海記合桃坊甜品 (已結業)

講到係旺角太子食甜品就真係冇乜幾多選擇，仲話想食芋圓咼，真係寥寥可數喇於是上網一搵，就搵到海記，把心一橫就行過去試下喇。去到見到要等位，約4-5張枱，等左15分鐘到就入得一入去見到鋪頭都吾係話好闊落，可能迫迫地暖啲。我就點左呢個紫米露雪樂冰$34吾洗5分鐘就食得，冇諗過啲芋圓份量係甘多，而且粒粒大小差吾多，紫米露又吾係話好甜 味道岩岩好 再配上椰奶香 正不過紫色舊芋泥就麻麻地 冇乜味 食完職員就收野，暗示要走，冇得傾下計，因為外面仲有人等緊位

朋友都係芋圓控係旺角食完飯就行去食甜品～我叫左冰青白玉入面有西柚，蘆薈而面頭層cream就有濃烈既椰子味不過不失啦而朋友叫既係紫薯系列配芋圓當中最令人期待既係個球紫薯波波朋友食完話無以前咁香濃我試食左一啖都真係比以前淡味左😣以前真係令人喜出望外既水準～希望下次食可以搵番個種喜出望外既感覺啦～

紫薯香芋雪樂冰配芋圓($36)依間店最吸引小編一定係依個紫薯芋圓手工系列🤤有多種配搭選擇架 西米露 豆腐花紅豆沙 紫米露 要乜有乜👅小編就揀左香芋雪樂冰 隻味同雀巢雪米滋好相似 最驚喜就係個冰入面仲有d芋頭粒tim 好有咬口😋而紫薯冰好香濃 好似紫薯蓉咁👅好好食!!美中不足係d芋圓太硬太煙韌 吾夠軟熟 咬到d牙好攰😖食到最後....好飽🤰🏼-當榴連遇上芒果 ($45)季節限定既榴連係不能錯過的💁🏼‍♀️有2大球榴連雪樂冰 再配有水晶珠 柚子 芒果2者都好match 榴連雪樂冰又有d榴連肉👅👅👅不過食完會口臭🤭

今日同完朋友食Dinner, 大家都傾到唔捨得走，所以決定直落食個糖水先😉本來諗住去油麻地嘅糖水街，點知傾吓傾吓就行錯方向，結果嚟咗太子呢邊😅咁就錯有錯着去試吓海記嘅甜品啦🤤上網睇到海記係出名食芋圓，不過自從俾女朋友嫌我肥左之後，我就唔敢再食芋圓啦😭咁我就order左熱嘅燉鮮奶，可能燉鮮奶未必係佢哋嘅主打，個人認為X順既燉鮮奶好食d，呢度嘅燉鮮奶奶味唔夠，而且都唔滑。。。食到一半就唔想食啦。。。應該都唔會有下次啦😔

呢間糖水我真係可以形容為老少咸宜，有傳統既中式糖水，亦都有近期好受年輕人歡迎嘅芋圓、 紫薯系列👍🏻👍🏻梗有一款適合大家👍🏻👍🏻👍🏻嗰日都試左紫薯芋圓，上面睇落好似一球雪糕嘅紫薯，其實唔係雪糕嚟嘅，佢係一個用紫薯整嘅紫薯蓉😍😍味道好天然而且口感唔錯，微甜而唔會過甜，唔會越食越濟👍🏻👍🏻而芋圓嘅數目亦都唔少，食極都仲有㗎，抵食！！而糖水舖嘅小丸子，亦都做得好出色好有咬口👍🏻個人就好中意食啦👍🏻

