海港薈 (康怡廣場北座)

營業中

休息中

星期日一家人聚埋一齊與父母飲茶是很多香港人的指定動作之一。要坐得舒服些，多數選有些裝磺的酒樓。不過就會有很多人排隊。此酒樓你想揾個人先去攞位也無用，因為你現場人數不夠半數也不會比位你的。等咗差不多成個鐘頭，終於有位了。青芥末醬炸鯪魚球沙爹金錢肚芝士咸水角，無食到芝士味。雪山义燒包，外脆內义燒餡juice。新鮮义燒腸蘿蔔千𢇃酥，做的得酥脆。蜜椒雞中翼，灑上芝麻，皮甜脆，一下子被年輕羣組搶光了。胡麻雞絲粉皮鮮露荀鮮蝦餃、四寶滑雞扎、珍珠雞、鮮竹牛肉球、醬汁蒸鳯爪四喜烤夫，冬菇、雲耳很入味。蒜蓉蒸鮮魷，蒜蓉味配得唔錯，魷魚都厚肉。鳯爪排骨飯，長輩說一定要有飯落肚才夠飽。總括來說，大部分點心都唔錯的。

星期日同屋企人到茶樓飲茶，9點半都已經要等位，不過去邊飲茶都要等，但係等既其間比我地見到有食客塞錢比職員，我地已經心有不甘，不過我地都係努力等，人唔算多，所以都好快有枱。我地叫左春卷、蘿蔔糕、蝦餃、鮑魚燒賣、釀茄子、奶黃包、叉燒腸同埋蒸飯。春卷好長，新鮮炸起，正~~~~~~~~~~~蘿蔔糕4件都唔同大細，D粉好多，D蘿蔔好粗同埋得幾條， 難食。蝦餃、鮑魚燒賣都唔太特別好唔好食，皮薄、多餡; 不過鮑魚細，但係都唔知點解痴唔住粒燒賣。釀茄子就正常，D魚肉都算正常份量。奶黃包，唔太流，可能餡比較少，多番少少會好D。叉燒腸我唔食，所以寫唔到。-_-“”蒸飯，個盅好細個，比其他茶樓好似細少少，已經唔好話好唔好食，個阿姐問要唔要豉油，我地話要，都客氣講埋唔該，但係佢竟然係藐我地，我再望實佢，佢先勉強笑左一下。呢盅飯已經無咩興趣食………食到尾聲，又見到有食客塞錢比職員，有D食客係無係門口拎飛，企左入面等位。同埋出去收銀埋單係唔比用credit card，仲要比個職員暗串唔好出去比錢。P.S.其實我已經向佢地公司反映，但係換來都係官方回覆。所以我一家都決定唔會再去，怒!!

星期五或週末假日常來幫襯，水凖不錯，招呼也OK的！怎料，今晩閒日來晚飯，所點的餸菜，完全失水凖，蒸魚及燒鴨孖寶，不知所謂，魚肉又硬又實，味道全無，燒鴨也是冇味冇道，亦是肉質硬又實，另叫的西芹炒蓮藕，也是像用水煮的，全冇炒功，冇味! 大力推薦的竹庶茅根煲龍躉湯，普通，不見出色，$238，並不平宜，晩餐埋單＄900！食具不甚清潔，要更換數次！招呼不太ok，很散漫，雖然，人客並不太多...

五一假期晩上到太古城逛街，順道在附近商場吃晚飯。「海港薈」在康怡廣場三樓，店內裝潢和其他分店差不多，一般酒家格局。 「濃湯花膠煲螺頭」是最先送上的美食，小小一煲足夠六人分享。湯料除了花膠及螺頭外，亦有鮮雞鳳爪瘦肉等一同肴製。雖然花膠不算厚肉大隻，但勝在數量夠多，每碗至少可分到三四隻。螺頭同樣選用較細較薄的用料，其軟彈的口感令人滿意。湯汁方面，質感比一般花膠湯薄身，膠質感輕巧，但味道都算不俗。 「非一般粟米斑塊」是為小朋友而設的菜式，斑塊果真選用真斑塊，外脆內嫩值得讚賞！在斑塊的下方，鋪滿了脆脆麥片，順理成章與粟米汁共同成為了白飯的好夥伴。「千層腐皮生炆龍躉頭腩」屬濃味炆煮菜式，炆頭腩的食味因應不同部位有所不同，既有「啖啖肉」的享受，又有令人不悦的「鯹」味魚塊出現，送口親嚐才知優劣。相比之下，千層腐皮的水準平穩得多，吸滿汁醬後味道可口。「蒜片安格斯牛柳粒」口感軟硬適中，肉味濃香。洋蔥蒜片本質搶味，縱使與濃味牛柳粒同場出現也可爭一分長短。晚上在太古城或康怡一帶吃飯，很多時都一位難求。「海港薈」在康怡廣場內，地點方便，相對易有位，食品質素不俗，可以再訪。唯一需要改善的地方，是食具的衞生情況，

