海連茶樓

營業中

休息中

對唔住 我要寫呢度第一篇負評 在荃灣工作超過20年 海連耐唔耐都幫襯下 但次數由以前1個月3-4次 減到而家唔會再幫襯 原因有幾個 1 老闆好似硬性規定一定要開茶 $6一位 有一次話唔使開茶就比左壺水 埋單照收$6 2 出品真係麻麻地 簡直可以用差來形容 永遠碟頭飯個”顯”打到成Pat野咁 3 每碟飯的份量越來越宿水 試過叫涼瓜牛肉飯 成碟得5片牛肉 重要唔大片 星洲炒米好似食齋米 旦 叉燒 其他配料份量極少 4 味道認真麻麻 次次食完都口渴到爆炸 5 價錢係太興級數 但無裝修乜都無 重要係屋村夠膽收呢個價 最近一次食碟星米 一食D米粉硬到好似鐵線 叫左老闆攪 出返黎變左碟星洲炆米 我諗佢係加水煮淋D米粉再打個”顯” 食落硬係覺得有D唔妥 唔知係咪加左料 食完成個晏奏都唔舒服 諗返轉頭唔知點解會食？ 但唔知點解佢地好好生意 好多熟客 而我就永久BLACKLIST

Boxing Day 既早上 我地訓到十一二點先自然醒 男朋友話好想食鵪鶉蛋燒賣 係openrice揾揾之後就揀左呢間街坊茶樓踏入茶樓個時已經係1點幾 當時食客唔多 自己入去隨便坐低就可以了 無人會帶位 但d阿姐係熱情又好客的 我地問有咩點心可以揀 點知侍應話點心阿姐已經放左工 我地可以行去門口個蒸籠自己睇下 點知岀到去乜都無淨了 好失望啊賣淨既春卷 好似放左好耐咁 係無得揀既情況下唯有試下啦 食落口 雖然係凍左 但係咬落係好豐富既口感 啖啖蝦肉 用料1 d都唔馬虎 而且仲好脆之後有個阿姐行過黎問我地食唔食番個排骨盅飯 睇到d排骨咁靚我即刻要左個 食落真係無乜肥膏 又易甩骨 個飯又蒸到岩岩好 唔會太林 又唔會太硬我地仲叫多左個乾炒牛河填飽個肚 河粉係比較幼身個種 都ok 但係太過油膩下次真係要早d黎食點心啊 阿姐話十點幾都仲會有好多點心揀 期待

福來村呢間老牌街坊茶樓, 都開左幾十年啦, 係一間比較傅傳統的屋村酒家仔, 有自家製的點心, 所以日頭都有唔少街坊客捧場!平日的晚市明顯地好少人幫襯, 只係得兩三幾枱客人,  其實除左冇咩海鮮外, 其他的食物的種類都幾多, 望下餐牌都睇到眼花撩亂, 而價錢方面唔算街坊價, 而係大酒樓或接近九龍區部份有些少名氣的中菜館的價格, 可能呢個已經係令到人客減少的原因之一, 始終只係街坊小店!! 話雖如此, 但佢地d小菜其實水準唔錯可能人客唔多的關係, 上菜速度算快,  首先我地點左半隻燒鵝,  一般預訂左會比較穩陣,  奉上時暖暖的, d皮微脆而且唔肥, 正! 有淡淡鵝肉香味, 雖然賣$250半隻, 一隻則$500, 但真係幾有水準的!!另外點左兩個香口炸物, 分別係椒鹽鮮尤同蒜香骨, 因為兩碟都係即叫即炸, 所以香脆可口, 鮮尤唔算大舊, 而蒜香骨d排骨又唔算太肥, 整體來講算幾好!!蔬菜方面點了蒜蓉炒豆苗, 份量唔多, 但唔算太油膩,算幾好了!! 因為坊間真係有d炒得非常油!仲有點左一碟菠蘿生炒骨俾小朋友食, 排骨都有唔少肉, 唔會浄係得d骨, 但用新鮮菠蘿, 汁亦酸甜適中, 仲點左碟貴d

