海景粥店茶餐廳 (已結業)

海景的粥吃過很多次，但這次有點不滿意 我點左個瘦肉粥同腸粉炸兩，炒麵瘦肉粥-味道一般般，無之前甘綿，反而有點過結，無曬食欲炒麵又好干，唔叫野飲就完全食唔落服務態度又唔多好，叫極無人理

叫左腸粉，蘿白糕，粥腸粉皮勁厚 好似食橡膠全部野都係凍都無味係我食過最難食既粥同腸粉食物等好耐先黎We ordered rice roll, radish cake and congeethe rice roll skin just like rubber, so thickall the foods are cold and no flaovr is the worst rice roll and congee i ever ate.

是日口淡淡唔想食飯改吃米粉剛巧見到有間粥店，店內人客不多，不用等位，見狀當然要入去點一碟炒米粉吃，不到三分鐘米粉上碟，米粉炒得夠乾身，量多，但配料不多，只有韮菜和少量火腿，沒有肉絲，但整體味道尚算可以。

叫左條油炸鬼，熱豆漿，黎左碗微暖既。諗住算啦唔換，見有部微波爐，咪叫個啊姐幫我叮下咁啦。睇住個啊姐拎碗豆漿去行左個圈，出返黎同我話：「唔好意思喎，今朝壞左」。下！？呢餐再也食唔落。

因為某個特別原因~專登去食...仲專登叫左豬紅艇仔粥同埋炸兩...但我本人係唔食豬紅的...個粥有D稀啦, 但個味都唔錯, 唔識分有冇味精...而且D料都幾足, 不過價錢都唔平, 成廿幾蚊, 唔算話好低食。炸兩好大份, 一個人食唔晒, 同埋油炸鬼唔脆, 仲係凍嘅...我好少食炸兩, 唔知炸兩係咪應該天生凍嘅呢？總之, 呢個價錢黎講, 可以expect多少少, 所以冇咩必要將來都唔會再去...坐得亦幾逼下...

從小到大都愛吃粥及油器一類的食物，都可以說是半個老行尊。吃了那麼多年，是從來沒有像今趟吃完後那樣思前想後，忿忿不平的...一不小心走進去，連價錢牌也沒細看，只能怪自己極度的粗心大意。以為這裡不算是甚麼中環金鐘一帶的高尚地方，收費總不會那樣的昂貴....老實講，食物不算是很難吃 (但當然只能算是非常非常的普通)，但要付出如斯不合理的代價，小弟就真的如俗語所說，是吃至從背脊骨落了...一碗平平凡凡的"下火"，粥底稀如水又沒米及腐竹香，皮蛋真是只得"皮"的那部份，蛋芯有許多都消失得無影無踪；瘦肉全是碎濕濕的且味極鹹....這樣的一碗粥，竟要花我二十六塊錢 ?!!炸両水準還可以，起碼油條夠脆，而且豉油另上，沒有將腸粉皮及油條浸得稀巴爛。不過粉皮偏濕不夠實淨欠米香，豉油的師傅味很重，亦是事實....問題是，這般水平的炸両，竟要賣至十六大洋一碟 ? 真是太過份了.....一碗粥加一碟炸両就要花四十多塊錢才能吃到小弟若在土記(土瓜灣)內吃的話，一半價錢就可以埋單拍拍屁股走人了....想至此處，心裡就更不舒服....

假期食得太肥膩, 呢晚決定去清清個腸胃!七點半左右到, 剛好唔使等位, 之後就成村人到, 好彩好彩!!!!!白粥 - 加左瑤柱去煲, 清得黎又有少少香味鮮味, 粥底好綿, 好好味!煎蘿蔔糕 - 足料, 個味好好, 夠味, 個糕一d都 "寡", 唔會好似食緊一啖啖粉咁, 而且煎得好香, 又唔會好油炒米粉 - 炒得乾身好香口, 又唔油, 夠味, 不過配料唔多, 同普遍的粥店一樣另外, 仲叫左一個金銀腸牛脷酥, 不過唔記得影相, 其實係同炸兩一樣, 不過個餡用左牛脷酥, 個腸粉係即拉, 好滑, 條牛脷酥都香脆, 不過可能係即拉的關係, 都等左幾耐一般茶餐廳格局, 地方都算乾淨, 侍應反應都好快, 讚! 不過價錢就比其他粥店貴, 可能係地區的關係吧!

