海記魚蛋粥麵

營業中

休息中

晚飯時間，個Friend住附近，過泥搵佢食個快飯推介海記，港式茶餐廳，入到去根本上乜都有得食，我就最愛牛腩河，一於試下叫個牛腩河，一泥到個腩有肥有瘦加個湯底，都覺得算係唔錯，個Friend叫左蒸玻璃肉，我自己最愛食肥豬肉，呢到玻璃肉原來真係送飯一流，見到隔離枱叫豆豉蒸倉魚，原來望落去都幾好樣幾好味，加個例湯，呢到食野無負評，如果我屋企樓下有間咁既茶記都幾開心❤️，基本上我諗一日兩餐都會落去食，下次搵個friend都會食返呢間！

是日想簡單食咁啱在MOS搵食諗起呢間魚旦粉就來了本來想點魚旦米點知話魚旦賣晒就轉左魚片米啦黎到賣相OK既魚片都正常但個米粉......有少少怪味間唔中都會有D店既米粉有呢陣味唔知點形容總之係怪怪的朋友想點肉丸粥點知粥係果日無改左牛根麵試左件牛根可以啦偏淋既麵就望落好淋咁但朋友話可以接受

生炸雞髀配沙律（下午茶） $38生炸雞髀好食，脆卜卜喜歡吃這裡的沙律不是只有薯仔那些，是有很多雜果的，也不會有很多沙律醬。清蒸鯇魚（跟白飯、油菜或熱飲）$52本來鯇魚腩要加錢的，所以我們沒有叫鯇魚腩，但最後也是魚腩，好幸運鯇魚腩好大舊，淋上蔥花和豉油很好吃（這個是我叫半飯的飯量，實際的飯會更多的）

而家食個早餐, 坐底都要$33或以上, 但唔係間間都有相同待遇.  唔係講服務, 而係食物既份量.以粥麵做主打既食店, 早餐居然可以做到咁抵食. 近期夏天好熱, 所以都甚少食粥品, 有時都會叫個炸兩食既, 不過今次重點講追個麵食早餐先.平常早餐都係例牌有麵+雙餸+熱飲, 但係海記係$33, 冷熱飲同價, 有奶油脆豬, 仲要出前X丁唔駛額外加錢, 仲會提供埋味粉同麻油自己落, 證明絕對正貨. 雖然肉丁唔係大路牌子, 但係咁既價錢, 咁既質素, 暫時係我食過最抵食, 最化算既早餐.

今日早上做完公司嘢經過馬鞍山就順便揾間餐廳食個早餐，有啲想食粥所以就近近地揀咗呢間，早餐款式都有幾多款 👍🏻 最後叫咗營養早餐 B ($34)。荔灣艇仔粥 : 有椰菜、豬皮、肉絲、魷魚、牛肉碎等等，都有幾多配料 👍🏻 不過如果有埋花生就更正喇，艇仔粥夠熱又夠棉，味道都唔錯。😋炸兩腸粉 : 油炸鬼唔夠脆口，而且腸粉皮整得唔夠薄，食落失色咗少少，不過整體嚟講都唔錯，粥餐會比大型連鎖快餐店好，起碼碗粥都多啲料。😋

喺馬鞍山想搵茶餐廳食，「海記」絕對係一個上佳嘅選擇！除咗食物質素之外，呢度招呼都唔錯㗎👍🏼 (註：馬鞍山區有幾間茶記，包括有連鎖店同私人嘅，啲店員面口超臭，對啲客人呼呼喝喝⋯⋯) 呢度啲店員起碼有禮貌，而且只要有位，你鍾意坐邊都得，唔會趕你坐指定嘅位置！🍽 常餐 ($45) 揀咗薑絲豬潤麵 + 松露炒蛋 + 脆豬 + 凍檸茶。啲豬潤好爽口，大大件都算厚切。不過原本係叫出前一丁嘅，點知嚟錯咗蟹王麵。算啦，橫掂未食過蟹王麵，就試吓啦！最後都係覺得出前一定好食啲，麵質比較爽口，蟹王麵嘅口感就比較糊口⋯⋯ 炒蛋就一般啦！🍽 豉汁蒸鯇魚 ($60)，可以揀跟飲品、紫菜湯或者油菜。舊鯇魚質素都OK，鍾意食腩位仲可以同阿姐講😊🍽 魚骨豆腐湯 ($58)，裡面有三大舊魚頭、豆腐、生菜絲同葱花。一鍋夠兩三個人飲！味道都幾清甜，唔會好重味精😋🍽 魚腩粥 ($32)，都幾足料，粥底夠棉，食到最後都唔會變水。🍽 叉燒腸 ($17)，味道都算OK！🍽 油炸鬼 ($9)，好油，麻麻地！呢度價錢都算大眾化，衛生同環境都算OK嘅。

