海港酒家

營業中

休息中

2020年12月22日係FB睇到海港飲食集團推出左呢款海鮮2人餐，每日上網購站搵呢個餐，睇左幾日，衹有平日見到有出售，紅日係冇呢個餐供應，推廣文不好、不清晰供應期係顯示【供應期直到另行通知】今日終於比我買到2020年12月28日晚餐網購$298澳洲龍蝦鮑魚海鮮2人餐-上湯焗澳洲龍蝦伊麵 (1隻)(約10兩開邊)-清蒸沙巴龍躉 (1條)(約1斤)-鹽燒鮑魚(2隻)-燒鵝皇拼叉燒(2人份)-薑汁炒芥蘭(2人份)-無花果南北杏燉雪梨(2人份)上湯焗澳洲龍蝦伊麵初頭仲驚係X香門市外賣9X蚊一份嗰啲質素，估唔到有驚喜，呢隻龍蝦新鮮有少少糕、肉質爽口彈牙清蒸沙巴龍躉返到屋企條魚仲暖暖地，不愧係酒樓出品，酒樓蒸魚係好味好多燒鵝皇拼叉燒海港啲燒味出品都唔錯，兩樣都好味道薑汁炒芥蘭個人認為略為炒得淋咗啲，咸左啲，如果唔好炒咁耐，等芥蘭仲有返啲爽口就好喇鹽燒鮑魚兩隻鮑魚都爽口好味無花果南北杏燉雪梨食完呢餐飲碗甜美嘅滋潤糖水，真係完美

今年2020年新冠肺炎疫情下，限聚令初期，只限食肆每枱4位，後來增至每枱8位，又要相隔1.5米距離，加層板亦可以；第一次幫襯屯門卓爾居 <海港酒家>，就算是星期日晚上，都只有大約10枱食客，頗為冷清！第二次幫襯，已經多了很多食客！星期日晚上 7:00 入座，已經有9成食客！比我預期旺得多！疫情價阿拉斯加長腳蟹套餐，爸爸豐富生日飯：2020/4/26當晚，剛好是限聚令修例後的首個星期日，4/24 或之後，不限食肆超過一半人數，為了座位分隔，但依然要最多4人一枱及枱與枱之間相隔1.5米！ 就算是4/24 或之後，晚上才恢復晚市，星期日晚上 7:00 全間酒樓被安排為4人枱及疏落，都只有大約 3~4成食客，相當冷清！樓面侍應約 3個！落單時，女侍應問我們要不要臘味炒飯？如此豐富的套餐，還要炒飯？真是傻的嗎？由於食客算少的關係，上菜也相對預期快！而且幾有水準！餐牌上，最吸引莫過於阿拉斯加長腳蟹套餐及鮑魚套餐！ 其實！生日的爸爸因皮膚敏感而不能食蝦蟹，卻是媽咪看中這個餐，我們就大飽口福嘞！阿拉斯加長腳蟹套餐 $688+10%平日 $638，星期六日假期 $688日式花彫蒸長腳蟹這

是日近近地 諗住快閃影下「反斗嘉年華」12點幾去到完全包場 簡簡單單影完就上去開餐啦🔸豬手 $28職員推介 話無油又好味 試過又真係正 夠凍 清得夠乾淨唔駛「食毛」辣度剛好 一口又無骨很易食🔸卡通豬仔包（2隻） $21.8無寫咩涵 係奶黃呀🥰（叫呢個就唔好叫埋黑金流沙包以免重覆）賣相都算係咁啦 起碼五官整齊😂 外皮尚鬆軟 奶黃亦唔太甜 湯圓妹愛🔸紅油抄手 $21.8普通 辣汁好味既 但抄手皮太厚 肉普通 不推🔸脆皮炸鮮奶 $15.5鮮奶滑溜 外皮脆 略嫌油左少少🔸金磚豆腐（廚小）$30熱辣辣 豆腐滑 但外皮厚左啲 同調味唔夠🔸紫心香芋丸（中）呢個好食 外皮軟 內膽亦夠芋香甜品今日突然好嗜甜 唔叫主食啦😂🔸咖啡千層糕 $15賣相衰衰 每層黏得唔夠貼 一夾就散晒 但味道好既 唔太甜 咖啡味重🔸香芒布甸 $15呢個好味足料 好多芒果肉🔸燕窩燉蛋 $28無論點睇點食都係燉奶😂 香滑既 但燕窩有點多餘 感覺係為收貴啲而放落去咁🔸椰果蓮子紅豆沙 $12加左椰果口感味道九唔搭八呢間上菜勁快 埋單加埋一$246 仲可用QR code去海港apps儲分 可以再去既😻

