海記合桃坊甜品 (已結業)

❤️唔食會後悔❤️利申，我係一個超鐘意食合桃糊嘅人，見到呢度嘅合桃糊係招牌菜，咁點都要試下！沙沙合桃糊 ($27)香濃幼滑，合桃糊濃得黎唔會竭撻撻，加上炒過嘅合桃碎響面，香得黎又有口感，溫度仲係keep住啱啱暖，上枱就食得，唔會熱到影響味覺，仲要只係$27🤩足料抵食👍🏻 不過坐位就逼d，而且好多人，屬於快食快走嘅小店Hong Kong Traditional DessertWalnut Sweet Soup with crispy walnutMust Try Item!

夜晚我喺旺角做完gym跑完步,咁啱阿肥都收咗工途經旺角,所以就出咗嚟會合我,佢死都話想食個涼粉先至番屋企,但我哋行咗幾間甜品舖,唔係食韓式刨冰嘅就係得傳統糖水,結果就要行到過嚟太子,先至見到呢間"海記合桃坊甜品",有佢想食嘅嘢,就入去幫襯佢啦~明明我話咗要開始減肥㗎啦嘛,應承咗自己戒甜㗎嘛,咁我就唯有左揀右揀精挑細選咗呢碗我認為比較有益健康嘅甜品蓮子燉鮮奶($31蚊),呢款冷熱皆可,喺出面食呢款通常都淨係見過蛋白燉鮮奶或者大良燉鮮奶,用蓮子整真係比較特別,而我見而家都仲處於夏天嘅尾聲,所以就叫咗碗凍嘅嚟食吓,嚟到之後好驚訝呢~成個碗面都佈滿咗粒粒嘅蓮子,全部都剥好哂殼好乾淨,挑埋芯仲要煲到好腍,落足功夫咁多粒嘅份量一啲都唔孤寒同馬虎,唔會求其得幾粒就算,而下面嘅燉奶都不付我所望,並冇加入大量嘅糖去令呢碗「甜品」得個甜字,雖然話佢嘅奶味唔係好重,應該唔係用啲乜嘢大牌子製造,不過已經令我覺得好滿足喇阿肥就叫咗碗菠蘿涼粉雪樂冰($39蚊),佢就開心啦,菠蘿又係佢所愛,涼粉又係佢所求,今次一次過滿足咗佢兩個願望眼見佢呢碗都幾豐富喎,除咗涼粉之外仲有椰果+西米同埋黑珍珠。我問佢：「點解唔見有菠蘿

芋圓甜品成為熱潮，但外間價錢一點也不便宜，份量也很少。海記的芋圓甜品一點也不吝嗇，單是芋圓、地瓜圓共有約15粒，十分有咬口。西米露底清甜可口，加埋雪樂冰真係好好食，整體份量好多。店內的合桃糊亦十分出名，其他甜品款式選擇多，如果擔心很多人要等位，可選擇下午茶時段，人流較少。

食完中菜食埋食式甜品就一流，我地今次簡左平靚正既海記合益甜品，為左養生都唔食冰唔食凍野啦，食左個木瓜杏仁燉雪耳！講真價錢就一定無屋企煲既咁平架啦，不過係呢啲旺區食得甜品，呢間真係算又平又抵食。而朋友都嗌左好養生既合桃露同埋腐竹薏米蓮子糖水，2個甜品都唔算太甜，不過合桃露就無乜咬口，略嫌淡口左少少啦

宜家係香港搵間糖水鋪食甜品，一份甜品無60, 70蚊都落唔到樓，分分鐘仲貴過你食正餐。呢間人龍甜品店就唔同，抵食夾大件，叫左2款甜品都好足料。2個人食$80仲有找！我就叫左個榴槤龍眼雪樂冰。榴槤既果肉一片片咁疊上去😍😍雪樂冰既部分充滿住榴槤肉既濃郁香氣，因為配合龍眼既關係，亦滲透住淡淡既清新口感。未食之前真係唔會想像到2者係可以咁夾！李老闆就點左紫薯香芋雪樂冰配芋圓！最近芋圓大熱，各大糖水店都加推呢類型既新產品。呢間既份量非常足料：芋圓，地瓜圓，紫薯圓好似唔使錢咁，食極都仲有，而且口感QQ，我就最中意地瓜圓！唯一缺點係，呢間店人龍係非一般既長，早少少到就唔使等太耐！

食完晚餐唔夠喉，就同友人係附近幫襯好出名既海記。呢間野名氣都唔錯，但就從來都未試過。去到等左大概10-15分鐘左右就有位啦。座位上比較逼既，不過香港d糖水鋪普遍都比較細，逼d都可以體諒既。我叫左比較出名既沙沙合桃糊。出餐出得好快，等左5分鐘到就有啦。合桃糊面頭有好多細合桃粒，好足料。而合桃糊磨得好幼細，入口好滑好香。呢個價錢有份甘足料既糖水，相當抵食。但合桃糊比較飽肚，如果有興趣幫襯既朋友就晚餐食少d啦！

夜晚係旺角食完飯，行左轉街，朋友提議行去海記食甜品，特別推介芋圓甜品。我地各自揀左唔同味既芋圓西米露。紫薯雪冰樂芋圓西米露：香芋雪冰樂芋圓西米露：兩款西米露個底應該一樣，係個雪糕唔同。芋圓真係好好食，彈彈牙又有蕃薯味，而雪糕就偏多冰，幾清新，但都幾甜。成碗份量都多，細食既話可以share黎食。

