深井陳記燒鵝海鮮酒家

營業中

休息中

大人為我準備左個HOLIDAY,晚餐就PLAN 左O係深井食2個人嗌左3樣野1.沙拉骨-好酸,醬太多,好漏2.啫啫芥蘭-係就係幾好食既,不過點解會落左蝦醬既?3.雞煲-諗住整舊雞脾俾大人,大人一咬,生既!雞煲D雞都可以唔熟?係唔係玩野先仲嗌左一個可樂一碗飯......早知係咁行入裕記啦.....至少唔會食到我把幾火,至少人地D小食好食,鵝都OK丫冇下次!

少有既教會退修飯。十點半到先到深井，大家見到菜牌有咩就叫*講其中幾樣好食既俾大家分享=)本身食帶子會唔舒服既我，食左兩舊好有豉味既豉汁帶子(好新鮮....)都冇事；蝦丸又夠彈牙，椒鹽鮮魷唔會咬唔到，爽口之餘椒鹽足，亦唔會多味精到係咁飲水，送啤酒o岩o岩好；最欣賞係我地已經係好夜到，佢地亦賣剩最後一隻燒鵝，但都燒俾我地食埋佢^^"食左一個好滿足同滿意既消夜，食完又開始開夜趕Project了......

一 行八人六點去到舊店, 唔知係咪關世界盃事不是很多人,上左二樓地方有D舊,第一次去第一個印象--->放在梯間D台布好DIRTY!!!! 我I接受唔到囉!~~~~~~~講吓D食品:1) 燒鵝__有D干, 一般 唔平2) 蒸魚云---->唔夠味 3) 冬瓜盅 麻麻地唔夠 (但係個推介菜牌寫"東"瓜盅)4) 勝瓜 5) 6)7)8) ........最後最好食係普通不過的粟米班腩!你話激唔激!!! 唔有下次!!SERVICES 尚可!!不過傳茶阿哥哥在你面前偷食前菜--->花生~~~~~~

昨天相約了一班朋友到此吃燒鵝，看過菜牌後只覺價錢偏貴，但有期望餸菜份量會較大碟，因為有八人吃的，但餸菜份量比起一般大牌檔大約少兩成，價錢卻貴兩成，味道亦是一般，有朋友見到碟椒鹽鮮魷後，忍不住問阿姐(侍應)，七十幾元碟鮮魷少到每人只可分一條，阿姐說是因為個碟太大，亦即是顯得感覺份量少，阿姐這樣的講法真的當我們是傻仔，其後阿姐的態度更開始變差，粗聲粗氣，黑口黑面，結帳七百零幾，吃了半隻燒鵝加五個普通小菜，每位八十八，價錢貴不算貴平不算平，但必定有更多地方有更好質素及更好服務，經常聽人說深井燒鵝有多好吃，三百五十元一隻比起酒樓八十八元一隻沒有多大分別，搭了幾十元車吃了一餐質素普通及受氣的晚飯，恐怕以後都不會去深井。

我地特登由大埔去到荃灣再轉巴入深井為左一隻燒鵝!!!燒鵝去到深井,我地好似大鄉里出城咁樣樣都好新鮮,好奇0個度有好多間話自己係最出名既燒鵝店但我老豆話陳記最出名喎~所以我地就決定試下啦原來呢度D野食都唔平半隻燒鵝都要$180!!平時呢個價錢係酒樓可以食一隻有多啦!!不過出得泥食就唔好慳家叫左半隻後(因為得三個人食)叫左個白菜滾魚湯,姜汁炒芥''LAN''同埋招鹽炒大蝦好快D野食就泥啦隻燒鵝比出面叫0個D大些少唔知係咪自己養既呢隻燒鵝都幾好但未至於好到飛起叫做食過就算啦...其他野都幾好食,份量夠(最初仲唸住D野食咁貴)我地三個人食到勁飽但美中不足係D用具比較DIRTY真係要洗過先好用有機會要再呢試下第二間!!

食燒鵝人人口味都唔同, 有人鍾意啖啖肉, 有人鍾意嫩滑多油夠味, 我就屬於後者, 所以陳記的燒鵝合我口味四個人食叫左半隻鵝食, 朋友相聚坐在露天的坐位份外舒服, 不過, 避免唔到係有人食煙 食物其實焦點都係在主角燒鵝身上, 以肉計, 隻鵝唔算多肉, 不過一來隻鵝肥, 二來陳記的烹調方法都係比較多汁, 加上可口的甜酸梅醬, 令燒鵝十分美味其他菜式如海皇煲等味道都可以, 不過始終再黎都係因為隻燒鵝! 價錢唔算好經濟, 一人一百左右