晚市一開即入，完全唔使等。可能疫情，位隔得好疏，唔逼。套餐好平，嗌咗個$238，有芝士龍蝦伊麵，芥蘭，另加$78半隻香妃雞，同咕嚕肉。份量唔細，龍蝦伊麵要打包囉。仲食埋個椰王燉鮮奶，甜品一般啦，，不及主菜。服務唔錯呀，值得再去。

蟹癮起 兩口子食飯 但都好想食蟹🤤但長腳蟹最輕都要5斤幾6斤兩個人真係搞唔掂🏳️好彩茶水姐姐介紹食花咲蟹最細3斤就有喇 所以兩條友就嗌左隻🤤$145/斤 都係啖啖肉 雖然開既時候啲刺好尖有啲吉手但冇阻我地食佢嫁😏蟹肉紮實 肉質鮮甜 個有勁多蟹膏值得推介👍🏻👍🏻如果少人食 又想食蟹啖啖肉 都係個唔錯既選擇黎嫁😆

小嘆下午茶～禁岩經過就入泥食野。已經大不如前熱鬧 都要等一陣位。落左單 呢樣無 果樣無 所以就食少D算～燒味比埋啲位都無肉食～個包泥到發現比舊時細隻 同埋無禁好食雖然都流心希望會改善返水準

11/4星期六中午往午膳，無需等位，点餐時發覺好似俾平時小了一款点心紙，便問侍應還有其他嗎？她叫我打開本簿睇，我說沒有，她過隔離枱後就話喺得嗰張，係咁話自己啱啱放完假，唔知，後來我自己再望下佢頭先睇過嗰張枱有，就自己過去問人攞，佢望住我攞住啲点心紙，我就隨口講左句你又話冇嘅，佢就好似發爛渣咁話，你依家有咪得囉，我頭先睇過係冇吖嘛，佢要收埋我都冇辦法㗎，又重複話自己啱啱放完假，我話你放完假唔知嘅嘢可以問番同事，望一望就話冇，佢就係咁不停話我無理取鬧，你依家有咪得囉，我話乜要自己去攞㗎，咁我剔完点心係咪要自己攞出去呀！佢話隨便你！全程佢仲大聲過我，好似我做錯嘢要俾佢鬧咁！後來再加單時，佢明明行過都當睇唔到，我便叫另一侍應，跟住佢再行近我便示意佢過嚟，佢一埋嚟就話咩事！我話請問你叫咩名呀？佢即刻行開！如果自己做嘅野冇問題怕咩呀！其實一開始時，只要你講句唔好意思睇漏左，就冇事發生啦！佢知唔知自己做緊服務性行業㗎！！！

今日嚟到呢間酒樓，想試下阿拉斯加蟹🦀我哋一行十二人，叫咗兩隻五斤重嘅蟹🤩 一嚟到嘅時候，大家都嘩一聲😈，隻蟹真係好大隻🤷‍♂️，一人食一隻腳已經飽呀， 仲要加咗一隻燒鵝🦢 大家都食到捧住個肚返屋企😚真係如果特價嘅話 大家都去試下啦😎

11月係我嘅生日月梗係要周圍食嘢啦， 今餐喺同屋企人慶祝食生日飯， 屋企人喺海港酒家訂咗一圍， 開頭都諗住同平時食嘅嘢差唔多， 今次我哋叫咗長腳蟹全包宴估唔到好有驚喜價錢仲好抵食， 11個人一圍餸食唔曬仲要攞返屋企，唔知係唔係識得廚房哥哥嘅關係碟碟都好鬼大碟， 長腳蟹我哋加大咗見叫左一隻6斤， 再加多12個壽包😂😂， 最有驚喜就係個魚翅入面啲料好豐富🤩🤩🤩， 燒鵝都好出色啲皮脆波波， 乳豬都燒得好靚，又有鮑魚同埋帶子，價錢都好抵食，咁多野食埋單先4仟左右～平時約埋一圍真係可以訂一圍食下🤣平均每人都係3佰伍蚊左右、有魚，蝦，蟹 ，魚翅，鮑魚🤩🤩邊到搵

星期六跟朋友嚟海港酒樓食早餐飲吓茶，我哋一行五人收過到嚟9:00就擺定位，你大概叫咗六七個點心啦！呢度環境都算唔錯，正宗大王，人流亦都算幾多下！可能因為近排經濟唔好發覺大家叫嘅嘢都係比較以低廉二飽肚嘅點心美食，當然我都係一樣啦！我哋叫咗個白粥先，佢個粥煮得好味！而且食到好香嘅米飯味！上面個炒麵真係完全配得到天衣無縫！另外我哋由於冇錢食薄餅既原因，於是我哋只能叫咗個薄餐分開來食，恭喜到都算唔錯好香薑蔥味亦都有好多嘅洗蝦粒完全係蔗渣嘅價錢食到燒鵝髀嘅味道！回想當年嘅風光偉跡嘅時候我嚟咗好咁佢宜家呢個時勢令我哋覺得好似沒有將來。

