海皇粥店 (巴黎倫敦紐約戲院購物中心)

營業中

休息中

當完四天本地團導遊後翌日北上, 途中得悉出發時間押後, 那就走到新墟找個地方吃早餐消磨時間, 眼睛像加菲貓的月巴人只是很想吃即拉腸粉, 混沌間的只能想到海皇這名字......先取凍咖啡來提神一番, 小試一口! 哇~~超甜!! 糖水大特價乎?! 咖啡味真的不足,比即溶咖啡更糟! 水準以下的一杯咖啡,忘記它好了!! 誰叫自己在粥店點咖啡?活該!!香茜叉燒腸即叫即拉,看到阿姐下了不少叉燒粒和芫茜,非常好! 意外地還有2棵小棠菜伴碟,給我增加纖維,真好!!腸粉外皮稍為堅挺,絕不是軟滑綿滑之流,水準不算好但仍可接受; 叉燒粒切得算大片而且份量不少,雖然沒有什麼蜜味已可收貨; 香茜份量充足,獨特香味配叉燒腸粉真的不俗,拉回分數。醬油以小碟單獨奉上, 味道偏咸,不是我喜歡那種帶甜的味道, 而且份量偏少,喜吃豉油的覺得不足,但又不想起身去拿,算了吧。水準只算ok,不過給了我一個冷氣充足的地方消磨多餘時間,ok臉!

豆漿冇豆漿味, 飲飲下有粉狀物體(不止一次), 粥勁多味精, 食完要飲很多水~

有玩股票o既朋友都知道股票價位時高時低海皇o既食物水準正是如此....唔穩定!是日黎呢到食早餐平日日子當然選擇晨早套餐艇仔粥配上蒸蘿蔔糕艇仔粥裡的牛肉少到近乎沒有!其他材料都唔見得有幾多有d似食白粥囉!蒸蘿蔔糕更加係離譜....蘿蔔欠奉....成舊都係粉食到好滯...一d都唔清甜最衰o既係d粉吸豉油極快未食完件蘿蔔糕豉油已經索清乾.....成件糕變得好咸....唔掂呀....水準咁唔穩定...好難培養到忠實customer....希望佢好好keep下d水準...

今日黎好耐冇食o既海皇食早餐醒晨套餐唔o岩胃口選擇了「散叫」羅漢齋腸+艇仔粥艇仔粥料比以前少左不過味道尚算可以粥底也綿綿的羅漢齋腸呢碟有保留羅漢齋o既料好少似食齋腸粉多d一碟有3條腸但其中一條近乎冇料料o既分布唔平均希望可以改善一下!

琴日放假去o左睇戲,諗住睇戲前食d野先,於是就去左食粥.我叫左碗艇仔粥同炸兩. 先食一口炸兩,but...死火...點解咁差ga?? 炸兩入面o既油條一d都唔香,又唔脆,仲"un"o既?? 一團粉咁!! 跟手搞一搞d粥,.....點解d料少到咁ga? 得3條發到好似浮屍咁大條o既魷魚,3條豬皮,仲有d米粉碎,但碎牛肉就丁丁都無??!! 以前仲有炸花生同蔥花ga去晒邊?? 碗粥食落無味道無米香,唯一係d魷魚同豬皮有好重鹼水味........有無搞錯呀,加o左價仲要偷工減料成咁......!!!!

前日想食d 清清乎o既野.. 就想食粥... 但又唔想食d 冇味粥結果去左海皇, 聽聞菜乾排骨粥好味.. 我就左叫..加一孖油炸鬼及叉燒腸... 菜乾排骨粥- 好多菜乾... 十幾舊排骨... 乜都抵番啦油炸鬼唔太油... ok 喎叉燒腸就要等佢即整... 等左7,8分鐘... 得左.. 都唔錯合共 $32 .. 都幾飽

昨晚吃了咕嚕斑塊油炸食物，火氣大早上要清清熱心血來潮又想吃蒸蘿蔔糕來海皇吃個廉價早餐！白粥配蒸蘿蔔糕＄１４很便宜！白粥，當然淡而無味雖然平時吃得頗清淡但白粥吃進嘴裡之時難免會想「早知食皮蛋瘦肉粥啦」算了吧！忍一忍，可清熱！蒸蘿蔔糕水準再次下跌很多粉．．．蘿蔔絲近乎沒有！不夠林．．．．很硬。＄１４一個淡而無味的早晨套餐相信很多人都接受不到這樣的清淡．．．．但對於志在清熱的朋友核說應該還是可以吧！

２００８／５／１４午餐又病到五顏六色，令到食慾也大減…放食飯時醒起上星期在報紙看到海皇賣一大版”反加價”的廣告，就一於去吃。今期主打是健康無比的南瓜粟米肉碎粥，就來一碗。雖說南瓜是主角，但南瓜味不突出，味道和普通白米粥沒分別，南瓜肉就成了一絲絲的瓜碎，配角粟米粒，既清甜又有口感，變得很出位，豬肉碎有很多，多到要吃剩，粥底沒有即滾粥來得的綿，個人口味覺得稀了點。再來一碟炸兩，腸粉皮夠哂滑，吃炸兩我喜歡豉油大過天，粉皮下件件油炸鬼都脆口非常的，即叫即製，無花無假；而豆漿就一如以往的較甜。後兩者雖然也是平一蚊，但埋單仲貴過一餐碟頭飯餐連餐飲，呢招都幾’絕’。

