海港食家 (已結業)

自從南港島綫通車之後，到往鴨利洲食海鮮的人也多了，不過大部分都是到街市上的熟食市場，無疑，是方便，煮功亦有水準。但今天要介紹的一間並非在街市熟食區內，而是在距離地鐵出口兩分鐘的小店，座位不多，星期六，日也必須訂位。人少少可以點一些簡單小菜及海鮮，當日我們一行六人就點了六個菜，價錢非常相宜京都骨，例牌份量適中蒜蓉開邊蒸蝦，已經幫襯了三，四年，這個菜式每次一定會點，絶不會失手清蒸海斑仔，很多人會嫌骨多，如果食開多骨魚的食客，就多數點細條，肉滑而且價錢也相差很遠，好魚的食客就會覺得性比價高椒鹽腰果鮮魷，炸粉不厚，魷魚炸後不乾身，餸啤酒一流啫啫雞煲，反而這一味在這裡我還是首次點，有鑊氣有風味，不錯的選擇因為是非常舊式的小菜館，潔淨和舒適就不講得，但三，五知己聚腳喧嘩一翻也頗合適

1. 油浸九肚魚魚炸的非常酥脆，咬落去肉卻仍很嫩滑，好味到骨都食埋2. 豆腐海鮮湯豆腐，石班魚骨，草菇，白菜仔滾出鮮味，唔腥。3. 鹽油水煮蜆蜆鮮甜無砂，配上粉絲芹菜沖菜味道香濃。

今日夜晚我和爸媽Lum着落大街食晚飯，但係想係屋企睇電視。所以叫o左外賣白取。今次想食新o野，所以揀左 海港食家。 叫o左乾炒牛河，夏門炒米，雞絲炒飯，牛肉飯。等o左30分鐘，終於o黎啦！ 拎到返屋企，仲係熱辣辣o既！ 乾炒牛河好有獲氣。牛肉好大片，芽菜「爽」。 夏門炒米酸酸地，好開胃！ 雞絲炒飯 D飯好香。 XD 牛肉飯 ok 啦…… LOL. 全部 Total $146.

黎鴨脷洲大街，梗係要幫襯下地道海鮮啦！第二次食海港，佢個蒸雜海魚係用當天最新鮮既魚個既，啲魚唔算大條，但好有魚味，我個人勁鍾意食啲葱，正！另外個蟹一流，蛋白有好香酒味又夠滑，隻蟹新鮮又多膏，師傅斬到啱啱好大小，超級享受，成隻碟清晒。當日仲叫左個炒菜同例湯，都有水準。午餐收下午兩點半。

屋企人今日無煮飯, 收左工唔知係咪食慣家常便飯嘅關係,就算出街食飯, 都想食"叫餸食飯"所以就去左屋企附近嘅"海港食家", 叫番幾味同屋企人品嚐!3個人叫左沙拉骨, 粟米魚肚羹, 豉油皇炒麵同豉汁蒸魚雲!沙拉骨: 甜酸味適中, 而且唔會骨多過肉, 咬落去都算係啖啖肉, 好食!粟米魚肚羹: 呢個真係有d失望 , 本人其實好鍾意飲d咩羹物羹, 但呢個粟米魚肚羹真係好淡, 飲落好似d加左生粉而咸咸地嘅水咁, 唔好味之餘好似完全唔值6x蚊..失望!!豉油皇炒麵: 炒得又有鍋氣又好味!!好似未食過咁好食嘅豉油皇炒麵, 一碟野成家人, 轉個頭就食晒, 推介!!!!!!豉汁蒸魚雲: 本人唔太識食魚雲, 但蒸得溫度及味道適中, 係咸左少少!總括黎講, 菜色味道服務各方面都算唔錯, 係貴左少少。

