深井陳記燒鵝海鮮酒家

營業中

休息中

遠道去深井食燒鵝 好彩有訂位 周未真係好多人 有代客泊車 唔錯唔錯 ，黎到緊係要叫燒鵝啦 ！即叫即燒 真係好好食 。第二道想推介就係芥未沙拉骨 ，平時沙拉骨會好「膩」，但佢呢個配搭加埋芥末 好新鮮 好好味 勁好送飯。中蝦芝士伊麵就一般 啦 個蝦唔係好好食。 不過伊麵芝士味濃 比出面酒樓好食。 最後係蜜踐排骨 唔係好夠甜 麻麻地 配料多 不過比起一般蜜糖煮既菜式 係差緊小小。 不過總括都係幾好食既 ，環境舒服 唔會太嘈 加上深井人流唔算多 感覺都幾舒服。

新年第一餐，食得開❤️d！祝大家新一年繼續大飽口福！講返隻燒鵝，陳記一向係深井燒鵝代表，皮脆肉嫩係必須的！但可惜肥膏太多，形成一層啫喱狀，我就覺得太油膩喇！但喜歡食肥野嘅男友就表示喜愛！

半隻燒鵝皮脆肉鲜，尚有微温，值得一讚，但2個小菜大碟就夠大碟，但西蘭花班球，魚肉過度處理，有陣亞摩尼亞既味, 西蘭花好似白灼一樣火喉唔夠，豉油皇鵝腸，水汪汪，無味，唔夠爽，有D浪費

上周三同屋企人夜晚去左深井食飯，其實都有一段時間無去啦，結果有啲規矩變得唔同左。以前泊車係門口唔駛收錢，而家泊車唔單止要留匙，收停車費30$之餘，原來仲要加一添！鐘意去深井食飯因為我地鐘意帶狗狗出門，去哩度食飯唔駛介意啲人畀唔畀你同狗狗一齊，甚至狗狗坐埋出黎都仲得。我地三個人一共叫左四碟餸例牌燒鵝唔好問我點解影到啲燒鵝咁黑，其實因為佢啲皮真係咁黑....😒 但個醬幾好食，同出面啲酒樓真係好唔同蝦醬通菜其實本身蝦醬已經好香好濃味，但好似都有落鹽，變成成個醬好咸....... 要配返幾碗先好食炸大腸媽媽最鐘意食，基本上每次黎都會叫，炸得香口又唔油，脆卜卜好好食菠蘿咕嚕肉好食雖然無得食冬天先有既糯米飯（仲有羊腩煲），但哩幾樣餸都滿足左我個胃～ 不過個人口味唔係好鐘意食燒鵝，所以唔會太推介。加上而家泊車又要收費又要加一，以前想食就揸車落黎食，我諗而家都要諗下先再決定啦畢竟佢本身已經唔算好抵食.....

第一，食物質素仲差過廣東燒味茶餐廳，碟燒鵝既左邊好似好靚，皮脆（其實係ok既），但只有幾件；而另一邊其實就係另一個貨源既燒鵝（估計係，除非唔係），仲差過美心快餐。收費290+10%服務費。另外，其它幾碟菜都係普通料，比茶餐廳差。2）大排檔咁既地方，仲要收服務費。👎👎3）部車其實就係泊係餐廳門口，開頭以為唔使錢（因為都係距用櫈仔霸既位），但睇單先知，要收30（我地都係食左1個鍾都唔夠）。4）餐廳服務態度嘛嘛5）5碟野埋單要870蚊，如果好食都覺得值，但以咁既質素，真係貴到無朋友。