諗住食海皇，行行下黎左海景～叫左蝦腸+皮蛋牛肉粥~媽媽叫左個早餐~~有牛肉通粉~~煎蛋~~多士~~送野飲~~1)蝦腸 $25d蝦好大隻~~ 3條... 每條有2隻蝦^o^but 味道一般... 腸粉唔夠滑25蚊... 九龍城"譚點。點心"既質素會比海景好得多~~但都ok既~~2)皮蛋牛肉粥 $2x好多皮蛋@口@ 好好味=v=但係牛肉太少... 大約只有兩隻匙更咁多依個價格真係有少少貴>_<3)茶餐 $25牛肉滑~~ 通粉亦唔林~~煎蛋叫"農場煎蛋" ~~ 唔知點解真係有d農場味道..haha. 同平時食既,好似有dd唔同咁^^多士我無食ar >< 野飲都無飲度~~*依個餐唔貴得碗粥幾多=.=!! 抵食~~~~~~~!!!!!!服務幾好~快~而且超多人>"<

早上日日美心, 食得多覺得悶了. 早了一點出門口的我, 就去試下未食過的食店. 一出火車站, 就來到了這海景粥店. 本來都以為這兒只可以食粥. 一行到門口, 發現呢一個餐廳是粥店茶餐廳. 心想, 必定有粥、腸粉以外的東西. 坐下了, 看看檯上的神獸咭, 的確如我所料的, 這兒的早餐選擇, 可以稱得上, 比茶餐廳仲多. 食慣了美心的東西, 所以我都來食番一個西式既雞扒餐. 實行要同食慣既美心, 比一比.同樣的配搭, 雞扒, 蘿蔔糕, 煎蛋, 而且多了一樣, 就是茄汁焗豆. 這一次, 不在快餐店食, 發現了, 同樣的美食配搭, 這兒比起我以往食過的四間有同樣餐配搭的快餐店的出品, 味道來得更好.雞扒, 是跟煎的雞扒, 雞皮燒得非常之香脆, 味道入味, 非常香口. 不過, 肉質就令我覺得, 乾了少少. 蘿蔔糕方面, 這兒的糕就贏哂三間快餐店. 充滿蘿蔔絲同蘿蔔香, 真正的中式粥品店既糕店, 的確是一流. 而煎蛋, 就是一隻比較求其的蛋, 食落, 早知叫一叫他們來個炒的. 茄豆就當然是香味十足啦.....奶茶夠cream,夠濃有茶味. 是一杯好茶..從來沒想過係傳統粥店吃到西式的早餐, 而且,

萬聖節活動後大家都飢腸轆轆，便決定到二十四小時營業的海景粥店吃宵夜。接近十二時，店內仍座無虛席，令我和朋友們要分開坐，其實如果侍應能將兩位坐在六人桌的顧客挪動到四人桌，我們六人便可以坐在一起了。我點了一個特餐，包括～牛油多士跟火腿奄列：奄列是我最喜歡的一般熟程度，入口頗滑，好！多士內的牛油亦算足夠。腸仔煎蛋出前一丁：腸仔的皮很皺，煎蛋呈半熟狀態，一切開便有蛋黃汁流出來，好！朋友要求熟一點，他們亦能煎得全熟。可口可樂：凍飲加$3，除了一般的檸茶、咖啡，可口可樂絕對是好選擇。朋友們都是點特餐，配料有所不同，如雞翼、雞扒等。總結而言，海景粥店食物質素尚可，但地面不太清潔，衛生不佳，環境亦較擠迫。

