海 三碗麵

營業中

休息中

《值得等待的一碗麵》喺香港生活咗咁耐，排隊嘅餐廳周街都有，但要算得上係值得等待嘅餐廳，「海三碗麵」絕對能佔一席位。由排隊開始，你已經會被佢慢慢吸引，餐廳嘅門一開一閂，湯頭鮮甜香氣就會一次次嘅衝擊你嘅鼻腔，一路排隊，你嘅期待值就會一路提升。入到餐廳，落完單，再望入廚房，見到嘅會係老闆精心準備每一碗麵，注入用心熬製嘅湯底，加上明火炙燒嘅牛肉，真係從來未試過將「想食」嘅期待感拉到咁高。上到枱，海蝦濃湯，蝦味鮮甜香濃；金華火腿煲雞濃湯，咸香味鮮，飲得到又Feel得到兩個湯底嘅足料同時間心力去熬製，配埋個彈牙掛湯嘅伊麵，如果第一次去，真心建議要試！個火炙燒牛肉都唔可以睇小，每塊入口都係軟淋入味，簡單調味、簡單烹調，但係用心製作，正正就係香港小店最為可貴、最為耀眼嘅地方。雖然都要排一排，但係只要好味，香港人又點會怕排呢～

朋友比佢既ɪɢ ʀᴇᴇʟ吸引到 提議食呢間星期五 大約𝟙𝟠:𝟚𝟘到達 ๑ᵒᯅᵒ๑目測前面有𝟙𝟘人 𝟙𝟡:𝟛𝟘入座𥚃面得𝟜張𝟚人枱 我地𝟛個女仔 有個坐走廊好彩佢夠瘦 唔算好阻住人行黎行去似係𝟚公婆𝖕𝖆𝖗𝖙住上 兩個都好有禮貌話辛苦曬我地排錦耐隊講野都有唔該前 唔該後o̴̶̷̤ ̫ o̴̶̷̤海蝦濃湯𝕣𝕠𝕒𝕤𝕥 𝕓𝕖𝕖𝕗伊麵 $𝟙𝟘𝟝其實成間餐廳只有𝟜個選擇入到去已經超肚餓 以為即叫即有ᯅ̈點知同我預期既不一樣 慢工出細貨 要等下 不過就可以影到廚師點烹調食物用火槍燒下啲海蝦同肉超香 ๑•͈ᴗ•͈๑個湯底係我人生中未食過好濃好有蝦味上面有好多細細既海蝦 被火槍燒過焦焦地 巧吃૮꒰˶ฅ́˘ฅ̀˶꒱ა牛肉分開上 唔怕啲味道混合左牛肉好嫩 佢用火槍燒既成熟度剛好當下好想食多碗 但又怕肥係好食 但排好耐有啲攰（๑•.•๑）

Bookmark 咗呢間餐廳好耐，但次次去都係星期日，摸咗門釘兩次先發現原來佢星期日休息😂（會唔會太蠢）終於等到星期六得閒又喺附近可以去食🥰嗰日落住超大雨☔️所以去到嗰陣只有一枱人排緊隊，本身以為好好彩唔使等好耐，但最後都等咗大半個鐘先入到去🙈.餐廳係由兩公婆經營，入面只有八個位，而且全部都係即叫即煮，所以製作需時⏳不過食好嘢係需要等待，而且喺而家嗰個都北上消費，更加要支持香港特色小店💗餐廳只賣3款麵，望落覺得海蝦濃湯最吸引，所以就嗌咗🤩海蝦濃湯Roast Beef  伊麵 $105未食已經覺得好吸引，海蝦湯底好濃郁，飲得出係用好多蝦嚟熬製而成，每一啖都係精華，上面仲有小蝦米🦐伊麵煮得啱啱好，唔會太淋，一啖濃湯，一啖伊麵，好好食🥹每碗麵都會配燒牛肉，佢哋係用一大塊牛扒，淨係輕輕咁roast 咗個外皮，所以入面仲係生生地🥩每逢有客人嗌，佢哋就會係個一大塊牛扒切幾塊薄片出嚟，加入少量黑椒，再用火槍燒一燒個面頭，每一塊牛肉調味好出色，係好食到我哋要encore 多一碟嘅質素🥰.總括嚟講，因為鋪頭細，而且每一碗麵都係老闆親手煮👨🏻‍🍳所以唔會好似連鎖餐廳咁出餐咁快，但都冇咗連鎖餐廳嘅機械化，有嘅

安排差＆混亂，食到背脊骨落。第一次打食評，因為覺得間鋪太過分啦！店內只有8個位，店主要等齊8人入座先開始煮，星期五晚6:15已有約10人排隊，有一個女人離隊了但店主俾佢即入，都算，那個女人一個叫兩份餐一直唔食喺度等人，最後佢個女過左20分鐘先到，食食下仲要店主幫佢加熱佢既牛肉，仲要嗌埋個外賣先走，我已坐低並已早過佢點餐，店主都係做左佢個外賣俾佢先（其實佢煮一碗麵只需要5分鐘），跟住個對母女走左，終於等齊4枱入座店主先開始煮，我坐左喺位度20分鐘終於見到我碗麵，但我都未食完，店主係無問我既情況下想收走我隻碗。味道一般，唔值得排隊黎，奉勸大家唔好浪費時間！香港大把好野食。

