海濱南岸會所餐廳

營業中

休息中

出邊食驚污糟多菌，所以就去咗樓下嘅會所食。其實都已經唔係第一次食，又有西餐、又有中餐仲有燒味飯就算擺一圍兩圍都可以服務態度仲唔錯，又唔會話好貴所以今日朝頭早就去會所飲茶去到好快就有人招呼叫咗個XO醬炒腸粉，咁樣既價錢黎講，都算大碟好多配菜，有紅、椒、芽菜、韭黃等等令到成碟更加香油唔係好多，唔會話好油膩腸粉都好入味，又香口但係我就覺得有少少咸不過爸爸媽媽就咁覺得想食包又想食香口野，就叫咗炸饅頭我覺得仲好食過好多上海嘅鋪頭炸得表皮好香脆，又唔會油入邊仲鬆化配埋一大碟煉奶，用都用唔晒鹹水角都唔錯，表皮炸得好鬆脆，然後入面個層仲好煙韌不過入面料就少咗啲不過冇乜肥豬肉，夠晒健康啲蝦餃皮薄薄餡靚好食過出邊好多茶樓啲蝦好大隻好鮮味好多汁，不過可惜就係無荀啦燒賣好大粒好紮實又有菇、又有豬肉、又有好大隻蝦冇肥豬肉好健康炒麵都係一啲都唔油，好香口，條條都好分明其實好食過好多粥鋪牛肉球都真材實料自家製，彈牙有筋比出邊食少好多麵粉喼汁另上，唔會溝淡左個味叉燒包就同出邊食差唔多啦，不過都少好多肥肉㗎不過去會所係需要有住戶證嘅，每家每戶每個月都有兩張$50嘅coupon，不過假日呢$50 淨係當$25用同埋記得

這間餐廳中菜西菜都有 兩樣都食過都好出色點心類型很多材料亦很新鮮西餐方面不算太貴但亦很有水準推介 牛扒必食 另外環境方面亦都好大好舒適 同家人慶祝節日或一大班朋友去都適合

會所環境值得一讚，服務尚算合格。不知是否訂房的關係，所有食物都由侍應先分好，再上枱分比每一位客人。 紅燒乳豬，皮脆、略肥，入口微暖，還有肉汁，好味。 西蘭花炒貴妃螃，沒特別。 清蒸海斑，蒸的時間可能過長，因魚肉有點un，但尚算合格。紅燒鮑翅用來撈飯極好味，翅的份量適中，沒有欺場。 甜品竟是杏仁露加湯圓，杏仁味極香，不太甜，值得一試。 壽包大大個，不得不試。 生果盤的西瓜全切到心型型狀，還有甜甜的士多啤梨和蜜瓜。

之前我食過呢間餐幾次，試過西式晚餐同中式炒麵炒飯，樣樣整體都唔錯。以下係我個人心水之選：海鮮炒麵麵底炒得脆，海鮮大件又新鮮福建炒飯炒飯底炒得好香，用料多，芡汁不會太漿牛仔骨我第一次食嘅西式set dinner係牛仔骨，成塊牛扒咁大塊，仲有成三塊咁多，正！芝士蛋糕芝士整濃，賣相精美。不過唔係次次set dinner甜品都係cheese cake，要睇吓好唔好彩。