海港酒家

營業中

休息中

今日呀姨請食飯! 大家一早約好今日去食海鮮!! 正呀!最後去左海港食， 因為一直都想試佢既阿拉斯加長腳蟹! 佢當然是主角吧!用蛋白蒸完，出到黎... 好好食  佢D蟹膏用蓋裝住 超濃味! 正呀!然後D肉又係啖啖肉 蟹味夠 我只係食左兩隻腳加少少膏都真係已經飽飽地,,,然後仲有鮑魚 蟶子 等等. 食海鮮only 都飽到訓係到!!

6月22日晚上6:00去到訂了位食帝王蟹、餐牌寫明4斤以上、多了補錢、結果所有賣的蟹都不足4斤、大的都說訂了(明顯講大話、想先清了小蟹)、當時沒人選海鮮、我是排弟一的、肥海鮮男叫我等一陣、5分鐘後一個女部長就自己的客來打尖叫海鮮男人比最大的她、我已表明我到先、我是要大的、結果大的給她打尖了(差不多4斤)，只盛下3斤多d 的、肥海鮮中年大叔仲要寸咀話:'唔係咁都炸型呀！大蟹要留比食6000一圍的客'((((狗眼看人低、好似我們吃不起咁)，之後仲要唔問我們就把第二大的蟹都比其他人了、呢個時期同職員理論不果、唯有啦隊走人、今時今日咁嫁服務態度、呢間分店遲早只招待女部長的私人客(個子小的、只招呼自己客)

大家最頭痛就是做節，通常拜年一家出去晚餐都是指定菜式，我家吃了很多年海港，因為其他的更難吃海港酒家食物其實很正常，我覺得要同它平反一下，食物味道是可以的，味道還不錯。有圖有真相先看蠔豉，完全金蠔size,真心很入味很喜歡，豬脷比較難咬可以略去。這個豬手，豬皮非常QQ 軟綿綿，很快全家12人搶完龍躉2味，比想像中驚喜，因為魚肉竟然幾滑溜，爆的比較爽有咬口，蒸的很滑，養魚都有這個水準，讚！白灼蝦很大隻，有手指公粗，啖啖肉，新鮮爽口的，而且份量很多，每人吃到6隻左右。瑤柱扒豆苗正常，就豆苗老左點點。這個斋煲很香南乳味道，比較喜歡是腐皮，同雪耳，前煮味道吸了很多汁很重味，後煮爽口有骨膠原。花膠仔都不少，就是比較平花膠，請打要求降低。一分錢一分貨，在吃大圍菜來評論，海港比較出色，我們周不時轉其他區，其他名酒樓，最後都要回來海港比較安全。大家都覺得食物不錯

海港酒家 (藍田)食過藍田幾家酒家，覺得最好食係海港。母親節，點忙都要同屋企人飲餐茶。好多人等位都預左，🕴🏻但都比想像中等得快，大約等左35mins。點心都好有質素：#鮑魚燒賣鮑魚唔細粒，都有一節仔尾指咁大，😍仲有係有鮑汁包住，幾彈牙。#牛肉球腍身帶彈性，仲會食到陳皮味。😆屋企人嫌佢腍，但我幾鐘意佢個口感同味道。#流沙包黑金造型真係又潮又靚，夠流心，😋奶黃味重，咸蛋味軟淡。#叉燒雞蛋腸雖然加左雞蛋🥚但唔覺有咩分別，但都好食既。#銀芽肉絲盞麵呢個勁有驚喜，一上枱，大家都嘩左聲。🥳麵炸到一個個圓桂體，另上一兜芽牙肉絲茨汁。此舉除左外貌吸睛，仲好方便夾同share。👍👍👍加上會避免左一早淋茨，麵會腍問題。麵好脆，茨汁足料，有大量銀牙絲、冬菇同肉絲。🤩必食呀！P.S 不得不提佢個辣椒🌶油好有誠意，三大條辣椒仔，似潮式辣椒油，又香又麻又辣。

今次是去藍田海港，由於媽媽想食亞拉斯加長腳蟹，所以叫了二款，一款清蒸，一款花雕蛋白蒸，每隻蟹都有5斤一隻，D肉很多，極度鮮甜🦀💯👍接著也 order 咗燒鵝，隻鵝肉厚，燒得很香，又唔肥，我當然食了隻肶❤️😋仲有個京都排骨，配有 peach, cherry tomatoes, 很正🉐️值得一提，就是大壽包，有蓮蓉及奶黃二種，非常大隻及好味✅仲有個紅棗糕，又濃味，香軟又滑，叫了二打食！最重要價錢非常合理，抵食🈵

