海景海鮮酒家

營業中

休息中

呢日家族食飯都入左去流浮山食，假日黎夜晚呢到人山人海，好彩一早BOOK左台咋！入流浮山一定要係海鮮，今日食既海鮮大餐亦無令我失望！先黎食左炸蠔，炸蠔炸得好鬆脆，炸粉亦唔厚。而呢到係炸蠔係配生菜一齊食，聽長輩講係咁樣食法惟為左食落口無咁肥膩，而我又幾認同喎，配菜食會覺得幾FRESH!可以食多幾粒。豉椒炒勝子全部己經去穀，粒粒都勁有肉好肥美！薑蔥辣椒炒蟹同樣惹味，正所謂新鮮既食材其實唔洗點煮都好味，蟹又係啖啖肉，好味！不過計計下全晚都似無食過菜，成餐都剩係海鮮，原來食海鮮都會幾滯下😂所以話，好野都係偶爾一餐就夠啦

喺流浮山拜祭完，出返黎決定全家10幾個人去附近酒樓食個lunch，舅父仔提議食海景，佢食開熟路啲。老闆娘親自落單，因為我哋10幾人，佢幫我地預份量，非常熱情。仲安排左我哋坐房嘅大檯，比較靜啲。🥰🧀芝士大蝦伊麵👉🏾芝士汁香濃👉🏾大蝦有肉，唔會得啲殼🥒涼瓜炒蟶子👉🏾呢個好似係佢哋招牌菜👉🏾老闆娘隆重介紹🤩👉🏾好好食！而且好多蟶子，絕無欺場！🐽生炒骨👉🏾酥炸過，外皮鬆脆👉🏾送飯一流！🐟一班兩味👉🏾班球好多肉，汁打得好味👉🏾西芹略嫌少咗啲-流浮山咁多間酒家，冇食開嘅話真係唔知點揀，好彩舅父識路黎呢間！👍🏾

小編之前有家庭樂自駕遊👨‍👩‍👧‍👦🚖，黃昏去左下白泥睇日落後，就折返去流浮山食海鮮啦❣️😍😋首先去左「后豐生猛海鮮」簡新鮮既材料，再拎去酒樓比廚師烹調😁.🔹蒜茸蒸扇貝嘩嘩嘩呢個要隆重地介紹‼️想講咁大個女以來，無論係食放題/buffet/高級超市/日本都未試過咁厚咁大隻既扇貝‼️呢隻係賣海鮮既姐姐強烈推薦的，$25隻果然無介紹錯！有成3cm咁厚，基本上唔洗調味都已經鮮味突出🤤同埋超級爽口彈牙(唔係講少!!!)配埋底下軟綿綿既蒜茸粉絲，爽呀😍.🔹酥炸生蠔炸蠔係以酒樓小菜來點既，外表已經好吸引，粉漿炸到好鬆脆，但又唔會太過厚，皆因入面蠔肉都好大隻😋😋啖啖肉又新鮮😄.🔹豉汁炒蝦仁🍤蝦肉好爽口，頗大隻，加入蒜粒+辣椒+豉油乾炒，好滋味😚.🔹鮮炒龍躉球🐠舊魚未熟前以為好少，但炒落份量都幾大喎！出面既炸粉唔會太厚，同埋條魚實在太鮮味了，係鮮甜啊😛唯一係如果炒得乾身dd會更好！.🔹豉汁炒蟶子蟶子基本上都係豉汁炒最惹味😄佢都幾大幾粗身，而且食落係爽口既，就算用左豉汁炒都無蓋過佢原有既甜味👏🏻👏🏻.總括好推薦，流浮山地段用呢個價錢食到款款咁優質既海鮮，超滿足又溫馨的一餐😍😍😍

星期五晚一行三人一放工即飛車來到流浮山...食我們期待以久既海鮮宴~不是太大食的我們點了:1) 芝士大蝦伊麵 - 濃濃的芝士汁, 沾滿晒整碟伊麵及大蝦, 大蝦每隻都好多膏, 很新鮮!!2) 四隻奄仔蟹 - 最初一人食一隻, 食到中途, 忍唔住叫多一隻分享~D膏好鮮甜呀..好食到爆~3) 蒜蓉粉絲蒸扇貝 - 大大粒扇貝, 爽口。5) 酥炸生蠔 - 炸漿炸得非常酥脆又夠薄, 生蠔中間不會炸到過熟。正!另每檯附送豆腐菜魚湯, 夠晒魚味~~

