海防串燒越南料理

營業中

休息中

好耐好耐好耐之前睇咗某報報導，話海防串燒越南料理係家庭式經營，同埋會同隔離啲舖頭互相幫助，我都幾鍾意呢類有人情味嘅小店，趁去開呢頭天氣又熱就去食吓撈檬。呢度有幾款越式撈檬同湯檬，亦都有飯同串燒之類，價錢三十蚊起，跟埋嘢飲都唔洗四十蚊，比連鎖店平得多。香茅豬扒撈檬嘅豬扒塊皮都幾脆，調味足夠。檬粉上面鋪咗青瓜絲、生菜絲、乾蔥、花生碎，同埋仲加咗薄荷葉，咬起嚟多咗份清新口感。我哋仲叫咗兩杯特飲，薄荷青檸冰入面嘅薄荷葉份量唔少，加埋鮮青檸味道微甜少酸，飲起上嚟都幾透心涼。

網上看見這小店評價甚佳於是找來一個閒日下午試試小店位置較為隱閉花了一些時間才找到到達是正值午飯時間餐廳坐無虛席有打工仔、也有學生哥雖然環境不是太好但也足以證明這裡已經成為了不少石硤尾人的飯堂先試烤牛肉撈檬烤牛肉絕對是水準之作烤得香+牛味重果然是推介之作小店難得一見的高質素烤牛肉撈檬至於檬粉就是標準貨色不會覺得不對勁便是了再來的是炸蝦餅同樣是炸得香口若然厚身一點口感將會更佳至於串燒同樣也不錯串燒實在是很難中伏的吃品夠熱、醃味恰當、不起渣，已是上品特別推介烤牛舌總括已言味道十分對辦喜愛吃越南菜的話實在是值得一試

差既要分享，好既更加要分享。未食過咁好食既春卷撈檬！！😍✨ 炸春卷皮超薄、超鬆脆！雞絲沙律將材料切得幼細而且爽脆！無加過量既沙律汁，而且仲落左d薄荷葉，好fresh呀！🥒唔介意大排檔式可以去try try！朋友既豬扒飯亦都不錯！係得一個樓面姐姐可能需要多d耐性，但都好nice，下次會返泥試串燒！餐廳都有滴滴咖啡。提一提旁邊有間果汁店，都幾多食客買果邊d果汁過泥邊食邊飲，汽水/咖啡茶以外既健康選擇。

之前睇報紙介紹過，自己好鍾意食越南野，所以一直都好想去，今日終於有機會去到啦。位置都不太難走喺白田村旁邊，鋪頭好細，只喺外面開幾張摺檯比客人食，夜晚去嗰陣都冇乜人，今次自己點左一個烤牛肉檬粉＄30的試下佢好吾好味。待應大約5分鐘之後就有得食都幾快手喎，烤牛肉嘅份量比想像中多，牛肉鬆軟而且香，但食落味道似落咗松肉粉怪怪的，有少許失望，檬粉分量可以，仔細啲一提，原來魚露加入蒜頭粒，令檬粉味道帶少許辣味，味道都幾特別野味，但係我太貪心落得太多，搞到最後變咗做湯檬。但係又未去到報道講得咁好食，可能買嘅係人情味，見到好多人都係買外賣，鋪頭仲有做燒烤嘅食物，價錢都不貴，下次可以再試下。

豬扒飯 出色！仲有串燒 不得了燒牛肉飯雖然唔算交通方便 但係都唔便行好遠近JACCA 豬扒口感鬆軟 醃得入味濕蔥 都好味 係越式豬扒飯嘅精髓串燒個汁有少少似泰式汁下次經過石硤尾一定會再嚟食

一直都想來這間試下,趁星期六得閒終於有機會. 估唔到附近都好多食店, 下次都要搵機會試埋其他.我同友人大約12時半到達, 店鋪真係超細仲要幾個座位都滿左, 我地都係等左一陣坐係露天座位.我地點左個炸蝦餅檬再加左燒牛舌同燒蘆筍因為食客多還有幾個人等外賣, 所以點完餐後都等左成10-20分鐘先有得食.2款燒串燒都做得唔錯, 燒得剛好牛舌帶少少鹽香非常美味.再來既蝦餅檬同樣做得出色, 蝦餅彈牙得來又唔會油膩, 份量亦多. 一碗都係三十幾蚊, 唔怪之得未到1時都已經咁多人來.地址: 石硤尾偉智街38號福田大廈地下63號舖

