海都酒家

營業中

休息中

同老人家👵🏼飲茶，當然要簡個高質酒樓🫖。早早訂左枱，入座前測體溫是指定動作。午市人不多，好安靜🤫，有幸被安排到近窗口🪟位置，無敵大海景，飽覽整個維港景，好似人地staycation 咁，已值回票價。望望餐牌，點心款式吾多，但勝在環境取勝。炸兩有驚喜，芝麻醬、甜醬提供曬，油炸鬼脆身粉皮熱辣辣，好滑。必食招牌豬肚湯：腐竹好焾身嫩滑，清甜蘿蔔，排骨作熬湯之用，飲落奶白色湯頭，入口順滑舒服。鮑汁雞腳：比較偏甜，雞腳煮得入味，連筋都食埋，用瓦煲上菜保持熱力。甜品🍮： 九層咖啡凍糕，香濃咖啡☕️味，偏重奶香，軟硬適中，外表美觀。總結：環境一流 服務態度好（換收碟速度快）食物質素不錯

之前公司Annual Dinner安排在海都，食過覺得都幾好味，一直想來再試試其他菜式。今次晚上過來，人唔多，幾安靜，而且服務都幾好。大閘蟹當造而且有75折，甘就試試啦。蟹粉小籠包聞到好香的蟹粉味，我覺得俾那些南翔蟹粉小籠包真材實料得多，真係好鐘意。大閘蟹的蟹膏和蟹黃都好甘，宋嫂魚羹亦唔錯，但烏冬就一般，美極蝦則有點鹹。總體而言，這餐都算滿意，下次會再來。

部長介紹如有訂位，星期六日點心半價。無敵海景，環境闊落，即使客人大半滿各自傾計都清靜舒適。點心大路野多，不過好精緻，一籠一粒。樓面招呼都很好。四人落樓500蚊以內，仲想點啊～

<午市點心放題$198>經友人介紹了這間可以望維多利亞港的點心放題，雖然在港島區，不過都吸引我來試試❤️🍴食物🍴有十多樣點心，二款飯麵，六款甜品選擇❣️每款點心兩件起，可以食多幾款👍🏻而且包含每位一份前菜（竹笙清湯，黑毛豬叉燒，肴肉，海蜇頭，紅梅鮮淮山）味道好有驚喜👍🏻❤️推薦❤️ 蝦餃，燒賣，伊麵，蘆筍黑松露炒飯，蘿蔔糕，金錢肚，紅豆沙😍💥服務💥真係要比五個❤️，員工有禮貌主動，而且非常醒目😂好主動會換碗碟，加茶👍🏻💥環境💥四人先可以坐窗邊位，不過大部份座位都可以望到海景，樓底唔高但係空間感大都坐得好舒服。（5❤️為滿）食物：❤️❤️❤️❤️服務：❤️❤️❤️❤️❤️環境：❤️❤️❤️❤️*每位茶茗$26及另加一

早兩日去食點心放題，食完好唔開心，本人唔食牛，雖則不是因為宗教，但十多年一直誠心戒食.當天頭盤叉燒改為牛舌竟然事先沒有提點，因為份量只有提子般大，食時巳覺有點怪，但太小巳吞下，食完落大堂同家人傾返，佢地話係牛，天呀😫再打返上酒家確認真的改了牛舌，點解可唔咁架，希望酒家將來會留意一下😔講返食物中規中矩，蝦餃好食過南海一海，環境都十分好，放題款式比較少，特式腸粉有驚喜，原本都比八十分，但厄左我食牛，好唔開心😫未必會再去

客人選擇來到此處午膳，當進入門口的一刹已被窗外的維多利亞港海景吸引著我的眼球。我們點了一些點心和小菜，點心十分精緻，即叫即蒸，熱力騰騰，小菜炒得有鑊氣，全部味道真的不錯，唯一美中不足的是每款的份量不太多。

黑松露蝦餃、鴛鴦腸粉、淮山牛柳粒，海參餃、好好味呀！非一般酒家能嚐到的特色點心，值得再返來品嚐。酒家望向維多利亞港，環境清修、再配合茶香水熱，這頓午餐真的好享受！

週末係度飲茶最好，最主要唔多人，服務好，遇到天氣好，還有靚海景睇。今期腸粉有豆苗帶子腸，兩樣料我都鍾意，所以要試，皮好滑，都唔錯。另有番脆皮叉燒包，一定食。雖然衣度飲茶價錢不平，但點心是有水準。

It’s the time of the year... hairy crab season !!!! Set menu for four people at HKD1,888 + 10% service charge, which included the following items.- 2 starters to share - one crab meat xiao long bao each - crab meat spinach soup - 2 steam crabs each- crab meat garlic bread- braised fish maw and duck feet in oyster sauce - roasted pigeon (half each) - sour and spicy minced meat udon- sesame glutinous rice ball in ginger soup Stir fry diced beef with garlic with black pepper is one of my favorite s

