海記魚蛋粥麵

營業中

休息中

今次去馬鞍山海記魚蛋粥麵食晚飯，因為知道呢度啲粥品同粉麵都好出名。今次叫咗魚蛋粉，同埋見呢度d蒸魚飯都多選擇，就叫咗個豉汁鯇魚，另外喺老闆介紹下試咗佢哋新出品龍蝦粥。先講魚蛋粉一貫上佳水準，魚蛋彈牙、魚片爽口、湯底好味，食幾多次都唔會厭。而豉汁鯇魚就超新鮮，同埋嚿鯇魚好大嚿，撈埋豉汁配飯食絕對食到停唔到口。最後要講嘅係龍蝦粥，之前真係未食過龍蝦粥，估唔到原來真係咁好味，因為係原隻本地龍蝦仔放落去煲， 龍蝦膏加埋啲粥食真係鮮味滿滿，而且個粥煲得好眠，龍蝦肉又超彈牙超新鮮，絕對令我一試難忘。

今日雖然係父親節，但係因為父親人在內地不用慶祝，所以我收工就去咗食海記，我哋嗌左一個魚骨豆腐魚湯，豉汁白鱔煲仔飯，生滾泥鯭粥，菜芯一大碟！🤤豉汁白鱔煲仔飯，煲仔飯粒粒分明，豉汁嘅味剛剛好，白鱔仲要有好多，好抵食👍🏻👍🏻生滾泥鯭粥—泥鯭有兩大條，一碗只係$48 ，好抵食，泥鯭好新鮮好多肉🥰🥰魚骨豆腐湯—湯好鮮味，好香好濃郁，佢魚骨其實都好多肉，煎到好香，豆腐好滑好入味，同埋好大煲好抵飲菜心—$18好大碟，有平時街外的兩碟咁多

今日去朋友屋企玩，嚟到馬鞍山呢頭，問佢有乜好介紹，佢就帶我嚟海記食好嘢。店內好光猛，座位寬敞，都坐得幾舒服。食物種類非常多：有泡飯、粥品、快餐、常餐、粉麵、下午茶等等。我同朋友叫咗「細砂鍋鮑魚雞粥 」$98，非常大碗，兩個人share食。非常足料，有好多雞件、鮑魚、冬菇。熱辣辣上桌，滾到好入味，粥底綿滑，真係好正。除返開每人只係$50 ，兩個女仔份量好夠食。呢鍋粥令我留下非常良好嘅印象，下次嚟一定會試埋其他食品！

大鄉里出城，性價比達人地點：馬鞍山食店：海記魚蛋粥麵消費：$45食品：金牌常餐 (奶油豬，火腿蛋奄列，鮮茄南瓜豬潤一丁麵，凍檸茶走甜)如果呢間海記開係我屋企附近，我肯定一個月至少食幾次 😍 係因為佢個金牌常餐組合，Exact7ly 將我最鍾意既野放晒係一齊 ❤先由個奶油豬講起。自從某餐廳推出奶油豬大賣後，我發覺好多茶餐廳既常餐，已經將牛油方包淘汰，改為奶油豬 🐽 不過好多餐廳換湯不換藥，以為改為奶油豬就等於好過之前既牛油方包，咁就會吸引到食客。其實如果你無「心」，食材再好，出品既食物都係唔會好食 🤮 好多餐廳以為奶油豬只要落勁多煉奶，勁多牛油，咁就叫做好食或者合格 …… 其實奶油豬，如其名，三個都係主角，缺一不可 😳🙊 如果只有「奶」「油」，而「豬」係唔得既話，其實都係唔會好食，「豬」應該係要熱得黎鬆脆，出面好多茶餐廳既豬，毫無熱度，好似俾舊隔夜麵包你咁，豬既熱力將奶同油融化，咁樣奶同油就會融入豬裏面，當你每咬一啖既時候，內會軟，因為吸收左奶同油，而外面就脆，咁就 perfect 池喇 👍 我認為海記都算係做得到 👏火腿奄列唔講太多，質素屬於合格，肯定唔會係叫做難食，正正常常。鮮茄南瓜

