海麗閣海鮮酒家

營業中

休息中

今晚林住開開心心出嚟食餐飯啦，今日又係平日咁林住唔算多人 。又行開呢邊 見到有間新開嘅酒樓就想試下啦。點知入到去坐低咗 想落單嗰陣時叫人無人理，之後有個女部長見到喺應左嘅 但得過應 之後就去咗另一到最後仲走埋。後來等咗一陣最終有個服務員嚟落單啦 ，心諗都算啦 叫咗四個餸 有一個仲係 例牌燒味 咁應該好快嚟啦，等咗一排見到隔離枱比我哋後到但啲餸都嚟齊 而我哋嘅 例牌燒味 同另一樣餸都未嚟 ，唔問唔知 一問原來櫃面做落單嗰個啊姐落漏咗兩樣餸！只係四個餸都可以漏兩樣 ！唉，對呢間酒樓真係無言

疫情隱定後，朋友們開始周圍搵地方食飯，他們有幾個要求，泊車優惠，坐得舒服，免開瓶，還要鄰近地鐵站，總之要方便到揸車和冇揸車嘅人，但價錢又要平民大衆化⋯⋯最後朋友建議了這裡，有齊以上要求，筆者真的佩服他們這捐窿捐罅的精神。長沙灣麗閣邨商場最近重新裝修，乾淨企理⋯⋯招牌脆皮燒鵝半隻~熱騰騰，下酒配搭一流。花開富貴油泡花枝蚌仁(套餐)~上湯蒜子浸時蔬(套餐)~估唔到六人份量之套餐，菜苗如此大碟，一讚。上湯焗海蝦球伴依麵(套餐)~面和餸嘅比例未見平均，所以分配時，太多依麵冇味⋯⋯果皮蒜子蒸龍躉指天翅(套餐)~有些過火未夠滑。燒腩仔~朋友話唔夠肥，冇一層層菠蘿生炒肉排$98~差不多吃晒才記得拍照，不過不失啦！香脆欖蜜骨$98~欖蜜味未見，裡面的肥肉，帶點點香酥味，朋友很喜歡。金沙鮮魷$128~小炒王~尚算乾身。發財大桃包(套餐)~套餐是生日六人套餐，所以有豐滿的壽包，滿足。整體來說:平民大衆化，枱與枱之間夠濶落，套餐份量足，相反單點項目以街坊價錢嚟講偏貴，食物質素也是大衆化口味。

呢兩日咁啱都飲茶🫖寫個食評畀大家作一比較。海麗閣位於新裝修嘅屋邨商場，開張幾個月以嚟貪佢新淨就好密咁幫襯，而且家中老人家都好鐘意去，相信留底唔少腳毛（笑）#老人家心血來潮想食班腩，見午巿優惠紙有一碟涼瓜班頭腩炒河，就幫佢哋點咗，原本個名望落咁dry冇乜特別意欲，但上到嚟開頭係試少少，之後都一口氣食咗3碗仔。首先啲汁調味一流，索晒啲炸魚嘅精華，仲落埋豆豉點綴，味道唔鹹亦唔淡，其次同夠鑊氣嘅河粉撈勻，再伴以消暑嘅苦瓜，一道「估你唔到」嘅小炒👍🏻#到介紹my favourite 啦。唔知由幾時開始酒樓除咗賣馬拉糕叉燒包之外，多咗一樣叫合桃包嘅朋友，而呢位一登場就俘虜咗本人個胃，以致到依家去親飲茶都一定mark咗呢格先。海麗閣嘅合桃包係附近咁多間酒樓最好食嘅，合理比例嘅合桃再溝類似奶酪嘅東東，味道似流質黑糖乳酪加咗果仁，健康蒸包類嘅首選😬#鮮蝦燒賣皇間間都有燒賣唔代表間間都好食。蝦嘅比例嚟講得面頭見到嗰一兩粒仔，切得好細，食唔到有完整蝦，但由於整得幾彈牙嘅關係，反而加咗好多分，食完把口亦唔會有種魚腥味，對於唔太食得蝦嘅老人家嚟講，呢個可以酌量試吓。btw熱氣上騰令鏡頭好似加咗重濾鏡咁，趁熱食先