秋天咁快就又到啦，大家唔單止食蛇食大閘蟹，今次我哋就去食呢個阿拉斯加長腳蟹，近期亦都有一個特價優惠成為$148一斤都幾貴抵食架，咁岩聽日10月1號亦都係國殤日，就為此去食一餐悼念一下，我哋一行12人就去到呢一間酒樓度食嘢，個場都幾多人下，每一台都係叫咗一隻阿拉斯加長腳蟹，而我哋10 23人，就點會叫一隻咁少啊！我哋叫咗兩隻五斤幾嘅牆腳蟹，每人一隻腳，再叫多幾個餸，都好鬼夠啦！隻蟹啲肉好鮮甜，又多肉又多汁又多高，真係好鬼正！正！正！食完之後我哋鍾意做多五個飯將啲飯放喺個蟹蓋上面同埋加埋啲蟹白，一次過去食，真係好食到無窮啦！

今個月開始食阿拉斯加長腳蟹特價$148一斤都好抵食，所以試下叫啲朋友一齊去食，諗住叫6，7個人去食，點知叫叫下有成13個人去。記得去之後要預早book 定位，你唔好諗住即興，去到就一定無位，仲要book位果時要留定蟹要幾多斤，唔係買哂就無啦！我地13個人叫了兩隻每隻5斤7，隻蟹上枱個個都争住影相，影完一大輪先開始分蟹。每人先分一隻大蟹腳，超多肉又多汁，蟹味又夠濃，呢隻蟹真係好食，正!其實食一隻腳多啲，就已經夠飽。我地再叫了幾個小菜食。而定襯食蟹季節先有咁平，等我呢段時間食多幾次先。

呢排食得多港式早餐都想試下新野，見星期日早上有d 時間就決定去飲下茶，hea 一hea 傾下計。兩個人去飲茶就好大機會要搭枱，因為時間尚早（8點幾）既關係，我地佔有左大枱既一小角，都叫勉強有d 私人空間，仲可以有張凳擺下袋。大家記得坐低後唔好第一時間拎最大路個張點心紙，而要搵下有無d 乜野特別優惠，因為通常都抵食d.今日我地就嗌左點心拼盤（$56.8)同醒神美點中既馬友肉餅飯（$29.8)同香茜牛肉腸（$29.8)老實講d 點心除左蝦餃ok 之外其他野都比我之前黎食差。埋單大約$115, 不過不失，飲個茶，就算無乜野食幾十蚊都走唔甩。近年大個食多左酒樓，更覺得好多時酒樓d 野又貴，服務態度又差，環境又唔特別好。漸漸明白點解d 新式點心店咁多人食，因為環境，服務，食物，價錢，統統都好d. 希望d 連鎖酒樓都改善下（機會不大）

今日同媽咪去海港飲下午茶。本身想叫個燕窩燉椰皇，可惜太搶手，買唔到。之前都係成日買唔到。叫咗個點心拼盤：有好味嘅流沙包，皮薄餡靚，皮係用黑炭做，仲有用金箔畫咗隻好靚嘅天鵝，又靚又好味。另外仲有一隻菜肉包，同埋一隻叉燒包。叉燒包唔係太多肥膏，醬好好味。另外仲有粒鵪鶉蛋燒賣，不過我都係覺得傳統嘅蟹籽燒賣好味啲。仲有兩粒蝦餃，蝦好大粒，好抵！另外再叫多一籠鵪鶉蛋燒賣，蛋好滑，蒸嘅時間啱啱好！仲帶咗胡椒豬肚湯，豬肚洗得好乾淨，煮得好林，湯好好飲。仲叫咗蜜汁燒排骨，今次因為人唔多，所以竟然叫到。蜜汁好香好甜，排骨好好味，好肉生在骨頭邊呀嘛。再叫一份沙薑雞腳, 補充一下骨膠原。

呢間酒樓好多人都有食開，包括我在內，今次食呢個套餐就係最平嗰個，我諗佢個優點就真係只有平 ，食物嘅味道認真麻麻，份量亦都小左，有啲餸拎出嚟就已經唔熱 ，以前食都覺得呢間嘢幾好 ，但係今次唔知係咪因為個套餐平，所以食物質素下降咗咁多，