自從上次食完海記合桃坊既沙沙合桃糊就對此念念不忘..是日與好友再次到訪，排隊嘅人潮依然係咁多，不過唔洗等好耐，十分鐘左右就可以入座。見到附近嘅人大多都係點沙沙合桃糊同芋圓，今次一於試下芋圓！揀左我最愛既紫薯同香芋雪糕！依然係效率好快，落單五分鐘左右就已經送上，紫薯香芋雪樂冰芋圓紫米露好大碗而且又多配料，賣相勁吸引！！紫薯同香芋味嘅雪糕香滑唔會過甜，芋圓尤其出色，非常彈牙軟糯、富咬口，芋頭及蕃薯味清甜，粒粒煙韌Q彈，口感有層次，份量足料令人勁滿足！海記合桃坊除左有一般既傳統糖水外，仲有勁多配搭既芋圓、豆腐花等，一大班人食糖水一定有款岩！下次再同好友試下其他野～

係旺角整完頭髮，口痕想食糖水。行左陣見到呢間海記合桃坊甜品好多人排隊，門口貼左張合桃糊相，個樣好吸引！一個人唔洗等好耐就有位，一大班人就應該要等耐少少。坐低落完單唔洗幾分鐘就已送上熱辣辣嘅‘沙沙合桃糊’，超有效率，而且店員都好NICE。中式甜品我向來最愛就係合桃糊，呢碗沙沙合桃糊香濃得黎仲好幼滑，甜度剛好，重點係有極多香脆合桃碎，絕對真材實料，實在令我一試驚喜！係我暫時食過最好食嘅合桃糊！大大碗足料又抵食，難怪成為招牌甜品！

同朋友食完飯，見仲有時間，所以行左去海記食糖水。我本身就好鐘意芋圓❤️，海記哩到就有三隻色，應該就係三款唔同嘅味道，我估計係芋頭、紫薯同地瓜，份量都算係幾多。芋圓最重要係口感同味道，海記都算做得幾出色，口感都幾煙韌，而最重點係佢可以帶番本身材料嘅味道，唔會好似食緊舊無味嘅粉團咁。至於個蕃薯糖水，薑味都幾濃，岩哂冬天食，食完成個人都暖哂，同埋都有兩舊大蕃薯，超級飽肚。記得之前食過尖沙咀個間覺得普普通通，但今次太子哩間都算有啲驚喜，有機會都想再食🤤🤤🤤

想像之中，旺角好食既甜品，都無幾多間，如果旺角食飯，我永遠首選都是這一間，雖然有間品牌出名點，但可能因為出名，所以真是麻麻地，所以暫時都係這最方便。我們食完個飯，到喉唔到肺，所以就走左去食甜品😂😂😂7個人，好彩都好快有位，服務員也幫我們拍埋左張枱，超鍋❤️這間服務員醒到爆，完全落單清脆利落👍👍👍楊枝甘露，可可奶凍，藍莓波波池，薑汁燉鮮奶，沙沙合核糊，芋圓喳咋，冰花燉蛋，合桃豆腐花。其實有新款甜品，又有舊款甜品，味道唔錯，真是好難搵到。所以這間店真是不錯，尤其店舖合桃糊，真是超級😍😍😍而其它甜品都各有特色，甜品不會太甜，新舊款都有，所以完全配合到所有人🤣🤣🤣我就不介紹所有點品了，因為太多，我點選幾個特別介紹啦😛😛😛合桃糊就唔洗講啦，藍莓波波池同可可奶凍都👍👍👍，如果喜歡新款甜品不防試下😁😁😁

跟一班同事太子食完飯，剛巧經過呢間<海記合桃坊甜品>排滿了人，於是好奇一望，望到糖水店外貼滿了新聞，介紹它的紫薯宇圓甜品，於是我們決定一試最近香港興起了台式宇圓潮，好多飲品及甜品都加入了宇圓，而我都試吃過很多，可惜大部分都弄不到台灣的正宗味道，希望呢間不會令人失望吧！等了約半小時，我們終於入座了！我們一行五人分別點了紫薯宇圓蕃薯糖水，紫醉金迷，當榴槤遇上芒果，以及紫薯香芋雪樂冰芋圓紫米露（兩碗）。既然芋圓最著名，加上我很愛吃雪糕，所以我今次點了它的紫薯香芋雪樂冰芋圓紫米露。糖水店的效率很快，落單後不夠十分鐘，五碗甜品已經全部送上它的甜品顏色十分豐富，份量亦不少，十分適合我呢類相機食先的港女打卡呃like事不宜遲，第一時間試試它的宇圓先！宇圓分別有紫薯，芋頭同地瓜三種口味。一試！嘩！佢既宇圓果然十分彈牙，我超喜愛它的紫薯口味，因它的紫薯味道十分濃郁，甜甜的，我相信它是用真正的紫薯壓成另外，宇圓旁的紫薯雪糕及雪樂冰亦十分出色，配合著芋圓令整個糖品口感十分豐富，果然沒令人失望呢總括來說，店内的甜品種類多，芋圓尤其出色，份量適中，價錢亦合理，下次必定再來試試其他款式的甜品