我的家人曾經試過這間「地痞」小館, 對它的評價非常高, 所以我便和他們再一起光顧一次。我們在7時半到達, 但那時候食店已經滿座, 要等大約十分鐘才能拿到位子。等待期間我點了一枝樽裝的Coke Zero作為這頓飯的前奏。我們首先點了椒鹽鮮魷: 鮮魷炸得香脆, 亦非常多汁。接著是炒斑片: 斑片份量十足, 我的媽媽說用相同價錢買材料來自己煮, 可能也買不到相同的份量。每塊魚片都很厚, 而且炒得鑊氣十足。蒜蓉開邊蝦: 蝦的大小屬於中等, 味道非常鮮甜。最令我們驚喜的是, 埋單時發覺三道海鮮加啤酒承惠350元, 足夠三人享用, 媽媽再次驚嘆說買菜回家煮也未必低於這個價錢。希望我們在不久的將來能再與「海灣」相聚。

有時候海鮮不一定是西貢或鯉魚門, 鴨脷洲大街除了小炒王, 還有海港食家, 店面不太大, 沒有小炒王的墟撼, 小店經營, 價格十分相宜, 先點了兩個老火湯, 十足材料, 有魚有節瓜, 鮮甜沒有味精, 濃濃魚湯如在家裡媽媽做的湯一樣! 豉椒炒蜆, 新鮮細蜆水準一般,但厭不夠惹味, 好像只有豉汁 ! 花生炆豬手, 好入味有許多花生, 豬手和花生都炆到很入口融化, 有些少南乳調味, 十分出色! 紅燒班腩, 好有鍋氣, 班腩的皮有彈性, 魚肉結實, 還有些伴菜, 兩口子已經可以捧著肚子回家去了!

一件事情結束，另一件事情又出現，人生到了某個階段，不得不承認最令人感到無助的，就是脆弱的生命。倘若一半天意、一半人為也好，看到親人身體慢慢走下坡，甚而離開，難掩神傷！人半夜走了！於傍晚，需到同一醫院採望另一親人，跟著便和老爺、奶奶，老公到鴨脷洲用膳。這趟奶奶建議到海港，比上一回到過，位於同一條街上的發記，更具老街坊情懷。陳設樸實無華，圓檯、膠凳、紙皮石地及光管照明。進來的食客表現稔熟，似是老朋友般打招呼，有的更會談談食經、說說品魚經等。替我們挑魚的是爸爸，當侍應及收銀的是女兒，經常將爸爸掛在嘴邊。我們一家總喜歡海魚，尤其小魚。小魚有著大魚沒有的韻味，不過嚐小魚要講緣份，環境被污染，偶然才有小魚的魚獲。奶奶跟我挑了兩尾石狗公、兩尾烏絲，有另一品種的小魚味道應比石狗公及烏絲更好，但早給先到的街坊買光了，剩下的都不是太精神！先來一鍋海港靚湯，標榜無味精、無添加的青紅蘿蔔海鮮湯。入口盡是純純的甜，帶有章魚的香氣，非常的美味。除青、紅蘿蔔的湯料外，鍋底帶有小量的魚碎，至於用上其他什麼海鮮，則不得而知了。不過這個青紅蘿蔔與海鮮配搭新穎的湯水，還是首趟嚐到，一試即教人回味，相信全賴海港的真材實料！海

5-3-2013(二)是日晚上，約了老朋友 Kenny、Marman 在鴨脷洲吃晚飯。剛在土瓜灣「垣記」買完雞蛋卷後，便坐 5 號 A 巴士去到尖沙咀碼頭，再坐渡海小輪去中環，最後轉坐 91 號新巴來到鴨脷洲， 真是千里迢迢才來到鴨脷洲，晚膳於大街內的「海港食家」。來到鴨脷洲，當然要試試其海鮮。我們三人共點了： 一魚兩味(西芹炒石斑片、石班豆腐湯)：廚師先把兩邊的石斑魚肉起上，其中一半魚肉拿來清炒西芹；另外一半魚肉拌入豆腐、香葱等材料製作成清湯。石斑片切成厚片，炮嫩油盛起，入口嫩滑、鮮美多汁，香脆恰好。來一碗營養豐富，味道鮮美的魚湯，嘩～鮮甜到不得了，我們在湯面上撒上少許胡椒粉，更覺入味！ 豉汁炒蜆：上桌時暖暖的，火候足夠。蜆肉飽滿、爽口；陣陣的豉香蒜香飄揚在空氣中，豉椒夠香又不會過鹹，更能突出蜆肉的鮮味。汁香味濃，風味一絕！ 椒鹽瀨尿蝦：瀨尿蝦的外型雖然不算很大，然而其份量卻不少。以椒鹽的方式來料理，每隻瀨尿蝦上沾滿細細的淮鹽、蒜末和辣椒。吃下一口，外殼非常脆呢，很有彈牙感；蝦肉豐富，味道鮮甜。 生炒骨：熱辣辣的上桌，粉脆且薄，吃起來很脆口。味道是酸甜得宜，十分開胃