海都位於CGO附近，此大廈多政府職員幫襯，一到晚上人不算多，所以多挑這時候來。金沙鍋巴：直接使用咸蛋黄混入鍋巴作調味高溫油炸。好好味，雖然好熱氣🙈Fois gras芋角：鵝肝煎香配搭香芋酥皮，麵粉製成的鵝頭作點綴，cute and nice!水晶蝦餃：紫椰菜、馬蹄、甘筍和蝦粒作為餡料，清爽鮮甜，外貌算靚仔。海參豚肉：京蔥、乾蔥及香蔥配海參加上西班牙豬腩肉，fusion都幾襯吖。海星斑：肉質ok rich，幾鮮味。和式做法，日本大根同濃湯烹煮，咁又幾襯喎！牛面珠：肉好實淨，夠香，慢煮保留牛面頰鮮味，腍又濃。桃姿燉梨：陳皮加桃姿，原個津梨燉製，清甜有果香，我最愛這甜品。我素來對中菜一般般，玩fusion又幾得喎！可以再戰。

这家店位于中信大厦五层，景观是极好的，附近没有什么高楼，维港景色一览无余。天气好的时候用餐心情很愉快。店前身是东海荟。一直算是金钟喝早茶，吃粤菜的好地方。停业装修了挺久，进店还有一些装修的味儿，个人有点不太喜欢。看着菜单跟以前还是有些变化的，定位比之前高了一些。点了一些点心，虾球，鳕鱼，时蔬，牛肉，海鲜，炒饭等。黑松露炒饭口味不错，蔬菜羹味道非常好，令人印象深刻。其他菜水准也是不错的。服务态度也很好，总体而言值得一来。

名人飯堂─ 海都酒家，真係細細個就聽過佢個名！成日都聽公司同事講以前公司樓下海都酒家既菜式食過翻噚味，每一款特色菜式都係手工心機菜，聽都聽到我留哂口水！最近發現公司附近嘅中信大廈竟然有海都酒家嘅身影，即刻lunch捉埋幾個為食同事同我一齊去一探海都真面目！荷花蓮藕酥入口鬆化，蝦仁同蓮藕嘅口感清爽金網芝士卷 鬆脆可口，芝士味濃郁，總有拉絲效果，真係無得頂！普寧炸豆腐普寧豆腐本身已經好嫩滑，外酥內嫩嘅口感，再配埋鹽水醬汁 金沙鍋巴 成班同事都係炸物愛好者，哩個金沙鍋巴真係不得了！ 酥脆咸香，起沙口感，食唔停口慢煮西京汁澳洲和牛尾脆麵 一啖嫩滑惹味嘅和牛尾，一啖脆麵，無得彈陳皮桃姿燉原個津梨 最近天氣乾燥，食個清甜潤喉嘅燉津梨就啱哂啦!下次要搵機會再試埋其他小菜先得！

聽港島區朋友講，之前灣仔間海都搬咗黎金鐘，難得今日約成班九龍區朋友過海，決定試下。一坐低個海景堅靚，裡面都坐得好舒服😌；一行6人，全女班，坐喺度吹下水飲下茶(平時同呢班女high tea 多，中茶就真係少飲🤪)，野食未黎，但望住個海，突然間大家有個決定，就係飲完茶落去添馬公園散步(結果係真係有去)好，講番食物，野食方面真係好有特色，同一般酒樓好唔同，所以我地都少見一籠籠點心，反而叫咗好多前菜小吃。

點心不錯，流沙奶皇包很的色，是炸的，熱的時候奶皇會爆出來。蘿蔔絲酥餅賣相很好，皮薄，很多料，不是最清甜但是很過得去。另叫了魚翅灌湯餃（$60／位），叫了才發現有魚翅，後悔，因為環保關係不吃翅的。而且灌湯餃很一般，大隻但入面的料不太好，不知是不是凍左的關係。炒腸粉很好，腸粉夠薄，有點油，但不過份。叫了個蟹肉湯伊麵，很貴，$170，沒什麼特別又叫了個四季豆，很貴，$60，得少少，一個人吃得完。又油，有點太鹹。全海景，中午天清很不錯。總的來說，點心真很好，其他都算不上特別，甚至差。下次來要試多幾款點心，今次都是炸的。

近日私務繁忙，現才有機會寫關於十二月頭的飯局，請見諒。是次飯局是為朋友慶祝生日。我們九男女全點了那個280餘元套餐，包2只大閘蟹及大量菜式，非常超值，質素亦中上，值得推介。現場人不算多，大概是地點的問題。中信大廈位於添馬艦舊址隔璧，要經金鐘廊行天橋過去，頗偏僻。如果不是朋友介紹，我也不會過去的。我其實好久沒吃大閘蟹，所以特別興奮。大閘蟹size適中，很多膏，很好吃；佛跳牆很足料，老虎斑很新鮮；蟹粉小籠包及蟹粉炸芋蓉不過不失，冬菇柚皮則有點苦和油膩； 蟹粉蒜蓉包真的要襯熱吃，攤凍了的蟹粉會有點腥；炸子雞雞皮很脆, 雞肉入味。吃到尾段我已吃膩了。那個蒸臘味糙米飯，我完全沒試過，但聽朋友說好像不錯。薑茶湯丸薑味很濃很辣, 非常適合吃畢大閘蟹飲用! 套餐剛巧有壽包，我們的壽星女很高興。大大個壽包很鬆軟，連蓉滑溜， 蛋黃出油, 大家都非常滿意。雖然服務不太殷謹，但念在套餐的超強質素，最後評分為哈哈笑。