同事們介紹及主催，一行人短時間內約去到流浮山吃海鮮。已經廿幾年沒有到過流浮山，改變了很多，變成另一個大澳或鯉魚門，感覺像會做遊客生意。同事們建議先選購海鮮到食肆煮食。買了大頭蝦(豉油皇)、蟶子(豉椒炒)、扇貝(粉絲蒜蓉)、貴妃螃(鹽水蒸)、魚(湯水上)、奄仔蟹(走酒蒸)。另在酒樓叫酥炸美國桶蠔、椒鹽鮮魷、灼生菜、三個白飯。難得的是: 酒家不收開瓶費，因此同事攜了兩大支紅白酒慰勞大家。大家吃吃喝喝，飲飽食醉，落地也是三百鬆D, 份量與手工絕不欺場瞬色，以流浮山的質素與環境來說，算是這樣了~~

食咩海鮮我地自己點，早2日話比酒家知，全部海鮮海景酒家包辦，蝦，魚好新鮮，奄仔蟹果日異常大隻，佢地炸生蠔,大家高度讚賞，碟上冇一滴油，好鬆化唔油膩，裡面好creamy 。7月中食完，過幾日再去食，又係一圍12人（已有後備排隊^.^）人數： 12位 時間：中午 （14/7）$ ： $350位加飲品，每位$360 1. 鹽焗奄仔，每人半隻2. 炒班球 3. 炆斑頭腩4. 白灼海花蝦 （2斤多）5. 蒜蓉開邊蒸龍蝦仔，每人半隻6. 炸生蠔7. 椒鹽鮮魷8. 油菜9. 炒飯10 水果

黃油蟹季節又來啦老闆都話我哋係第一班今年食黃油蟹嘅客人初頭我哋都好擔心啲黃油蟹唔靚 但出嚟個個都哇哇聲 真係好好好多油 又多肉完全唔似大閘蟹冇肉食真係多油好好味！仲有芝士焗龍蝦 芝士好入味蒜蓉粉絲帶子豉椒炒聖子老虎班椒鹽賴尿蝦海鮮我哋喺酒家對面海鮮檔買同呢間海鮮酒家有掛鉤 但的確海鮮靚廚師手勢好有鑊氣一次過食晒唔同嘅烹調手法！唔好睇小呢度嘅裝修 老闆好好人好健談從來唔會做宣傳 都一樣好多客人幫襯要食風味一定揀呢間！

好友飯聚賀慶功一行七友欠雪姑坐低安頓開枝酒美酒共飲等朋友先上炒蝦汁醬甜再上斑片味夠鮮炒炒斑腩粉夠薄之後上個炒蟶子隻隻大隻又鮮甜跟住上埋蒸扇貝撈埋粉絲夠晒鲜之後再上碟煎蠔外脆內鮮味道正良友共聚渡一宵

家人特別安排的生日大餐在流浮山，第一次到流浮山的我大開眼界，不但有海鮮一條街，海鮮也是十分新鮮的。清蒸海上鮮「海上鮮」當然是海中的大魚，蒸的火候控制好，也不會把魚煮得過火，加上蒸魚鼓油，十分下飯。上湯龍蝦大大隻的龍蝦有膏而且肉厚鮮甜。豉油王大蝦殼比較軟,可以把沾滿了汁醬的蝦殼一同吃掉，味道十分滿意！蒜蓉蒸扇貝今晚的扇貝火候有點過，肉稍微有點老。不過粉絲的確入味。薑蔥煮鮑魚鮑魚十分入味，不過可能是薑葱煮的關係，鮑魚有點過老韌了一點。油鹽水大花甲欠油鹽水香，就像水煮一般，有點失望。奄仔蟹是來自鹹淡水交界的幼年雌蟹, 味道鮮美而且多膏。餐廳免費送上雜錦海鮮湯十分鮮甜。

