海幸壽司 (已結業)

下午到旺角睇新車，途經勝利道，上次食過間西餐唔錯，但西餐旁開左間新的日本野未試過，於是就去試下。間日本野叫海幸，個名幾好聽，因為英文係miyuki，好似係女仔名咁樣。入面裝修好靚，好日式，bar枱有8個位左右，坐枱就大約20個。我地坐咗晌bar枱，點咗北海道三品丼同埋同埋雜錦天婦羅。前菜有淺漬白蘿葡，好好味，唔會醃過頭。其實呢味叫konomon，係一個日本西南邊一個島的傳統食物。佢地整得好好食。個天婦羅先黎，賣相及味道均不錯，炸半熟蛋如餐牌的圖一樣好。不過一啲調味都無，建議下次加少少味落去，一係就落重本用啲比較好的蛋。值得一提係佢個飯好好食，軟硬適中，不愧為做sushi的店舖，令到我地對佢個三色丼有好大期待。之後終於到北海道三品丼黎，有三文魚子，三文魚同海膽。雖然唔係好多料，但係就排得好靚，而且100蚊都唔駛，所以唔可以有太大要求，合格有餘。食後覺得材料ok新鮮，玉子唔會乾。不過最驚訝係佢個飯，因為天婦羅果個飯好好食，於是就對呢邊呢個飯有期望，點知又硬又凍…(>_<)，好難令人相信…整體黎講都ok，唯讀係高級侍應晌客人面前鬧果個新人侍應，令其他人進食時不快，下次可以改善

原本打算去對面果間食平價魚生飯,但因為無位過左黎之前食過呢間都覺得唔錯今次因為想食海膽就點了築地丼如我平時所講,魚生除左形容新鮮之外就無咩好講一看外形就知是日本海膽海膽有小小唔新鮮已經會嗅而我就唔會食,呢度個海膽好新鮮所以我食得放心帶子,蝦,三文魚同油甘魚都好新鮮不過份量就小dd(包括飯),雖然係厚切三文魚同油甘魚,但如果唔係得一片會好d 囉

看這餐廳的裝潢以為會幾pricy, 見到門口個menu 好surprised, 魚生飯都只係幾十蚊，真係好耐無見過呢d價錢。這是午市，小妹點了薄牛肉飯定食，朋友點了個魚生飯。薄牛肉飯定食配蒸蛋。小妹都幾鍾意食日式蒸蛋，對佢都有d期望... 亦覺得蒸蛋會見到師傅的功價。對這裡的蒸蛋有點失望... 蛋好似唔太新鮮，蒸蛋一d都唔甜... 薄牛肉飯ok, 有點油膩，比較多洋蔥，但味道尚可。朋友個魚生飯反而唔錯, 魚生有蝦，帆立貝，三文魚，吞拿魚，全部都新鮮。沙律亦ok. 以呢個價錢，絕對係超值。幾十蚊食到新鮮魚生飯，值得比個笑支持下嘅。

今晚因為要幫狗仔買東西跑了一趟勝利道，當時已經係9點，一心想盡快找一間餐廳食飯先。最後選擇了海幸試一試。今餐點了蛋卷，壽司，溫泉蛋天婦羅及鹽燒魚頭。論味道，這家餐廳是可以，但上餐的速度有點慢，花了20分鐘才有東西到枱。因價錢並不算太貴，今餐整體來講是合格的。

海幸嘅刺身同壽司非常新鮮！每日新鮮由日本送港！師傅刀功了得！刺身晶瑩剔透！秋刀魚大蔥燒係必食推介！賣相精緻又生動，超有心思！皇帝蟹肉質鮮甜！鰻魚炒飯炒得乾身香口！

經常到附近遠近馳名的熱狗店 經過這家日式料理 今天終於有機會品嚐Lunch Set 選了 照燒雞扒烏冬有茄子前菜、蒸蛋、雪米池雞扒燒得非常乾身 皮脆肉嫩 加上醬汁 好味👍烏冬湯是OK的 不過烏冬本身太琳 可能是煮過頭 我喜歡彈牙一點

養寵物的朋友到勝利道一定不陌生，這裡的確是一條貨真價實的貓狗寵物街，滿街都是寵物店和獸醫診所。 為愛貓添置了一大堆用品後覺得有點肚餓，就隨便選了一間餐廳醫肚。因為剛過了最繁忙的時段，不用等位就能入座。 午市套餐的選擇頗多，而且豐儉由人。 在花多眼亂的情況下看到鄰桌的天婦羅套餐，頓然眼前一亮，也就要了一客天婦羅。套餐除主菜外，還有湯、蒸蛋和泡芙，十分豐富。天婦羅的份量驚人，其中包括蝦、蕃薯、茄子、金菇和魚柳等。 金菇天婦羅還是第一次試，外形有點趣怪，可以一試。 平時吃天婦羅都是附上一小碟天婦羅汁，但這個套餐並沒附上，一問之下原來那個汁已經加入白飯中。 可是白飯不也是吸水力特高的材料嗎？ 還好天婦羅是炸得外脆而內濕潤，吃起來還不算太過乾，而且又不會覺得很熱氣。 天婦羅的份量多，光是吃完天婦羅都已經飽了8成，看來這個套餐和其他人分著吃更適合呢。