家住荃灣，要入深井其實很快捷方便，十五分鐘左右車程便可到達，但就偏偏甚少入去搵食。燒鵝癮起，三條友就搭車入去擦番餐。在裕記和陳記之間，有人話去後者，我這沒什主見的人也不會異議。幸好時間尚早，不太多人，等一會就有位。而且不用坐裡面，更能感受到這裡的風味。來深井，冇理由唔食燒鵝咁茂李。但我們人數，同埋大家都不是大食之人，例牌的就夠了。除了燒鵝，另外再要了粉絲什菜煲、炸大腸以及鼓汁帶子豆腐，不點太多，因為打算吃完今餐再去食甜品。呢度既燒鵝最大賣點是保証新鮮出爐，熱呼呼的。燒鵝充滿油香，肉質亦算鬆化，不過鵝皮並不脆口，未算十分好。雖然也是好吃，但若說要專程入來吃，我認為不必了！粉絲什菜煲，大大煲幾吸引，同樣是溫度足，幾款菜的味道亦不錯，冬菇都夠稔身入味，只嫌鮮魷過韌，不爽口。炸大腸份量可不少，大腸肥美，香脆可口，可惜呢味就不夠熱，若燙口一點，一定會更好。墊底的菠蘿，不酸，吃幾件確實有消滯之效。最後一味是鼓汁帶子豆腐，幾惹味的一款。可是，帶子過份薄身，口感略差，且不爽口，豆腐同樣是欠缺滑溜，也差一點豆腐香，還好的是個汁夠入味，彌補不足。還有山水豆腐花奉送，是熱的。味道尚算可以，豆腐卻嫌不幼滑，屬

睇到前面ｄ食評，以為自己search錯餐廳添！我真係唔覺得咁差喎！仲食到好滿足！一行５人黎到要搭枱，講真環境就唔好有expectation啦！因為好多人，有ｄ迫，但都ｏｋ啦，最緊要ｄ野要好食。我地叫咗5個餸，comment如下：１．）半隻燒鵝：講真有ｄ肥，皮唔夠脆，但有鵝味，ｏｋ啦！２．）啫啫通菜煲：呢個不得了，一黎到ｄ蝦膏香到十里遠都聞到！味道好，食到最後有ｄ鹹，但係ｏｋ好味！同埋個份量真係多到你唔信，5個人食極都有，我估ｄ菜座低有一斤以上！３．）XO醬海皇煲：呢個真係料足份量夠！一個海皇煲裡面有帶子，蝦，魷魚，豆腐，腐竹，魚，菜．．．出面ｄ海皇煲通常用好多什菜墊底，然後先享最上個層放ｄ帶子同蝦呀，所以有時食到底其實無咩野食；但係呢個煲好似食極都唔完，食到最底仲有帶子同蝦，我估成煲野座底有１０隻帶子，好足料，good! ４．）椒鹽鮮魷：鮮魷size適中，炸得夠脆，一句講哂，好味！５．）中式牛柳：個汁加埋ｄ洋蔥，好好味！ｄ肉好「林」喎，好易入口，good!最後估唔到仲有豆腐花送！連呢個驚喜甜品都好味喎！好滑有豆味，我覺得好食過Lamma Island同大埔嘅阿婆豆花添喎！總括而言，呢餐

早年吃過陳記的燒鵝,混混盹盹,沒有個人之處,自此,便去裕記.來到總沒有可能每次也是吃裕記,今次轉一轉地方,便來到陳記,坐下看見牆上的廿多年前剪報,媽子指著相中人說:{你地以前見過佢架.}年代久遠,已沒有印像.三口子不會吃太多,例牌燒鵝總是少不得,可能是出爐不久,燒鵝味食落香脆,咬下好像有油"必"出,鵝肉就很粗,頗硬,少一點牙力也很難將其解決,同埋燒得不夠隔離的裕記的香.在這個經濟不景氣之今日,如果要一整隻燒鵝,要成三百多塊價錢.拍得住鏞記!海蝦芝士伊麵底,用的所謂海蝦,肉質並不新鮮,只吃芝士伊麵底便夠,豉油王鵝腸反而很不錯,鵝腸爽口,豉油亦入味.跟著的蝦醬蒸豬頸肉,味道濃,蝦醬的香氣四溢,豬頸肉入味亦爽口,最後一味來得清一點,花膠魚肚浸時菜.三個人吃五道菜,剛剛好.如果是持有附近屋苑的住客証,或住址証明,有九折優惠.不過下次再來深井吃燒鵝,不要再三心兩意,回裕記吧.