這家小炒店從小吃到大都不知光顧了多少次, 以前大排檔時代除了柏記, 珠記, 也有來這家. 自大排檔清拆後, 印象中在熟食中心也有兩或三次光顧過珠記, 但已經吃不回那時候的風味. 隨後則比較多來海港. 適逄今天老豆牛一, 當然穩固起見早一天就要訂位啦! 這趟一共十人, 可以多試幾道菜式呢, 未吃也先興奮門外有魚缸養了一些生猛海鮮, 魚/ 蝦/ 蟹/ 貝殼類都會有. 到底是不是食家, 巧手小菜? 等一會揭盅. 店內大枱有2張, 中枱 約4張, 小枱約3張. 可約容納45人左右吧. 店內都張貼滿很多小菜, 不愁沒選擇.因有兩款是自攜帶來的, 所以點了六款餸菜加一個湯.粟米魚肚羹 - 足料兼夠味, 再加點胡叔粉, 正!羊腩煲 - 湯底相當濃郁, 羊腩妏得十分腍兼入味, 羊騷味不重, 再配點生菜吃, 冬天必點之作!生炒骨 - 炸得十分香脆, 甜酸度得宜, 肉質十分Juicy, 正! 椒鹽鮮魷 - 炸得十分鬆脆, 不油, 魷魚也很鮮味又彈牙, 正!臘味芋頭煲 - 別以為賣相不好就拒諸於門外, 在我試一口後立時醒覺還汁撈了一碗飯! 臘味不算多, 芋頭十分腍及夠粉, 汁料濃郁帶有點椰奶味, 撈飯真的一

多年前已經在雜誌上看過有關海港食家的介紹，卻只一直只去發記，無緣嘗試。這一次發記滿座，終於可以會一會海港。正如其他網友所言，這裡只是小飯店，裝修、排場欠奉，但總算整潔。店員實在比較忙，但也努力殷勤招待。安頓後當然就是去挑海鮮。海港沒有發記或鄰家金寳那種海鮮攤橫跨 20 尺的氣勢，海鮮只有幾款。魚也只有兩種，而且都是「小魚兒」。不過，看鄰座所有人都點了「小魚兒」，一人一條吃得津津有味，我們兩人也點了 4 條斑仔。清蒸海班仔 4 條 - 很嫩滑，有魚味，絕對強烈推介。近年來飲食口味有所變化，明白「大未必佳」，今次經驗乃又一證明。另外，班仔只賣 $8 一兩，划算！椒鹽賴尿蝦（例牌） - 我是賴尿蝦超級愛好者，大大小小各種賴尿蝦都是我所好，吃過不少椒鹽賴尿蝦。這裡的，屬於非常好吃。賴尿蝦很新鮮，在這條街屬於必然（市區吃的賴尿蝦，一碟總有幾隻是「梅」的），但更好的是他的煮法。嘗過同一條街的幾家飯店，這裡的最入味，不乾身保留 juicy 感覺，但也不油膩。白灼蝦（例牌） - 可惜今天沒有「赤米」，只有普通基圍蝦。味道正常。蒜蓉開邊蒸琵琶蝦（兩隻） - 這裡沒有什麽名貴海鮮，龍蝦，象拔蚌等欠奉，店