相約中學同學食飯, 星級大廚朋友推介了這家酒家。室內都算有足夠空間, 由於我哋18:45就到, 所以人未算多。一睇個裝修格局就知唔係來食氣氛啦, 想知食物質素如何? 繼續睇啦！先來個 豉椒炒蜆, 蜆唔算大隻, 但勝在飽滿, 肉嫩滑, 而且都炒得勻循, 隻隻都有芡汁。味道偏咸少少, 唔算好辣, 有椒香氣。涼瓜炒豬雜, 呢個有少少失色, 涼瓜仲有草青味, 再煮耐少少會好啲。豬雜呢 由於我唔太好, 淨係食豬肚, 所以不詳細介紹。不過豬肚幾好味, 口感輕嫩唔韌, 又夠味。燒鵝半隻, 燒鵝唔似X記的嗰啲, 呢道嘅燒鵝的皮比較薄, 不會是酥脆的那種。但鵝肉的味道就好好, 肉質實淨但唔韌。脂肪唔算多, 以燒鵝來講, 佢係健康嘅燒鵝,所以食多幾舊都唔怕。炸大腸, 你見得一張相就知咩事。如果我同你講話好好食就一定你坤你。但又唔係話好難食, 係炸得比較乾身啫, 個人喜好啦。鍾唔鍾意自己試下先知嘅。好似女人咁, 樣靚唔一定正, 相貌平平都可以好有驚喜。完p.s.其實仲有食到其他小菜, 不過唔想電話打字, 就講住咁多算。溫馨提示, 如果想食燒鵝的話, 最好早一日電話預訂。

已經唔知幾耐無食過師傅新鮮手製既點心了。而家既茶樓為左節省成本，通貨都直接買點心番黎，傳統手作點心真係買少見少。今日黎到屋邨既舊式茶樓食番真正點心，非常回味～一個個排列整齊既啡色茶壺，好古色古香~呢度仲係採用點心車咖！好懷念呀～想食邊籠可以自己揀～手快有，手慢就無咖啦～哈哈我當日去到已經下午1點了，鵪鶉蛋燒賣同蘿蔔糕等已售罄 >_< 所以越早黎點心款式越齊呢~ 要注意茶樓經典－蝦餃 $25餃皮滑嘟嘟，褶口清晰，晶瑩剔透。一看便知道是老江湖 XD餡係打成蝦膠，非原隻鮮蝦，但我更愛呢種製法。爽口彈牙，蝦肉夠鮮！燒賣 $19燒賣好少肥豬肉，呢樣係我最愛既地方。點心車上所有點心都熱辣辣，好味到停唔到口～香茜餃 $19香茜餃主要材料都係莞茜，豬肉同蝦。同樣都係用料新鮮，餡料足，隻餃脹卜卜。唯一小問題係個餃皮較薄，好易爛。點心車每次推出既食物都唔同，好有驚喜，點心姐姐一黎到我就會好興奮去望呢一輪既點心車全部都係飽野～ 我叫左銀針粉試試銀針粉 $20銀針粉比較普通，有叉燒、蝦米、冬菇等，清清地，配埋豆瓣醬食。豆瓣醬唔會過咸，微辣，有剁椒既香味。神級排骨飯 $26呢個飯好！好！食！呀！

