海記合桃坊甜品 (已結業)

一直想試好耐，只為芋圓而去。芋圓紅豆沙 $30紅豆沙很綿，不太甜，不錯。芋圓地瓜圓煙靱，但無味。整體普普通通，沒有台灣味道。沙沙合桃糊 $27合桃糊很香濃，口感濃厚，配上粒粒合桃碎，口感層次分明。甜度適中，十分有驚喜。冬日吃上一碗暖笠笠糖水，很滿足。可惜餐廳十分趕客，一吃完就趕你走其實糖水時間都是為了與朋友多見一會多傾一陣子，這樣催人走，真的不會再光顧。

食完飯後，同朋友經過見到呢間糖水舖就入去試下呢道既芋圓！🤤我食熱既蕃薯糖水加芋圓，友人食紫薯西米露！蕃薯糖水幾重姜味，芋圓煙煙韌韌，不過唔係幾分到三隻色既分別！🤣友人話紫薯雪糕整得好好味！下次黎試下先！

吃完餃子，肚子只有八成飽，我們就決定去試一下太子附近的糖水店。一想起就是海記，打開餐牌，有很多傳統款式的中式糖水，合桃露、芝麻糊、杏仁露等等最後我們決定要沙沙合桃露，芋圓咋喳很多不同種類的豆和芋圓，口感豐富，熱熱的甜甜的~~~~~~我們愛死了第一次試沙沙合桃露，本身合桃露已很香很好吃，加上脆脆的合桃，有雙重口感！怪不得是海記的招牌菜，齒頰留香下一次我們會再試試芝麻糊，紅豆燉蛋白和其他傳統中式甜品。

行行下花園街見到紫薯糖水既廣告，就心郁郁想去食啦。坐低見到menu好多選擇，最後兩人揀左3款糖水😂紫薯芋圓西米露：紫薯蓉份量都算多，芋圓亦好煙韌，有廿粒左右，好配合椰汁西米露食，如果再加少少花奶會更香。合桃糊：同平時食開既糖水舖唔同，上面舖有大少不一既核核碎，連糊一齊食好有咬口，滿足鍾意有咀嚼口感既朋友椰皇燉鮮奶：熱辣辣上碟，一打開椰子蓋，好有奶香味，味道唔會過甜，口感亦夠幼滑，最後連椰肉都刮埋黎食！

每次同朋友食完飯都唔想咁快番屋企，所以就去搵甜品食下今次朋友介紹去海記食芋圓，呢到啲芋圓係人工手製，好煙韌好好味最有驚喜係紫薯雪糕同芋頭雪糕上到枱出哂煙，好夠凍哈哈最鍾意就係個芋頭雪糕芋頭味濃，完全唔識形容！不過一定要試！！！

一早plan好飯後甜品食海記既紫薯系列，所以坐低無耐就好快決定叫 紫薯香芋雪樂冰芋圓紫米露首先賣相不用多說，紫薯的顏色特別誘人！紫薯&香芋雪樂冰同樣味道濃郁，但個人喜歡香芋多D，入口較清甜，而紫薯則偏甜；三色芋圓(紫薯圓，紅薯圓，芋圓) 份量多，但未算煙韌，口感一般；最後⋯⋯碗紫米露實在太甜，只食左一半就決定放棄

平日行過...想食碗中式糖水...鍾情芝麻糊既....其他特色甜品冇咩興趣...之前試過都冇咩衝動再想食...今次叫芝麻糊。睇落..比較稀..水好似幾多...好"令"面...店員一放落黎碗野好似想瀉出黎...食落1..唔夠熱...唔知咩原因...唔敢諗...食落2..冇想像中咁稀...第一啖感覺都可以..不過都唔係好有質地??沙沙地個種...食落3..芝麻糊既香..係好一般食落4..越食越濟..可能係甜度影響總結...唔再食。

平時喺網上就見得多人宣傳芋圓， 又話呢間好食嗰間好食，見到呢間好多人介紹， 又好似好特別咁有香芋同埋紫薯嘅甜品， 就令到我好想快啲試吓！甘啱今日就同朋友有空檔嘅時間， 下午就去咗海記到試吓呢個芋圓甜品！今次就叫咗香芋雪樂冰芋圓西米露， 嗰個雪樂冰好特別， 唔似雪糕， 食落去都唔錯！之後有芋圓，番薯圓，紫薯圓，都算幾多粒， 咬感都幾好，我覺得全香港暫時最好食嘅係呢度嘅圓，但係整體嘅感覺就比較甜！如果冇咁甜嘅話就會好啲， 但係都值得一試！

