海記合桃坊甜品 (已結業)

呢一夜晚同朋友經過太子，又有啲為食，即刻就去左成日去既海記。試過其他店既芋圓，最後都係覺得海記既最好食所以雖然海記仲有好多其他糖水揀，結果次次去到都係離吾開芋圓叫左一碗芋圓紫薯雪糕涼粉。個雪糕真係冇得輸，入口紫薯味道超濃郁，芋圓好足料，而且大大粒，好滿足。再加埋椰奶同涼粉既點綴，成件事就岩岩好另外叫左個芋圓紫薯雪糕豆腐花，都係十分滿足既份量，只係吾同西米露個啲咁，食到最後有少少乾，因為冇野一齊撈😂

要等位........內裡迫...........香芋芋圓西米露..........................有紫薯推廣......................芋圓還可...........楊枝甘露..........................多芒果汁.............蕃薯芋圓...................個個都食芋圓..........榴槤飄香..............

作為紫薯控既我，見到周圍賣哂廣告。當然同朋友係附近食完飯，當然要試下係咪甘好食啦。紫薯蓉芋圓西米露($32)，個紫薯波，好大球，好有紫薯味芋圓比較淡，好懷念係台灣個d糖不甩($21)，芝麻香，不過比多d會好d！粉團就剛剛好，有咬口！腐竹雞蛋糖水($24)，同平時既差不多，但甜左少少。紫薯蓉芋圓豆腐花($30)，朋友都認同個紫薯波做得係出色，好明顯係有用足料整出黎，豆腐花係滑，但口感有點實。總括而言，如果係紫薯控既你，不妨可以試試紫薯系列

同友人們係太子食完飯，意猶未盡..就黎左海記食糖水喇... 香芋雪樂冰芋圓西米露 $32 以前都有幫襯海記，之前個賣相好好多...呢個好似就溶哂咁..呢個芋圓份量多..唔算好qq...無左啲人手手工既口感，似係機器整出黎咁... 香芋雪糕好味既...但成碗西米露都無咩味咁...以前會覺得佢太甜，今次呢個就無咩味...水準次次唔同...唔係好keep得住... 同埋諗住食完糖水，問可唔可以拎杯水黎...個阿姐話得滾水，我地話好，之後再講得碗裝架咋wor...態度係唔想拎俾你， 服務認真嘛嘛...要杯水都無...

今次真係對海記好失望啊😩之前試過紫薯芋圓西米露係唔錯架呢次叫左紫薯雪樂冰芋圓豆腐花三樣野完全唔夾😢紫薯冇咩味 芋圓好粉豆腐花直頭係淡架🤦🏻‍♀️下次都係穩陣啲 都係叫返西米露啦😢_________________________裝修環境：✨✨✨服務態度：✨✨✨食物質素：✨✨(5個✨為滿分)價錢：$30________________________唔信我嘅可以自己去試試😂地址：太子西洋菜南街232號

和朋友係太子附近食完飯.就想搵間糖水舖當做飯後甜品..最後決定來海記..開頭一心諗住叫沙沙合桃糊..因為之前食過一次後.就留下印象.但今次未入店舖時已經被門口的招牌所吸引..「紫薯系列」有幾款選擇.最後要了「紫薯雪樂冰芋圓豆腐花」來了來了..中間既紫薯球真係有紫薯既味道.不假..而芋圓也是有味的.有芋頭味.有紫薯味.不似有啲糖水舖口只有甜味👍🏻👍🏻朋友叫了「桂花酒釀丸子」.其實之前有係其他地方食過一次.但那次經驗不是太好..是酸的.身邊既朋友都說不嬲是這樣味...當時還想點解咁多人話好味.而今次見朋友叫.決定再試一次...啊..完全同上次食的不一樣味..有桂花香同酒香..完全沒有酸味.朋友認為如果再甜一點就好了😋

食完飯經過海記,見到menu有梳乎厘pancake,抱住冒險精神入去試試。果然真係中伏了...梳乎厘pancake係新鮮出爐剛剛整好既，但係出到黎已經「塔」左！食落隻味好似舊餅店既紙包蛋糕..唯一好食既係個雪糕最好食反而係呢個芒果酥, 新鮮焗出黎好香,芒果焗完冇咁甜酸酸地反而仲好食！係正既

呢間系聯合廣場對面 系旺角食完飯 行左去食甜品 為左芋圓而去芋圓芋頭冰--好香芋頭味嘅雪糕 但係芋圓可能系芋頭冰上面 所以食食吓覺得啲芋圓有少少硬芋圓番薯糖水--呢個芋圓就會煙un啲 佢嘅番薯糖水應該落咗好多姜 所以係超辣 個人食唔到咁辣

之前黎親都食合桃糊同椰王果d, 今次試下其他野先。紫薯系列好吸引，不過想食熱野，最後叫左個紫薯芋圓紅豆沙，d 料都幾多，勁多蓮子，百合。芋圓圓碌碌，有三個色，其實味道真係差唔多，甜甜地咁，有咬口得黎唔會太過韌，不過糖水個人覺得偏甜左d糖不甩，一碗有八粒，軟棉棉加埋花生芝麻幾香口，不過好多沙糖都幾甜下食完呢兩樣唔知係咪太甜既關係，再食楊枝金露就酸甜酸甜咁，面頭有啲好似西米既脆脆珠幾得意，不過啲柚子肉得好少，但味道都過得去