OPENRICE好似有點問題, 寫好了儲存左但轉頭唔見左篇文, 呢篇寫第三次, 唉!朋友推介呢間海連茶樓, 我成日經過都無留意到, 係一間舊式中菜店, 早巿食點心, 午巿食飯, 望入去感覺幾麻甩, 一個女仔唔太敢走入去, 今日同埋兩個朋友去試下。午巿有飯盒賣, 款式唔係好特別, 價錢唔貴, 同普通茶餐廳差唔多, 但相信質素會比較好。餐牌都在牆上, 我地睇唔明個價錢, 因為唔係用平時既數字, 以前讀書教過點睇, 但已唔記得晒, 大約知道價位後, 就照選食物了。今日例湯係粉葛赤小豆豬骨湯, 十零蚊好抵飲，煲到非常濃, 係老火湯, 連埋渣上, 好真材實料, 湯好甜, 無味精, 亦無需味精已夠好味, 豬骨好淋可以食埋。鴛鴦飯做成太極標誌, 好有心機, 份量好多, 2-3人食都夠, 兩款汁料做得好好, 特別白色部分, 蛋白花超靚, 好有水準, 茄汁係用蕃茄整成, 甜甜酸酸好開胃, 兩邊都咁好食, 汁料豐富, 蝦同雞肉都夠多, 底下炒飯有好多蛋絲, 由頭食到尾都撈到汁到有餸食到, 好正。老店人情味十足, 職員同客人閒話家常, 對我地呢D大鄉里出城的生客也都好NICE, 介紹野食比我地, 呢次感覺好

呢日去咗開業幾十年嘅海連茶樓飲早茶。牆上菜牌嘅價錢都係用幾近絕跡嘅花碼字表示，仲有提供唔少懷舊點心。由於係舊式茶樓，少不免要同其他人搭檯，茶客以街坊同晌附近做嘢嘅人為主，當日見有唔少人晌度互相寒暄，別有一番風味。我哋坐低咗就開咗壺普洱，都幾香濃。早上茶市仍保留手推車叫賣點心嘅傳統，雖然唔係細個嗰陣有保暖設備嗰種，不過都算係佢哋嘅一大特色。從姐姐手上接過一籠熱辣辣嘅燒賣，佢哋嘅size比某啲新式酒樓嘅出品大，餡入面嘅豬肉無太多肥肉，同埋加咗啲冬菇，咀嚼起來比較實在，仲有少少肉汁。乾蒸牛肉，即係牛肉版嘅燒賣，仲加入咗馬蹄粒，令佢幾爽脆，味道同平時食嘅山竹牛肉相似。魚翅餃，可謂坊間少見嘅懷舊點心之一。質感彈牙，肉餡入面有甘筍同韭黃等等蔬果粒，口感豐富，但就完全想像唔到佢同魚翅有乜關聯。鹹魚肉餅缽仔飯，肉餅非常非常非常多汁，底層嘅飯粒粒分明，仲吸滿肉汁精華，配上鹹魚同帶甜味嘅豉油就更惹味。麻蓉包，呢個都係坊間少見嘅點心，外表呈橢圓形，比我之前食過嘅略大，不過餡料嘅比例就偏少，麻蓉質感較稀身，好彩包身唔癡牙。馬拉糕，好耐無食呢種無餡嘅傳統馬拉糕，入面嘅氣孔較多，甜度輕微，鬆軟唔嚡，接近底部嘅位置

人越大，就越懂得珍惜同家人一齊嘅時間!一家人最緊要齊齊整整!食飯食乜都無所謂!今晚嚟咗海連食晚飯，綠色格仔枱布配舊式茶壺，好懷舊~~佢哋嘅燒鴨好好食，而且小菜鑊氣好夠，而且價錢唔貴~但係要留意一下，晚飯時間幾乎全場滿座，所以每次都會6點左右就到，或者訂定枱!椒鹽鮮魷 - 內軟外脆，夠乾身，配上准鹽，正!菜心炒牛肉 - 夠曬鑊氣，菜心脆嫩爽口，牛肉唔會過林~八珍豆腐煲 - 好足料，煲入面最好食係牛柏葉同豬潤，牛柏葉夠入味，豬潤好爽!燒鵝(半隻) - 聽聞係菜館自己燒，皮脆肉嫩，晚市會出爐，所以一定要襯熱食!