在長沙灣麗閣商場的一角, 逆市中有老闆同商場租了這面積不少的位置。事實有膽量做事也相當快手, 農曆年過後見佢三兩下手勢經已開張大吉了。有來午市飲茶, 下午茶時段亦有到過, 淨買燒味飯盒外賣都試過, 晚市在17/7 朋友嚥客亦有再來。 生意同人流都相當不俗。出品同價位相符相乘。份量也絕無欺場。最抵食亦最多人提及的算是"BB鴿"吧！以$28.80作招來相當受客人捧場。例場奉召出場。另一個自己覺得抵食嘅還有脆皮燒腩仔$98足足有3行21件咁多。雖然唔算係五層腩但疫情下我們學懂感恩。點心併盤可能未必係最有代表性嘅作品所以散叫可能吃到勝價比高嘅點心。晚市小菜每樣都有板有眼, 燒鵝例牌都會斬下裝出來俾客人食算係誠意十足。咕嚕肉嘅汁明顯有山揸味夠傳統。買過燒味义燒飯返屋企歎份量十足。只係收三十蚊咋。雖說無例湯或汽水送但主角"义燒"嘅份量會令人大滿足。唯一有改善空間嘅係碗碟可能係外發包洗的, 好多時都還未乾淨但待應們並沒有看清楚就放上枱上直至客人發現。跟她們反映後再拿過來的還是另一隻唔乾淨嘅碗碟。再換! 但這樣會令好多比較講究衛生嘅客人敬而遠之。店家真的要留意呀！今時今日客人嘅要求係好高水準架。如果想

因為疫情都真係無飲茶好耐喇🤨 難得出街, 搵左新開既酒樓飲下茶, 食個包先🤭去左長沙灣地鐵站旁既麗閣邨海麗閣海鮮酒家🏤 新店舖, 環境好光猛, 好乾淨, 座位都非常舒服😎叫左炒飯, 多款點心, 樣樣都好食, 但味精唔重, 最吸睛個鹵水拼盤, 賣相已經好靚, 牛展非常入味, 仲好腍, 推介👍🏻 仲有個豬腩肉🤭 肥瘦均勻, 好好味🤭🤭估唔到街坊茶樓都有咁既水準, 雖然價錢唔算平, 但勝在方便, 好食, 有服務.. .. 一定會再嚟

放工同幾個同事打算醫飽個肚先返屋企，同事話近近地就黎呢度試吓。呢到又真係幾好方便，近港鐵站，酒樓環境都舒服。可以剛剛過咗父親節，加上今日又係平日，所以今晚人流唔算多。同事極力推介清蒸沙巴斑，$128一條，都幾抵食，大約都有一斤重，也新鮮，蒸得合到好處，魚肉也很滑。紅燒BB乳鴿做優惠$28.8一隻，我哋叫做兩隻，雖然唔咪好大隻，肉唔多，不過又炸得幾好味！乳豬拼燒鵝$198，份量都足，乳豬也脆囗！仲有蝦乾通菜啫啫煲$98，夠晒熱，個煲加左蝦乾超惹味，可惜蝦乾份量唔夠多，D汁加埋落D飯到食好香。整體來說，我哋四個都覺得抵食，環境舒服，味道唔錯。

住係麗閣ge朋友請飲茶。商場新開左間酒樓，就來試下。飲下午茶，等冇五分鐘就入座，都幾快！因為個老闆娘過來問野食好唔好食，傾左陣計，話如果鍾意都寫翻個好評👍👍支持下。咁係啦，例牌叉鵝拼盤都好正，又大份，一定俾好評❤️叉鵝拼盤我地三個人都食唔曬。燒鵝皮又脆，叉燒肥瘦相間好juice🤤，區啲燒味汁溝瀨粉我一個人食曬成碗。叫左籠蝦餃、叉燒包，蝦餃皮薄陷又大夠，啖啖肉，蝦肉又脆，真心好食😋最尾老闆娘仲送我地三隻粽食，話杭州運過來，鹹菜陷，栗子陷，又幾好味！印象超好✨下次再來！

聽聞麗閣商場翻新咗同新開咗間酒樓，於是過黎幫襯吓，黎到叫咗龍蝦伊面，睇落份量唔多，但食完都幾飽。另外，見到紅燒乳鴿有優惠$28一隻，於是叫咗四隻，啲脆都燒得香口，而且都有肉，值得一試。