海都酒家

營業中

休息中

朋友介紹，揀咗海都食大閘蟹😋😋我哋兩個人食咗個大閘蟹二人餐，個餐好豐富，我哋差啲食唔晒～由於經理每人送多一隻蟹，我哋食得慢，結果食到人哋差唔多打烊先至食完😂😂嗰日我哋食飯係平日晚上，餐廳唔會好full，坐得又舒服，可以離遠望住海景❣️下年大閘蟹季節一定會再光臨🥳🥳

同朋友食粵菜，早早訂左枱。午時約11：00，人不多，安靜，有幸被安排到近窗口的位置，無敵大海景，飽覽整個維港景，心情舒暢。望望餐牌，選擇有商務套餐，套餐中湯和波士頓龍蝦面的味道不錯。原隻鮑魚扣花菇：鮑魚细只，罐頭裝，勉強過得去。薑蔥霸皇雞：雞不是很新鲜，比較细只，味道麻麻地，吃不落去。總結：環境一流，服務態度好（換收碟子速度够快）但食物質素不是很新鲜

呢間酒家嘅位置喺中信大廈，好多座位都望到海景，而且佢哋嘅某幾款點心係一籠一件，人數唔多幾好選擇，每個人可以揀返自己鍾意食嘅點心。佢哋嘅點心除咗味道好之外，賣相亦非常得，蝦餃上面加咗金箔，令點心望落去有貴氣，蝦肉嘅份量有非常多，非常爽口。腸粉亦有驚喜，唔同餡料嘅腸粉皮係唔同嘅顏色，望落去色彩繽紛，令人食慾大增。另外香芋酥外型做到好似一隻天鵝，啱晒大家打卡，味道方面亦做到好鬆脆。午餐時段酒家經常爆滿，去之前記得book定位。

11月繼續食大閘蟹！今次小試金鐘海都，2人同行，各叫左一個「大閘蟹一位餐」$568一位，作為酒控，仲有一杯紅酒送，性價比係高！套餐包括：「蟹粉蒜蓉包」- 蒜蓉包焗到金黃脆卜卜，冇諗過配蟹粉汁係咁夾！「蟹粉小籠包」- 皮薄而且多蟹粉，亦唔會cover左原有湯汁嘅味道！「海鹽牛柳粒」 - 唔單止蟹類美食，小菜同樣出色，牛柳粒爽滑彈牙，加埋海鹽就昇華左味道！「羊肚菌燉螺頭湯」- 11月天氣開始涼，選用羊做燉湯材料，有暖胃作用，成碗湯都好足料，味道就不過不失！到戲肉「清蒸大閘蟹」，套餐包2隻公５兩，都算係多膏，仲有白膏，食落鮮甜！「千層腐竹浸菜苗」 - 湯底都幾好味，有菜苗同雜菌中和身番成餐，秘殺左！「禿黃油拌飯」 - 蟹粉係依家正，不過個飯就略嫌比較乾身。「薑茶湯丸」 -  想大大力讚下，湯丸皮薄，薑汁夠晒薑！！！！！好味到叫店員請我食多碗總括，份量足料，味道同性價比都要讚！不得不提，店員好體貼地serve我地，比個讚同credit佢地！！

秋風起，羊🐑腩肥。自然令人聯想起一個暖笠笠又窩心既羊腩煲！但要品嘗到米芝連級數羊腩煲，一般都要光顧一些小店，都是坐得擠擠擁擁的，要找到一個環境舒適地方去享受羊腩煲確實並不容易。尋尋覓覓，終於找到這間不一樣的餐館。這餐館環境舒適優雅，而且面對著九龍夜景，環境已經可說是大贏家，這次令我對食羊腩煲會有全新體驗。這晚餐廳客人不多，待應給了一張我們可以望到海景位罝餐枱。坐低不久，很快便送上美味前菜。當主角羊腩煲出場，一看已感到色香味俱全，湯底色澤鮮明，已急不及待想掃光。羊腩肉不會很「蘇」，皮爽肉腍，肉質堅硬程度剛好。配上高質素幼身烏冬。絕對比其他米芝蓮餐館有過之而無不及。最令我感到喜悅是餐廳的親切服務，用膳時，發生了一些小插曲，我們沒有為意把火開得過大，煲底開始有少少燒焦時，我們還未察覺😂，待應已主動幫我們更換湯底，調較到適中火，最感到驚喜，行政大厨也出來向我們介紹自己，還親自幫我們整理好湯底，釋心地解釋羊腩煲注意地方，非常專業。真正吃到一個窩心羊腩煲。這裡不單只有米芝蓮菜色，也有米芝蓮環境和服務。如果想吃高質素羊腩煲，又想坐得舒適。這餐廳就是一個肯定的答案。