我父子二人間中都會到呢間茶樓飲茶。呢間茶樓應該有三四十年歷史，比我還要大。仍然用緊傳統茶壺，人手推車叫賣，人手寫花紙埋單，牆上貼滿人手書寫菜式，以花碼寫成既價錢。寰顧四周，大部分茶客都應該係四,五十年代既熟客, 又或者係附近既勞動力者。女士同好似我呢代既人真係少之有少。不過唔難明環境方面 地方簡陋，用具古舊，四周都佬味十足，坐得又唔係舒適，同人搭枱係必然既事。坐你格離果個分分鐘係個騎呢/難頂既人。相信大部分女仔同我呢代都未必接受到。價錢方面 唔好睇佢地方簡陋，對比附近食肆，價錢唔平架。如果唔介意以上因素，又或者以食為先，可以試下。推介(早上~10點):叉燒腸，牛柏葉，馬拉糕。呢度d腸粉唔似出面d 咁滑，出面係將d粉漿溝稀黎蒸令到皮薄滑d,但呢到d係厚但熟,'傑傑地'有口感d。d叉燒又足料，點埋d鼓油就perfect池。牛柏葉爽口夠大碟~馬拉糕好大件。推介(午市~12點):燒鵝飯,有別於其他燒鵝,d皮脆而且有d油。通常太肥既我會唔食中間果層油脂。口感香嫩, 飲埋杯濃普洱消消滯。趁還健在，一試冇妨.

早上7點,茶客大多都係50,60後,或職業司機.由開始時1-2個人,慢慢就坐滿一枱6,7人 ,睇得出他們是風雨不改的熟客.大清早，食個熱辣辣盅頭飯夠晒皮,牛肉飯及雞飯最搶手.腸粉反而普通左少少仲有炒銀針粉,(很少可在茶樓吃到), 點心款式和味道,跟中環老牌茶樓不惶多樣. 論價錢,唔好以為地方簡陋,會價錢相宜.難得租金驚人的香港,此等屋村茶樓仲有生存空間.

福來邨老式茶樓,無論早晚客人也以叔叔伯伯為主,尋常女生沒有男伴好少會到此吃飯,可是這兩個女人身男人心的女子卻幾天裡都選了上茶樓吃午飯,只因比其他地方容易有位置。 海連仍沿用舊式啡色茶壺配以玻璃盅清洗食具,無耳茶杯更具茶居風味,店裡都是手寫字體工整的菜單,大大隻的連我這老花眼也看得清楚,對叔叔伯伯們同是方便。想不到平時在門外的點心車仔,這天中午由阿姐推入來推銷點心,從其數量款式不多來推算,蒸籠裡的都是早市的剩餘貨尾,上茶樓不來些點心總覺有憾。豉汁排骨沒有剛蒸起的鮮明肉色,連骨肉排多肉少肥膏,肉質不會太軟但味道的確一般,豉汁排骨的基本味道今次就欠奉了,用作排骨飯有豉油相伴,效果應該較好。車仔裡還有幾碟以圓型鐵蓋蓋著的腸粉,那些年曾在此買叉燒腸作早餐,水準令我難忘,今次午市來訪卻中伏了,由早市開始蒸了好幾小時的腸粉,由煙韌有勁的變為軟淋易碎,幸好裡面的叉燒仍有點蜜味,加上濃味豉油也仍可入口,當然跟早市不可同日而語嚕。二人分享鹹魚雞粒炒飯,只因場內叔伯大多點廚房炒粉麵,而且送出來的各款粉麵也很對辦,我們的炒飯也真的炒得乾身,飯粒分明的有彈性,只是雞粒沒甚味道,木木獨獨的凍雞肉不吃也不是損失,反

燒臘鋪多，燒味也吃不少，但是很多地方的燒鵝其實會拿燒鴨代替，而且鵝的味道實在不敢恭維。和朋友來到荃灣玩，在香車街背後找到這家古色古香的茶樓，點了一碟燒鵝飯，一壺香片。只能說，這個燒鵝的味道實在是香嫩至極，一口下去，舌頭得到超滿足感。唯一少少遺憾，就是偏油膩了一點，不過配上一壺解口的香片，立馬balance了。不過飯沒有吃完。$39元，感覺很划算。

