海皇粥店 (彌敦道) (已結業)

今早呀媽冇買早餐...為有返左公司先落去食早餐海皇粥店的粥不嬲都偏貴d料又唔係好多好少牛肉花生就多dd粥煮得唔係好微炸兩唔錯甜醬 花生醬 芝麻 豉油任加

其實都有一段日子無食這個粥，今次再食，顏色鮮豔了好多，好開胃啊！南瓜肉碎粥 +油炸鬼之前來這店都是食這款粥，感覺好健康，南瓜有益擴氧化又高纖。今日食見到好多南瓜茸，南瓜味道好香以前食都會南瓜份量比較少，今次真好彩我再配上脆卜卜的油炸鬼，食完都飽晒

早餐不想又是ABC餐,突然想食中式食物!這間的位置算是最就腳而且抽氣糸统較佳的一間(因為討厭在小店堂食,吃完後要忍受一整天像怨靈付體的油煙味)叫了一客炸兩、咸肉粽,本想叫凍豆漿,但當看見樓面阿姐在執拾面前的檯面,用手直接執拾上手客人吐在檯面的食物殘渣,從檯面掃落櫈上及在未有清潔雙手的情況下,取過一根飲管插入杯荳漿內奉給其它客人!立即改變主意要了一碗皮蛋牛肉粥.炸兩----不明白為何要等十多分鐘?因為温度是凍的!腸粉皮靱、裡面的油炸鬼軟淋淋出晒油!咸肉粽----大致正正常常,只是咸蛋黄很乾很實.皮蛋牛肉粥----皮蛋質素差,味淡、沒有了"蛋黃"的部份,份量少,大慨半隻也不到.用的是免治牛,正常做法是把混和了炸米粉的生免治牛肉,先放了所需份量在碗內,再注入滚燙的白粥,利用粥的温度把牛肉灼熟.但這裡粥本身熱度不夠又如何能把牛肉灼熟呢?結果這碗粥只"用"了五份一碗(只用來把那碟炸兩內的油炸鬼,浸暖一點較易入口.)剩下了一堆粉紅色的生牛肉及幾粒灑在粥面的油溢花生.沒可能有再來機會,因為到現在的這一刻,胃內依然有油溢的氣味在翻騰.

小金魚除了生病之後是不太愛吃粥的。小金魚傷風剛好了一點，口淡淡的又不能吃太濃味的東西，便想起好耐都無食過海皇粥店的炸兩，剛巧屋企附近就有一間，便決定去食個早餐。雖然今日仍是上班日子，但是居然仍有頻多人幫襯，不過我很快就找到位，叫了：炸兩(HKD13.00)：以前叫炸兩好似是要等耐D，今次就唔洗，但係我一見碟炸兩已經想講，"嘩，雖然依家乜都貴啫，都唔洗攪成咁吖嘛，呢碟野都成十三蚊喎"，點解我會咁講，係因為碟炸兩睇上去份量好似無變到(我估大約係用一條半的油炸鬼整成啦)，但係條油炸鬼就細咗同扁咗，一個字形容"削"，我記得以前食時D油炸鬼係一個好靚的圓形，又香又脆，但係今次呢碟就係一個0形打橫咗咁，仲係脆脆地，但係食落去已經無咁有咬口，我唔知佢地普通叫個D油炸鬼係咪咁，但係呢碟炸兩真係叫我好失望囉。點知個粥仲衰‧豬紅艇仔粥(HKD18.00)：我一向都鐘意食艇仔粥，貪佢料多，而且我都幾鐘意食豬紅(本嚟想叫皮蛋，但係有次試過食佢地將隻皮蛋完隻上，切都唔切下，所以唔敢再叫，費時煩)，但係今次呢碗粥真係超難食。粥底糊糊黏黏的(但係又唔係綿個種喎)，而唔好話無米香同鮮甜味(連味精個隻假的鮮甜味都欠奉)

遲到了...還有十五分鐘時間食早餐, 趕到身水身汗, 食唔到粥, 唯有叫杯凍豆漿, 味道都幾濃郁, 有豆味, 炸兩- 應該係即叫即做, 可惜油炸鬼唔脆, 失望!

同朋友去完黃埔就落返旺角，跟朋友上上落落ｄ樓上書店攪到肚仔又餓。跟朋友去完油麻地處理一ｄ０野之後，臨返屋企前我提議去海皇食少少０野。炸兩＄１２（即叫即做脆卜卜）炒麵＄１０（一般，唔夠大碟）現在的海皇都有提供大量開水畀ｄ客飲用，其實係好事０黎＾＾今餐我已經飲左幾杯啦（哈）

食粥呢到真係幾正,食左個牛肉粥,炸兩,豆漿都係Ok之作.不過宜家埋單23蚊.正野.

星期天出了旺角，想來想去都唔知同女朋友食乜做晚餐好，結果by elimination，我們在彌敦道街頭猜了包剪揼解決，結果到了海皇! 女朋友最鍾意食這間的炸兩，記得佢係即叫即包，件油炸鬼好脆，但由於我叫的那碗生滾豬肝肉丸粥已跟半條油炸鬼，最終改叫了碟牛腩+ 汁+ 腸粉。生滾豬肝肉丸粥，超級味精粥底，味精重度得人驚，在有蒸蘿蔔糕、腸粉、油炸鬼之下，吃剩大半碗凈味精粥! 牛腩汁+ 腸粉都算好味，油炸鬼仲算幾脆，反而女朋友個白粥最穩當! 值得一讚是創新的豆漿紅豆冰，女朋友不愛椰汁，這杯豆漿紅豆冰最能滿足佢的要求! 簡簡單單食餐簡餐，ok 啦!

早幾日到旺角等人，無乜好做，就找間食店坐坐。叫了一個下午茶餐，食物包括有皮蛋瘦肉粥和蒸蘿蔔糕。皮蛋瘦肉粥- 好稀又無味，和白開水分別唔大，皮蛋瘦肉又少又唔好食。蒸蘿蔔糕- 一pat pat，完全沒有蘿蔔味，和一舊粉團沒有分別，實在太難食，食了部份便放棄了。很久以前食過都沒有這樣差，今次真係嚇一跳。和食垃圾真係沒有什麼分別！>.<

好耐都冇去連鎖店，呢日我地去左海皇粥食野。我地叫左個豬肉丸鯪魚球粥、及第粥同鹹煎餅配巴黎牛油汁。個鹹煎餅好韌呀，咬到牙崩，個汁就冇乜特別。兩碗粥個粥底雖然冇乜味精，但係就好淡，冇乜味，ｄ豬肉丸好明顯唔係整，係買既。呢間野食完都冇下次。

晚上外賣米粉，服務ok，不過沒什麼特別，不過不失啦~

星期六晚去海皇食飯,見到有個牌推介盅飯套餐,$27,有飯有菜有豆漿,於是要左一個。點知個飯得好少,都唔知有無平日去酒樓食既一碗白飯既份量!餸 又唔多,仲要條蠟腸係極唔好食個喎!感覺上十分之唔抵囉!睇個牌唔似咁細盅嘛!其實本來想食粟米雞絲粥架!我以前食過,覺得好好味,但係唔知點解無左,唔知係間間分店唔同,定係已經全線無左呢?講開又講,臨近聖誕,呢度d 阿姐戴晒聖誕帽,好似好搞笑!