海麗閣海鮮酒家

營業中

休息中

放工同幾個同事打算醫飽個肚先返屋企，同事話近近地就黎呢度試吓。呢到又真係幾好方便，近港鐵站，酒樓環境都舒服。可以剛剛過咗父親節，加上今日又係平日，所以今晚人流唔算多。同事極力推介清蒸沙巴斑，$128一條，都幾抵食，大約都有一斤重，也新鮮，蒸得合到好處，魚肉也很滑。紅燒BB乳鴿做優惠$28.8一隻，我哋叫做兩隻，雖然唔咪好大隻，肉唔多，不過又炸得幾好味！乳豬拼燒鵝$198，份量都足，乳豬也脆囗！仲有蝦乾通菜啫啫煲$98，夠晒熱，個煲加左蝦乾超惹味，可惜蝦乾份量唔夠多，D汁加埋落D飯到食好香。整體來說，我哋四個都覺得抵食，環境舒服，味道唔錯。