涼茶第一家 (已結業)

近排成日生"菲知", LUNCH TIME專登行過去飲杯24味, 其實飲落都幾苦, 不過為咗快啲好番, 幾苦都要飲啦 =.=連續飲咗3日, 粒"菲知"已經好咗8899, 都幾真才實料~~我諗住依家間唔中都去飲下, 話晒都清熱解毒嘛~細杯 $7, 大杯 $9

清熱解毒這回事周不時都要做下, 雖然我都知亂清熱其實未必好, 畢竟人人體質不同嘛。但行過涼茶鋪總忍不住會整番碗涼茶飲下, 尤其是這家肥彭都飲過的。...此時 90 後應該會問: 「肥彭? 邊個嚟口架?」...OK, 隨便要了碗小的廿四味 ($7), 評語只得 3 個字 - 好苦呀!(真的, 我打這食評的時候, 那種苦到眼耳口鼻「嗱埋一舊」的情景仍歷歷在目!)只好自我安慰說是苦口良藥啦。

每一個月都會有幾次幫襯行經的涼茶鋪來救救火。 這次行經此地見到前香港港督都來過﹐所以停一停﹐飲一飲這裡的二十四味。 因沒有像之前在其他地方所飲過的那麼薄荷﹐反而味道甘甘苦苦﹐心理上好像覺得其味道沒有偷工减料﹐。 下次如路經此地﹐都會再飲多杯來核實其效果。

打口仔為口奔馳，出生入死，在所不計作為打工仔的太公，也就為兩餐，前往因被確診豬流感患者光顧過的酒店視察環境。逗留了一回，督見涼茶第一家，就在對面；都好，喝杯涼茶消消毒 - 雖然明知沒有實際功效，至少心理上會好過點。結果，還是要了與呼吸系統幾乎毫無關係的火麻仁。這兒的火麻仁味道較淡，只有薄弱的麻味，還滲出一點的藥材味；我相信這的確是用了真材實料藥材的出品，但不香的火麻仁，實在較難令人接受。光顧此店，還是喝潤喉潤肺系的，較為保險。題外話：臨走是督見門口有塊奇怪的牌子 「樹幹木椅售xxx元」？！甚麼來的？環顧店內好一回，還被坐在店內的白領回瞪了好幾眼...原來就是堂食時坐著的那樹幹型的椅子！哦... 賣涼茶兼賣田園傢俱，真夠神奇。

零九年二月中旬天氣一轉，不幸受交差感染，不怕病但最怕戴口罩度日，如窒息的感覺絕不好受。沒時間睇西醫時，搭小巴返公司前就到涼茶舖喝杯感冒茶，由銅鼎斟出的感冒茶，靚姐以為是外賣結過倒在紙杯，感覺不如拿著蹦口碗飲好，而味道絕不討好，說不上苦口，但也算是無睡意良藥，睡醒後感覺好了一點，隔天又要來附近辦點公務，會來喝多杯的。

10月18日，12:30和舊老頂茶聚後，便到灣仔換SD咭，祇覺嘴角乾裂，但到這店來碗野葛菜水。味甘甜，入口容易。老店亂中帶懷舊，店員悠閒。老店出品應有一定療效，當天嘴角已復原。題外話：人黑無藥醫，上星期買的SD，一用即死。新換到的竟同一命運，下星期再要去換，但可能要自備notebook。馬上測試。唉！今時今日的質量控制

天時暑熱, 最好坐低飲杯涼茶消暑解熱。球場側十字路口旁有一間涼茶鋪, 大大招牌掛著「涼茶第一家」, 眼見涼茶選擇的確多, 夏枯草、廿四味、火麻仁、感冒茶、野葛菜水......是否第一家就不得而知了。店舖細小, 座位不多, 檯和椅都是用木製的, 裝潢簡單非常。向店舖亞姐要一碗熱豆腐花($7)和一杯冰凍野葛菜水($7)。其實豆腐花間間都差不多, 這裡的雖不致於入口即溶, 但口感也算滑溜, 可惜溫度扣分, 並不是熱呼呼的, 只是微暖而已。豆腐花沒有事先加上糖漿和黃砂糖, 檯上放有這兩種材料, 由客人自行加上。野葛菜水：第一次喝野葛菜水是在旺角的愛群, 老闆會在杯底加上鹽巴, 才倒上野葛菜水, 味道清甜, 沒有野葛菜的苦澀味, 令人一試愛上。然而, 這裡的卻嚐不到甘甜, 味道反而好淡, 像加了不少水似的, 羅漢果味都幾出。這次沒有加上鹽, 可能是這個原因, 有點苦澀。正宗不正宗就難以確實, 但我印象中味道是帶甘甜的, 它的跟我預期中有所出入。小杯七元, 大杯九元, 我叫了小杯。雖然味道上欠缺了一點, 但它好歹也是涼茶, 希望七元可以買個功效啦。

又是星期日，一個人百無聊賴地走在灣仔，行經此檔涼茶舖，見原價 $35 一盅的龜苓膏特價 $28，便入去叫了一盅慢慢品嚐。原本我是要熱的，但唔知阿姐係咪聽唔到，俾咗凍我，由於天口熱，我也沒要求更換。此處的龜苓膏沒有海天堂的藥味咁重，但每吃一口，苦藥味道逐少逐少的湧出來，不錯哩。

26/4/2008 早又傷風了~剛剛行過特登飲番杯廿四味點知~~唔係好苦,仲feel到好淡囉~水多得濟啦環境都好一般,仲有好幾隻蚊仔fly來fly去7元一碗有色廿四味~不值啦~~~

中段休息時間:到了這裡坐坐.點了一杯火麻仁,似乎是傳統口味.因為加點了杏仁一起沖製但本人不太喜歡.但就是為了中途時段休息一會般,ok啦!

我自細喺灣仔飲涼茶大，依間啲涼茶我就唔收貨喇。啲涼茶味淡如水，完全唔覺得有料到；啲野葛菜水味道好怪，同三不賣無得揮。佢仲要唔係賣得平過人，枱上有鹽但係無匙羮，咁叫我點落鹽呢？但因為佢收得夜，我有次深夜食完熱氣嘢先至被逼要幫襯佢。

呢排熱氣，每日都行過呢度，不如試下飲番碗野葛菜水la~我未飲過野葛菜水，無得搵其他地方比，但覺得入口好似怪怪地...但第二日我D粒粒細粒左喎...其實我係見到彭定康幅相先令我日日心思思想試~

涼茶第一家的感冒茶幾好，感冒初起飲一杯，第二日會好好多，廿四味都幾好，清熱氣幾有效，豆腐花好味，茶葉蛋又平又好食。

我在這裏附近返工，一熱氣就去飲杯涼茶，如喉痛，飲杯就好快冇事，不過D阿姨太度就嘛嘛la.

行過試下火麻仁(細),佢d火麻仁隻色好白,飲落好似有少少奶味,唔知係咪加左奶(佢英文都寫milk).唔夠濃味.