2009年1月2日晚飯 – 陳記(深井)很難忙的一夜，我倆一同出走至黃金海岸… 當晚拖著女友（終於得咗 ）來到附近已經是十時多了… 想都不用想便來到陳記，因為美味的燒鵝在呼喚著我…因為很肚餓，點了以下幾個菜：- 西湖牛肉羹 – 香茜味十足，牛肉份量亦剛剛好，是我最愛既湯羹。- 燒鵝（半隻）- 主角出場，雖然已經很夜，水準也是不錯。燒鵝的肉味豐富，皮okay脆，只是有少少肥，整體來說是隻美味的燒鵝。不得不提是陳記的酸梅醬，酸甜度調校得天衣無縫，諗起都流口水。- 椒鹽中蝦 – 很惹味，連殼都要食埋，d蝦大隻d就更加好。- 瑤柱豆苗 – 相當大碟，瑤柱份量亦適中。陳記好的地方就是除了燒鵝外，其他小菜也做得不錯，值得再去。

尋晚嘅深井好凍，坐室外，更凍！好彩~有帳蓬遮一遮，再加上阿仔老豆叫咗個 "雙冬羊腩煲"，滾吓、滾吓、超爽！我哋一行四人order咗~~ 雙冬羊腩煲 (送好大碟嘅唐生菜) ~ $88 例牌鵝 ~ $120 菜芯炒臘味 $68 4個白飯 + ３罐汽水先講招牌菜--例牌鵝 : 熱辣辣，小量肥膏，肉汁好有炭香，不錯！(其實鵝肥先至肉滑， 瘦鵝好 "鞋"！ 菜芯炒臘味 : 臘肉較少，臘腸最多，好彩唔係肥個種。 雙冬羊腩煲: 可能天氣凍，就更加覺得好味，尤其是D枝竹，索咗汁，好好 味，羊腩好綿，肥膏唔多，D汁要嚟撈

10月22日晚上約7:00到被譽為燒鵝聞名己久的深井陳記晚膳,大約7:15很辛苦從人群中(捉)到一位侍應,記住係捉到不是搵到,但當時不是很多客人的,約7:30我們一行5入所叫菜式如下:1.招牌燒鵝半隻2.粟米魚肚羹3.咕嚕蝦球4.荔芋臘味煲5.瑤柱豆苗等到約8:00(半小時)時間終於所謂招牌燒鵝登場等半小時都還可以,但燒鵝太多油,太肥好似食肥豬肉,皮唔脆,但$180唉唉唉!,等等等等等到約8:40其他菜都未到叫侍應跟一跟去啋你都傻,等到約9:00真的忍不了大聲叫侍應跟一跟,他居然叫你唔等得就走啦!還從廚房拿出單來說廚房唔得閒煮,但遲過我到的其他客都全枱都是食物,大家想想我食這餐食咗多久?大家想想你應不應該去幫襯?想想我怎樣食到一世難忘!

因為家人想喜歡坐露天，上次入深井又試過裕記，所以就試試陳記。真係唔明呢間餐廳點做得住。燒鵝: 皮唔脆，多肥膏，肉又韌，求其一間酒樓都可能好味過佢 ...其他小菜: 唔好食.. 服務態度: 差劣! 個阿叔係咁問我地使唔使叫多樣，我地表明話唔需要，佢仲 keep 住講，埋單時見到幾個唔知咩 item 收左錢，問佢佢就好唔耐煩咁話: "得啦，唔會收多你既"! 咁既答案真係聽都未聽過 wo!!!!一定一定無下次!!!!!!

陳記燒鵝聽講話好多人同出名, 咪去試下lor, 點知....2個人叫左一個燒鵝例牌, 加梅菜扣肉煲燒鵝好肥, d肉好鞋又韌, 一d都唔好食梅菜扣肉煲, d 肉都好林既, 不過成煲野好似無味咁, 連本來應該最入味既梅菜都係無味.....成煲都係油....叫左2碟一d都唔好食既野, 埋單200幾.....搶錢

今年三月一號星期六，我哋特登入去深井食燒鵝，入到去都成八點幾嘞，過晒食飯時間，所以即刻有位坐，呢間菜館我唔係第一次嚟，但係我老公就未食過！我哋叫咗： 半隻燒鵝：當然唔會叫例牌，因為唔知比咩嘢位你食，食唔晒都係要叫半隻，燒鵝好似裕記咁都係最後先嚟。都有好香炭燒味，啲皮仲薄過裕記嗰隻，所以更加脆！啲鵝真係好肥，一 pat pat 肥膏佈滿係鵝肉上面，特別係近尾部份，都幾嚇人，但係啲肉就真係好多肉汁，仲正過裕記，咬咗啲肥膏就好好味，好味到食晒先記得未影相！ 海蜇燻蹄：海蜇唔係好彈，但係好香，燻蹄就好好味嘞，肥嘅位點埋白醋汁勁爽，唔錯！不過下次唔拼海蜇拼第二樣！ 琵琶豆腐：一般，個獻杰咗啲，因為夠熱味道還算不錯！ 兩碗瀨粉：用嚟撈鵝汁食，碎得濟，難夾，味道係好淡，撈汁先有味！ 可樂2罐一定會再去，因為啲肉同皮都係我覺得最好味嘅！