海皇粥店 (彌敦道) (已結業)

這陣子突然懷念海皇粥店的煎蘿蔔糕和炒麵於是便相約朋友一同去海皇粥店吃個夠下午茶時間推出下午茶套餐（$42）但套餐入面不是全部都是我們想吃的於是放棄點選套餐我們點了炒麵、xo煎蘿蔔糕、油條、鮮蝦腸粉、凍奶茶多奶和熱檸茶看到一桌子美食我們食指大動首先，先講我的至愛蘿蔔糕是既叫既煎的保持蘿蔔糕的脆熱度蘿蔔糕煎完很完整不像外面吃到的鬆散而且加上xo醬帶有微辣十分惹味鮮蝦腸粉用料十足！每條腸粉都各有兩大隻鮮蝦皮不厚不易爛蒸的時間剛剛好！炒麵不用多講來海皇粥店必點的食物之一是海皇的經典食物油條今次有點敗筆雖然油條份量很多可惜不夠脆咬起來反而像咸的牛脷酥飲品方面不過不失！煎蘿蔔糕出色！下次必食！地址：海皇粥店 (油麻地)油麻地彌敦道497A號地下地鐵站c出口

今日收工見唔係咁舒服～想食下清淡一點～剛好經過海皇粥店～海皇粥店由讀書個時已經經常食～因為價錢便宜，份量又大～今次入到去店內裝修和以前差不多～但發現出左好多新款套餐～多左飯餐～湯飯～麻辣粥，部隊煱都有～今日主要點左煎羅白糕～分量足～麻辣狀元雜錦粥～見麻辣粥，真係未試過～生滾粥底，味道有一點點微辣香味～加錢升級麻辣叉燒炒麵～炒面辣味夠～材料多～份量值得加錢升級的～豆漿仙草凍～豆漿也可有不同～他們的豆漿好香豆味～但這次略甜了一點～

We love their porridge and fried noodle. Service was great at both outlets we went in TST and prince Edward. Price was reasonable and we will definitely recommend this place who love the authentic Hong Kong Style porridge. Restaurant was clean and nice.

今日係油麻地探完朋友班之後未夠鐘整證件，就去食啲嘢先～呢幾日有啲頭痛所以決定去海皇食個豬潤粥補下血，另外叫左my favourite炸兩😁其實佢既下午茶幾抵，可惜今次同佢無緣😂 我嘅豬潤粥仲加咗鯪魚球， 自從某朋友介紹我食生滾粥之後我已經好耐冇食過普通嘅粥， 因為生滾粥嘅粥底會吸咗肉既鮮味更入味更好食🙊佢既粥底幾綿，正如我所講吸左肉味更加鮮，但又唔會過鹹，豬潤同鯪魚球既份量適中～炸兩係即叫即整既，外層腸粉滑身，裡面嘅油炸鬼就好脆，好夾😁 豉油係另上，可以按照自己口味去加，仲有自助嘅甜醬，麻醬，芝麻等等，好方便👍下次再去要試新野😀

自小就在沙田區長大，這一間海皇粥店係沙田區已經十多年，可以話係歷史悠久，店入面有自家既工場，在透明的窗口讓你看見新鮮制作的腸粉糕點等等食物的情況，衛生整潔一目了然，讓食客更有信心海皇粥店每次黎都有唔同既新款食品推出，令我覺得佢地好有心去令客人嘗試唔同既口味，不停制作唔同既食品黎迎合客人但我今次一家人去食了鯇魚粥，艇仔粥，油麵，油炸鬼，鮮蝦腸，這些經典款式鯇魚粥，艇仔粥，厚身魚肉加上其他海鮮配料，令到成個粥都很鮮甜，鮮蝦腸，皮滑蝦肉多油炸鬼，熱食勁正油麵，香口勁回味總結，海皇粥店係一間老字號，香港人回憶的粥店，而且不段進步，口味款式眾多，價錢經濟，絕對一家大細解決三餐的好選擇