本身係海記合桃糊粉絲，今日係隔離舖買左新球拍，就林住潤一下。點知入到黎見到新餐牌，係紫色！碗碗都係紫色🤣對於芋頭怪、紫薯怪黎講，真係對眼發曬光😆😆😆呆左一陣沉醉左係個餐牌當中😌我咁貪吃，一開始係想要芋圓喳咋，食親中式糖水真係走唔甩，但望上啲睇到「紫薯香芋雪樂冰芋圓紫米露」，個名真心有啲長既😂😂🤣即係代表乜都有啦👍🏼叫左。一黎到已經好colourful ，芋頭冰係超有芋香，仲有粒芋粒（係一粒咁多），但係紫薯冰真係唔覺有紫薯味，同埋扮潮撥到啲椰奶起曬泡為乜，無左滑滑既感覺😅芋圓好有咬口，我好少食，唔知算唔算好味。正常既❤️滿足既😌

一家人身痕想食埋甜品，我見到餐牌有特別甜品：所就叫左紫薯雪樂冰竽圓紫米露。餐牌其實佢仲有另外一個餐牌。不過呢間餐廳最出名合桃糊。除左有竽圓製品嘅甜品，仲有豆腐花等。款式多，但價錢相宜。食物椰漿味聞就好重,食落去椰子味好勁。左邊深色紫色係紫薯雪樂冰、右邊香竽雪樂冰。食落去似雪花冰多過雪糕。紫米幾sticky。但紫內好重竽頭味；竽圓有三隻色：紫色、黃色同淺紫色。份量差唔多足一份飯碗份量。呢個甜品適合夏天食用。餐具：每份甜品都會提供叉或匙羹。

紫薯冰香芋冰芋圓紫米露：看起來最吸引的甜品果然味道也是最好的！紫米煙韌的剛好，上面有椰奶，芋圓比程班長的Q（台灣用語？）沒厚實到一堆堆粉團一樣。紫薯冰和香芋冰像是雪芭的質感，香芋味濃鬱，所以很好吃呢！紫薯芋圓紅豆沙：本來想叫喳喳，喜歡那滿嘴兒也是豆的口感，今天覺得紅豆沙的顏色很配芋圓所以就點了，有很多的蓮子，陳皮的味道也豐富，如果紅豆多一點就好～香港人喜歡來一個飯後甜品，我的話跟朋友多聚一會才會特意去吃！但是忽然有點懷疑為什麼這些甜品的價錢要差不多一頓飯那麼貴，到現在我還沒有找到一家自己很喜歡的傳統甜品館啊！大家有什麼好介紹嗎？

雖然天氣又潮又熱，但小人的嘴唇卻是乾如沙漠，裂開來異常疼痛，決意找個糖水甜品來潤一潤。看到餐牌上大大幅糖水沙沙合桃糊的相片，原來是店方的招牌名物，就決定吃這個了。細滑稠密的合桃糊，入口有點杰杰的黏黏的感覺，可能是很熱很杰的關係，覺得微微偏甜了少許，不過也是可以接受的甜度。糖水糊本身已帶有勁香的合桃味，其上撒了一些合桃仁碎粒，正正就是合桃上的合桃，香味層次直接提升；在食糊時更加增添一份脆脆的口感，絕對是錦上添花之舉！一個很合桃的甜品，極滋潤，嘴唇都好像沒那麼痛了。

I 've been hearing a lot of famous desserts made with purple yam. Basically, every magazine keeps promoting purple tam products.... even tho I am not a fan of it. So, my friend brought me to have a try of Yam dessert. The dessert place provide quite a few type of purple yam favor food, so I decided to order one.  It sure is pretty, colorful dessert, picture- perfect treats, "instagram-able" ...hahahaIn terms of taste, to be honest, it is quite disappointing, the yam balls are chewy, but do not b

極伏紫薯香芋雪樂冰芋圓紫米露($34)-心思思左成個星期想食芋圓，琴晚食完飯經過海記見到新出產品係紫薯芋圓乜乜乜🤔，幾飽都即係衝入去試試啦。-海記喎，最中意食佢啲沙沙合桃糊，心諗咁新產品都唔會難食啦🤔！點知咁就中伏啦！芋圓並唔似芋圓呀下，食落口似係小丸子黎🙄，味道就似係加左色素既小丸子，一啲都唔Q彈☹️！真係未食過芋圓咁既樣，同出面張廣告相好大分別喎！-四個人一野叫左三碗芋圓系列新產品，上面有紫薯味道東西一球，顏色淺不特止，食落更加只係一球勁淡味既紫薯冰，味道好麻麻喎😧！同場見到唔少人都叫左新既芋圓系列，大家球紫薯都似係甩晒色咁，圖與產品有出入啫都唔可以差咁遠架！今次都真係幾失望😫，冇下次呀！