表姐從美國回來，難得一敘，選擇老店海都，厚來推出大閘蟹，適逢其會，試下佢的蟹及蟹粉菜式，每人一只，足有6両，尚算多膏，另叫蟹粉菜秃黄油多士，这是我认为这个店最好味的壹道菜，单纯的蟹黄和蟹膏倒在多士上，壹口下去唇齿留香。蟹粉豆腐，豆腐口味会略微的豆鲜香，配合蟹粉鮮又是一個好配搭，值得壹点。總體其大閘蟹貭量良好，聽經理講，原來從本地首屈一指供應商成隆行取貨，果然有貭素。最貼心是單尾薑茶是由生薑、紅糖和紫蘇葉一起煎煮的飲料，可以驅寒暖胃，促進腸胃消化，值得一讚。

2021/12/31 最後一晚揀左食中菜6 頭鮑魚可以的，淋，夠味煎大蝦🍤 無咩特別 鮑汁福建炒飯 好好味 味道剛好 料又多 炒飯夠鑊氣羊腩煲 超級好味 係我食過最好食羊腩煲 328 起碼有15-18 舊羊腩 夠味 夠淋 配埋腐乳醬 一流 讚 第一名 煲入面仲有支竹 馬蹄 菇 好好味咖啡糕 好味 見到台台都有點佢 所以叫黎試紅豆沙湯圓值得一提，服務態度非常好👍🏻 十分愉快用餐

十二月本來開開心心去食team lunch…點估到會有小強隻腳係個包到…一隻小強腳令食物質素已經變得毫不重要錢當然我照比。問題在於開頭唔認係小強…想當我哋傻㗎？最怕係其它部分去咗邊…

一進入酒樓，就有個無敵大海景，環境舒適乾淨。點心款式吾算多，就連其它食物選擇都一樣吾多。不過呢度食嘢都係食質素。砂鍋生炒臘味糯米飯： 夠鑊氣又唔油，正。蟹粉小籠包：多湯汁，又有淡淡的蟹粉味。瑤柱花菇灌湯餃： 大大隻又足料。總結：食物有質素，環境又一流。

好耐冇嚟過，環境高級咗，之前去也是飲茶，今次係晚餐，秋風起，雖然佢果度出名食蟹，但本身唔嗜蟹，所以只叫普通小菜，叫咗四個餸，奇味粉絲煲、豉汁帶子蒸豆腐、薑蔥蜆芥牛肉煲、龍蝦湯海鮮泡飯，最出色係個牛肉，好淋，一啲都唔韌，不過食到最尾好咸，奇味粉絲煲係乾身的，我自己比較喜歡食湯粉絲多啲，但個味也ok，龍蝦湯海鮮泡飯，好熱，不過龍蝦味唔係好出，服務方面睇得出明顯人手不足，星期五晚上都幾full下，見啲服務員也手忙腳亂咁.

長輩以前很喜歡的酒家，因為環境真的很不俗，可惜今次的用餐體驗實在太差了。首先，坐椅都顯得有點舊，椅面都有黑點和污垢，第一印象已經扣分。洗餐具時也發覺有油污和古怪的紙巾貼在匙把上...再來，實在不能相信在這級數的酒家會出現"小強和你食"的可怕事件！在第一輪點心來到後，滿心期待開餐之際就看到蝦餃下有隻一起蒸熟了的小小強！！！大佬...小弟在街坊酒樓也未遇過這情況，怎料今日在坐擁靚海景，賣$1X一粒點心的酒家發生此事！經理來到得知情況後只是幫忙取消了那一粒的蝦餃錢，也沒有再來跟進其他問題。點心上菜時間超慢，我們點了一輪點心約10多款左右，坐了1個小時也未上齊。請經理看看漏單問題，等了一回還是沒有回應。最後還是下決心買單走人...起初因為買了戲票所以打算坐坐也好，海景的確是不錯的。但各式各樣的問題實在使大家對此酒家很失望，所以還是離開算了。—

