影片
以上資料只供參考, 請與餐廳確認詳情
食家推介
對上一次入長洲已經係三年前，當時去做嘢，冇時間搵好嘢食，印象中長洲冇咩特別出色嘅食店。不過今日再入去，就發現多咗唔少選擇。今晚幫襯呢間叫海雲台，一聽個名，就知係食韓國嘢。我哋叫咗兩個定食套餐，分別係牛肉粉絲辣湯同韓式牛肋條，除咗主食外，每個 set 仲有三款前菜，白飯同飲品，份量好多。三款前菜係泡菜，醃蘿蔔同涼拌芽菜，前兩者醃得好入味好好食，芽菜冇咩調味，加上我本身唔鍾意食，所以感覺麻麻。牛肉粉絲辣湯配料除咗牛肉同粉絲外，仲有生雞蛋，魚板同超多黃芽白，熱辣辣，好豐富😙。由於叫咗減辣，辣度唔算高，啱哂唔太食得辣嘅我，食食下，直頭用湯嚟撈飯，好滋味😋。牛肋條一上枱，見到底下啲紅蘿蔔白蘿蔔炆得好腍，就知道呢碟嘢有啲料到，果然，牛肋條炆得好腍好入味，而且有四大條，堅抵食，兩款蘿蔔更加係又甜又腍，不過呢個餸一定要盡快食，因為一凍咗，個汁啲油會凝固，形成一塊塊白色嘅肥膏，好嚇人😨。套餐包熱飲，不過我哋行到身水身汗，於是加四蚊轉葡萄柚乳酸，呢杯嘅好處係唔太甜，不過與此同時，乳酸味亦唔算突出，係杯正常水準嘅飲品。兩個餐，如果唔轉特飲，埋單剛好一百蚊，真係超級抵，市區都幾難食到😂。
繼續閱讀
依家長洲好多黃店選擇💛今次就揀咗食韓國嘢聽朋友講，平時都要排隊但我哋今日未開舖就到咗所以等佢一開門，就有得入之後就真係好快full咗餐廳logo Ho cute嘢食都算多選擇韓式牛肋條定食 $52炆得好入味而個汁用嚟撈飯都好好食但係啲牛肋條就偏鞋同埋偏油唔算話好好食韓式炒粉絲 $52味道正常又足料仲要咁嘅價錢，好抵食芝士石鍋拌飯 $60炸紫菜粉絲卷 $38依個小食真係my fav簡簡單單用紫菜包住啲粉絲，點埋蛋黃醬夠晒香口同好味道記得好多年前我第一次食嗰陣，一個人KO咗大半包😂最後不得不提下杯飲品我嗌咗凍柑橘蜜，千其唔好緊張，我唔係諗住話佢好甜佢係！無！味！淡到水咁樣最失望就係依杯嘢
繼續閱讀
來長洲島過週末，之前來都是喫茶餐廳之類，這次發現有一家韓國餐廳，應該新開不久，決定試一下。 店鋪不大，裝潢乾淨簡單，看著很舒服。 菜單選擇密多，看價錢也是很划算的。 我們叫了一個炆牛肋條，一份炸雞還有蕎麥冷面。 最先來的是兩份小菜，冷面和炸雞。 小菜就是韓國餐廳都會見到的，泡菜芽菜之類，但他家小菜味道做得不錯。 冷面有點普通，湯汁的味道和冷面的味道並沒有很好的融合，令蕎麥麵沒有什麼味道。 炸雞很驚艷！ 是新鮮炸出來的，外皮很酥，裡面雞肉湯汁飽滿。 搭配了三種醬料，每一種配炸雞都別具風味。 個人還是覺得芥末醬最好吃〜最後是牛肋條配白飯。 牛肋條很軟嫩，很入味，好入口，連輔料胡蘿蔔都很好吃，應該炆了很久~湯汁用來撈飯更是讚。 這樣的一餐，兩個人吃，人均不到100港幣，這在平時生活的港島是想都不敢想的!
繼續閱讀
去長洲親親大自然的同時，當然也不能忘記要多多支持黃店🙌🏻今天來試試長洲的韓國菜～由於小編前往長洲的時間較晚，所以嚐的是下午茶☕️，下午茶時間由下午2:30至5:30🤣#炸紫菜粉絲卷 $32上菜時還是熱騰騰的😍應該是剛剛炸好，裏頭有著滿滿的粉絲和少許菜，外層紫菜酥脆，炸粉不會過厚，味道適中，十分不錯的韓式小食👍🏻#辣年糕拉麵 $42本來以為是湯麵，但原來像韓式辣醬撈麵。放上了燶邊荷包蛋，賣相十分不錯☺️但是味道卻有點強差人意，小編點了最辣，但吃下去又不是十分辣，仍然能輕鬆完成，（小編在譚仔三哥最多只能吃到二小辣），而且有點過淡，整碗麵只嚐到了辣味，麵條煮得有點久，令麵條太軟，年糕和雞蛋不過不失🤔#青提子特飲&水蜜桃特飲青提子特飲底部有去核青提，味道跟童年的Qoo紙包飲品一樣🤩而水蜜桃特飲底部有很醉的蜜桃粒粒，就是普通的味道添加劑，沒有特別好喝或難喝～
繼續閱讀
.帶咗pocky去長洲玩，順便發掘下啲小店。💛見好多人介紹依間海雲台就黎咗試一試個下午茶。問咗職員狗狗只可以坐室外座位，不過都有遮蔭，唔算好熱。炸紫菜粉絲卷 $32外皮好脆，唔油膩，粉絲都好多，如果有醬點會好啲，我最後點咗炸雞用嘅韓式辣醬。😂混醬炸雞 $40一碟有五件，個外皮脆得黎個炸粉係做到好薄，感覺想無咁熱氣。雞肉都好嫩滑，唔太油，點埋韓式辣醬或者蜜糖芥末醬黎食就更加惹味啦。香蕉榛子朱古力綿花糖吐司 $40邪惡之最🤩，多士夠厚夠脆，連埋個醬同綿花糖食真係好夾。不過都幾甜下，一個人食曬成個應該會頂唔順，share食就最好。下午茶餐會送埋飲品，我哋就揀咗雪梨同埋青提特飲，好普通，仲有少少太甜，不過大熱天時只要係凍飲就Okay㗎啦🤣
繼續閱讀