海港酒家

營業中

休息中

$148/1斤真係好抵食！一家四口食4斤！6個人食五斤！7個人食6斤！係唔夠食架！因為實在太好味！好食到一個星期食左三餐！啲蟹真係好靚好鮮！就咁清蒸真係原汁原味！蟹肉好多！真係啖啖肉！一家4口，叫一隻4斤，叫一個湯，叫多一個餸，真係非常滿足！去到差不多枱枱都食緊！因為$148實在太抵食！到我地第三次去食嘅時候，已經得返最後一隻5斤！都好好味！之後就加返$168/1斤！上年最平都係$188/1斤！估唔到係海港都可以食到又平又靚嘅長腳蟹！記得清蒸就得！有次試過花雕煮，味道麻麻地，仲要加多$100！感覺唔抵！所以記得要清蒸！

我們一行十人，到這位於將軍澳的海港酒家吃下午茶。這酒樓距離寶琳地鐵站很近，大概走兩三分鐘就可到達。我們坐下後，發現這酒樓的下午茶以點心和湯米線為主，若想吃飯和炒粉麵，就要付正價或午市的價錢，結果我們點了五碗湯米線，還有大量點心。這酒樓的裝潢不錯，座位舒適，不過明顯人手不足，我們在點心紙上選取點心後，等了好一會兒也沒有侍應到來，結果要自己拿着點心紙去找侍應。米線和點心源源不絕地送上。先說說湯米線，湯頭不錯，米線的質感也不錯，配料分別有叉燒、雞和燒鴨，叉燒最好吃，雞一般，燒鴨味道也好，但是脂肪層極厚。至於點心，大部分的味道也不錯。最好吃的是流心奶皇包，它的包皮是黑色的，內饀的奶黃不太甜，有香味。豬骨粟米粥和油菜也好吃，味道好，不肥膩。炸兩腸粉則比較差勁，因為腸粉內包着的油炸鬼口感欠佳，我們覺得是炸過不只一次的。另外，豬手炆的時間不夠，吃的時候覺得太硬。看着畫滿圈圈的點心咭，我們都飽得捧着肚皮，但每人也只是要付四十三元，性價比可說頗高。

朋友介紹海港長腳蟹做緊$168/斤，咁抵，梗係即晚去試下啦...一有位就即刻出去揀蟹，最細果隻都6斤重，不過我地都有8個人，仲可以加多個餐，個餐仲有魚有海鮮，仲有龍蝦伊麵...真係大滿足，每人都係300 幾蚊

呢排成日見到長腳蟹廣告，每次見到都好想食但又驚唔好食！朋友試左幾次都話掂，終於等到機會認真試下喇！仲要好好彩我地呢隻係果晚最後一隻😆一嚟試左碟主菜長腳蟹先！約5斤重！小妹食左2隻腳1個鉗，個胃已經半飽！之後再有小籠包，肥牛，丸，蒜蓉粉絲魷魚都一流！可惜掛住拆蟹冇乜影相😂

今日午餐落左去海港買個叉燒油雞飯返屋企食$33，無同佢講到啲咩特別要求。點知啲叉燒太肥，有啲肥到大半舊都係肥豬肉，而啲豉油落得又太小，好難撈飯食。唯一比較好係啲雞肉全部都係雞胸，比較多肉。

家人想食龍蝦的關係，我就帶佢地到附近的中式酒樓試試。這間酒家都算主打海鮮。為保留龍蝦🦞的鮮味，我地選左用上湯去煮，龍蝦都幾大隻, 龍蝦上枱好香，肉質結實及鮮味，好新鮮，吸收了龍蝦汁的上湯，配上伊麵，都好入味🤤我們點了另一樣係鮑魚雞煲🐓，鮑魚係用鮑魚仔再用上湯煮，雞件方面係鮮雞件，有點像啫啫雞。

自從海港裝修後，我同屋企人都冇去過，今晚咁齊人，又去試一試先。一黎就叫咗媽媽致愛—燒鵝半隻。果然係燒到皮脆香口， 而且啖啖肉，一咬落去，肉汁同肥油就bi出，配埋酸甜醬真係一流。跟著就上咗個經典牛仔骨，一大陣黑椒同洋蔥撲鼻而來，肉質嫩滑，非常香口同埋熱鍋上枱果然夠哂熱。我地冇叫到飯配餸菜，反而叫咗個鮮蝦燴伊麵。鮮蝦都香口同爽滑彈牙，但個麵就冇咩味道，而且配搭個無咩味嘅汁，所以只食到蝦嘅鮮而消失咗伊麵嘅入味。口痕嘅我就叫多咗兩款小食—麻辣口水雞同酒香鴨舌首先個麻辣口水雞都幾失望，個汁竟然唔係平時食開嘅麻辣醬油，反而係豆瓣醬煮開嘅麻辣汁，成件事變得十級奇怪，仲要十級辣，就連係辣不歡嘅我都避而遠之，真係搞唔掂，最後只好放棄咗佢。跟著嘅鴨舌，其實味道同醉雞一樣，用咗醉雞汁醃好再入雪櫃冰冷。食上口爽口又好咬，都幾好食，如果再入味啲一定會加分！成餐飯最出色嘅當然係燒鵝啦，呢個冇得輸，其次係牛仔骨，其他就中規中矩。另外酒家裝飾完嘅環境都幾別緻舒適，可以黎試試。

今晚family dinner9個人黎食晚餐見到人叫長腳蟹 又心郁郁好在冇訂都仲有兩隻簡 好大隻好新鮮食完隻蟹大家都好飽了 隻蟹$2200話抵又唔係抵 但老豆中意食就冇計個人prefer龍蝦伊麵多d燒鵝鮑魚太un了 蒸過龍個花膠螺頭雞湯都好飲