昨天一行五人到海港薈康怡分店食午餐，食物質素都可以，可能和價錢不便宜有關，用具骯髒，而且該店員工無論穿黑衣的或是傳菜的或是收銀的，他們的態度都是好像理所當然的"差"。難怪中午時分都不滿坐。

家族成員臨時即興相約午餐，大家當然想到平時間中都會去的海港薈（康怡）。這裏平日也有很多食客， 還以爲周末要等很長時間，幸好這天早上11時只需約十分鐘便可以入座。這裏點心種類也多，我們總共要了十幾款點心，其中最欣賞的是枸杞鴕鳥肉粥，鴕鳥肉口感幼滑，連我這個平常不太吃粥的人也喜歡；雪山义燒包更是我的喜好，內軟外鬆脆；還有咸菜豬肚、蒜茸蒸鮮魷、紫心香芋丸、映雪棗皇糕、蒜茸蝦春卷等味道也是不錯。總括而言，因這裡提供不少大枱，可算是聚會的一個好地方。

同屋企系太古康怡廣場的海港薈吃團年飯，今次食套餐加幾個餸！份量都ok呀，都幾好吃，仲食唔哂可以拿回家！通常過時過節好多食肆都食兩場，六點或八點。我們喜歡食早場，食完仲可以行下吉之島！

海港食晚飯就多. 今日就同一班同事一齊去飲茶. 原來都幾好食呢個黃金豆腐炸得好香脆. 真正外脆內軟. 食唔停口！呢個燒腩仔比一般的瘦，但都夠鬆軟，最緊要唔咸. Ok腸粉就係正常野. 但就比較細碟. 但而家好多酒樓都係咁，縮曬水.最好味係呢個網腸. 以前係炸兩都好多地方整得唔好食. 網腸仲要係油炸鬼入面加料. 難度再高左. 呢個網腸外層滑，中間夠香夠鬆脆. 入面仲有爽口菜絲. 好有層次感.雞絲粉皮就不過不失燒味就係海港一向水準. 都好味呢個芝士蝦球伊麵，就好似食緊龍蝦伊麵咁. 抵食.最後係呢個累炭流沙奶黃包. 我最欣賞佢個黑加金包面. 真係好靚！入面流沙就太浠. 我自己唔多 like. 但同事覺得好食.最後個個食到超飽都係$90/人. 都真係幾抵食！

叫咗個燉湯，無哂又唔同我地講係我地見到張單畫咗，又無入電腦單再問個副經理，佢先話我知無上晒湯碗，鬼知你無呀侍應A，仲要理直氣壯同我地講，係咩？我唔知。咁佢可能係負責畀人入單，咁入完嗰個，都應該話我知掛……七點未夠個湯賣晒，好生意到咁呀……

一行六人去康山廣場嘅海港薈飲茶數數手指原來我地上一次來已經年半前啦上次經歷覺得d 點心都唔錯我地畫左幾個點心蜜糖落得太多好甜生菜夠清烚到剛剛好食落索索聲魷魚份量夠多調味唔錯叉燒包味道正常沙律明蝦角隻隻都脆卜卜炸到色澤金黃好正XO醬抄蘿蔔糕都唔錯火喉岩岩好又唔會好辣煎堆仔就做得麻麻太硬可以做得更好鮑魚燒賣一嚟到嘅時候鮑魚仲好生猛跌晒落個籠度食落味道還好不會好重味精靚魚球本身就做得好好味但係嗰醬就好唔掂食落帶酸奇奇怪怪完全冇蛋黃味流沙包影出嚟好似三舊石頭咁一咬落去真係有野流出泥既食咗咁多樣點心我哋仲有位食甜品見到西瓜味嘅啫喱咁特別唔會唔試食落真係有西瓜味喎糯米糍就真係麻麻我地expect裏面係真芒果但係唔係囉只有芒果醬紅棗糕係我嘅至愛呢間都做得唔錯煙煙韌韌好有口感Overall 會再幫襯大部份點心都好味重點係唔貴平均每人只需$95