呢間位於福來邨既舊式茶樓自小已同婆婆成日黎食~十多年後重臨故地, 食物依然品質高, 人情味依舊咁多年個茶水櫃都無變呢度D茶葉沖茶味道好香, 同出面大型連鎖茶樓唔同, 我地叫了潽洱, 茶味香濃。咁多年仍舊要同街坊搭桌坐^^一黎到見位就坐得。呢度D點心好大粒又多肉食落口很爽口又啖啖肉, 魚翅餃好爽口~牛肉球好大粒, 新鮮出爐時很多街坊搶住要~幾經辛苦終於拎到一碟回來~肉質鮮嫩, 唔似出面果D蒸到老晒!記得小時候最喜歡食呢度既牛柏葉, 個汁好香又大份, 最後同男朋友食左兩籠。不得不提呢度既雞紮, 內有兩塊雞件, 一塊魚肚同一條芋頭, 超大件又多涵~正!茶店多年依然採用傳統中國數字, 別具特色。總括黎講十萬個讚~價錢合理, 性價比高~一定會再番黎食。

取道福來邨到巴士站時見到這家名為海連茶樓的街坊飯店,黃昏時候門口飄來一陣飯香,很有老式食肆的飯菜味道,某天上班時早了2班車,一於走遠一點來這裡買早餐去。雖然午市時間門口都有個大蒸籠,早上時間應更多選擇,圓大蒸籠打開後,原來裡面有著不少小蒸籠,不但見到久未見到魚翅餃和糯米包,阿哥仍落力推介其他香茜餃呀、燒賣呀、排骨飯等等,見我不感興趣則問: "腸粉啱嗎???" (啱!!!!)繼而再點久違了的魚翅餃成為我的早餐。四粒魚翅餃包得非常飽滿,一咬下去非常有彈力的咬勁,肉餡包括有少量肥肉及肉筋,觀其樣子也不是絞成肉糊還有點肉粒在內,難道是手切肉?? 除豬肉外還有西芹、甘筍、筍絲及韮王,多傳統的魚翅餃材料,不但爽口感覺強勁,韮王香氣更是香濃,雖然沒有花巧的加入魚翅,這樣豐富的餡料已令人滿足。白色外皮仍保持柔軟,沒有被蒸至乾身,相信蒸好不久而已。米白腸粉一夾就知是老式的製法及配方,軟糯中帶著彈性,拉得厚薄均稱的很對味,比薄得透明的漂亮腸粉優勝很多;指甲片叉燒肥瘦也有,而且填得滿滿,只欠芫茜提味;豉油調得鹹中偏甜,配合腸粉實在好好吃的!只是豉油份量稍少而已。兩款好味老點取價$29,價錢比香車街另一街坊茶

不經不覺, 光顧海連茶樓達十年之久。想不到, 當我在開食喇搜尋她的資料時, 才驚覺「原來這裏沒有你」。與茶客求證, 原來海連已經有三四十年歷史, 期間轉過一兩次手, 而我這個十年茶客, 與其他茶客相比, 真是小巫見大巫。說實在的, 海連的食物和價格並不特別吸引, 但茶客們就是不理會風吹雨打, 依然堅持每天清早到海連喝茶的習慣, 為甚麼呢? 花婆曾經告訴我：「我地都係貪啖茶飲啫。」及後我發現, 大家眷戀的不過是人與人之間那份或淺或深的情, 以及搭枱那種近距離的人情味。自從搬離這個社區後, 我只有待媽媽休假時才會到海連喝茶。縱然如此, 這兒的待應, 賣點心阿姐和食客的熱情依然沒變。海連是一家傳統的中式食店, 仍然沿用數十年前的經營模式：人手推點心車叫賣點心, 草紙及花碼數字記賬, 手寫書法菜單等等... 在這兒, 你會發現許多幾乎被時代遺忘的好東西。雖然, 今天年輕一輩早已摒棄搭枱或喝早茶的習慣, 但我深信, 那種人與人之間無所不談的情會繼續在時代巨輪裏輪迴, 生生不息。食物就有種把人與人之間的距離拉近的奇異力量 。