逢週日大部份時間都會有機會在勝利道一帶覓食。最近給眼厲的我發現了一所新的日本料理，從外圍看來似是區內少有的正宗日式壽司店。如這是屬實的話就確能為近來死氣沉沉的這一帶帶來一股新的朝氣....走進店內，發覺的確是很和式很有高級日本料理的況味。對這店的期望也就提高了一個檔次....既是如此，小弟就蠻放心的去點一個我去高級日式料理才會叫的三文魚卵海膽飯....先吃它的沙律，菜的鮮度不足未夠清爽且沙律醬汁也下得太少，這樣菜葉咬落是既乾又帶苦的令人吃後甚難受....麵豉湯只是喝得出一股鹹味，同樣令人失望....魚生飯內的鮮度亦只屬一般 ---- 三文若不是吃著腩位的話那就不用吃了，偏偏這裡的又不是；uni入囗又是有一咲怪味的貨色；蛋是冷冰冰的又偏硬實；唯一像樣點的是咬進口內有些鹹而鮮的汁爆出來的ikura；至於飯只是普通無甚米香的貨色，十分平凡....小友固然不能吃魚生，就來一份燒雞扒定食給他....而結果呢 : 雞皮是淰的；肉也有著一大咲的雪味且本身亦是完全沒調過味道的。所謂的調味只是靠最後塗在肉面的照燒汁，弄得肉表面是太膠口而一味死甜的，同樣令人難受....已預計小友不能K.O.整份餐，所以太

本想和老公偷閒享受一吓中秋節假期午餐，竟換來一肚氣，order '極上壽司set'時同師傅講可否走三文魚，因本人一向很怕三文魚油味道，師傅竟一句'冇得轉，就係個個人鐘意食，所以先set左三文魚'，雖然被師傅吾當喺人，但我兩公婆仍沉住氣，即管一試。結果係冇一樣野可以贊，魚有腥味，飯冇飯味，感覺似元綠機壓壽司。魚湯烏冬居然係同壽司一齊上，到最後要捱乾撈魚腥烏冬，怪不得這個假日午事那麼多虚席！

本身住油尖旺呢一頭，食野都鍾意搵返附近地方，特別系發掘新既選擇。旺角區本身極多日式料理店，何文田應該冇甘熱鬧吧！橫掂住得近，當然要去試試。環境唔錯，內櫳睇落都幾專業，但For me，食物質素先系最重要。本人Budget唔多，普通working class，所以點菜都系點一Ｄ抵食大件既野。三文魚壽司: 三文魚唔夠厚同比較細舊，但壽司飯就相對太多。吞拿魚壽司: 吞拿魚冇咩味，唯有加washabi，但就變左得washabi味，連魚味都冇埋。餃子: 食唔出同普通餃子有咩分別 同埋有D過份乾身。饅魚炒飯: 基本上去間間日本野都系叫呢個飯 =-= 唔系差，但饅魚好似冇乜可能我冇錢食D貴野啦，見人地果D好似唔錯，但我覺得雖然我食D平既，但都應該有返甘上下質素囉。整體來講，唔算系中伏，但我唔會再黎呢間食。

同朋友慶祝生日, 聽講何文田竉物街開左間新既日本餐廳. 而且味道價錢都十分超值.雖然小弟係旺角呢個劣食天堂已中伏無數次, 但無懼挑戰試新野!!間野係旺角火車站附近, 交通都算方便前菜必叫生啤+雞軟骨+雞泡魚干刺身點左今日日本空運到港蓮子鯛及甘鯛鮮美!!最重要既主菜:原板加拿大海膽, 配飯及紫菜係最正既原隻皇帝蟹, 食完真係有衝動叫多隻其他餸菜都好好味:鰻魚炒飯 - 熱食超正!!自家製餃子 - 一般溫泉蛋天婦羅 - 食左但又好似冇野既感覺, 好奇妙既體驗燒茄子 - 好考師傅技術, 好味特別嘉賓: 期間限定, 原來唔係日日有得食, 今日真係榮幸!!同場加映: 老闆娘私伙梅酒, 梅味適中, 加冰一流!!朋友自帶超正日本清酒