今日朝早一家三口，嚟到馬鞍山食早餐，食完早餐打算去公園草地跑吓玩吓，吹吹海風，呼吸吓新鮮空氣👍🏻依度嘅早餐好多選擇，而且份量好大，我哋叫咗🌟薑絲鮮牛肉通粉，夠曬薑，牛肉好淋，湯底好鮮甜🌟彷鮑魚火腿絲通粉，材料相比其他的茶餐廳分量多好多，大大片彷鮑，超多火腿🌟薑絲鮮豬膶麵，唔係度度有架👍🏻👍🏻跟餐我哋叫咗腸仔蛋，一個跟方包，一個跟豬仔包，一個跟厚多士，啲包一啲都唔乾，好軟熟而且有大大杯飲品❤️抵食

疫情緩和之後，到處都是人。午後來茶餐廳吃飯。餐牌所見，設有常餐和下午茶餐。點了一個常餐和下午茶餐。⭐️炸兩腸粉$17腸粉包油條，雖然一挾起腸粉較鬆散，但入口依然香脆，油條炸得酥脆不含油，不沾醬料味道也很好吃！⭐️鮮茄南瓜牛肉通粉$45常餐配上脆豬包和火腿奄列，十分豐富。鮮茄南瓜牛肉米粉，湯頭清甜，因為加入了番茄、蘿蔔熬煮，牛肉煮得軟腍，簡簡單單卻很好吃。⭐️ 脆豬包脆豬包烘得很酥脆，塗上牛油和煉乳，咬下去鬆軟，味道很香。⭐️ 火腿奄列薄薄的雞蛋包裹火腿，火腿片切絲，吃起來中規中矩。⭐️雜果賓治$8有菠蘿等果肉，十分香甜解渴。⭐️照燒汁雞扒包麵包烘得酥脆，夾著一塊雞扒和番茄，入口帶酸，但味道跟雞扒似乎不太協調。

蕃茄控既我以前好鍾意食民X既常餐 可惜🔵... ...今日! 我終於! 搵到可以代替民X既良心茶記💛 仲要喺我個區 好滾動! 🥺😭😭可能因為假期 所以3點3呢個鐘數都滿座 我地最後等左5分鐘就有位~~一入去就覺得海記雖然係間茶餐廳 但係裝修一d都hea 貫徹餐廳名 以海洋做主題🌊 以藍色做主調🤩 連碟都係貝殼型架~~講講食物啦💁🏽‍♀️ 鮮茄南瓜牛肉蟹王麵($45)湯底入面充滿住啖啖🍅番茄蓉同南瓜蓉 係真材實料熬出黎既味道😋 薑絲鮮牛肉蟹王麵($45)湯底既薑味適中 相對無1號常餐咁特別😛兩碗麵既鮮牛肉份量都唔少 又唔韌👍🏽兩份常餐都係揀左配脆豬包、黑松露炒蛋😆炒蛋嫩滑👍🏽 黑松露同蛋既份量岩岩好~~脆豬包已經搽奶油 夠香脆又夠味😋餐飲💁🏽‍♀️ 熱鴛鴦、熱檸茶 沖得非常之快👍🏽 落完單 轉個頭上左兩杯餐飲!本來同行既媽媽無諗住食常餐 但因為我同佢講💁🏽‍♀️1. 呢度既常餐跟脆豬包唔洗額外加錢 2. 炒蛋又有得配黑松露3. 麵底又多選擇 有少見既蟹王麵揀4. 凍飲唔洗額外加幾蚊就成功被我說服左一齊試下個常餐喇🤣除左常餐吸引我見到幾多食評都推介牛三寶同煲仔飯😋 性價比幾高咁~~一定會再支持💛

📍 海記魚蛋粥麵 (馬鞍山)馬鞍山不再是食物沙漠，愈來愈多餐廳。 今日食咗一間有齊粥粉麵飯嘅茶餐廳，食物種類好多！粥煮得好綿，仲有好多款式，有蝦蟹粥、田雞粥、豬潤粥、好多種類！仲有煲仔飯食、普通全日餐常餐。今日叫咗個豬潤粥、金牌牛三寶，仲有叉燒腸粉。全部都好足料👍🏼👍🏼👍🏼👍🏼唔錯的！最鍾意佢嘅牛腩肥瘦適中。😳加咗啲字句落張相度幾得意🤣.人均消費：40-70地址：馬鞍山新港城中心(3期)地下G3/11&31號舖