佛誕假，兩公婆和六歲仔仔到深井陳記食個晏，去咗7仔對面果間，舉手多次先有亞姐過來落單，假日，OK...落單點咗3個餸，其中一樣係蒸勝瓜。白飯同瀨粉就一樣餸都未到就上定先，攤凍咁得意? OK...到上咗兩個餸，食到一半，見勝瓜咁耐未上，睇檯面張單，漏單，冇勝瓜，假期有錯失，明白，算，唔追。到連個6歲人仔慢吞吞咁都食完，碟碟清，飲飽茶，hea夠，預備埋單，一位亞姐突然攞碟勝瓜上來。我哋話: "你單都冇寫..."，佢冇出聲，冇放低，攞走咗。之後第二位亞姐走過來，話電腦單有。再回佢: "你檯面單都冇寫勝瓜，你漏單，遲到我哋全部嘢食哂、要走、埋單先上菜?"亞姐居然鬧我哋: "咁係你哋唔啱喎! 檯面單唔會打足全部嘢，你哋又唔追單! 下次要追單先得㗎!"心諗: "嘩，檯面單都冇呢個order，自己漏單，重鬧個客唔追單唔啱?"嘴上回應: "重有下次? 你咁服務，我重會下次再來?"亞姐: "咁你下次唔嚟我都冇法。"對話中到收銀埋單俾錢，睇返單，居然收咗碟勝瓜錢。我同收銀女士理論，佢堅持冇食都要收錢，我話咁唯有白紙黑字寫低，蓋印確認情況，解決唔到就等法律解決，但佢話唔識寫，叫我寫，我寫咗相中檯面單上段嘢，

想寫番好耐之前去的地方：二零一七年，年三十晚，年夜飯，去咗深井陳記。提前幾日打電話去，接電話的人話唔需要訂位，真係一去到齊人就有位。落咗單之後，菜好快就上齊。叫咗好多碟餸，非常好味，全部食清。陳記燒鵝，豉椒炒蜆，黃金炸蠔，蒜茸聖子，椒鹽魷魚，清蒸石斑，白灼蝦，瑤柱扒蔬。

香港人一定要食下深井燒鵝講左好多年想食下深井燒鵝，今日同男朋友拍拖，反轉成日新界西，又去冰室，又去大帽山，以深井燒鵝作結，出名就知，好唔好食都唔肯定，但有個情意結，好想食一食因為下午3點食左冰室，仲好飽，所以黎到陳記，只可以點一隻例牌（都好貴下）同一碟菜，唔知係咪有競爭，除左燒鵝，其他餸都出奇地平$58-70，蜆都係50-60蚊，真心平，可惜得兩個人食唔到，下次要多d人黎食講返燒鵝，例牌都百幾蚊，男朋友話好香肉味，我就鍾意食肥鵝，陳記既鵝唔肥，所以唔係我口味，但健康d，所以各花入各眼，我就覺得麻麻地有d失望呢個通菜好抵，$50幾蚊，超超大碟，仲好食過隻鵝

好嬲。叫外賣。我想食鵝髀所以特登比貴30蚊要下裝。為勉師傅斬錯我特登提多佢一次我要下裝。我見佢猶豫了下。之後比貨我個陣我再長氣問多次係唔係下裝佢話係。我唔信佢比我更專業都分不清楚上下裝。返到屋企一打開媽媽同我講呢個係上裝。擬似鵝髀既物體係鎚黎架。好明顯係想搏你返到屋企唔會山長水遠走入黎同佢嘈。好失望。無諗過咁大間野會厄人😡😡😡

星期日難得放假，總會瞓飽先起身，今日都唔例外，天氣又凍凍地，特別好瞓，起身已經差唔多兩點，原來已經噤晏，唔怪得噤肚餓。嗱嗱聲同朋友去咗陳記燒鵝食嘢，平時我都會食燒鵝瀨粉，但今日見到隔離枱食炒粉麵，好似好正，所以就轉咗口味，叫咗個味菜牛柳絲炒麵，係等個陣，聽見廚房炒緊嘢，好似好有鑊氣噤，好期待快d有得食，等咗陣，鑊氣十足嘅炒麵有得食啦，好大碟，面頭好多餸，味菜酸酸地辣辣地，又爽口，好好食，牛肉就正常，無太特別，但都ok，不過牛肉就少咗d，而我最鍾意就係炒麵係炸過，入口好脆，好香，炒麵配埋茨汁有d濕濕地又唔會好乾，食吓食吓成碟食清光。朋友叫咗豉椒牛肉炒麵，個樣都好吸引，豉椒加埋洋蔥青椒一齊炒，好鬼惹味，朋友都話好好食。食完一大碟炒麵，真係要慢慢行散吓步先返屋企，如果唔係真係肥死人。