每次夜晚十點幾經過舖頭出面都係人龍 但今日食完晚飯十一點幾到就唔洗等即入 今次照舊食返芋圓蕃薯圓系列既香芋雪糕西米露 如果你鐘意食芋圓一定唔會失望！一碗仲有大約20粒哈哈 第二次食了都係咁好味 價錢唔算係太貴而且夠足料 滿足了朋友嗌左個沙沙合桃糊 好香濃好似好補咁 但我地一致認為再凍啲食會再好味啲

開頭聽個名以為只有傳統口味既糖水 原來黎到除左傳統糖水之外 都有唔少新式特別糖水既選擇 就好似紫薯味、宇治金時抹茶口味既糖水👍🏻連名都叫合桃坊 黎度當然要試合桃糊😆想無咁寡 可以好似我咁Mix芝麻糊紫薯香芋雪樂冰配芋圓🌟$36芋圓配紫薯味的雪糕出奇地夾 無得輸 加埋煙un 芋圓 岩曬啲鐘意有咬口既朋友仔 口味亦不會太甜🤤😍 🌟合桃+芝麻糊$24兩種味道加埋 反而可以一次過試曬兩種味道 無咁寡 同埋好滑 唔似係一般用粉開的口感👍🏻

同朋友係太子食完飯，聽人講 “海記合桃坊甜品”嘅芋圓幾好味，所以決定試埋先返屋企。差唔多10點去到，已經有好多人等緊位，不過好彩等左大約三，四個字就入得了，都唔算等得耐。呢到嘅甜品都幾多選擇，雖然合桃糊係出名，但我揀左個芋圓甜品 “紫薯雪冰樂芋圓紫米露”($34)!! 呢到落完單，唔使5分鐘甜品已經送到你面前，真係好快手!! “紫薯雪冰樂芋圓紫米露” 有兩球雪糕，一個係紫薯味一個係芋頭味，兩款都好香滑，而芋圓有番薯味之餘仲好彈牙呀！份量好足夠！ 好滿足！

一行人旺角食完晚飯仲未想走住吹下水，就緊係搵間糖水鋪坐下繼續傾。呢間海記都幾多人食，好在等無耐就有位坐姐～我叫左碗椰汁紫薯芋圓涼粉。其實本身唔太喜歡紫薯系列的甜品，但我又極度鍾意食芋圓，而佢menu入面有芋圓就要配紫薯。。ok，為左食芋圓唯有試試佢啦～食落去舊紫薯又唔係叫差，起碼無令到碗糖水扣分先，啲芋圓份量好足，好多粒，又幾軟糯，都算合格，可惜都係唔夠芋圓果種香芋頭同番薯味，少少扣分啦～～ 椰汁都濃既幾香，不過都係希望佢下次出一隻芋圓系列係無紫薯既😛

晚上十點半坐低 點好晒等食等左半個鐘都未有原來個男人無同我地落到單 咩料最後女人幫我地落番急單好好態度 又不斷講唔好意思中間等等下其間有人從後門出出入入去洗手間就傳來好大陣臭味好彩食果時無人開門我地已經坐係正門咁遠都聞到甜品方面係滿意的 芋圓夠煙韌西米露夠清甜 不會很死實得甜味豆腐花都夠滑口