一年一度母親節，當然要食餐好d..全家一致通過去流浮山食海鮮！今次的海鮮是自購的..然後再到（海景）加工..一坐低先黎海鮮魚湯..是送的！（忘記影相）之後就陸續上菜..上菜速度好快好快...🌪🌪🌪貴妃蚌..蒸到少許過左龍..😅家裡有老人家！完全吃不到😅芝士龍蝦伊麵..呢個正呀芝士汁加埋龍蝦一絕..但不可多吃😂生炒骨..賣相是好的..但咬落好硬好乾👎🏻所以最後食淨好多！酥炸生蠔我全晚最期待嘅餸😍😍果然冇令我失望！好正呀！蠔夠大！外面夠酥夠脆👍🏻👍🏻頭腩炆骨好味呀！超推介👍🏻外面有一層簿簿既汁..汁下一層就是脆的..之後就到骨同肉..兩者好夾👍🏻鹽焗奄仔蟹..好吃😋好多膏😁其實只要食材新鮮已經好好食😁😁最後一道清炒生菜..為這餐母親節飯劃上完美句號！總括全晚家人都算滿意的！😆😆

心心念念想點個“蜜汁烧蚝”，餐牌都有写個名字，但配图竟係鲍鱼！ 落单時都未提醒、未話清楚我地，最终错食鲍鱼埋单！ 虽然店家事后有道歉，不過嚟種過失有小小欺骗吤嫌疑……期望店家不要再犯相同错误！不過海鲜都係新鲜味道都算正。炸蚝鲜嫩多汁，全部係原味冇添加调料，菜心都好嫩甘甜，鲍鱼算新鲜，炒饭叉烧虾仁都足料，送上生菓甜橙亦甜蜜多汁。好可惜最终未得食咗烧蚝，而係食咗最唔中意吤鲍鱼！真吤係好傷心啊好失望啊啊啊啊！

我每次想食海鮮必到流浮山這海鮮店。因其班頭腩做得非常出色。上碟有份量。我們四人食一斤。外脆內熱。魚肉與骨腩比例十分好。我帶每一位朋友到這裡品嚐這味餸每個人都必定讚賞。另外這裡食煎金蠔亦十分出色。亦可以問老板娘有無金蠔存貨。她亦樂意出售。價錢及size比起附近蠔店的更有著數。可借這裡的免費例湯晚上才有。這店真的是貨真價實，不會介紹貴而不值的海鮮。該讚。

同3個朋友即興想食海鮮飛入流浮山出名海鮮聖地好鬼想食蝦伙記介紹什麼9蝦我真係唔太識食落麻麻地同好細隻個蠔就好好食好鮮味可以一試魚就兩食熱辣辣肉多多成碟食晒炒球肉質麻麻同火候唔夠可以唔食個人好like飲魚湯又多ginger 好鮮味又係全部ko上湯蜆真參差好似只用清水熟咁唔知想點唔太受歡迎扇貝最正多garlic 又大隻楊州炒飯好奇怪食落好勁醋味唔知係唔係之前冇洗鑊呢唔會有人知菜就正常冇什麼特別

今日去完屯門玩三鐵，一班超級肚餓。就飛的入流浮山医肚朋友話有食過這間，話低，就試下lor一行五人包餐一頓，又蝦，又魚，又，又帶子五人消費 HKD23x我地係4男1女，非常大食的個人最喜歡個班球'腩，新鮮又好食班朋友都好鍾意味密汁生，趣趣士也口感一流，重末試過這做法!豉油蝦球，同帶子都吾錯!推介

一家4大2細一工人去食， 叫左龍蝦， 瀨尿蝦，鮑魚同象拔x, 食左3500蚊， 最失望係象拔x刺身係“聲”的， 個員工仲走埋黎問好味嗎， 我同佢講聲， 佢話象拔x 本身就係聲， 點wasaba 咪唔聲， 下 成千蚊既野，見佢活生生，一度懷疑係咪換左貨， 當我係出邊未食過咁， 其他海鮮都煮得mama地， 失望