秋天已到，又是行山的好季節，今次同朋友們行這個元荃古道！可以說是，不容易呀！由荃灣行上去，都忘了有多少級梯級了！總之就是好辛苦呀！但是行完了，到落山時，就會覺得一切值得了！剛好行完，附近就是深井！來到深井當然當然要吃燒鵝啦！仲使問？我們好肚餓了，一坐下就點餐！但是等也等了一段時間。燒鵝脾瀨好像是四十幾蚊來了隻鵝脾！心情立刻大好！燒鵝的皮好脆，好好味！一口咬下去，滿口都是鵝的香味！鵝油入口，齒頰留香。果然，燒鵝還是深井的好呀！當天有不少大陸同胞都慕名而來，可見也是出名的一間燒鵝店！難怪味道一級棒！

今次又同我最愛食好西，兩個人叫左3個菜，好滿足叫左個例牌燒鵝，一個字正，好入味，好鐘意另外叫左個賽磅蟹，係西蘭花，再有d蝦肉蟹肉汁淋上面，好正，我第一次食呢個菜，下次黎會叫多次黎食，正仲有個沙拉骨，呢個相比另外兩道菜失色d，個醬膩左少少，冇咩特別整體黎講好滿意3個菜，2個人埋單400頭，飽到上心口

星期天下午两点多过来点了一分《例牌》烧鹅，等了一会就到，但是皮不脆肉有点肥，160一碟的鹅教人失望。唯一好处是停车方便，也可以点旁边的茶餐厅的茶餐，服务非常一般

黃金海岸游完水，同朋友即興就話要入深井吃燒鵝平時都吃開陳記，所以無多想，就呢間啦因為入到去都已經8點幾，等左一陣就有位坐翻開餐牌，order左幾樣小菜招牌燒鵝 (例牌) $125不知道關不關太夜事，碟例牌份量都幾多，仲有燒鵝脾皮脆，不太多油脂，肉質鮮甜嫩滑且多汁黏上酸梅汁吃，特別開胃又惹味椒鹽鮮魷 $78鮮魷炸得金黃香脆，雖然椒鹽做法，但不會偏咸肉質爽嫩，配白飯吃最好味沒有多想，即興的飲食，往往換來不經意的驚喜！

近期天氣稍為好轉到深井行山，為的是要試試遠近馳名的深井燒鵝。由荃灣元荃古道郊遊徑行入深井兩小時，即使一早午餐吃得非常飽 嗅到燒鵝的香氣食慾馬上回來。山腳的深井村有數間燒鵝店，openrice一下資料各店食物價錢略同，還是憑感覺選擇人潮比較多的一間。深井陳記燒鵝位於大馬路設有室外室內座位，天氣清爽享受室外陣陣涼風還是不錯。二人下午茶如下: 燒鵝例牌 $160絲苗白飯上湯米粉 (瀨粉缺貨)茶芥 $6一位花生一碟 $20另收加一正向餐廳燒味展示架坐，可以留意新鮮燒好的燒鵝由廚房抬出，掛上燒味架滴滴油份向下流。餐廳也有供應其他燒味，只是不在我的注意範圍內。燒鵝例牌份量是四份一隻，沒有特別要求部位切來的是下庄。燒鵝皮薄肉厚，表皮上色均勻有光澤。烘烤得迫出鵝油肉汁卻沒有流失。店員送上一大碟酸梅醬，配以燒鵝減輕肥膩感。漢子們此時喝啤酒歎海風更盡興!我未吃過其他店的深井燒鵝或者米芝蓮級數燒鵝，深井陳記燒鵝味道算是不錯，只是訂價昂貴嚇怕街外客。是次消費二百多，燒鵝價格尚可但雜費連加一消費不少，偶爾特別日子一大群朋友來慶祝比較抵。