海幸壽司 (已結業)

勝利道都好似幾多出名嘅餐廳😋今次趁著晚餐試一試呢間日式小店 菜式都幾大路 主要係港式日本料理🍽 但係食落質素唔差係價錢偏貴少少🇯🇵 Portion 比較少 男仔食一定唔飽🌝⭐️ 海幸丼 🌊一碗試晒咁多款海鮮 質素意外的新鮮🐟有帶子蝦三文魚等🍣 份量不大但至少冇雪藏味 海膽份量少 但係比我想像中稍算 Creamy 😋⭐️ 明太子雞翼 🐔炸得香脆唔過燶 🔥食得出即叫即炸 明太子味道點到即止🧡⭐️ 天婦羅拼盤 🍤可以睇得出炸漿唔過厚😚唔會粉味蓋過蔬菜的味道🍠 值得一讚⭐️ 牛油果軟殼蟹卷 🥑賣相唔會太Messy 👍🏻 可惜軟殼蟹唔係太多肉🦀️ 牛油果口感適中

呢排小編特別愛上咗食海膽🤤，有時真係忍唔住口痕就會想食。而今日都唔例外，突然好想食到海膽既鮮甜，所以今次都要係何文田買返半板嚟食🤪。上次係某間餐廳食過馬糞海膽，味道就唔係太討好🧐，今次就外賣加拿大海膽啦。✦✦✦✦✦✦✦✦✦✦✦✦✦✦🎈加拿大海膽(半板) $198一打開見到海膽既色澤同咁飽滿已經非常開胃，一啖放入口😳，味道濃郁，海甜鮮味，正。海膽必定會畀埋紫菜，卷埋海膽嚟食味道唔會因為海膽而咁單調😝，仲有些少脆口同甜味添。色澤係好鮮既橙色，證明無變壞，望落非常吸睛👀。而價格上，雖然畀比水產店或專門店貴，但有時心癮起上嚟唔理得咁多喇🤓。 ✦✦✦✦✦✦✦✦✦✦✦✦✦✦總結：小編今次只係嗌咗餐廳既海膽外賣，有機會會返兜再試埋壽司刺身同熟食。小編係外面望入餐廳就覺得環境應該幾舒適，仲有啲去咗日本既感覺添，非常貼地😊。

因為男朋友喺附近返工時不時都會過去搵佢食lunch呢間都係我哋其中一間午飯食堂平時都會有好多學生喺附近等位但今日幾好彩我哋都等咗10分鐘左右就入得午餐嘅時候佢有好多lunch set通常我都會叫呢個豬軟骨定食只係$58蚊但有超級多豬軟骨通常都食唔晒🤣而且佢唔係落咗好多豉油煮所以食落去會清爽啲而且炆得好琳好入味配菜方面都會有燉蛋同埋麵豉湯燉蛋裏面都有唔少嘅料菇同埋蟹柳之類而麵豉湯每日都會唔同口味真係性價比之選

唔會再嚟，叫個定食等左45分鐘都無。而間嘢唔係真係好多客！而我等左45分鐘嘅魚生飯上面只係得5片魚生加蟹柳同一隻甜蝦，咁究竟乜事要等咁耐？ 傻的嗎？ 做唔切就請多個廚啦，打開門做生意咁樣點得？

前前後後幫襯呢間餐廳將近十次，一次比一次更慢。禮拜日，三個人七點半入座，都未坐滿，一如以往得一個侍應一腳踢。估唔到等落單等左四個字，坐低冇比茶，冇餐前小食。因為理解得一個人，所以冇催佢。order左刺身拼盤螢光魷魚雞泡魚乾玉子燒紫薯餅芝士安格斯牛餃子兩串串燒更加估唔到第一樣嘢食等左45分鐘，仲要唔係冷盤類，係餃子。 前後一個幾鐘頭，先上得一半。個壽司師傅企係度唔知做乜，刺身拼盤同玉子燒係直到21:10 先上。刺身係咁多次水準最差一次，咩味都冇，全部都淡到唔知食緊乜，師傅話等得太耐唔好意思所以送左我地兩塊大Toro，雖然話係送，但筋多到成塊都係筋，完全冇味，其實不如唔好送。 寫到呢度，已經坐低差唔多兩個鐘，D嘢先岩岩齊，我都唔知道講咩好，食到好冇癮，等到變化石。應該係最後一次。回頭客不再回頭。