今早本想到齋僩舖食早餐可是到步後卻見今天休息唯有走遠幾步冒雨到海皇吃碗粥吃了幾天蘿蔔糕想轉轉口味今天吃了一個南瓜粟米肉碎粥表明「抗通脹」的一碗粥10元一碗可是與poster中的樣子差很遠....如相所見poster中橙色的粥變成了黃色南瓜、粟米、肉碎少到幾乎沒有像吃白粥一般沒有任何味道可言.....淡淡的雖poster的角落寫住「相片只供參考」但粥也不置於這麼稀吧....米花也不見得有多少.....不值10元....下次還是叫套餐好了!!

睡眠不足燥火在體內積聚一早起身不能再火上加油不想吃煎炸多油的熱氣食物唯一的選擇...食粥!既可飽肚也難清熱~~點了最便宜的早餐套餐豆漿+蒸蘿蔔糕一直都很喜歡此處的豆漿完全沒有加糖100%天然~完全合乎不嗜甜的我!蒸蘿蔔糕也是我的至愛不論在何地只要一見有蒸蘿蔔糕就會毫不猶豫地叫來吃吃而海皇的蘿蔔糕近來水準提高了不少~

昨晚在強記吃了一頓頗油膩的晚飯今天早上決定吃個清淡的早餐清清腸胃廣東人傳統要清熱，食粥啦要食粥當然要去海皇!因昨晚吃得太飽所以今天與mama share一個餐叫了早晨套餐艇仔粥+蒸蘿蔔糕蘿蔔糕水準依然不錯艇仔粥加了數件炸兩料底充足牛肉碎、豬皮、魷魚等材料挺多的而且粥底很綿~不會出現淡必必的情況早上吃個這樣的早餐不但可以清腸胃而且很飽肚、不油膩~廣東人的清熱傳統智慧~怪不得可以流傳這麼久~

最近吃得太多煎炸油膩食物今天早上想吃得清淡一點於是選擇吃粥!海皇平日有早晨套餐白粥+蘿蔔糕白粥頗綿米花也開了蘿蔔糕質素真的是大躍進現在的海皇蘿蔔糕比坤記的更好蘿蔔絲份量充足不粉不油有少許芝麻灑在糕面上味道不錯!整體來說海皇的早餐幾抵食而且健康清淡適合喜歡健康的朋友!

在家千日好最近因為銀根短缺所以早、午都o係屋企解決同廚房培養感情!食完自己煮o既lunch之後心靈上覺得有點空虛因為味道唔好想食返sweet o既野!想去滿記之時又覺銀包所剩無幾唯有去海皇試試想試左好耐o既綠豆沙一直對粥店o既糖水都幾有興趣唔明點解粥店都有糖水食~(感覺上糖水只有糖水舖先有得食)綠豆沙黎到果然起哂沙~料多~唔太甜~唔鐘意食甜野o既朋友可以試下~不過呢..價錢就貴左d..要$9一碗不過最令人唔明o既係..紅豆/綠豆=$9但係紅豆溝綠豆要$11!!!點解呢??唔俾人溝???真係奇怪o既收費方法....!anyway~味道唔錯o既~得閒行行下街想食糖水又多個落腳點~

午後悠手好閒沒有節目..沒有工作坐o係屋企望住電視...口痕痕想食野落街周圍行行行下黎到海皇見裡面蒸氣騰騰就被吸引左入去見有下午茶餐蘿蔔糕+白粥/豆漿=$13價錢合理之餘又可以飽肚之前o係到食過蘿蔔糕嫌佢件蘿蔔糕太多粉唔夠蘿蔔絲..比較硬今日食到o既蘿蔔糕..雖然依舊多粉但比起之前朝早黎食o個時軟身左唔知係咪因為蒸左半日o既關係呢?朝早硬身...下午軟身!海皇始終都係集團對佢地o既蘿蔔糕唔敢抱太大期望坤記作為屯門區另一間小型粥店蘿蔔糕質素比海皇好好多食小食都係去小店舖好d~

尋日話過要黎試下呢到o既蘿蔔糕~今日的起心肝~再黎呢到試下佢o既蘿蔔糕的確~係冇以前咁粉但係味道同軟度方面始終唔及坤記~海皇o既蘿蔔糕只有稀少o既蘿蔔絲...而且比較結實唔係我杯茶....但係皮蛋瘦肉粥方面~水準比坤記好~最好o既早餐配搭就係:海皇粥+坤記蘿蔔糕~哈~冇可能吧!~$19有粥又有蘿蔔糕~抵吧~