望住海景飲茶 都係第一次😎真係幾chill叫到成枱點心 略略抽幾樣同大家分享下依間酒樓大部分的點心都係逐件點👍🏻值得一讚因為有時點心癮起 又未必有朋友同行 只能夠吃到1-2款 真係好難選擇依間就唔會有依個問題出現推介：明月帶子卷👍🏻 外層脆卜卜 帶子大大粒 真材實料推介：Q版流沙奶皇包👍🏻食之前都忍唔住要影多2張😍摵開個包 奶皇餡即刻咇哂出嚟 果然好流沙梅菜豚肉生煎包👈🏻唯獨依樣有啲失望。。。梅菜太多 有點搶味其餘的點心都不過不失

今日有舊同事請飲茶, 酒樓轉左手之後, 第一次黎食, 坐擁無敵大海景, 遠眺仲可以見倒有人滑緊水添.好得意既流心奶黃包, 上面印左個公仔, 雖然咬落去好殘忍, 不過包都係趁熱食好D.燒賣蝦餃都好貼心, 可以每人獨立叫1籠1件, 好適合部份唔食既人, 免卻叫多左既情況.懷疑哩個蝦滑魚肚係招牌菜, 見倒差不多每枱都有叫. 平時食棉花雞, 大家都係爭舊棉花食, 而家係成碟都係, 多到爭D食唔晒添.食左好多好多野, 但係無影晒咁多張相. 仲有碟芒果糯米飯, 但超好笑, 佢唔係泰式甜品個款, 居然係中式既生炒糯米飯, 上面再加芒果粒, 初時我仲以為係南瓜+玉子豆腐粒黎添. 唯一差少少既係炸兩入面舊油炸鬼太硬啦, 同埋鳳爪咸得濟.最後仲點少得叫甜品食, 哩個咖啡奶冰一層一層, 深色個層咖啡真係好濃咖啡味, 而且係唔甜既. 而淺色D個層似係淡奶+少少咖啡, 甜味既來源就係佢, 兩個味道撈埋一齊食, 真係登返渾個味道, 唔會苦, 亦唔會好甜.

第二次來， 因為有一大片望維港海景窗。 服務員不錯，有禮貌。疫情期間，4人枱只坐兩人，枱跟枱有1.5米距離，令人有安心進餐感覺。 但四人分兩枱，要分享食物，就要拎來拎去。

🌹年初一約了爸爸早上拜年，是突然的約會，周圍搵地方都訂不到位，記憶中有一間網友推薦讚好的酒樓在金鐘，即時致電訂位，幸運地有坐位，但有限制用餐時間，覺得時間足夠便決定前往。🌹去食店途經各樓層都能望到海景，深信食店景觀應不太差。 準時10:30到達，服務員領我們坐在窗邊位置，實在太好了。 食店雖不大，但配上大大個窗，藍天白雲的襯托，簡直像畫一樣，很美麗！食物每一款都做得很好，有水準....5🌟滿分（點心較多，揀選評語）😆龍門鴛鴦炒米🌟🌟🌟🌟蘿蔔絲酥餅🌟🌟🌟🌟蔥花炸兩腸粉🌟🌟🌟🌟Q版流沙奶皇包🌟🌟🌟🌟蜜汁叉燒包🌟🌟🌟🌟翡翠帶子燒賣🌟🌟🌟🌟招牌蝦餃王🌟🌟🌟🌟鮮竹牛肉球🌟🌟🌟🌟豉汁蒸鳳爪🌟🌟🌟🌟上素粉果🌟🌟🌟🌟趣緻雀仔鹹水角🌟🌟🌟🌟（賣相很棒）香煎黑白菜肉包🌟🌟🌟（內餡太少）薑牙皮蛋蓮蓉酥🌟🌟🌟（較甜得滯）九層咖啡糕🌟🌟🌟🌟🌟（必吃！有層次的香濃咖啡味）個人評分食物🌟🌟🌟🌟服務🌟🌟🌟🌟環境🌟🌟🌟🌟🌟衛生🌟🌟🌟🌟抵食🌟🌟🌟🌟回頭率🌟🌟🌟🌟由於二人限聚，另一檯食物沒有影相😂😅