今晚打算中秋前同屋企人食飯，book左6點13位啦，然後去到佢話無我booking，左搵右搵問有無張俾訂金既收據，因為book既人未到就當然無啦，講埋電話俾佢搵佢都話無。之後搞搞搞搞到6點半終於搵到⋯⋯原來佢地寫錯左去10月4號之後又話太多booking可能搞錯左⋯有檯就安排俾我地叫我地去行下。大佬，我有兩個行動不便既老人家到晒你係咪應該解釋吓堂堂海港飲食集團旗下既酒家點解會做埋d低級錯誤？仲要你d伙計態度咁差係咪要檢討吓？我哩個booking都算，我見仲有兩個婆婆都拎住訂金收據都係6點嗰輪，你地同佢地講無檯都要等到7點半因為今日可能安排亂左d所以搞錯左d訂檯。 大家評評理，點解會出現overbook既情況同埋搞埋晒d低級錯誤。 搞到d老人家食飯唔開心你地過意得去？

不知所謂的安排，已經唔係一次，等位唔係問題，但入邊十幾張枱無人坐，你睇住成幾十人係度等位但唔嗌枱？幾次都係咁，等成個鐘之後行入去，見到成堆吉枱。其實係咪做生意架？

講真平時有飲開茶嘅，態度，禮貌就一般，未去到差嘅！話說昨晚去食晚餐，諗住食好點，睇見佢菜牌，佢張相個冬瓜盅唔錯，二話不說就落單，枱中有老有嫩，梗係叫啲易食的，佢就介紹星班兩味啦！真係立即知，咩叫【睇見把幾火】，『冬瓜盅』。。。求其用個膠盅裝住，我地話個冬瓜呢？？佢地話：我地係咁架！原個膠盅去煮，膠盅內有冬瓜件架！😱😱😱真係好想請教點樣原個膠盅去煮😰，算啦！無為嘈，睇埋個魚點兩味法。。我地叫星班兩味，一個炒球，一個蒸嘅，竟然炒的同蒸的，啲魚皮係唔同色架😰😰😰，好似啲餸頭餸尾比你咁！最衰衰衰係我無影相，真係無諗過嘈，食餐飯想開心啫！不過真係愈諗啲火愈旺囉！

假日約屋企人飲早茶，由於家人想逛Aeon超市入貨，所以今次約係康怡廣場的海港薈飲早茶。早上人唔多，9點半到都即時有位。發現點心紙少了一張，平日我在公司附近的海港酒家有得叫的點心這裡都無😞早茶有一張點心紙提供孖寶優惠也算吸引，家人喜歡食燒賣因此叫了兩客燒賣孖寶。燒賣由於肥豬肉較多，不太彈牙而且比較鹹，連喜歡食燒賣的家人吃了2粒都吃不下了😞皮蛋瘦肉粥皮蛋和瘦肉份量都多，不錯。金沙肉餅飯是咸蛋肉餅飯，肉餅彈牙，飯粒綿軟。流沙煎堆奶皇流沙饀，微溫，如果熱一點會更好。XO醬炒蘿蔔糕賣相散散的不太吸引，辣味遠蓋過XO醬的香味。

平日Lunch時間, 康怡廣場呢邊大部份食店都需要排隊等位。今日我地因為人數眾多, 為免等唔到短開餐, 決定去可以book枱嘅海港薈飲茶。😁我地去到海港薈時, 門口已排滿等位嘅客人, 好彩我地已經訂左枱, 所以一到埗就可以入座。不過我地坐個果張枱冷氣好凍。😷海港薈午市價錢中等, 唔算特別貴, 點心種類都多, 當中嘅自選孖寶好適合多人聚餐點選。今日食最特別嘅係呢個榴槤酥, 外脆內軟, 榴槤味都好濃, 美中不足係太過油。孖寶嘅咕嚕肉幾好食, 啖啖肉, 炒飯就扣哂分, 主要係上枱時完全唔熱, 最後食剩差唔多半碟。😰精點嘅黑松露燒賣雖然黑松露味唔濃, 但係都算爽口彈牙。牛肉球味道唔差。小籠包唔知係咪因為冷氣太凍, 層皮好快已經乾左, 入口比較硬, 唔太好食。薄罉唔錯, 蝦味都重, 煎得都幾香口。三文魚頭我冇食。🙈埋單每位$95, 係呢邊Lunch飲茶價錢唔算貴。