飯後甜點之選平日夜晚 在門口大約等咗十分鐘左右紫薯香芋系列紫薯蓉芋圓西米露🍠紫薯不會太甜 芋圓QQ的一大碗滿滿的一次滿足幾個願望⭐️另外叫咗個桑寄生蓮子蛋茶（熱）好足料 好多蓮子

叫了一碗腐竹意米蓮子雞蛋糖水加白果~每一啖食左一啖砂糖咁~向店員提出想更換~仲要串返轉頭~其實我明白食糖水應該係甜，但係甜到呢個程度，我覺得真係頂唔順~或者其他會好啲掛~呢間野諗住人多，唔會中伏啦~佢唔肯換有佢嘅道理，同時我亦係佢地倒左29蚊落垃圾筒~算~貼錢買難受伏到一個點~

每次係旺角食完飯，都好想搵下糖水食，今日朋友突然話想食芋圓，於是就黎左呢間出名食3色芋圓既海記原來而家已經係太子有兩間分店，新鋪係舊鋪既前一條街，新鋪比舊鋪仲大啲，但出面等既人就一樣咁多，但好好彩，10點黎到，我地等左2-3個字就入得。我地叫左兩個紫薯芋圓豆腐花，芋圓紅豆沙同芋圓蕃薯糖水，豆腐花上面紫色嗰球唔係雪糕，係好似雪泥咁，而紅豆沙係熱既，唔好見佢好似冇咩芋圓，但其實係遮住哂，而紅豆沙又有陳皮味，唔太甜，豆份量ok,至於芋圓蕃薯糖水，朋友話兩樣野加埋太飽太滯，所以實在食唔哂總括黎講，我地一定會再返黎架

媽呀！今次要介紹嘅係少女無法抵擋嘅芋圓呀！每次食完都幸福感滿滿 飽足感🆙顏色好治癒 口感都好豐富😻今次我叫咗: 紫薯蓉芋圓香芋雪樂冰（$32）「哎喲 不錯喔😋」好飽好足料好多芋圓 食得好滿足🍡唯一不足係芋圓唔夠煙韌～但見到咁多芋圓個一刻已經夠治癒 個人認為可以一試！

同朋友係太子行行下街好想食甜品，經過呢間見有位即入去坐抵先。見呢兩款甜品配料組合都未食過，即叫左藍莓波波地，紫霞仙子。兩款都好足料，丸子多到食唔曬要預先比埋個鐘意食既朋友，透明波波口感好得意，食左甜品個人覺得好滿足。

海記的甜品價錢十分相宜，平的十幾蚊有交易，貴亦不過四十幾，在一頓貴的晚餐之後，想平平地食餐甜品絕對係唔差既選擇，今天和朋友平均只吃了$23。因為天氣漸涼，今天選了兩個熱的甜品，分別是桂花酒饟小丸子和腐竹蓮子糖水。桂花酒的味道並不是人見人愛，我亦和朋友對其意見有分歧，大概因為桂花酒基本上沒有平日白酒或啤酒等的味道，是有一點像有點甜的米水（個人意見而已），朋友不是太喜歡，我倒覺得淡淡的甜味也很不錯。另外，小丸子不是太有咬勁，比較粉，所以量雖多，但就像把很多麵粉吃下肚。腐竹蓮子糖水是正常水準，味道偏甜，如果秋冬季節想吃糖水，又不想太濃厚，如芝麻糊，那麼這個糖水會是不錯的選擇。

琴日收到舊同事電話，都差不多有一兩年沒有見面10分掛念，於是就安排晚上約個時間來個短聚，由於我住新界區佢住港島，咁最理想嘅見面地點就係油尖旺，約佢晚上10點太子等知道附近都有好多餐廳可以坐低傾計。碰面後喺附近行咗一陣就路經海記門口，排隊嘅人認真唔少，但係基於羊群心理嘅我，諗都唔諗就同事應拎咗張飛，本身都諗住大概要等半個鐘至一個鐘先入到去坐低，好彩原來門口嘅人一大半都係等外賣，結果只係等左10多分鐘店員就安排位置比我同舊同事，我同同事都一齊叫咗腐竹蛋糖水，皆因天氣轉涼需要食個中式糖水滋潤吓。糖水上枱賣相普通，沒有西式糖水那麼注重外型，但味道係我食過咁多間糖水舖，最好味嘅腐竹蛋甜而不膩，而且材料豐富，白果份量勁多，基本上可以叫做啖啖肉。絕對會返嚟再試！！！！！