今日係藍田探朋友朋友話想去飲茶傾下計咁岩我又想食豬腳薑一於就去茶樓啦朋友介紹話去海港飲應該係藍田最有質素既茶樓果然有質素係要等下位既等左六張枱終於到我地啦即刻睇下點心紙先好采有我想食既豬腳薑呀！掂呀！！再嗌左排骨飯啦叉雞飯啦牛肉腸菜心等等哩間茶樓果然係即叫即整全部熱辣辣架味道都係有質素既牛肉腸好滑溜呀，叉雞飯啲叉燒又好出色，肥瘦岩岩好呀不過嗰薑醋蛋就唔夠硬同埋入味喔不過哩度真係一達好好既地方傾計，服務態度都好好💕💕豬腳薑💕💕菜心💕💕叉雞飯

因清明節假期，照顧爸爸的姐姐放假。晚飯一於幫襯屋企飯堂。一行三人叫了半隻炸子雞，清蒸龍躉、海鮮豆腐煲及豆豉鯪魚炒油麥菜。海鮮豆腐煲豆腐非常滑、海鮮份量多，有帶子、螺片、蝦仁等，味道做得非常冶味。炸子雞亦做到皮脆肉嫰，雞件份量亦算多。豆豉鯪魚炒油麥菜亦不俗。油麥菜算爽脆，師傅落油亦算輕手，整碟菜不算油膩。清蒸龍躉size非常大。雖則肉多，但由於屬飼養龍躉，味道淡，蒸魚豉油份量亦少，普通之作。埋單價錢約$500，不算很貴。以食物水準來說，雖未至於有驚喜，但以屋企飯堂來說，合格有餘。

呢間嘢經常都爆場，雖然唔係好好食，不過都叫不過不失。 以前見係打邊爐為主，潮流轉變下已經變咗蒸鍋。今晚都係嚟食小菜，叫咗三寶餐，躉仔兩食，一個炒甜豆，一個蒸，兩個菜都唔錯，魚唔鞋。個燒鵝就唔錯，皮都算脆，不過唔記得影相。再嚟個龍蝦伊麵，因為正價叫唔係餐，所以麵底夠大，不過龍蝦係原隻上，味道麵唔錯。仲叫咗蒜蓉蒸蟶子，都係唔記得影相，不過好似蒸過咗，有D韌，蒜茸粉絲係OK嘅。另外仲有番茄湯什菜魚腐，呢個都係唔錯嘅。

長腳蟹要多人先食得今年LI 隻正過上年果隻好食!多肉, 個蓋既膏用黎撈飯真係無得輸上年係上環海港食, 個蓋係無膏, 得D 水所以我一直以為長腳蟹係無膏我地只係記得影長腳蟹其他餸唔得影我地叫左乳豬孖寶 $388超唔抵食!!!千祈唔好叫, 情願單點多幾個菜乳豬得10舊到, 少到呢又話D 魚有一斤, 根本就無一斤豬手同咕嚕肉都唔錯如果唔要孖寶, 叫到四隻豬手啦所以千祈唔好要孖寶!!下年都要繼續食長腳蟹~

新一年新的開始。元旦亦是岳父大人生日的大喜日子，到這先吃慶生飯。海港的晚市換了餐牌，所以我們來試一試花膠螺頭雞湯岳父喜歡喝湯，所以我們點了這個6人飲的大燉湯。盛出來的湯渣不算多，但湯的量有大概8-9碗左右，非常入味。蒜蓉粉絲蒜蟶子 $25/隻完美表現出圖片只供參考，粉絲的量都非常少，蟶子只有淡淡的咸味。海鮮什菜煲蔬菜上面只鋪了八爪魚﹑蟹柳﹑日式魚片﹑乾玩貝的海鮮，如果可以加2-3隻蝦會更完美。味道OK。黑松露蝦仁炒蛋 $108老婆例牌點這個，大大隻蝦仁，好好味。蛋炒得夠滑，黑松露能帶出其鮮味。例牌燒鵝

呢日一行四人嚟到位于藍田啟田商場嘅海港飲茶。餐廳裝修普通，面積都幾大，坐得還算舒服。香煎芋絲糕 (中點) - 外面煎得香脆，入面係夠粉嘅芋頭絲，味道唔錯。水晶潮州粉果 (中點) - 餡料唔錯不過粉果皮太軟身，一夾就爛，感覺一般。沙爹金錢肚 (大點) - 味道唔錯，不過只有幾嚿金錢肚，而且下邊放咗好多白蘿蔔，感覺唔抵食。醬汁蒸鳳爪 (中點) - 鳳爪夠腍夠入味，而且味道調得幾好，不俗。鮮蝦腐皮卷 (大點) - 鮮蝦腐皮捲入邊嘅蝦唔算太大隻，不過都爽口彈牙，腐皮就有少少腍身，普通。香茜牛肉腸 (中點) - 牛肉無乜牛味，而且腸粉太腍亦冇米味，唔推介。五香鹹水角 (小點) - 鹹水角味道唔錯外面夠脆身，值得一試。新鮮農場雞飯 - 味道唔錯，不過雞肉比較嚡口，只能算一般水準。總括嚟講，呢餐食物味道都算ok，不過服務就唔係幾好，侍應都幾粗聲粗氣，態度愛理不理，好似唔想應你咁，如果你係在意服務態度嘅話，就唔推介喇！

