海景粥店 (已結業)

朋友提議食粥清吓腸胃我叫左艇仔粥 大大碗 配料好多有肉碎 ,魚蛋條, 豬皮 魷魚 花生…..不是太稀，粥底幾夠綿，有少少米香不過帶點鹹味 味精幾多，食完好快口乾炸兩：粉皮滑 脆卜卜好食 唔太咸，醬料夠香味 LIKE一碗粥加一碟炸両要大約$60 先食到 , 幾貴呀!!

因為前日食得太豐富，所以今餐決定清淡一定，叫左碗鮮牛粥！係外觀方面，佢比我平時食開既偏黃色，葱有三條……呢個唔算重點，講返粥，一入口同我平日食開味道差不多，粥底都算綿，牛肉方面雖然都係得幾片，但都算新鮮，不過整體黎講普通，不值此價……

旺角呢頭粥店唔算多,得幾個字食飯,惟有呢間最近公司~白粥就最能體現一間粥店既水準咁岩果段時間清胃口,就試左一次稠稠的粥,不少粥店都達不到這個要求~我欣賞海景白粥稠而無味精,十分清淡!而且配包小鹽,等客人按自己口味調校只係十蚊就買到,唔錯!

最近天氣咁凍,真係好容易令到人病我好不幸亦成為一份子所以都要食番d比較清淡既野~~~本人又唔係太鐘意食粥,所以我就揀左個牛肉腸打包番屋企食!!返到屋企打開個盒就望住個牛肉腸.........嘩~~一望見d皮厚到呢~~但係食落去d味道都唔錯wod牛肉都好嫩!!!如果個腸粉皮可以薄d既話,一定會更好!!

食粥唔一定要係病人，但係病人就好喜歡食粥海景粥店有啲似海x粥店咁既格局，但以粥論粥我諗就果間好味啲勒我諗最主要係用料上唔夠新鮮昨天叫左一碗皮蛋獸，啲皮蛋有少少「益益地」既味，搞到成碗粥都係晒果陣味不過我去果陣已經係宵夜時間咁樣定佢死罪好似有啲不近人情但兜粥底好淡，好「米水」味對昨天腸胃有少許唔舒服的我係非常好既一餐而呢啲又淡又益既粥，相信都唔會再有下一次好唔好味，見仁見智。

前言:以前同 mami 成日行花園街既時候, 都會去呢度食野既~我幾鐘意食呢度既牛肉粥~之後有一段好長時間, 都再無黎呢度食了~早幾日, 同家姐傾開炸兩... 唔講唔覺, 好耐無食過炸兩, 突然好想食~所以, 今日同 mami 去開太子, 又再黎呢度食~入正題:我地抵達既時候係下午3點幾.. 人唔多~ ( 仲好~ 唔駛逼 XD )我 -- 牛肉粥mami -- 魚片粥我地仲食炸兩 + 煎堆呢頭落單, 話咁快就有得食喇~ (( 真係好快!! 速度驚人~!!!!!! ))● 炸兩 ●唔熱....... 入面既油炸鬼硬硬地......點解呢度 D 炸兩差左嫁?!!以前食過都幾好食嫁喎~!!而且, 麻醬, 甜醬, 辣醬都比以前稀....... ( 麻醬唔香 )● 煎堆 ●煎堆呢樣野, 都唔會難食得去邊~不過好鬼死油... 每一啖都好油........● 牛肉粥 ●唔知點解, 我個人對呢度既牛肉粥情有獨鐘~今次都仍然係咁好食~ 哈哈~● 魚片粥 ●媽咪無任何 comment~＊服務＊都算 OK 呀~食完野, 隔一陣就黎收碟~我地坐低無幾耐, 呢度就開始多人喇, 但都無怠慢客人, 值得一讚~!!

放工之後去旺角買野。原來諗住買完再番屋企煮，不過阿媽懶，佢話買完食個early dinner先番。於是未夠六點就去咗呢度食粥。呢間野個外貌唔多討好，所以雖然成日經過都無意慾去試。反而裡面又好乾淨光猛喎！每人要咗碗豬肚牛肉粥，加多個炸兩同蝦米腸。豬肚牛肉粥好快就到，上枱時d牛肉仲係紅嘅。豬肚切絲，又幾好味喎，唔會太韌。牛肉好味，因為有預先調味，唔會淡而無味。粥底好杰，有少少味精，雖然唔算大碗，但都食唔晒~蝦米腸好味喎，因為落咗好多蔥，好香。炸兩都唔錯，賣相good, 味道都good, 條油炸鬼脆脆地，腸粉又滑。下次要試吓佢個粟米牛肉腸同炒面，好似都幾好味。