我們兩個人吃晚飯，叫了一碗鯇魚腩粥（$32）加鹹瘦肉（$5），一個豉汁蒸鯧魚套餐，配白飯及油菜（$52）。鯇魚腩粥大大碗，粥底綿滑，魚腩和鹹瘦肉都很足料，但一開始沒有拌均，吃到底還有很多鹹瘦肉，非常夠味。本來想吃清蒸鯇魚的，但魚腩一早賣完，下次要早一點來吃。豉汁蒸鯧魚是原條的，等十五分鐘左右，即叫即蒸，魚肉很滑，配白飯和油菜（圖片中的油菜已吃了三分一），下次再吃鯇魚吧，這個套餐很抵食。

返學前去到馬鞍山一間茶餐廳食早餐，一入到去就被店員嘅熱情款待吸引左，叫左個通心粉即叫即整，所以都要等大概5分鐘先有得食，一邊等嘅食客都同店員有傾有講，相信呢間做街坊生意嘅茶餐廳。

馬鞍山市中心嘅小型粥麵店唔多，難得又唔係連鎖店大集團經營嘅粥麵店，雖然店舖細小，大約只可以容納3、40人。餐牌內食物種類很多，有粥有麵有飯、有煲仔飯、有碟頭飯、又有煲仔粥，適合不同人士選擇。煲仔粥在午餐嘅時候都有得食，款式亦不少，有鮑魚雞粥又有蟹粥，呢兩款熟就算係連鎖粥店都未必有，煲仔粥內的餡料充足，價錢唔算貴，有大煲同細煲選擇，細煲可以一人食或二人食，不過味道有啲重口味，適合愛好重口味嘅人士食。

一陣去後面clinic, 又黎海記quick lunch, 張張枱坐2個人頸鬆動, 食得太多次芝士撈丁常餐今日食第二d.🥢鮮鯇魚腩粥+碎牛 (HKD32+5)生滾粥非常綿滑!!! 鯇魚腩有4大條勁多, 厚肉又嫩, 係比較多骨, 32蚊碗好抵食, 我仲加左碎牛, 成個碗底都係好足料, 淨食粥都飽了.🥢炸兩 (HKD17)腸粉包住炸到好脆嘅油炸鬼, li個係最perfect送粥嘅, 好味.🥢金牌牛三寶麵 (HKD64) 送飲品老公嗌左個牛三寶麵, 有牛肚牛雜牛腩鋪滿成個碗, 配超索湯底嘅河粉, 非常大份, 牛三寶好高質又入味, 湯底更加係味道濃香(淨嗌一碗金牌牛三寶要$80的梗係食麵抵😛), 仲送埋飲品呢.🥢炸魚皮 (HKD20)店家嘅炸魚皮次次食都咁”新鮮”脆卜卜, dip熱辣辣嘅清湯令人停唔到口>>>>>

間中會來馬鞍山，今日都係，食晏時間記起朋友介紹過呢間粥麵店，就特登喺地鐵站嗰邊行過嚟，大約要6-7分鐘。叫咗佢嘅金牌常餐「芝士汁撈一丁配豬扒」，包「脆豬包」同「火腿奄列蛋」，仲有一杯嘢飲，都係$45。今日好肚餓，諗住淨係出前一丁➕麵包唔夠飽，所以再叫多個「鮮鯇魚腩粥」$32😁「芝士汁撈一丁」好快嚟到，有大大塊豬扒，煎得好香，表面有少少脆，好入味，好食；出前一丁麵就鋪滿溶咗嘅芝士，好香好味。豬仔包外脆內軟，仲搽咗啲煉奶同牛油，香口美味；奄列裏面有唔少火腿。未食完呢個金牌常餐果碗魚腩粥又嚟埋，不過我已經飽啦😅咁都要食埋碗粥㗎🤣，魚腩粥裏邊原來有七、八件魚腩，我將部份魚腩夾咗落個碟度，真係有好多，魚腩好鮮味；粥底就好綿，正。魚腩粥份量真係好勁，食完飽到捧住個肚。仲有杯冰凍檸茶。呢餐食得超飽，真係街坊價錢，好味兼好抵食👍

