海灣漁港

營業中

休息中

假期想飲下茶食個點心去左樓下間茶樓到試下1點幾左右到 等左幾分鐘就入得去炸芋角餡料好充足 呢個係唔錯鹹水角 一碟有四粒 但係入邊嘅餡料好少蝦網腸份量幾多 正常水凖家鄉炒米粉米粉炒得唔乾身 唔夠熱 蝦餃有4粒正常水準不過都幾細粒下奶皇流沙包流沙包一啲都唔流沙 奶黃餡都得好少蝦多士有4件但係好油仍好凍 仲有頭髮 侍應好好👍🏻幫我取消咗呢個order鮮蝦腐皮卷正常水凖 成張單連+1服務費$293價錢ok 但食物水凖不太好部分唔夠熱

同屋企人去飲茶，是但搵左一間但反而有驚喜喎啲野食裝修光猛，空間感都足夠，門口位好靚，我地食下午茶時間都唔洗等位，落單之後坐左一陣間好快就有野食上黎，服務態度都好好，每次野食黎到都會講聲多謝。最重要緊係啲野食啦！我好少去飲茶會覺得啲野真係好食，多數間間味道好似差唔多咁，黎黎去去都係個啲，但試過呢間既點心、尤其佢地既叉燒，都真係令我刮目相看，問落先知原來呢到啲燒味好受歡迎。期待下次黎食佢既晚市，希望以後都會keep住個水準啦！

近期飲茶最好飲果間⋯又黎到我搵野食時間⋯今次去搵飲茶既地方⋯話說長沙灣，荔枝角附近好多間都試過哂今次呢間酒樓，岩岩新裝修轉左新老板幾個月⋯就黎試試啦特登2點鐘下午茶至黎，D點心會平d , 重點呢間酒樓環境好闊落坐得好舒適，而且點心都好好食本人最鍾意食口水雞，呢一種麻辣幾好食😋唔知係咪因為新開張，碟粉麵都比較大碟😝下次都可以再黎try try

原本打算嚟呢度食嘢係之前嗰間叫做百匯軒，但原來上到嚟已經改咗名，以前都間中有時間去食下，唔緊要今日嚟到呢度一樣照試吓睇吓D食物O唔OK先，原來有啲侍應都仲有係到做✌️呢個疫情下估唔到咁集團式嘅酒樓都做唔住，真係有啲可惜，不過我呢個開心快活人，活在當下的我，一於就係舞照跳、馬照跑、繼續食……最緊要係食物好食😋其實我哋兩條友都幾大食吓，每次只要想食都話知你，一於係咁叫，想食就食，人生活在當下就是這樣🥰🥰😂😂兩條友又食咗5⃣️個餸➕甜品=6⃣️六六無窮…….食得滿足🥰😍眼闊肚窄係我嘅專長，不過我係唔會嘥嘢嘅😂食得是福…食極唔肥✌️✌️雖然已經肥咗好多😂😂😂😂😂人活到現在，還有飯可吃😋有水可喝😇有家可回✌️有床可睡👍我們都要好好感恩🥰🙏所以千祈咪做大嘥鬼，一於食晒佢❤️😇——————————🍗🍥蒜蓉粉絲蒸元貝配半隻麻香燒雞$218：1⃣️蒜蓉粉絲蒸元貝：時間蒸得相當恰當，蒜蓉粉絲足料配合，元貝新鮮大大隻、肉質彈牙又好味😋2⃣️ 麻香燒雞：香噴噴的燒雞，外皮燒得脆卜卜，食落香口夠味👍👍😋—————————-🦞🍜波士頓龍蝦配伊麵$198：3⃣️ 波士頓龍蝦一隻➕伊麵底：肉質新鮮彈牙的龍蝦🦞，上湯做的味道夠甜狗鮮味，配上伊麵底真

早幾個月之前，呢個位置係百匯軒，果時經過搵朋友都有食過下，叫做不過不失。估唔到咁快居然已經轉左手仲開業埋，咁我地見新開張，就試下咩來歷。食左：千島醬薄罉、鮮蝦腸粉、牛肉球、煎蝦多士、燒賣、鳳爪、腐皮卷其他無影相，但我想講，個蝦多士係兩片麵包夾住蝦滑來煎，仲鋪滿左芝蔴，其實應該係幾好食。但係可惜如果要令啲蝦滑夠熟，果兩片麵包就要煎到好油，變相好膩好膩。同個經理反映左之後，佢地都好有心即時話會改進，咁我地嗌左就照食啦，最多食剩一半。但後尾經理話會改良、減去另一片麵包，無咁油而且啲蝦滑可以直接煎香。呢啲服務真係加分，我認為下次可以去試下（其實到而家都未再經過間店）。燒賣係 $13.8 兩件，個人覺得最好一啖食晒個燒賣佢，因為拆開上面隻蝦來食的話會有少少雪味，但個燒賣又無乜肥豬肉幾爽口，唔會膩。以呢個價錢黎講，已經好抵好抵了。黎到坐低有個靚靚新裝修環境、有個好服務態度，兩個人星期日飲早茶計埋加一 $200 都唔洗就落到樓，以而家市道黎講真係好良心價了。鳳爪同腐皮卷都算水準之中，鳳爪個汁好濃味、腐皮卷塊腐皮夠香脆。