真係唔係有朋友帶，都唔識搵到嚟呢度，朋友住喺附近成日幫襯，超正宗越南菜，店主係越南人嫁咗嚟香港，兩公婆開咗呢間小店，串燒材料新鮮， 越南撈檬夠地道，朋友今次仲特登叫店主，留咗個辣雞檬畀我哋， 因為好早賣曬，堅係夠辣又惹味，一路流住鼻水一路話正，重點係個價錢仲要係超級街坊， 份量足，店主話最主要係過下手癮， 打發時間又唔想同人打工受氣，所以賺錢其次， 今時今日仲有呢啲小店真係要支持💪💪

縱使天下著雨，但仍阻止不了小弟離開令人鬱悶的辦公室，走出去食頓午飯好讓緊張的心情放鬆一陣子....石硤尾近偉智街一帶小食店及小餐館林立，一到放飯時候四圍都擠滿著揾食的學生哥及白領。好像今天在這越食小店門外，便座滿一檯檯正在用午膳的學生。就算我一個人來，要能擠進其中一張去搭搭檯都不是一件易事。最後更要勞煩老闆娘專道開張摺檯給我....但可惜店外的空間實在太有限，迫於無奈地讓從頭頂帳蓬邊滴著雨水邊陪伴著我吃這一頓午餐....嗱嗱聲叫了碗香茅雞翼撈檬，醮多一點放於檯上的越式魚露來撈勻食，味道酸咪咪非常令人開胃。雞翼滲出了濃濃的香茅香氣但就似乎炸得太油了點啦....看到許多看來頗熟行情的學生哥都點了一客炸蝦餅在檯上，我也同樣有樣學樣地點一份先....這蝦餅弄出來的效果相比起雞翼來講倒是不油不膩而且確是爽口彈牙的。故此就算蝦的甜鮮不是非常突出但也務必要收貨了....而且一客都只是索價十來大洋，這樣還可以有甚麼要求呢 ?

Really good Vietnamese in Hong Kong is fairly hard to find. However, this one place is worth a detour. Located in Shek Kip Mei, near JCACC, is this small shop serving various Vietnamese street style food. You even have to sit on the sidewalk. There is no indoor seating. Menu is in Chinese only. There is no English but they do have photos of the food on one wall. You pay cash only and there is no 10% service charge.This is a grilled pork cold vermicelli bowl ($32). The pork was juicy and moist. I

呢排行開石硤尾，發現JCCAC呢邊有唔少家品、cafe小店，有得睇有得買有得食，一次過滿足幾個願望，仲過足文青癮～最近去左呢間越式小店，舖仔細到～～～基本上係擺唔到枱，要喺街邊開枱，泥到無晒位，姐姐即刻話開張枱俾我，幾親切。食物種類唔算多，叫左碗烤牛肉湯檬同燒雞脾菇試下，但係話無雞脾菇，最後揀左露荀。個姐姐送左豆漿俾我，我見紙仔寫住送到7月就無，唔知係無改定係叫粉麵飯就會送～湯檬賣相都似撈檬，咁多菜絲同青瓜絲，食落都好爽脆，係無撈檬食起泥咁清新，因為有湯浸住，有啲立立地嘅感覺，但係有菜食，好過無啦～湯底比較淡味，隱隱約約有啲清甜，似係自家湯底。至於個烤牛肉，好香好淋好入味～食落又唔似有鬆肉粉，有薄有厚，厚嘅較好味，食到一絲絲肉嘅質感。細細條嘅泰國露荀好快燒起上枱，塗滿沙嗲醬，「唔～好惹味」醬汁比平時食到嘅沙嗲醬香啲辣啲，有少少花生味，但辣味較強，又幾好味喎～露荀juicy無渣，爽甜好味。仲有個橙橙地色嘅辣汁，酸酸辣辣，生辣椒味重，點烤牛肉食好夾～總結呢間露天越式小店，燒物唔錯，醬汁開胃，如果要挑剔嘅話，可能係檬粉份量較少，同埋露天位會受天氣影響，未必食得太舒服。