我都唔係要求高既客人但真係太差呢間酒樓碟底痴住一堆類似腸粉既野都set位點解可以咁都睇唔到職員成日問住上菜位係邊我都想知個位係邊一圍12人東南西北你都上過菜你鐘意上邊咪上邊囉最討厭係佢收碟點解可以將隻醬油碟放上去我地未食完碟雞到？碟底係幾咁污糟。我地碟雞未食完係隻手拎唔哂咁咪唔好收或者分2次拎正常少少既人都知啦。係咪收野成日係我地個頭上面拎來拎去如果倒瀉左咁點算呢？我唔會再黎同時所有親戚都唔會再選擇呢間酒樓實在太差太差超級差！

2018年9月4日 (星期二) 32°C 環境光亮整潔，餐具乾淨。 侍應主動收拾蒸籠和碟子，幸好沒有如其他食評家所說的服務懶散、視而不見，感恩 ~ 人數：3 人 HK$255.8 銀芽肉絲麵盞 - 賣相擺放異常別緻，麵餅捲成六卷，頗具心思；同時，亦方便食客夾取。麵條炸得非常香脆，豬肉絲肥瘦適中，銀芽爽口。當中伴隨紅蘿蔔絲、冬菇和韮黃，配合大量玻璃茨汁後，感覺滑溜。整體來說，份量適中，味道不會太鹹。【推介之選】❤❤❤ 翡翠筍蝦餃皇 - 皮薄餡多，蝦肉滑溜。【推介之選】❤❤❤ 鮮竹牛肉球 - 熱騰騰，牛肉嫩滑，美味！ 潮式糯米卷 - 卷皮軟綿綿，內裏的糯米十分煙靱，且味道鹹甜適中。【推介之選】❤❤❤ 荳蓉南瓜餅 - 炸得金黃，外層帶香脆，內層荳蓉甜美。【推介之選】❤❤❤ 雞蛋叉燒腸 - 創新的感覺，蒸腸當中竟然包含著雞蛋塊。叉燒不算太鹹，只是份量略嫌不足，腸粉皮亦未算滑。 香芋蕃薯糖水 - 芋頭和蕃薯都煲得軟腍，碗中薑塊勁多，真的超級驅寒祛風 ~ 陳皮紅豆沙 - 大大碗，很多紅豆，濃稠起沙，味道非常香甜。【推介之選】❤❤❤《 餐 牌 》：《 環 境 》：【 溫 馨 提 示】：❶ 全場搭枱

一開始落單已經有個黑衫人話落單用數字落要攪清楚菜名，如果唔係會上錯菜。 咁同佢講有單返，我會check, 點知黑衫人話落左單就會做架啦。既然佢講到咁有效率，我又費事錯，咁咪講菜名比佢落囉。 點知佢又要寫數字 ……野食味道就一般啦，唔會差到要寫負評，不過上錯餸。 鮮竹魚肚浸勝瓜比左鮮竹魚腐浸勝瓜。我地食完咁滯先發覺，都無諗住追究。係埋單果時順口問句係唔係菜單寫錯名。問左個自稱女公關既人，佢就覆話“咁你叫左d咩呀”。OK,都預左呢度d服務係咁上下，咁咪話番比佢聽，叫左魚肚但唔見有，係咪菜單錯左。埋完單返嚟，個女公關就當無事發生咁，比張信用卡單我簽。 咁咪追問下囉。點知佢又再問我咩出錯… 跟住我地話佢頭先問佢，佢唔覆野，佢又死唔認佢唔覆野，話佢只係公關，佢都唔知，要問經理。問題係我唔追問佢都唔講呢句嘛。最後攪左一大輪先知原來套餐都有味餸係左鮮竹魚腐浸勝瓜，應該係廚房攪錯左。其實我唔介意廚房攪錯野，我地亦都係食晒先問酒樓。問題係唔好當d客係仇家咁囉。我唔期望有好服務，但唔好咁差態度又話無鬧人囉。除非拍晒枱先叫鬧人啦。結論係永不光顧！補充一下，8個人食埋單計9個人，要改返單。當然，梗係唔好意思都

五怕比人坤 推藍田海港 本人去魚缸找了只長腳蟹約四斤半 本人仲打其中一只腳拆斷 還要原只清蒸上 其實做開食市都知 這樣食法的人 已知不簡單 最後上臺的 全只蟹冇斷腳 但是只有三斤多些 單點只蟹都近千三 之後個經理還叫我捉只象拔 我知這店出名偷龍轉鳳 算吧 最後加多個408餐同三個甜品 算賬後$2031 四個大人 一個小童 這價$ 現場叫一席也是千六蚊有找 算吧只是吐吐氣 冇下次。。。。。。。。。。。。。。。。。。。。。。。。。。。。。。