上星期五嚟左呢度食粥,叫左一些炒麵,蝦米腸,油器及粥一齊食,蝦米腸好細條,都幾滑幾好味的,同埋豉油夠多.炒米都算乾身,大碟,好味.粥我食豬紅艇仔粥,碗粥都好綿,好多料,多到好似唔係食緊咁,所以都好飽肚,豬紅都幾滑,唔會有異味,艇仔粥的配料都好多,有魚蛋條,豬皮,肉碎等,好味呀.牛利酥雖然唔係熱辣辣,但係好好味,好香口及鬆軟,我好鍾意食牛利酥的,啱晒我,我地另外都叫左煎堆,都ok,不過都係唔夠熱的.依家食粥都唔平的呀!咁樣都要食左100元!

If you fancy congee then you could try this place, but it is not astounding, it is what I would call an edible average. If you like thick congee then this is not the place to head to. The thousand year egg congee is not bad but it is missing a little something, the ingredients have not had enough cooking time to get the flavour out. The dough sticks are a bit on the greasy side, and a little hard but the flavour is there. A little tip to solve the problem just dunk it in your congee. The rice no

屋企煲粥, 兩老要求買油炸鬼一般舊式粥舖, 為左節省成本, 只會早晚各開鑊一次炸油器下晝一爐多數係4點, 因為要預備晚市食客收工幫襯, 仲要交貨俾其他鋪頭想食新鮮油器一係就時間, 就唔到, 就要搵新式粥店, 例如海皇旺角區幾間海皇, 對我黎講, 都唔就腳方便少少就係呢間海景之前黎過食一次粥, 普普通通, 都係轉個彎富記好D不過油炸鬼呢度係幾好, 就算唔熱, 都一定會脆 $8一條偏貴, 不過賣得平, 唔好食就幾平都假值得o既

今日約埋d三姑六婆行街食野.......阿婆緊係食白粥啦....無加粉之餘仲真係見到瑤柱c~~正自己同細路嗌個豬扒酸辣米線wow有驚喜d酸味道幾夾,細路食完又加食完又加下次再黎試試d炸兩至得價錢都過得去啦度度都加價啦最緊要服務p.s有時出街帶住d細路食野成日俾d樓面眼啤啤但今日d姨姨叔叔個個都無厭煩仲主動拎定哂碗仔,真係好方便我地囉

大好的週末竟然病倒了，還要身邊的人各自忙碌沒人理我，只叫我自己小心飲食..... (><)，最後就聽從吩咐吃粥好了。是日還要發現樓下的粥店倒閉了(?!)，所以又要行多幾步來到這裡.... 不過其實這間粥店也光顧過好幾次的了，覺得它不差的。下午進到去時雖不算人頭湧湧，但也坐滿了七，八成，而且人流出出入入，非常受歡迎呢。找了個位置阿姐遞上杯水便問我食咩，最後就要了一碗艇仔粥...... 眼看別人的炒麵，糉和腸粉，我都很想吃呢..............艇仔粥等了大概 5 分鐘就來到了，不過來到的時候賣相比較差呢~ 有一大堆碎牛，不過是未弄碎的，要靠自己把它們分開(==")，而且還紅紅的，看來是未熟的呢，雖然放在熱騰騰的粥裡很快就開始變色了......一直覺得這裡的粥不算太難吃啦，起碼不是太稀，粥底幾「杰」的，而且都有少少米香，不是太差。材料就真的非常多，豬皮，豬肚，魷魚和碎牛等，豬肚幾好食，煙煙靱靱帶點鹹味，食完成碗都唔覺口乾，我估味精唔多掛~ 起碼佢幾大碗，食完都足夠我支撐整個下午的......結帳 $17，不算很平，但都ok啦~ 走時見到d阿姐好努力係度炸油炸鬼，我都好