近期很喜愛看一套日劇叫孤獨的美食家，故事每一集都講述男主角需要到日本不同的地方工作，而他每次一肚餓就會四處找尋餐廳，務求找到一間有興趣的，見到他每次吃食物時滿足的樣子，就會覺得一個人四處找尋食物都是一種樂趣。巧合地自己也因工作需要，每次午飯都是一個人，通常自己比較喜愛到小店光顧，因為食到好味的食物時會有很大的滿足感。餐廳主要以學生及上班一族外賣為主，堂食就會坐於室外。各類撈/湯檬都是大概三十元，價格便宜，還附送一杯豆漿。一去到就很想試試春卷撈檬，果然沒有點錯。撈檬與平時食開一樣，伴有青瓜絲、生菜絲、花生碎、薄荷葉及炸乾蔥。雖然每一間撈檬做法都大同小異，但食過很多都不好吃，至少這裡的青瓜絲及生菜絲是鮮爽脆，檬粉口感軟彈，而最最最重要的魚露甜酸汁(碌冧)都不會過鹹過酸過甜，很是對版，不知不覺吃掉一大碗。終於都到主角春卷，放到最後介紹是因為實在太好味，春卷即叫即炸，一咬落去脆卜卜，材料十分豐富，食到有豬肉碎、木耳絲、粉絲、紅蘿白絲等等，伴隨檬粉一齊食，酸酸甜甜頓時胃口大開。下次已決定要叫燒牛肉湯檬，當然要另加小食春卷啦。

睇完傳媒既報導，已經覺得幾吸引。咁岩今日去完又一城，諗起就行去石硤尾試試啦。地點都唔算難搵，店舖細細，只係係出面擺左幾張枱。晚市時間唔算太多人堂食，外賣既客比較多，所以見師傅都無停過手做。叫左一堆串燒，但有好幾樣已經冇曬啦，師傅又話唔靚既貨唔會賣比客人。雖然只係小店，但都供應好既食物比客人，好欣賞呢點，真係值得一贊。串燒好好食，特別係燒菠蘿，加左黑椒去燒，食落好JUICY好甜又夠特別。仲有豬頸肉，整得好好味好好味好好味! 最重要係好抵食，每串都係十二、三蚊，呢間小店好值得ENCORE ~下次希望可以試多D串燒啦!!!

7月15 16日我都有去依度食，老實說食物都叫唔錯同埋近我屋企。 香茅豬扒新鮮即炸，加埋d汁都幾清新。 仲可以叫串燒，都幾多選擇咁我自己15號去就叫左個香茅豬扒撈檬（$28）加罐可樂+$3，感覺都幾抵食，所以第二日叫左老豆一齊食，點知就俾人呃左。16號去到， d檬粉全部都$30, 都算啦基本成本。本身佢點單上寫跟餐送豆漿，但問左呀姐佢話豆漿今日冇整。之後，再自己拎兩罐可樂，果時塊加可樂$3 ge牌當然係度。點知埋單個時佢收我一罐可樂$7。問多句，仲話$3果個成本黎。咁你唔好貼出黎啦。(過幾日見到佢搣左個牌)本身都諗住街坊小店，多多幫襯。但做生意做得咁唔老實，一見人流開始多都坐地起價。最憎依d鋪頭

最近我家附近開了一間越南餐廳，一向對越南美食有好感，於是買了豬排湯濛粉及一客春卷試試。因新開店及請人做过宣傳関係。要等了15分鐘才有，反而我見在舖外點食還快有得食，终於輪到我取，問位小姐春卷是否有齊汁料她說有。返家準備好好享受，點知湯底無味，豬排稍對乾身，春卷還可只可惜只有三片生才，沒有醋汁及薄荷葉跟上，有點失望。

星期天下午看到一篇越南家庭式小食店的報道，老闆娘是越南華僑。很懷念以前上廣州讀大學時宿舍里越南同學做的春卷！香港越南春卷做得好吃的沒幾家，馬上坐言起行去石峽尾揾食。去到一睇就在街邊的一個小鋪，沒有冷氣坐街邊好彩我是個不拘小節的嗜食者。去到居然什麼都賣完了，因為大家都有看報紙😂😂 還好春卷還有💪終於讓我吃到想念的味道了👍👍👍春卷很脆很香口，魚露汁都調的恰好！一口氣吃了兩碟($18碟有二條)，下次有機會一定要試下她家的撈檬。