每次到此店吃粥, 必坐滿堂食, 但很意外昨日約 14:00 已經不是人太多,大約 3-4檯也是 "伯伯&婆婆" 比較多!不知是否與加價已引致少了些人嗎 ?好像沒有以前的水準了 ....有味粥 - 感覺太重味精味道, 所以選擇了 :白粥 - $10.00 (之前是 : $9.00)炸兩 - $14.00 (之前是 : $13.00)上次吃的時候, 也大約是 1-2個月前

12月30日, 呢間粥舖門口永遠都係咁多人. 唔係因為等位入去開飯, 而係因為佢門口有個小巴站. 而我同呀比因為要等車成日企喺佢門口… 今日見得閒兼個肚有位, 終於入去一試~::: 碎牛粥 ::: $15個粥底唔算綿滑, 有d水, 但仲見到些少米花~ 味道黎講係偏淡. D碎牛都幾鮮, 不過無乜牛味~ 普普通通~::: 粟米叉燒腸 ::: $16.5見呢個配搭咁有趣, 粟米又係my cup of tea, 就姑且一試~ 點知… 好失望! 先唔講跌出黎o個堆粟米, 就算係擺埋一齊嘅粟米同叉燒, 佢地個味完全無交流, d 雪藏粟米又無乜味… 豉油比得少, 搞到個腸粉唔係好夠汁, d腸粉皮又有d一patpat咁… 好在有d叉燒吊下味… ::: 牛脷酥::: $7因為次次等車都見到佢門口擺咗d牛脷酥喺度, 點都要食下啦~ 齋睇樣都幾吸引~ 但可能夜晚, 個牛脷酥其實已經唔熱, 兼已經有少少韌. 唯一好嘅係佢唔會好甜~ 而且有d麵粉味.佢仲有其他得意野例如牛脷酥腸咁樣樣, 呢間野都應該幾鐘意玩gimmick野! 不過gimmick還gimmick, 個底要打得好先得架~

皮疍艇仔粥$18.5炒米粉$10.5碗粥好多料，食完好鬼飽，粥係甜但食到尾會起水，佢個艇仔係用炸米粉肉丸，所以有啲滞，我見外面而家好多都用魚片，會食落清爽啲個米粉炒得唔油口，份量多，幾多菜，自己再落啲芝蔴同蔴醬，惹味啲嘩！ 早餐食粥炒粉都要成三十元，係咪貴呢？

早了十五分鐘下課的我們當然爭取機會走出來搵食早就聽朋友說過這兒的粥好吃,那我就來吃它的原汁原味--白粥白粥應該是用了腐竹去煮,吃下去又香又綿比起家裡煮的滑點,可能是因為家裡的沒下腐竹吧另外叫了炒米粉,不熱之餘又乾又無味,可以不叫既然他們的粥底好,那下次來的時候就想試試他們的有餡粥了!

積左好多食評, 由近寫到遠 因為要到旺角交收., 胃口不是太好, 在車途中已暗算了到海景食粥 要了白粥 + 牛脷酥腸 白粥十分棉帶有點元貝與白果味道, 感覺十分實在 牛脷酥腸 : 正是第一次食, 白白粉皮包著大大件既牛脷酥, 牛脷酥淋晒, 而且是零熱度, 味道唔Match, 又咸又甜, 感覺怪怪 。都係食返炸腸會正常點。

今天特登在旺角下車，到這裡吃很好味的炒面及腸粉，食物質素無令人失望，但不得不在這裡比個劣評，以消消氣。就是那位短頭髮的阿姐樓面，約七時半我們到店內坐下，點了炒面及腸粉，吃了一半，這位阿姐大大聲的同其他人對話，大意是說她很忙，忙到辦大事都無時間，並訴說了一些她辦大事的心得，其間的詞彙如 "使廖" 更是不絶於耳。我到這間粥店吃東西不是第一次，但還是第一次聽到這位阿姐的真情對白。老實說，本人不是什麼文化界，但基本禮貌及品格尚是有的，作為一位樓面，大聲地"又使又廖"是不是會影響食客胃口，大家心裡有數。如果你話佢唔知，有冇人會信?我相信無下次再到這家海景粥店了。希望海景的老闆有機會看到這篇食評，想想是不是繼續讓這位阿姐趕客。要讓我花時間寫個食評狠批她的所為，老闆實在有必要行動。

今朝早餐, 係返工之前去左海景買左一盒腸粉食, 好耐無食過了對上一次食係半年前了, 記得腸粉熱辣辣, 即叫即整架, 好好食, 但今次去買, 見係已經整定先, 都知會無之前咁好食了十蚊一碟, 腸粉唔算好熱, 無之前咁好食, 不過加了芝麻同甜醬的腸粉, 同個甜豉油味道唔錯, 所以都成碟俾我食哂如果可以即叫即整就好, 我唔介意等的, 不過可能返工時間人人都趕住上班, 所以要食都係其他時間去買好過lu

唱完Ｋ去食粥。先食住皮蛋牛肉粥同腸粉先油炸鬼等陣先有。樣樣野都新鮮熱辣。真係幾正。