海皇粥店 (已結業)

買d野上家姐屋企食...買左幾碗粥(包括生滾牛肉粥/皮旦粥/生滾及第)其實我食唔出生滾同唔生滾有咩分別, 不過d粥都幾足料就真..味道都係一般啦.不過d炸麵反而做得唔錯, 我地回家先食d油炸鬼都唔會好淋一pat pat咁...值得一提.

同家姐massage完佢話要食粥咁咪來海皇. 我地叫左preserved egg congee, 白粥, 燒賣并魚旦,炸"良"同埋豆漿.個亞姐都幾好, 因為叫燒賣并魚旦加$4就可以叫一碗白粥, 佢話咁樣叫比散叫平d就幫我地咁樣落單. 大致上食物都係一般, 不過個炸"良"又真係幾脆幾香唔似放好耐咁.

以前經常會去，粥很靚，材料新鮮，其他的食品如腸粉，蘿蔔糕和粽等都很有水準，最近越來越差，粥底很差，生滾粥底更稀，腸粉的皮又厚又粉，蘿蔔糕全部都是粉，牛利酥又凍又硬。店鋪舊了不會裝修，招呼又不好，我不會再去，寧願去灣仔天樂里新開的「知粥嘗樂」，好吃得多。

覺得距地既服務態度5錯`記得仲有個男既見習主任``態度好親切``好親力親為添`晤錯`

海王的豬紅可能不是用真的豬血做的,本人試過,覺得成份可能是雞紅, 根據本人從一些相熟的食店負責人說,豬紅的來貨不易得,多數以雞紅代替o 真的豬紅,口感很爽滑,用筷子一夾便會裂開,雞紅則比較軟淋,夾下會變形,而不容易碎裂,可口方面,則各有千秋o

不想吃太多野﹐就來了海皇買外賣﹐叫了一個豬紅艇仔粥和炒麵﹐收銀話18元﹐我以為她聽漏了炒麵﹐原來個粥有特價﹐只係10元﹐非常抵。豬紅不會“實的的”﹐幾軟身﹐又有豬紅味﹐艇仔粥的材料就差了一點點﹐通常豬皮和魷魚的份量較多﹐其他配料好少。粥底以這樣的價錢來計﹐算好好了。炒麵貫徹始終﹐軟身而不太油膩。

今朝一早跟弟弟到銅鑼灣辦點事，由於時間尚早，自己又想食粥，醒起附近有海皇粥店，於是便到這兒吃早餐。 叫了一碗艇仔粥、一碗皮蛋瘦肉粥、一碟蝦米腸和一碟燒賣蘿蔔糕雙拼。食物很快便來到，先講粥底，勁稀，完全係食粥水；蝦米腸又凍又實，乾爭爭的，仲慘過酒樓攤凍了的煎腸粉，蘿蔔糕超削，冇料兼冇蘿[蔔味，其實唔知自己食緊乜，埋單先知碗皮蛋瘦要成$16，咁O既質素收咁貴，真係請都唔會再！

住了銅鑼灣接近一年﹐最近先至主動幫親下呢間海皇粥店﹐點解叫主動幫親呢﹐因為媽咪話要去果次唔算數囉﹐最近去先至算﹐結果發覺呢間分店的水準又真係唔錯播。叫左豬紅艇仔粥、炒麵、燒賣。我幾鍾意食豬紅﹐但同時對豬紅的要求亦幾高﹐太粉的唔得﹐太硬的唔得﹐冇豬紅味的唔得﹐太鹹的唔得﹐but呢度又樣樣條件都幾得播。炒麵亦有水準﹐麵身軟軟的﹐加上蛋花和芝麻﹐而我最鍾意落麻醬一齊食。燒賣亦是我喜歡吃的﹐不過淋左少少同埋唔多夠熱﹐加些少豉油和辣椒油﹐好味到極﹗

見到大大張海報介紹十榖粥，於是我同老婆要了一碗十榖粥和一碗皮蛋瘦肉粥。估唔到十榖粥淡而無味(唔通有益都係唔好食？)，碗皮蛋瘦肉粥就勁多味精。唔惦！

放假第一天(11月19號)來同媽媽吃下午茶﹐我自己就一定唔會來﹐但媽媽話要吃粥﹐炒麵﹐重指明呢間﹐便同佢來。我要個魚片豬紅粥﹐炒麵﹐腸粉。D 粥同D料都係﹐散散地﹐不過算可以﹐炒麵和腸份就好似邊度都差不多﹐普通但又不會不好食。服務幾好﹐同幾乾淨。

四個女仔share一齊食, 試左好多野.菜乾排骨粥, 味道一定唔及亞媽煲得好味, 排骨冇點「業」過, 唔肥, 味道都唔錯.皮蛋瘦肉粥, 粥底幾綿, 肉唔多.炸兩, 唔知係咪新鮮炸起, 不過油炸鬼好脆, 個個都話好味.蒸蘿白糕, 一向都鍾意食蒸多過煎, 不過唔係到到粥鋪都有. 雖然冇咩蘿白絲, 但都好好味道.炒麵, 普普通通, 唔係好油都ok.咸肉糭, 比較細隻, 糯米較多, 肉就得一塊薄薄地, 個黃更加細到一個人都嫌唔夠食. 又係不過不失啦, 不過下次佢唔好拎上隻碟到先剪塊荷葉就好喇, 唔好搞到隻糭下面濕哂丫嘛.

29 July 2004, 9:30pm.仲病緊.溫溫鈍鈍.神推鬼ung之下入o左o黎.(我本來諗住過利苑食o架wor明明=_=)一人吃(我諗破曬呢版食評o既record): 豬紅牛肉粥(見標題)+蝦米腸(凍,豉油o吾得,腸粉o吾滑,無蝦米味又無腸粉味,失敗!)+牛利酥(死實,凍,好硬好大件)+凍豆漿(OK)病到無咩胃口,每樣食o左少少就閃.waitress笑容滿面但手腳慢.

好:粥(夠火喉,夠鮮),腸粉(多款色,好味),炒粉,麫(好味)差:白糖糕(酸ge),油炸鬼(唔夠脆)

佢d粥我就唔係咁鍾意不過炒麵同炸兩都幾好食架~好味過一般粥店

下午茶有個粥餐$13 有一碗粥(碎牛、豬紅or 艇仔) + 油器平過散叫成七蚊咁多o架仲有酒精濕紙巾派o添