海港酒家

營業中

休息中

我遇到一個吾好經驗，我們一家人去團年，我經常去旺角兩間海港同觀塘海港一直各方面都ok，可能近年尾訂枱緊張所以去咗藍田海港叫咗個長腳蟹套餐，估唔到第一餸燒豬係涷，跟住上燒鵝又係涷？叫經理來幫忙解決點知得到答案因為廚房係咁樣做菜，我真係未試過粵 菜係涷食，其實如果冇心做好味道菜供人客品常，何必你又主得辛苦我又食到一肚氣👎👎👎👎，6個人洗咗$3424最後要落去食雲吞麵充飢😡😡😡，估唔到疫情期間仲有依啲咁酒樓生存到🤬🤬🤬🤬我好想知道海港飲食集團有冇管理？還是特許經營？

2023/1/7 一家十二人去海港諗住食長腳蟹， 叫咗一隻四斤10兩長腳蟹，味道不錯 ，但叫咗一碟乳豬例牌上，128元 ，只有六件，超細碟， 問部長，部長話乳豬三百幾蚊一隻，例牌係得咁多喇! 我哋都感到非常愕然，為起上嚟，二十幾蚊一件乳豬，都係得手指咁長，真係超貴，仲貴過食蟹！

唔到食咩，就諗住去海港打邊度爐，去到先知之前嗰啲平價冇肉火鍋放題冇咗，改咗188一位，話又有海鮮又有靚牛肉，是但啦費時周圍搵，照食。嘢食真係好多，一坐低就上咗雞煲，跟住有個鮑魚鵝掌，一大盤海鮮火鍋料，同埋一碟普普通通嘅牛肉。不過最唔好就係個湯底冇得揀，得清湯底😵‍💫之後畫飛加嘢食，啲菜就要自己出去拎。啤酒汽水都係任飲，不過冇咗雪糕囉。不過咁嘅價錢又冇限時慢慢食都OK嘅。對比起我之前去佢同一個集團跟真味，差唔多嘅嘢好似成三百幾，佢真係好抵。

放咗工返咗屋企附近，同屋企人食個晚飯揀咗呢間酒樓食，價錢一啲都唔算貴，晚餐可以揀套餐，另外屋企人想食長腳蟹都叫咗隻。所有嘢都非常新鮮 以前細個最鍾意去酒樓魚睇魚，佢所有海鮮都係喺個缸攞上嚟即刻整💕

同同事午膳聚舊，性價比高的大酒家，我就會選藍田啟田商場3樓的海港酒家！如圖實在叫了許多好東西食！現在就為大家介紹下精選菜式吧：腐皮素鵝：脆口柔嫩！內裏的料炒得香！桂花椰汁糕：桂花糕及椰汁糕配合得好好，唔太甜，剛好！脆皮一口豆腐：皮脆口及薄，出到豆腐味，記得趁熱食！蝦餃：真係大大粒蝦比你，成個乒乓波咁大！紅棗糕：層次分明，出到紅棗的味道，大大粒！蜆蚧鯪魚球：少有地方食到蜆蚧，鯪魚脆口，真係必食，最緊要係冇魚腥味！配到蜆蚧提鮮！食左兩次，兩次都好滿意食物的質素及味道，價錢大眾化及合理！

本人是海港酒樓長期客戶、於8月5日晚上7:30到啟田商場分店晚膳，受到不合理對待，職員態度惡劣，現正式向貴集團作出投訴。當晚一行3人（2大1 小）、選擇吃海鮮蒸煱，便到魚池點了一只阿拉斯加蟹，3 只南非鮑魚，3 只瀨尿蝦，其餘海鮮於桌上落單紙入單，點了白蜆，聖子，石斑魚，蝦，安格斯牛肉，正當在魚池點了新鮮海鮮後，負責酒家魚池職員竟然將3隻新鮮瀨尿蝦直接從魚缸拿到我們枱上給我們享用，完全沒有清洗及處理，衛生情況令人吃驚、隨後當其他海鮮奉上後，再發現3隻南非鮑魚是急凍的，跟我們在魚池點的極大差異，完全違反商品說明條例、我隨即向職員及魚池負責人投訴，竟然他不禮貌地回應《係咁的，我哋在中午已將鮑魚劏好放在冰櫃》，我回應: 《我要新鮮的，你竟給我冰鮮》，然後他說《你不要便取消》，然後我指着魚池大量新鮮鮑魚說《為什麼你不買給我？》，對方便立即回應：《如果你要這些，便立即給你，但沒有人劏及處理》，隨手他從魚池取了3隻鮑魚拿到我們枱上又給我們享用，此時更給我們大大的反感與憤怒 ,為何那麼大的酒樓沒有人處理海鮮給吃蒸鍋的客人，簡直不可理喻，立即再向貴職員及魚池負責人多番理論，隨即更向那位魚池負責人舉出一