一間在鴨脷洲大街開業的街坊小店，不看網評都不知此店也薄有名氣，評分不俗。論環境擺設，都談不上舒適，但衛生情況都可以接受。食物方面，一般慣常小炒都有提供，價錢亦算大眾化。大斑兩味(魚湯)：以石斑、白菜、豆腐等滾湯，湯料都不少，雖然沒有一般魚湯的奶白湯底，但也有他們的鮮甜味道。大斑兩味(炒斑塊)：石斑用料大件新鮮，不俗。生炆斑頭腩：相比炒斑塊，此餸的醬汁及味道皆濃烈一點。相比其他店舖的斑頭腩，這兒的魚肉份量倒不算少喎！土魷蒸肉餅：比較肥了一點，普通。西檸雞：雞件炸得皮脆肉嫩，西檸汁味道醒胃恰宜。粉絲蝦米節瓜煲：家常小菜，節瓜炆得入味，但粉絲則腍了一點。豉油皇炒麵：麵質偏硬，又談不上脆口，不作推介。

少年食神推介過後.午,夜市都要訂位先有得食walk in 一定無位!菜牌鹽油水蜆大隻到以為係蚌生炆班頭腩超入味!多骨,不過o的骨都好大條易分別到(碟蜆係有粉絲架)啫啫雞煲值得食既係豬潤!真係黃沙潤雞係冰鮮雞唔入味正常,不過都滑既...雜菜煲有魷魚同班片足料!美中不足:1.半個鐘先上菜,因為得兩隻鑊2.位好窄以質素,服務態度,價錢黎計抵食過熟食中心柏記

jul 01, 10,4人嚟lunch,叫咗 : 1) 菠蘿生炒骨 (hk$45)-已聞到有點刺嘅酸味-入口果然有點搶喉,不過食多幾啖就適應咗喇-排骨都用上了1/2肥瘦,所以肉質唔會實,都juicy,唔乾-不過個皮當然唔會喺好鬆脆啦~~ 2) 時菜斑片 (hk$28)-個斑片唔知解要落得咁重手嘅鹽味-友人話可能條魚唔多新鮮,所以要用鹹味蓋1蓋-其實魚質喺ok,油泡效果都唔差,只喺鹹咗d jac 3) 油鹽水蜆-份量不少,全是細蜆-鮮味不突顯,不過勝在全部食唔到沙-有埋粉絲喺底-估唔到用上果皮絲,甚是少見,佢嘅果皮味唔重,都ok夾味架,唔會覺得怪-ok的 4) 椒鹽9肚魚-呢個喺全餐最好嘅1味-炸得好乾爽,外挺脆-裡面好熱,9肚魚很肥,很滑溜 5) 粉絲什菜煲 (hk$48)-有白菜仔,西蘭花,大蝦米,粉絲,菜心-無嘜問題,只不過又喺越食越鹹 6) 白飯 x 2 7) 淨米粉 * 其實都幾多客嚟食蒸魚飯/set lunch,都幾大碟同抵食架~~~~ * 主要嚟鴨脷洲大街,喺因為想去間士多買地道香港小食

睇過飲食集誌介紹，再睇埋開飯網友推介，專程由北角搭巴士會會佢，叫了 $45 碟的時菜班片飯，網友所言非虛，果然好野，班片色澤雪白，很新鮮，無骨又吾腥，食落很鬆化及無渣，吾似係養魚，但略嫌芡汁太多。搭枱的叔台見我食緊也要一碟，見佢果碟同我的一樣正斗，另一位搭枱的叔台則叫了$43 時菜班腩飯，班腩經過上粉及炸過，但比班片飯較舜色，因為有魚骨之故，個人寧願多付 $2 啖啖肉好食D！另外見有 $30 包一大碗白飯及一小碗例湯的午市蒸魚餐供選擇，是日共有兩種魚，薑葱蒸馬頭(山根)( 兩條約五至六吋長 ) 及 豉汁蒸齋魚( 四條約四至五吋長 )，我見每位客人落單後廚房才把魚蒸熟上枱，D魚睇落都很新鮮及蒸得很靚，搞到我很想再找機會來試試！