全晚只有兩台客等個餐都要45 分鐘兩個師父吾知做乜又吾係特別好吃茶凍隔離台叫個煱都要等30 分鐘真係火都來吾知點樣呢間野還可以做到甘耐價錢又吾係特別平又吾係d乜好味

茶凍 食物上菜慢 隔左半個鐘先上一碟 叫左碟牛油果軟殼蟹卷d軟殼蟹係凍既 見唔到侍應咁濟叫左好耐都無人黎 淨係叫埋單先好快有人黎 食物質素差但價錢就高級日本餐廳水平 最後要去7仔買野食先夠飽 千奇唔好幫襯 一肚氣 😤😤😤

黎慶祝父親節侍應同師父都幾好有同我地傾下計有禮貌見到師父好細心咁開魚，刺身好靚炒飯同天婦羅都熱辣辣最鍾意就係佢條魚同埋天婦羅好脆個人覺得食物質素唔錯所以價錢都好合理有下次

5月20日係一個幸福既日子。全日原本都好開心，直至經過呢間餐廳，見佢門面裝修好靚，諗住今晚可以有一個愉快嘅ending，平時我都好少寫評語，但係今日唔寫我今晚瞓唔着，垃圾垃圾垃圾垃圾。🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬首先環境，長身有霉菌，黑色一達達。一坐低侍應送上綠茶，凍既....放左好耐咁。好啦唔緊要咁繼續點餐，叫左個$158牛扒定食，同埋幾件壽司。🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬！！！惡夢終於開始！！！牛扒擺明係放左勁耐 凍冰冰，又薄又有苦味，疑似梳打粉味。總之一句勁！難！食！連最基本嘅白飯都係微暖，電飯煲壞咗嗎？將白飯保溫真係咁難？重點「個飯碗有崩口嘅你夠膽俾個客用」係咪傻架。你收緊幾錢丫大佬定食刺身 真係超市既刺生都好過佢，夠膽收呢個價錢佢都膽生毛。啲壽司飯勁大嚿，所有壽司都係垃圾，我嚟到唔係想食壽司飯食飽，我不如去食盒叉燒飯好過，都廢事講佢啲魚生質素，元x壽司/爭x呢啲都好佢10倍，佢既質素收$2件我都冇咁嬲。總之最後一句，如果你去食自求多福。不可一不可再，向垃圾說不！🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

原本諗住今日一個愉快嘅假期，原本全日都好開心，點知入咗呢間餐廳，叫咗一個牛扒定食同埋三文魚同埋其他壽司，價錢都貴，貴都唔係問題，個牛扒嚟到真係超級難食仲衰過大家樂早餐啲牛扒，連個白飯都難食，凍冰冰的，個三文魚冇魚味勁唔新鮮，啲刺身就切到勁薄但係舊飯就超大舊，刺身仲衰過爭鮮😢😢😢😤😤😤

何文田自由道成條街都好多餐廳選擇，見到哩間餐廳個裝修吸引咗我嘅目光，一於入去坐底食晚飯兩個人晚餐，叫咗兩款刺身：帆立貝同油金魚師傅好有心機切開三份，帆立貝食落口有甜味；油金魚都好肥美，好新鮮！wasabi係正宗日式芥末，加少少豉油已經夠哂！我哋見到餐牌有新鮮生蠔，叫咗兩隻。佢用一隻杯仔裝生蠔，加埋酸汁真係超超超好味！仲叫咗熱食：鐵板上嘅蒜片牛粒🤩保持熱力之餘，香味十足。牛肉粒旁邊放咗椰菜吸晒啲汁，忍唔住口不斷食添呀！個汁嘅味道啱啱好，又夠濃，所以啲椰菜掛晒汁😋份量都唔細㗎