今日大概五六點起，油麻地附近做嘢，突然間有親戚嚟探我好肚餓。我同家姐去呢間酒店食，覺得所以去緬懷一下。又想食到大，炸兩同埋，腸粉。一如過往保持非常好嘅水準令到我哋無失望仍然咁出色。最少要做到皮薄餡靚裏邊嘅油炸鬼非常香脆。你哋嘅甜豉油真係好似佛跳牆一樣。佢哋另一個特色就係有其他西餐。你有火腿雞蛋好足料。水準相當唔錯一文可以叫凍檸水，四大片檸檬好豪爽。這裏面冷氣充足，服務生態度又唔錯。加上有西餐嘅凍, 煎雙蛋早餐。

呢排食得太多野，好肥膩，要食返啲清淡D嘅嘢清清腸胃，朋友提議不如食粥，於是就去咗海皇粥店啦。對上一次食海皇粥店已經係幾年之前，唔知道原來依家已經唔同晒，竟然喺海皇粥店入邊有得打邊爐，真係好新奇。我叫咗生滾粥餐，加埋炒米粉同埋叉燒腸粉都係勁平，再加埋杯豆漿都係70幾蚊。朋友叫咗海皇一品粥，雖然張相唔係好睇得到，但係入邊勁足料，又有豬肉丸又有魚肉又有花生，而且粥底夠綿。跟餐嘅炒米粉唔算好濃味，但係就啱我呢啲鍾意加辣椒醬嘅人，加埋都唔會太肥膩唔錯。另外加嘅蒸蘿蔔糕夠晒清淡，好少地方唔係戰，冇咁熱氣感覺舒服好多。叉燒腸皮夠滑，而且見到有好多叉燒粒，好足料！

哩排食好多肥膩野, 個胃成日頂住咁, 今晚晚餐想食清淡d, 於是就去左海皇粥。海皇粥係我既童年回憶, 細個成日食, 但對上一次食已經係唔知幾多年前, 今晚突然有興致就行左入去。店面既裝修同坐位同我細個既回憶好似分別不大, 坐低望下餐牌, 發覺海皇粥已經唔再只係賣粥, 竟然仲有部隊鍋, 蕃茄米線, 湯飯等等。一心諗住食粥既我都係揀番粥啦菜乾排骨粥+油菜+熱豆漿個粥清淡之中帶少少咸香, 今日油菜係生菜, 豉油自動另上。至於豆漿要讚下, 夠熱之餘唔會甜蚊蚊, i like it艇仔粥+煎蝦米腸+凍檸茶朋友揀既艇仔粥勝在料多蝦米腸微微煎香,左 腸粉皮唔太厚, 落埋豉油食更好味。食食下覺得硬係差咁d野咁, 係油炸鬼呀! 叫之前都有少少擔心係d唔新鮮又un又凍既油炸鬼, 11蚊博一博睇下咩質素先~店員已經剪開左, 而唔係成條上。咬落去好彩唔係我擔心既野! 雖然不至於熱辣辣, 但温度keep到微温之餘食落係微脆唔un而且無擺左好耐既油味既, 用黎配粥先係完美既一餐最後仲嗌多左杯菠蘿特飲, 係海皇粥飲菠蘿特飲雖然好似有d格格不入, 但咁熱天時有果味特飲都可以一試

與朋友在油麻地看完電影，打算吃粥，於是來到吃粥首選的海皇粥店。雖然為粥店，但是除左粥、油器這些基本食物外，還有韓式部隊鍋、湯飯和扒餐，總有一款適合你吃。海皇一品粥及瘦肉粥：粥底很綿滑，用料足，味道鮮甜，不會是味精味的粥底。叉燒腸粉：腸粉皮薄餡靚，又滑。炸腸（炸兩）：每次必點的食物，油條鬆脆，腸粉也是很滑和薄，一軟一脆很配合。，加上花生醬、甜醬和芝麻，味道更加特出。最後就是飲品豆漿和三款油器，豆漿有豆味，不會太甜，香滑。油器香口鬆脆。