疫情中的午餐，因為好難得先有得岀街食一次飯，所以一於食豪啲，午餐都要食多款又要飽🉐鮮蝦腸粉20元好滑而且豉油調得好好味😋金牌常餐之蕃茄南瓜🎃湯牛肉通粉配奶油豬加黑松露炒蛋45元呢個餐真是不得了，真心抵食，45元仲有餐飲，值得一提係個湯通粉好好食，牛肉份量多，最重要係湯底好味🅰️鮮牛肉粥20元豉汁魚倉魚餐52元好新鮮，調味好食而又啖啖肉，食得好爽油菜18元增強抵抗力一定要多食菜，呢碟菜夠囇我地食，大大條營養豐富！炸魚皮20元雖然邪惡但脆卜卜真是好正啊

好小會黎馬鞍山呢邊，見天氣咁好約埋朋友去馬鞍山沙灘刮蜆，都好人喔！之後行番去新港城呢邊食個下午茶～見到呢間海記 有好多款野食選擇金牌常餐好豐富～有碗薑絲豬潤麵、黑松露炒蛋、脆脆包和一杯飲品飲品就加左錢轉特飲，紅豆咖啡上面既黑松露有好多～脆脆包有牛油🧈練奶鋦得岩岩好無黑邊薑絲豬潤麵，個麵就選擇了蟹皇麵，如果我無記錯前2年有好多人搶購蟹皇麵，果時無食過所以叫埋食先～另外朋友就叫左下午茶生炸雞脾配沙律生炸雞脾炸到好金黃色，個皮好脆卜卜啲肉又唔會好老

10點幾起馬鞍山睇完戲肚仔餓到咕咕聲,又未食晚餐,隨便揾間茶餐廳醫肚,點知海記仲有開,於是同女朋友行左入去😂餐廳環境同一般茶記冇大分別,10點幾又唔係好多人,所以好易揾到位,因為晚餐時間已過,就隨便散叫左D野食牛腩麵麵就普普通通啦,軟硬度適中,湯就冇乜驚喜,一般茶仔質素,反而牛腩幾入味,幾有咬口,岩哂我口味喎😋菜心菜心冇乜驚喜,十分正常,加左蠔油之後算係有D味啦,可以入得口既，食d 菜均衡飲食啦😜艇仔粥粥底OK,幾軟綿,幾滑,又夠滾熱辣,自己屋企都煲唔到喎,入面d料有花生,免治牛肉,魷魚,豬皮,用料十分豐富,我覺得十分之唔錯叉燒腸因為想食下腸粉,所以叫左叉燒腸,基本質素唔錯,叉燒肥瘦適中,腸粉亦夠滑,同粥配搭起黎十分之夾

耐不耐就會入去沙田搵舅父食飯，今日亦不例外，我哋行咗商場一陣間睇吓嘢，又買咗D日用品，都差唔多到食飯時間。當然又去醫肚仔，我記得呢度有間食煲仔飯，就係呢間海記上次同舅父食午餐時，記得餐牌有煲仔飯，而且仲四季都有煲仔飯食，舅父鐘意食煲仔飯，我鐘意食煲仔入面D餸😁😁😁😁———————————🍵魚🐟腩煲仔飯➕臘腸——-兩款餸我都鐘意食😁😁，嘩，未打開蓋已經聞到香噴噴的味道⋯⋯打開煲蓋就更加香氣四溢😋😋😋流晒口水⋯⋯魚腩厚身大大件，鮮甜肉嫩的魚腩。啖啖肉、啖啖滑、啖啖香，臘腸又香又瘦，咬落軟熟，自家製調的豉油味道加落又香又熱的飯𥚃面，零舍惹味，飯香軟熟帶微微飯焦，飯焦帶脆囗又不會過硬，四季都有得食既煲仔飯👏👏👏😋😋😋好味道⋯⋯————————————🐷南乳豬手粗麵——-豬手夠入味、南乳味夠香，豬手又夠腍，粗麵夠爽口又滑的質感，好味😋————————————-🐟炸魚皮——-香脆香口、脆卜卜，🐟魚皮又係自家製，香口鬆化⋯⋯————————————-🥬菜芯———-新鮮青綠軟熟的菜芯，不會灼得過火，幼嫩爽甜😋😋————————————-飲品：🥤粒粒紅豆冰 ——-奶滑濃郁，紅豆唔會偷工減料，煲得硬度剛剛