店仔細細所以排隊就一定嘅，但值得！真係緊好食！個蝦湯一啲腥味都冇勁鮮甜，金華火腿湯好濃，飲得出勁重料，麵煮得啱啱好，個即燒牛肉又冧又香，老闆勁有heart 煮（燒牛肉型仔到忍唔住偷影佢😂😂）一定會再嚟💕

上次自己咁啊想去食 經過但佢冇開門再有次去 見到晏咗太多人排 所以冇食到今次去到排前面已經有兩個人好彩一開門就有得入去叫咗 金華火腿湯伊麵湯底真係似自己煲出黎嘅 又真係好有金華火腿味😂😂😂加埋塊肉好食嘅但相對上 另一碗好食啲另一碗係 海蝦櫻花蝦伊麵賣相都ok嘅 一聞就好香 食落飲落個湯好飲 都好濃厚😋😋配埋個麵係真係好食 個肉又香口嘅因應該燒過但可惜真係兩人小經營 做唔到幾多枱係細同小 但冇計 但咁樣先有排隊爭食市場好有佢自己style風味嘅小店不過真係隊都唔會排等睇到當日都有啲係回頭客 食緊都聽到客有讚佢個湯整得好好 都支持佢希望繼續做 有香港風味特色嘅店舖

寫住1730營業，1730到步已經有幾個人排隊等緊，因為頭一輪係入面食緊，唔知真實開門時間幾點第二輪6點鬆左右開始入座，但要等上一輪嘅人食晒走晒，先會開始第二輪，一次過出個輪既麵，總共8個座位可以選擇既只有三個湯，濃蝦湯、金華火腿、胡椒面底同主食劃一係伊麵同燒牛肉濃蝦湯飲第一啖有開心到，食耐左會開始覺得無左濃蝦味，飲左水清一清口再飲湯，都無左第一啖甘開心，可能凍左無甘濃郁？入面冷氣好凍伊麵係好食既，平時好少地方有得揀湯伊麵，食到最味都無淋到，仲係有咬口燒牛肉上面有好多蔥同櫻花蝦，呢3樣野全部用火槍火燒過，係香口啲既，牛肉仲好香嫩，但有啲油總括：如果早到可以試一次，但如果要排兩輪等成個中，我唔會排，1830左右門口有14 5個人排隊

之前睇YouTube介紹呢間餐廳，係由老闆一個人經營，由開鋪前準備食材，再親自下廚，招呼客人，收錢，洗碗，所有工作一手包辦。有日閒日星期四經開韓國街，就一於去試吓6:30左右去到，已經排咗6，7個人，心諗應該都好快啩，但最終都排咗個幾鐘😅我就點咗海蝦濃湯+灸燒牛肉-首先飲一啖湯，係超～～好味😋飲得出並唔係飲完好口渴嘅味精湯 或者食物元素表，係真材實料嘅蝦湯👍🏻再食啖伊麵係超夾！灸燒牛肉又係勁好味，燒得啱啱好，平時食嘢我係會走蔥，但d牛肉再包住蔥食，係絕配！為咗表達我勁欣賞呢碗麵，我係飲曬d湯一滴都無剩😆希望老闆執碗時知道我真心鍾意❤️雖然排隊排到我腰骨都痛，但食完我係覺得值得，好回味😋😋😋😋😋

完全冇心去理啲客人，寫住4:30開門，點知等到5:30先正式開門，但係過程中佢完全冇出嚟講過一句嘢，如果你要遲開門，你都出嚟講返聲啦。。。。。。。。。。再講味道，油到一個點。牛肉油湯底油伊麵油食一次，膽固醇過高！

與其說是三款麵食, 不如說是燒牛肉伊麵, 配上不同湯底, 主軸從來只有一個. 燒牛肉作為湯麵的的配菜, 這不是唯一一家, 但是將牛肉分三次用火槍炙燒, 依然保持Medium的熟度, 這不但只表達了師傅火候控制的自信, 也將牛肉的肉香能最大化地揮發出來, 再加上不太油膩而又有筋性的伊麵, 這條主軸已經夠吸引.湯底點了海蝦濃湯和金華火腿煲雞濃湯, 前者大量的櫻花蝦令口感層次感豐富, 純粹的蝦鮮味不比一般的蝦湯拉麵遜色, 味道平衡得相當不錯, 不會蓋過烤牛肉的味道. 後者相對較為濃稠, 無論是湯的質感還是味道上, 鹹香的烤牛肉的肉香不能說是相輔相成, 但如此有對比的味道, 先喝一口湯再吃一口牛, 這反差感也是另一番的享受. 店面只有六個座位, 也就是師傅的一人獨奏, 能夠繼續在尖沙咀的橫街窄巷生存, 這並不容易, 應該好好珍惜.