又去沙田搵舅父，舅父話呢間餐廳粥粉麵飯乜都有得食，咁就去呢度試吓。望見咁多人，食物一定有水準食物都好吸引有我最愛吃的魚腩粥…😋😋😋舅父食牛三寶面、食粥就更係要有炸兩配搭😬我咁鍾意食魚，自家製🐟魚皮豈能錯過😬凍咖啡，我就當然係飲熱齋啡☕️😬再加一個甜品就係——西多士😛牛三寶面——牛筋、牛腩，牛肚，嘩，至尊寶，好味道⋯⋯1-牛筋炇得夠脑又滑、牛筋都咁好味，牛腩更加唔使講，牛肚蚊得腍又帶一點爽口，麵夠爽，湯底又甜。2-魚腩粥—-嘩！真係好抵食，32元大大碗之餘，魚腩又夠多，粥煲得夠綿，大大件🐟魚腩，好味道⋯⋯3-自家製魚皮——又香口，又脆卜卜，魚香脆👍👍👍👍4-金牌炸雲吞——-大大隻蝦🦐，爽口彈牙，皮又香脆，點小小酸甜汁更加惹味⋯⋯5-炸兩——新鮮。點解話新鮮，好多地方既炸兩入面既油炸鬼係腍的，呢度做到皮薄炸兩係脆的，咁你話油炸鬼係咪新鮮😂👍👍😋😋😋6-凍咖啡——咖啡都幾香滑⋯⋯7-熱齋啡——想不到係呢度都飲到靚咖啡☕️8-西多士——食完嘢當然要食甜品，味道不錯，中間層有花生醬，甜品係第二個肚🤣見到佢地餐牌上仲有煲仔飯食，58元真係平到呢！真係又要去食煲仔飯😊😊

最後大家都好關注健康，計我話要健康就一定要食得夠同食得均衡，要有菜有肉咁食多款式既食物，身體才有能量對抗病毒~所以今天小心地外出，食下唔同既食物，始終在家來來去去都只可能整太簡單既野~都唔係幾均衡。呢間在新港城三期既餐廳，好多款式，其中我最愛既煲仔飯都有~窩蛋牛肉煲仔飯 $58，呢個真係我的至愛，一打開就好香既飯焦味同牛肉味，混合埋一起真係好吸引。好大煲，見到都好開心，要開動了~~~牛肉份量都好多，而且唔係太咸，調味幾好。同行既朋友就好愛食粥，所以就一於叫一窩招牌雞粥試下囉~~~$65呢窩粥比想像中大，而且都好多料，粥底好棉，而且唔太咸，食完當晚都冇口干~!!!!証明係好粥食粥，我又想起要食腸粉呀~~~~~所以又整天碟~好滑O都O都的~!!$12最後當然要食新鮮既菜~~~~$18~好大碟~補充維他命及其他營養整體而言，非常令人滿意，以後可以多多來食呢~

餐廳：海記魚蛋粥麵 (馬鞍山)地址：馬鞍山鞍誠街8號MOSTown Street新港城中心大街(3期)地下G3/11&31號舖學完車去到馬鞍山一間茶餐廳食飯，一入到去就被店員嘅熱情款待吸引左❤️，叫左個白鱔煲仔飯($68)，即叫即整，所以都要等大概15分鐘先有得食除左服務態度好，一邊等嘅時候旁邊幾枱嘅食客都同店員有傾有講🗣，「今次黎食咩粥呀？」、「好耐無見你喇」，相信呢間做街坊生意嘅茶餐廳🍴，吸引左唔少熟客時不時黎幫襯白鱔煲仔飯一黎到就聞到好香飯焦同鱔香🤤，焗左3分鐘左右打開蓋，濃煙同香味即刻走哂出黎😍，鱔片醃製過非常香滑，加上薑同辣椒辟走腥味🌶，最後最重要緊係刮埋啲飯焦出黎食喇，呢個先係食煲仔飯嘅精髓