一直想試試這個皇阿瑪鮑魚雞煲，之前新年賣$1XX，前幾天開始降價變回$88就直接海港網上平台買了回去試試食個陣D雞骨多肉少,舊舊都係骨,最慘D味似隔夜雞, 勁大陣放得耐的味,真係唔方唔皇阿瑪鮑魚就都仲OK，D汁同茨太結雖然知道88蚊唔會有活雞, 但係都唔使俾D 殘年舊雞吧

我哋好喜歡這個地方吃飯😅！價錢合理👍！選擇多👏，款式多👏！如果你喜歡飲湯水！ 瑤柱響螺湯👍👍👍 蒸氣火鍋好底吃☺️，海鮮新鮮，蒸雞味道唔錯！打邊爐乜都有😋😋😋！

整體外出用餐 好食還是難食 其實很多時候是：六成靠服務，四成靠食物。如果服務員態度差劣，食物普普通通，價錢不算便宜，那基本上這食店可以不用再來。如果重要日子打算前來慶祝，竟然還要碰運氣看看樓面心情，而食物毫不出色，我寧願不搏。——————————————————————前晚餐前來慶生，菜單奇怪怎麼選擇如斯少，問部長拎，問一次俾一張，最後要客人自己過旁邊枱一次拿來所有菜單。————中食物質素中規中矩，性價比低，優點只屬地點距離。上菜沒有基本節奏。第一碟菜，下單後5分鐘便上，欣賞！第二碟到尾二碟菜，20分鐘後一齊上，失去先後，菜涼了仍未吃過所有菜一圈。尾碟，差不多所有菜吃完才上。————後壽包作甜點。因知返蒸需時，一開始下單時要先點，之後差不多時間時叫上。因一般壽包需要15分鐘蒸時，在過了20分鐘後提醒部長追單，部長懶懶散散。再過多20分鐘，再追，（微紅曲髮女士）部長大發脾氣，認為我們等不到就不要吃。最後直接幫我們取消Order。態度一流。

一行7人去飲茶， 因疫情關係分著兩張枱＞.＜點心味道呢就唔會太鹹，所以ok炒粉麵呢都好有鑊氣， 味道唔差但呢間海港酒家呢，人手問題真係好混亂， 我哋一行七人要自己去穩位呀

長腳蟹套餐無散叫長腳蟹冇龍蝦孖寶無但散叫就有散嗌龍蝦加伊麵只得一碗仔伊麵都唔夠經理堅持喺咁少訂位時乜都有十分唔底食我哋12個人比兩張四人枱總數埋單重貴嗰啲套餐今時今日咁嘅食物質素好難會再去

如題。排隊非常混亂，不能接受的排隊編排。一時用機叫，一時用口叫。籌的號碼可以在某程度上嚟講係冇用。基於呢個排隊，下次一定唔會再嚟。食物方面，並不是很好，值得一試的程度。

難得家姐請食飯，緊係要食豪啲啦。我地2邊家人都成十幾人，所以坐2圍枱。呢一餐雖然唔係我話事，但佢都真係唔貴唔嗌架😌首先出場有芝士焗龍蝦🦞，啖啖肉！呢條魚唔記得左係咩魚，應該係貴價魚，東星斑或龍躉。長腳蟹！餐廳已經剪開曬殼，唔使自己開咁麻煩。果皮蒸鮑魚，呢個可能蒸得太耐，食落有啲韌，同無乜味。我最愛！蒜蓉粉絲煲蟶子！一個字:正！成餐飯除左海鮮之後外仲有其他野食，不過唔係重點，味道亦都普通所以唔多講。

因為住附近，所以嚟嚟去去飲茶都喺嗰几間──食物冇問題，但員工效率低咗，唔知關唔關疫情事，舉咗手好耐先有人理，尤其是廚房+樓面個呀姐(唔係推車仔嗰啲), 開茶位時已經覺得佢態度一般，將張茶位卡 當住我哋面掉落張枱道，見到我舉手都唔理

已經早兩星期book位，講明指定食“超值歡樂四位餐”$538，佢話有，再係食晚飯當日朝早再打去話食呢個餐，問需唔需要講聲，佢哋話唔洗，即叫即有，唉⋯⋯滿心歡喜一家人去食⋯⋯哼！居然話轉曬中秋節套餐，已經冇晒$538呢個餐，咁你講聲啦，問兩次兩次都話有，唔憤氣係唔交帶清楚，坐低問個女部長仲話係呢啲架喇，你睇吓啱唔啱食⋯⋯呢間分店啲女部長好乞人憎，反而啲侍應ok但下次都唔會去呢一間分店