呢間伊麵店好有性格，只賣三款麵，但一直都吸引到好多人嚟食。今次我哋6:30就嚟到都已經大排長龍，入面只有8個位，排咗一個鐘先有得食🍽️ 金華火腿湯伊麵🍽️ 濃蝦湯伊麵濃蝦湯係佢呢度最出名既伊麵，咁就梗係要嗌番碗試下啦。一入口就食到好濃既蝦味，初初食果時會覺得幾好食，但佢呢度冇水供應，所以食到中途就會覺得好口渴，感覺越食越咸至於金華火腿湯就相對比較淡味啲，唔知太咸清清地都幾好味。佢每碗麵都會有燒牛肉片，係廚房見住佢係用火槍即燒即上菜，油脂逼晒出嚟好香口🤤

話說朋友已經講咗呢一間小店好耐，一直都想試吓，但係每次經過嘅時候，都有一條好長嘅人龍，但係入面淨係得八個位，所以好多次都冇食到咁啱今次經過嘅時候，見到前面剩係得幾個人排緊隊，諗住終於係機會試吓，結果排咗一個半鐘頭先輪到我地😓入面係家族生意嘅形式，所以入面嘅人都好親切，同好有禮貌咁我哋就叫咗佢嘅招牌海蝦濃湯伊麵，同埋金華火腿煲雞湯伊麵咁啱就係坐喺大廚嘅廚房對出，所以可以望到佢一路用把火槍將佢啲肉嘅油香燒出嚟，一路等一路聞着嘅時候真係覺得成件事好期待 到上菜嘅時候就會見到老闆放咗好多櫻花蝦喺上面，個海蝦濃湯個湯底好甜，就算飲到最尾，都唔會覺得口渴，飲得出佢個湯底真係好俾心機去煮，絕對唔係嗰啲味精湯個金華火腿雞湯就相對比較鹹同有少少肥膩，所以飲到最尾嘅時候就唔係好想再飲落去，咁就比較失色最尾真係要講多次，真係要排好耐好耐隊，所以建議大家一係早少少一係好夜先去食

幫襯左好多次，由以前排一陣，到排好耐，到疫情外賣，到而家成日大排長龍，好在星期一個晚夜夜地差唔多10點見佢未關門，老闆仲係到未收工，問佢有無得食，佢仲好開心笑住，梗係有得食 。真係睇到香港好多餐廳真係無以前咁旺 。呢間真係尖沙咀必食 海 三碗麵雖然menu上有呢三款海蝦濃湯Roast Beef伊麵金華火腿煲雞湯Roast Beef伊麵（新）胡椒豬骨濃湯Roast Beef伊麵但通常都係叫蝦或者金華火腿，呢個濃湯底真係不得了，好濃好好飲 。加埋老闆即叫即燒嘅Roast Beef🥩 加埋燒櫻花蝦 香上加香🤤我個人偏愛金華火腿煲雞湯多啲～平時真係好多人排隊嫁，所以最好食6點前或者9點半後，會少啲人排隊🤭

一入門口就已經沉浸喺好濃郁嘅蝦味Menu上面得三碗麵及一個包選擇麵全部同價，包缺貨。人均最低消費，每人一樣。叫咗碗海蝦燒牛肉伊麵伊麵還好，普普通通，正常發揮。冇得轉揀其他麵，亦不會接受任何追加或特別要求。湯第一口真係好濃郁，好香蝦味，不過食到後期冇特別感覺了，味道沒有持續。返到屋企成件衫都係蝦味。另外個湯都稍微肥膩。牛肉方面的確好出色，淨係用火槍燒一面，另一面保持半熟狀態，完全唔會過熟、老。餐廳內部得八至十人座位，所以出邊好多人排隊。冷氣超夠，甚至有啲凍，可惜令到啲嘢食好快吹凍晒。不過我覺得未至於去到驚艷狀態，唔嚟唔得，但碗麵加埋蝶牛都叫做值呢個價錢，仍然稱得上係一碗幾好食嘅麵。

海 三碗麵 📍香港 尖沙咀.我同朋友最先到達 16:00就到終於等等下 等緊嘅時候 有其他人排隊問下排隊既人 一問之下，原來係不定時間開舖店主好追求湯底 夠味 先做生意👍🏻 當日到大約 17:00先開 大家可以唔使咁早到(幫openrice改左營業時間了 ).整體感覺唔錯 欣賞店主嘅用心製作如果唔使排好耐隊 可以再考慮.✨海蝦濃湯Roast beef 伊麵🫰🏻我同朋友都叫左 蝦麵👉🏻蝦湯 勁濃 如鐘意重口味 非常岩 我本身鍾意食伊麵 好煙韌 櫻花蝦好足份量👉🏻牛肉 真超好食 超香 好有炭燒味 雖然見到好多油 食落係唔會覺得好難頂 所以一路食仲想慳住食 唔想咁快食晒..💫 #海三碗麵 @hoi3noodles ——————————————