係出面見到D人食緊既煲仔飯出哂煙咁，而且差唔多枱枱都食，應該係幾出名，就走入去試下7點幾都係枱枱坐滿，仲有D人等外賣，生意唔錯咁～餐牌都算多野揀，湯麵、泡飯、腸粉、小食都有👍🏻🌟北菇滑雞飯 ($58)呢個滑雞飯同出面食既蒸飯真係好唔同，熱好多佢既薑味好出，又好多件雞，肉都算滑～不過最好一開始就要撈混，如果唔係就容易痴底😆柱侯牛筋飯 ($45)牛筋超大條!! 中意牛筋既人唔好錯過喇🤓 而且牛腩都好淋，好易入口，飯量都多，男人食都夠飽🤭再配一個紫菜湯，食完都唔怕膩～炸兩腸粉 ($17)炸兩都幾脆，好味😋份量勁多，兩個人都食唔哂lol  甜醬麻醬任落🤣🤣酥炸雲吞 ($48)呢個偏貴，配泰式辣醬，幾脆幾惹味～

又想食粥、又想食飯，加埋價錢合理，所以這間位於馬鞍山新港城的「海記魚蛋粥麵」店吸引到不少區內的街坊到來堂食及外賣。晚市除了有生滾粥、粉麵、腸粉等等之外，這裡還有煲仔飯供應。他們的煲仔飯是即叫即煲，無怪乎差不多每枱都至少有一煲。白鱔煲仔飯（$68）👍👍👍👍煲仔飯是即叫即做，所以大概要等廿分鐘左右。我們叫了白鱔煲仔飯，揭開煲蓋，即聞到香噴噴的飯香，加上甜豉油，更加美味。最後吃完飯後，更有一層薄薄的飯焦，又香又脆。狀元及第粥（$32）👍👍👍👍👍粥底煲至又綿又滑，米味香糯，材料方面有豬肝、豬腰、豬肚和粉腸。內臟洗得乾淨，沒有異味，亦很新鮮。油條（@$9）👍👍👍👍油條切成三大段，方便食用。香脆的油條跟粥品最配。如果喜歡吃炸兩，這裡也有供應。酥炸鯪魚球（$48）👍👍👍👍鯪魚球有六粒，鯪魚肉口感爽彈，如果表面可以炸得更加金黃香脆點，那就更可口。炸魚皮（$20）👍👍👍👍炸魚皮份量算大，魚皮可以配大地魚湯吃，也可以淨吃，各適其適。可樂（$16）門面餐牌

今日專程去咗海記魚蛋粉麵食佢哋出名嘅招牌牛肚，艇仔粥加油條，墨魚丸麵配蠔油菜心，仲有一個常餐，揀咗鮮茄南瓜牛肉通粉加牛油多士，同埋火腿奄列。 鮮茄南瓜牛肉通粉嗰個南瓜蕃茄湯底好濃，好多南瓜味，食依個通粉可以飲埋個湯底當湯飲， 牛油多士係厚多士，個火腿奄列入面亦都包咗好多火腿，唔係普通茶餐廳三啖食曬嘅奄列分量。 墨魚丸麵個墨魚超彈牙，有四粒，每粒都超大有好新鮮嘅墨魚味， 配埋個蠔油菜心 食一流。 而艇仔粥加油條一定要講，個艇仔粥入面超多料同埋超大碗，有豬皮、花生、碎牛肉、魷魚、咸瘦肉等等， 油條又係熱炙炙，如果。天氣凍嘅時候食佢哋嘅粥品加油條真係暖上心頭。 招牌牛肚 一定要食，嗰個牛肚好入味，配上濃郁腩汁，仲有生菜喺底，不能不試，而且每條牛肚嘅大細都切得好均勻，又冧又彈牙，下次嚟我一定會再食過牛肚。

三期呢邊其實有好幾間食肆都未試過，今日來食個快速晚餐，夜晚飯類選擇不多，就要個煲仔飯，有九款唔同口味，雙拼都只係加$15 ，最後決定要個「窩蛋牛肉飯」（$58 ），熱辣辣連煲蓋都開唔到！牛肉份量都幾多，而且唔韌，隻蛋就已經熟哂，仲有兩條菜心附送，撈左豉油啲飯幾好味，仲有飯焦添！另外叫咗個四寶粗麵（ $48 ），有兩粒魚蛋、兩粒魚皮餃、一粒墨魚丸、豬肉丸、魚片，湯底幾好味，麵質夠爽。呢個可以配嘢飲添，嗌咗杯凍菜蜜，唔錯唔錯。呢度啲店員仲同你有講有笑，感覺都好親切啊。