今晚去咗油麻地海皇粥店食粥， 啲粥非常之棉，我哋叫咗兩碗一品鍋粥， 一碟蝦腸，蔔糕 ，同埋一個油煎餅， 粥非常之 甜， 好多料， 款款都好新鮮 ，蘿蔔糕煎得好香，好多蘿蔔絲，唔多粉，蝦腸啲蝦好新鮮， 而我最愛的就是炸物， 就是這個油煎餅， 係我細細個時候最喜歡食的一個小食，一啖粥、一啖油煎餅 ，憶起兒時嘅歡樂 ，海皇粥店的粥不嬲都咁好食，所以我都好多時候去食粥，不過今日就去咗油麻地去試試它的油地風味!

星期日的早上媽咪話想去海皇粥店食早餐，就帶咗佢去鄰近屋企的油麻地海皇粥店早上11點前都有早餐提供，$27起就有多款選擇蒸蘿蔔糕坊間的蘿蔔糕通常都係香煎，好欣賞呢度有蒸蘿蔔糕！麵粉比例唔高，有份量不少的蘿蔔條，所以好清甜，質地軟腍叉燒腸粉腸粉有三條，半肥瘦叉燒份量勁多，好足料！滑溜腸粉包着肥美叉燒，好味又飽肚皮蛋瘦肉粥粥底好棉滑的啊，皮蛋同瘦肉都幾多，同樣係非常足料！瘦肉鹹香美味，成個粥都好好味，面上加配左適量花生、蔥花同油炸鬼，更加滋味叉燒包配迷你炒麵中式叉燒包幾大個，蒸包外層好鬆軟，甜甜的叉燒餡料好味道啊！迷你炒麵都好有鑊氣，調味適中，炒得乾身唔算油膩，令人吃不停呀！熱奶茶香港人飲奶茶通常會去茶餐廳，但其實海皇粥店嘅熱奶茶都好高水準架，係港式口味！紅茶味夠香濃，奶幼滑，兩者比例完美，好飲！

餐廳：海皇粥店 (油麻地)地址：油麻地彌敦道497A號地下相信講到海皇粥店，香港人都一定唔會陌生，喺香港有接近30年歷史嘅海皇粥店開左二十幾間分店，係香港連鎖粥店嘅冠軍，係乜野條件令到餐廳老細賣粥都可以賣到咁出名，街知巷聞呢既然海皇粥店係賣粥聞名，當然唔可以唔試一下佢地嘅粥啦，好耐無食海皇，今次見到個「黃金帶子笑蝦蝦」好似幾特別咁，就叫左黎試下鳳尾蝦帶子肉丸蛋花粥 $68無論粥嘅料有幾好，都比唔上一煲粥又綿又夠甜，蛋花粥亦都係第一次食，唔單止夠滑，相信連調味料都無用，完全係靠食材熬製出海鮮嘅鮮味。兩隻鳳尾蝦、兩粒帶子同三粒肉丸，加上莞茜同蛋花，一煲看似普通嘅粥卻帶出左無窮嘅滋味，好味到儘管好飽都成煲食哂，食到停唔到口。一煲粥看似好貴，但佢嘅份量同熬製嘅工夫絕對唔止呢一個價錢$68一個套餐，再送多一款小食，我就揀左5粒燒賣，仲有牛脷酥、煎堆、咖哩魚蛋可以揀，不過想飲豆漿就要另計比$13喇，但係海皇嘅豆漿都係出名好飲，難得黎食，再貴都好點都要飲埋佢架喇