終於試食蒸氣石鍋，之前女友同同事食過一次覺得好好味，海鮮都新鮮，四人餐亦幾掋食，但我倆遲遲都未搵齊腳，都未食到！ 呢一晚路過，興起走去問下，其實不一定要四個人，兩個都可以食，只不過無得叫餐😛 問完又有位，就走咗入去lu。粥底唔少得！瑤柱咸排骨($58)，跟住㨂咗龍蝦($168)，蒜蓉元貝3隻($381隻)，沙白蜆($48)，加個菜，蒜蓉聖瓜($58)，每樣都教咗你蒸幾多分鐘，都幾好！大至上都唔錯，但未夠鮮！隻龍蝦我覺得貴咗啲添🤨 到最後，食個粥，都唔錯！份量仲幾多添，好彩都無叫勁多海鮮，因為食埋個粥都勁飽🤪 不過⋯⋯好似唔多覺有瑤柱咁🧐🧐總括來講，兩個人就唔會再來⋯⋯約到四隻腳就不防再來食😁

今晚約咗朋友嚟佢屋企樓下嘅呢間酒樓食晚飯 海港嘅食物質素一向有保證 中上咁啦 所以一齊再去試下 冇諗過今晚呢餐比想像中更加有驚喜👍🏻六點到入到去 已經坐咗半滿 好彩我地早到咋 睇嚟呢間酒樓好受歡迎😮我地叫咗三個小菜 第一碟係鮑汁燴花膠海參 花膠炆得好林身 海參一啲都唔潺 仲幾有咬口 啲汁又唔會蓋過海參嘅味道😛黑椒豬手 豬手好大隻 又好多肉 肉質又唔會太林 黑椒汁好惹味 送飯一流🐷 配埋啲洋蔥 好好食 食完啲肉仲可以攞住條豬骨 成條噒 好正😅生炸蟹肉脆燒茄子 呢碟係全晚最有驚喜 茄子輕輕走過油 外面有少少椒鹽 又脆脆地 入面就好軟熟 再配埋淋喺上面嘅蟹肉做芡汁 食落好有層次🙊啲小菜咁好味搞到我都食咗兩大碗白飯呀 果然keep到水準 下次再嚟食過先😻

同一班朋友相聚，朋友揀左海港酒家。菜色都是一般中式酒家菜色，不過就有阿拉斯加長腳蟹，而且賣$288一斤，去魚缸揀左一隻3斤半，用蛋白蒸。老老實實，價錢真係好平，但蒸得過晒火，蛋都老晒。其他菜式還算可以，不過不失。

已經食左好多次，主要係因爲屋企附近食材新鮮，尤其係隻長腳蟹，現場去魚缸度揀188一斤，揀左一隻五斤，七個人食都好夠每次都到都會再叫豬肉丸同燒賣燒賣係完全未蒸過的，生上，好特别唯一要講一講個服務某d侍應好似唔憂做咁十問九唔應

新都城一期這間海港酒樓,買個幾次外賣燒味,於晚上,叉燒,燒肉等都是把一些不太新鮮 賣相差都給客人燒味部的職員又沒有禮貌請改善,下次補面大家忍唔住返工時間都要POST 出來提醒大家,飲茶叫做OK D

上年黎依間食飯都OK.所以今次特登再黎依度慶祝母親生日。我地分別叫左濃湯花膠煲螺頭、金菇瑤柱扒豆苗、翡翠炒老虎斑球、果皮蒸老虎斑頭腩、灼蝦&鮮果咕嚕黑豚肉。濃湯花膠煲螺頭：材料不少，有七八塊細花膠。湯幾甜幾香濃。金菇瑤柱扒豆苗：成碟青菜份量可以，金菇量多，瑤柱量少係預料中事，有個芡汁點下，令菜更加甜。翡翠炒老虎斑球：份量唔多，而且唔知係咪老虎斑球炒得過火，肉質變得好鬆散，一夾就散開。果皮蒸老虎斑頭腩：雖然成碟都見唔到果皮，但食魚肉時會聞到好大陣果皮味。份量ok,肉唔會蒸太老。灼蝦：D蝦唔係好得，有幾隻係壞既，蝦殼軟綿綿 黐實左個蝦身。鮮果咕嚕黑豚肉：依碟野，正正常常，無咩可以讚亦無咩好彈。雖然食物普遍ok，但服務真係好差。上左湯同碗，就甘放低唔會問你要唔要幫你分湯，你自己黎。同佢地講要個白飯，應完你又唔記得。叫佢清台上蛋糕，佢竟然台都唔清，攞走食完既菜，就同你上蛋糕，亦唔會問你使唔使幫你分蛋糕。蛋糕叉都唔比，只係比用黎拮水果既膠籤你。如果你唔care服務既，只求食飽就算既，你可以去食既。

咸蛋魚皮：咸多於香，勁多味精，都算脆口甜酸排骨：菠蘿青椒蜜瓜炒排骨，係比大排檔少了一份穫氣，味道尚可接受，不過不失口水雞：得個辣字，食唔到係雞黑椒豬手：好肥美，厚肉，夠淋，但味道不濃，醬汁影響左成隻豬手另外食左羊腩煲，168送一碟生菜，份量足，羊腩唔太騷，唔太愛食羊既我都食到，另外馬蹄，支竹配料都非常足，非常多，我覺得足夠四人份量好抵食，比同一商場其他酒樓價錢質素份量都較優勝服務員就比較差，特別女職員，長期黑面對你，反而男職員比較肯做