呢間甜品店有好多款甜品！有中式、西式、仲有依排最多人中意食芋圓。我點咗一個將中式混埋近排大熱芋圓既芋圓喳咋。呢間甜品店好良心企業，芋圓數量至少有10粒，再加埋喳咋入面既料，真係食到好飽。呢個太好食，冇影相。由於非常深愛芋圓，再點多幾個芋圓既甜品。紫薯香芋雪樂冰配芋圓。紫薯雪芭冇咩味道，香芋就有味啲但都係好淡。西米露都好食，芋圓都好有咬口，唔會係一舊粉咁樣。西米煲得好透，唔會咬唔開，整體而言真係好味，價錢唔貴而且份量足本。

去完齒留香食叉燒飯，見近排少食甜品，心血來潮想食就揸車落去太子，睇吓有咩甜品屋糖水店，再順道落金魚街買水草.正正泊咗係海記，咪走入去幫襯囉.啱啱去完台灣食芋圓，就點個芋圓綠豆西米露同香芋雪樂冰芋圓西米露，比較一吓香港芋圓同台灣芋圓有幾大分別先.先講個雪樂冰先，外相成個雪糕球，咁當然唔係雪糕球一個啦，食上去同雪糕口感完全唔同，似雪葩，論味道夠味嘅，論口感，個人喜好中意雪樂冰哩種口感多過雪糕，所以更啱自己口味.芋圓比台灣甜，我中意食濃味，所以海記嘅芋圓絕對啱我口味.最失望係個綠豆，料足但味淡，係我食過最淡嘅綠豆，失望.最後，極之滿意佢地d冷氣，凍到格離枱四位中女嗌頂唔順唔幫襯轉場，唔怕凍嘅我覺得啱啱好囉！

今日去到旺角太子的海記合桃坊甜品店食甜品。^.^ 竽圓喳咋 ，熱。32元。竿圓QQ ，夠彈牙。有3款 : 紫薯 ，地瓜 ，香竽。~~~我覺得各有特色 ，各款有帶其味道 ，不會好似食齋湯丸無味 ，幾好 ，且口感軟硬適中。~~~喳咋不會太甜 ，足料。o^^o紫薯香芋雪樂冰竽圓紫米露 ，凍的。34元。~~~~~紫薯雪糕有濃濃紫薯味 ，食下去有紫薯肉😍👍。~~~~~~香芋雪糕香芋味濃滑 ，有一粒粒香竽肉 ，有口感 。@@ 去到是有好多人等位，前面大約有10個人等位，但等得不算耐，等了大約10至15分鐘就有位，等候時間可接受。但場內冷氣太勁，吹到個人好凍，食完急急腳想走。◎_◎

一班朋友食完飯之後無論幾飽都要去食糖水，因為好飽，諗住行一陣，行到差唔多，見到糖水店就入去食。最終尼左Ｅ間，佢係我地求其行然後搵到的。我叫左芋圓紫薯紫米露（右下角果個），上面有兩個雪糕，一個紫薯味，一個芋頭味，雪糕夠凍。芋圓好煙韌好有咬口，有少少痴牙的感覺，好正，好香芋圓，但唯獨紫米露較稀，如果可以杰多少少會比較好。丸灸有少少硬，不過還可以接受

打完邊爐想食啲甜嘢，9點左右黎到，遲5分鐘都要等位照牌合桃糊，揀左合桃粒的一種，幾滑同幾香。熱喳咋，一般味道，好多紅腰豆同鷹嘴豆。三色芋圓豆腐花，紫薯同黃薯味道最出，豆花都幾滑，最有趣係紫薯沙冰， 幾特別吖紫薯西米露，都有芋圓同紫薯沙冰，西米我無試，但整體都大碗。呢間芋圓嘅質地都夠煙un 但粒粒嘅形狀都十分正方，總覺得無手製不規則形狀，食得咁過癮。

同朋友慶生食飯後 當然要食下甜品 大約一年前同朋友食過海記嘅紫薯蓉芋圓西米露 一直念念不忘 估唔到今次嚟到發現紫薯蓉已經冇咗 全部都變晒雪樂冰 咁就唯有試吓啦呢個係紫薯芋頭雪樂冰芋圓紫米露 30幾蚊咁大碗係幾好嘅 入面芋圓紫薯圓地瓜圓紫米露嘅份量都唔少㗎但味道來講 就比之前食既差左 以前係好好食而家就變得有啲普通雪樂冰類似雪糕 紫薯個球就味道好淡 芋頭雪樂冰反而有驚喜 芋頭味濃 唔錯唔錯但係我都係鍾意以前既紫薯蓉多啲而芋圓地瓜圓紫薯圓味道普通 有啲淡紫米露味道就正正常常

同朋友食完飯，都唔想咁快返屋企，醒起附近有間海記，就叫埋佢哋一齊去食！今次叫左椰汁紫薯蓉芋圓涼粉 紫薯蓉好冧有紫薯嘅味道， 芋圓亦都好Q彈，唔會有好粉感覺！略嫌有啲唔凍！唔使飛去台灣都食到咁好食嘅芋圓，好滿足！

好鍾意食芋圓嘅我， 一到週末吃過晚飯後， 又令我想起海記合桃坊甜品， 佢哋嘅甜品款式好多， 價錢也十分相宜。今次我哋叫了芋圓喳咋，紫薯香芋雪樂冰配芋圓，芋圓綠豆西米露& 菠蘿涼粉雪落冰。 芋圓喳咋$32， 芋圓好有口感， 但是沒有芋味， 喳咋有好多料， 唔會水汪汪。 紫薯香芋雪樂冰配芋圓$36， 入面有三種味，包括芋圓，紫薯圓，地瓜圓， 不過味道不太明顯， 只有顏色嘅分別。芋圓綠豆西米露$30， 綠豆西米露做得唔錯。 菠蘿涼粉雪樂冰$39， 涼粉加埋雪樂冰夠曬透心涼， 夏天必食之選！