去左何文田試左呢間日本小店，夜晚時段人數也坐了一半！坐底就見到本靚靚menu，其實呢啲細節位都好重要，有時d餐廳往往都忽略左呢d細微位，咁就打左外觀上既折扣了👍晚市有定食套餐，唔係好多日式餐廳會有，始終價錢唔貴，要返多幾張單先圍到本，但對顧客黎講絕對係好事，因為又經濟又實惠嘛😂叫了個西京燒銀雪魚套餐，個皮脆脆地幾好送飯😋套餐仲跟左個芝麻汁沙律同埋刺身👍朋友仔就叫了個生薑豚肉，又係送飯名物，見佢係咁爬飯就知道了😂整體食物質素唔錯，環境都適合食飯傾偈，有套餐又幾抵食，不過可能經濟差服務生唔夠人手，見佢地做到踢晒腳，希望經濟好d到時會有改善啦👍下次會再黎啊，可以試埋多d其他菜式👍😋

星期六1點幾去到勝利道附近想食個lunch，見到餐牌唔錯所以入咗呢間日本餐廳。原本打算叫刺生丼飯，但店員話無哂壽司飯所以只好叫其他定食😢🍱鰻魚茶漬飯($88)定食擺盤好靚😍跟餐有一個茶碗蒸，配料唔算多，不過不失鰻魚好厚肉，味道正常發揮但無炭燒味(當然呢個價錢都唔expect有🤣)鰻魚比較多碎骨，食嘅時候要比較細心咁咀嚼🍱吉列豬扒定食 ($58)豬扒做得幾好！炸衣好薄好脆～豬扒好淋，每一啖都好滿足🍣海膽三文魚子卷當時諗明明話冇晒壽司飯但點解又做到卷物😂最後原來係啲飯未凍得哂，所以上茶嘅時候都有同我地講話可能會比較易散，不過最後都無散嘅😂海膽唔算特別新鮮，整體來講好普通🙈

陽光普照30幾度咩住個大書包半身濕晒，想食啲清新唔油膩嘅料理，遠離旺角咁繁囂嘅地方，去咗何文田勝利道搵食。我喺勝利道來回行睇咗幾間，最後見佢門口幾靚就入咗去啦。雖然入到去舖頭面積唔大但都算坐得舒服，而且音樂又舒服成個感覺都好chill。因為唔想食飯有兩款烏冬揀最後揀咗個魚湯海鮮烏冬，另外友人揀左個刺身定食。先講個烏冬，魚湯好夠熱而且好奶白色，天然無味精，海鮮好鮮甜，完全係新鮮貨，唔係冰鮮野。烏冬彈牙，成個配合都好match。成碗湯比我飲哂，正啊！至於個定食呢，個沙律醬汁好清新，另外仲有個茶碗蒸好滑，再加埋個有洋蔥香嘅麵豉湯，同平時嘅好唔同，唔係啲行貨嘢。啲刺身呢都算新鮮，個油甘魚特別好食。不過最可惜嘅係碗白飯唔算係咩上等嘅日本米，而且食起嚟略嫌有點爛。

疫情原因很久沒有返鄉下，經過海幸記憶中雖然不是最好，食物水準是可以接受的。選了一個海壽司定食，分量適合減肥中的我。味道可以接受，新鮮度合格。海膽及扇貝鮮甜，蟹糕味濃，牡丹蝦口感不會太淋，魚刺身也有魚味。整體上是合格。如果大家有需要一解鄉愁，地點又就腳，也是可以考慮的餐廳。