒送上嚟仲係熱架(即整)。店員不時會為客人加茶……要比個讚！原本仲想試多個鹽燒厚切牛舌，點知衹有晚市先有😫總括嚟講扺食，有水準，午餐多選擇！下次一定會再嚟試多幾種&試埋佢地個魚生飯😉

午餐時剛見到好多學生起到呢度出嚟，見到唔洗等位就入去食個飯。分别叫左一個豬 軟骨飯同汁燒生薑豚肉飯，兩款都有湯同滑滑的蒸蛋。肉方面豬軟骨好食啲，汁方面係生薑豚肉飯好味，用呢個汁撈飯，可以一大碗食曬

人的幸運是找到對的人一生一世，海鮮的幸運是找到一個好廚師👨‍🍳把食物發揮得最好供給人類食用，這就是食物最幸福既事！呢間「海幸壽司」外表唔似食肆，內裹好日本情懷！簡單壽司bar枱 更有一張大型日式風格既枱 好有風味！係bar枱附近會見到一罐自家制既梅酒 正呀！食過一次就覺得好好味🤤之後呢間變左我午膳之選😇一坐低就會有麥茶同餣蘿蔔，好甜好多汁🤤食過幾次都試過唔同既食物，全部都係有水準既！但呢間店鋪偏向魚生會較為出色😍鮭卵丼，看似親子丼，其實以鮭魚即三文魚、蟹籽等蓋在飯上，再以碗盛裝而成的丼物。五塊三文魚平均放係壽司飯上，加上蟹籽，玉子燒，簡單的鮭卵丼！我講就禁簡單啦，三文魚切得薄薄的😔厚啲會開心啲！但係新鮮鮮甜，加上三文魚油脂🤤好鐘意既味道呀！蟹籽都好新鮮，粒粒通透，卜卜聲禁爆開，口感唔錯！飯係壽司飯，調味剛剛好！加上有玉子 ，好似好少配料但啖啖都食到有料！正！👍🏽炸豬扒稻庭烏冬，豬扒雖然唔係厚身禁炸，裹上麵包糠、蛋汁、炸粉等、炸到金黃色、切成十數舊放係你面前，好香噴噴呀！加上沙律醬，酸甜味剛好，不過豬扒偏咸，但肉汁鮮嫩，係好食既，呢個炸豬扒，我都番食過三次😍真係好正！如果烏冬有等級之分，

係何文田附近考完試想食日本菜，行行下黎左呢條街搵野食。有幾間日本菜望落都唔錯，search完見到海幸壽司有温泉蛋天婦羅，於是就入左黎試。店面望落幾高級咁，可惜入到去已經有種中伏既感覺。一坐低聽到隔離枱既客人話有野咬可能有蚊，心理上已經覺得麻麻。我地等左好耐都冇侍應俾menu我地，催個女店員佢又好忙唔得閒應。不過有個後生既男店員服務唔錯，主動加茶俾我地，同埋攞menu😂原來店內得好少menu，我聽到佢問其他客人仲睇唔睇先俾到我地。有個老d既男店員好似偷懶咁，淨係企埋一邊同招乎熟客，有d厚此薄彼既感覺。食得唔開心既食評永遠都係最有心機寫😂終於講到食物質素啦。由於感覺麻麻，我地都醒目咁唔好叫貴的食物。揀左海幸丼 ($好似要128，價錢唔係太記得) 魚生質素係唔錯的， 可惜份量真係太少，每塊魚生都好細塊，咁既價錢同份量不乎正比，因為之前去另一間刺身丼$128好味份量又多☹鰻魚炒飯 ($好似98) 炒飯炒得幾香，鰻魚亦滑，唔係硬既一粒粒，呢樣好食。温泉蛋天婦羅 ($唔記得價錢...) 第一次食，淨食蛋味道淡，建議灑少少鹽😉整體黎講刺身飯唔抵食，服務又唔係太好，唔會再黎第二次。

海幸係何文田勝利道，由旺角東火車站行過去算係最近的港鐵站，其實我幾鐘意係呢條街搵食，因為可以遠離西洋菜街的人群（＋烏煙漲氣），而且質素又唔比新世紀廣場差好遠，又比佢平好多tim, 所以中午去勝利道都係個唔錯的選擇。今日選左去海幸，叫左個角切魚生飯，魚生種類都幾多，有鱆紅魚，鯛魚，三文魚，玉子，青瓜等等，而且份量也幾多，另外仲有前菜燉蘿蔔同miso湯，基本上58蚊黎講我唔好咁講究，而且唔加一tim, fit 晒廣大打工仔上班一族。