今晚係油麻地上堂，課室對面就係海皇粥店。咁多年無食呢間兒時回憶，係時候食下懷緬下。原來海王粥店宜家已經唔係淨係得粥食，有好多我意想不到既食物，好似部隊鍋、蒸魚、飯類、糯米雞等等。餐牌足足有兩本咁多，每頁都有唔同既野。我今次就叫左個鮮味蒸魚餐（$66），蒸魚有三款，可以要清蒸、冬菜或者豉椒。我要左冬菜。跟餐有一碗白飯，一碗西生菜，仲有豆漿，飲品我就+$8轉配宇宙漿漿。呢度有三款特飲架，不過另外兩款都係有加梳打，所以無叫。呢杯加左涼粉既豆漿都幾大杯架，用粗飲管飲係一啖啖既滿足。等左十五分鐘先上主角蒸魚，可見條魚係即叫即蒸既。蒸魚超大條，味道夠曬，肉質鮮嫩，骨大大條，最啱怕骨既我。用冬菜同豉油調味，送飯一流。我用埋蒸魚既汁浸生菜，原來超正超好食。生菜脆口，無煮到腍曬。食完魚已經九成飽，唯有放棄啲飯啦。有時想健康啲食清淡啲，海皇粥店都係個好選擇啊。

今日油麻地行街，之前食得太肥膩，所以想食粥清下腸胃仔。.呢間海皇粥店位置靚，在彌敦道，油麻地C出口行1分鐘就到。.其實我有好幾年無去海皇粥店，印象中只有粥食、傳統中式店。但原來不只是粥！！有很多不同的食物。例如有韓式部隊鍋、湯飯、西式扒飯等等。亦有甜品食 lol食物款式很多樣化呢。.又有蒸魚飯、特飲等等。當然少不了有粥，而粥都有好多花式，有「笑蝦蝦黃金帶子」、「芥菜粥」，好似都有「麻辣粥」等等... 原來海皇粥店咁有新意lol..我朋友陪我食粥，佢就潮食「部隊鍋」。$55，包一杯凍豆漿，其實都好抵。真的是整個鍋上，湯底是好濃郁的部隊鍋湯，辣辣地好開胃，又有泡菜，有火腿、午餐肉、腸仔等等，仲有一塊芝士！海報上說是用出前一丁的，正。..而我選擇了最傳統的「艇仔粥」。特餐$42，包一款side (菜、炒麵、粽、蘿蔔糕等等），又送豆漿一杯，抵食。.看似風平浪靜的粥粥.......內部好多料，而且粥是綿滑的，不錯。.Side 我選了菜.凍豆漿都好大杯.我另一位朋友點了「蛋黃鹹肉粽」及雙併甜水（紅豆沙加綠豆沙）。都是很足料，大大碗好抵食。.配特餐加$7買了個「牛脷酥」齊齊share，好耐無食呢啲傳

為咗清清腸胃決定食粥，海皇粥店周圍都有但係都好長時間冇入去食粥啦，依個時段有生滾粥餐，我叫咗及第粥，佢會跟半條油炸鬼仲可以加$10要多碟炒麵，另外屋企人就見佢周圍推介緊笑蝦蝦黃金帶子粥，決定俾個機會佢，仲可以揀多個牛脷酥添油炸鬼牛脷酥依啲油器，表現正常，配粥好啱個炒麵幾抵讚乾身得來又唔會硬又唔會太油味道亦都唔會太咸等左一陣個生滾及第粥就到啦，估唔到又幾多料喎，豬心，豬腸，豬潤，大大片豬肉，豬肉丸等，差唔多啖啖都可以有配料，食起嚟都幾鮮甜但係之後就好頸渴囉再等一輪個笑蝦蝦黃金帶子粥就來了，表面睇起嚟就冇個及第粥咁豐富啦，搞咗幾搞發現有一粒帶子同兩隻蝦仁仲有三粒肉丸，感覺上有啲貴，隻蝦都幾爽下，粒帶子就一般，個金黃色嘅蛋花粥有少少粟米嘅味道，甜甜地嘅。覺得下次你都係叫啲基本野會好啲。