深井陳記燒鵝海鮮酒家

營業中

休息中

記得小時候, 陳記在市區開設多間分店,媽媽知道我喜歡吃燒鵝, 偶然總會到陳記買半隻燒鵝回家.不過不知為何, 陳記陸陸續續在市區消失.輾轉過了很多年, 終於有機會到陳記深井總店再嚐燒鵝.由於我們一行六人, 所以我們叫了一隻燒鵝,再多加三個小菜 (粟米魚肚羹, 椒鹽九肚魚, 通菜煲).我覺得陳記的小菜弄得挺好, 味道不錯, 份量又不小.我尤其喜愛椒鹽九肚魚, 不點任何醬汁已夠味, 再點椒鹽反而略嫌太鹹.同行友人就比較喜愛粟米魚肚羹, 因為味道甜, 質地不太濃也不太稀.吃了一點小菜, 主角燒鵝就出場了.雖然價錢比較貴, 要三百多塊, 但是原來一隻燒鵝份量十分多!燒鵝的肉味豐富, 配合那酸甜度適中的酸梅醬, 簡直是天衣無縫!只可惜鵝太肥, 脂肪層太厚, 為了健康著想, 要去掉那美味的皮才敢入口.我覺得燒鵝的精髓盡在鵝皮裡, 如果可以鵝肉連皮一同入口, 那就非常好了!不過這是食材的錯, 不是烹調技巧上的問題.大家只是吃了幾個小菜, 都已經吃得飽飽,而且價錢比上酒樓還要便宜, 真是物有所值!只是如果燒鵝能夠瘦一點, 那就更好了!

星期五幫個同事餞行，鬼叫佢住深井，所以成班決定去踩井，去得深井一定要試下燒鵝啦，本來打算去裕記，但人實在太多啦，唯有改去陳記啦。諗住坐室外會好熱，但其實室內都唔涼得去邊，大佬，成三十幾度喎，攪攪部冷氣好ｄ喎．．．感覺如下：燒鵝：半隻$180，例牌$120，略嫌貴囉．．．我地５個大人１個小朋友，都係叫半隻啦。一上的時候皮脆，過多陣就開始淋啦，肉一般啦，但超多肥糕同埋多油，食兩三件已經超漏！小菜幾味：蝦醬通菜煲、西蘭花炒鮮魷、檸檬蒸烏頭、中式牛柳，仲有叫左５碗粉麵，４罐汽水，樣樣都不俗，係牛柳稍為硬左少少囉。

這天下午隨小卡到青龍頭她同事的新居探訪，回程時決定玩一次「途中下車」- 吃一吃沿途的美食也。首先在深井下車，吃最有名的陳記燒鵝。上次來深井陳記，應該是十年前了，那次也是小臣來探訪同事後，大夥兒來吃晚飯。除了大牌檔風味的舊鋪外，陳記亦多闢一家新店，這天雨下不斷，自然是去「有瓦遮頭」的新店吃。不點其他，就只吃半隻燒鵝。晚上六時未到，只有我們和另一檯客，不過也等了好一會才把鵝端上來。半隻巨鵝鋪滿了大碟，用滷汁淋熱了才斬件上碟的燒鵝香氣十足，咬一口但覺皮脆肉嫩、肉汁四濺，十分過癮。不過這鵝實在太胖，每一件肉下面都有一層厚厚的脂肪，就是把脂肪咬去，入口都像有一股油流進胃裡，吃到一半已經覺膩，尤其是我們這種連飯也沒有一碗伴著吃的，沒有東西吸去油脂，實在沒辦法把鵝吃畢。看這兩件近鵝尾的，脂肪比肉還要厚，無論如何也吃不下。半隻鵝賣一百八十元，以這裡的鋪租計，利錢未免太過豐厚吧。

兩個人食, 只要了一個"例牌", $120, 有點貴吧? 半隻要$180.Anyway, 一生人總要食一次才安樂.鬼叫我想試下食你.. 我俾!上碟時少少暖, 皮當然唔脆, 肉也不見得滑, 但係燒鵝的油香, 比外賣的好.除了燒鵝, 還要了腐乳蝦醬通菜, 花支芹菜炒珊瑚蚌 同埋 椒鹽雞軟骨.這個腐乳蝦醬通菜很好吃, 連我這個不喜歡吃菜的人都覺得很好吃, 由頭都尾都無點分開上的蝦醬..., 即係好味的係腐乳通菜...., 珊瑚蚌都OK, 幾爽口, 亦有味. 雞軟骨個椒鹽也椒得不錯, 只是雞軟骨的骨的成份少過期望, 膠質較多, 變左雞臼.其它小菜OK, 但此行係去食燒鵝, 失望以回. 所以只好俾喊面~另, 仕應掛住睇電視, 叫極都唔應. =(

提早慶祝 mother's day，好彩訂位食陳記，好好味！首選當然係燒鵝，其次就叫花膠魚肚浸時疏，椒鹽泥、避風塘炒蟹、豉椒炒蟶子，迷你冬瓜盅。1)燒鵝~好香炭火燒味，熱辣辣，唔係太肥，有小小油。2)花膠魚肚浸時疏~好多魚肚同花膠，有埋杞子。3)椒鹽泥~外皮幾脆，魚肉唔會太乾。4)避風塘炒蟹~超級勁辣5)豉椒炒蟶子~好新鮮，豉汁好正，用來撈飯。6)迷你冬瓜盅~唔係太大個，夠六個人一人一碗，好多冬菇、蓮子蝦仁。嘩！埋單後，有糖水送，豆府花或椰汁粉。返到屋企，好飽～好正的一餐

五一勞動節去深井晚飯，本來想去裕記，點知未到七點鐘已經超多人，惟有轉去陳記。感覺如下：燒鵝：皮脆，但肉唔嫩，超肥超多油，食兩三件已經超漏！小菜幾味：鵝腸、椒鹽鮮魷、咕嚕蝦球、炒通菜、咸菜豬肚湯，樣樣都不俗。加埋甜品豆腐花加涼粉都好掂，反而招牌燒鵝唔多掂，認真攪笑。難得Ｄ伙計招呼都ok，雖然客多，但都冇話面黑，算難得；只係衰在冷氣唔夠，食到成身汗。

八個人入黎深井探朋友，想起燒鵝... 裕記多人等位，放棄了，咁就過左去陳記。我地叫左幾多野下，但整體黎講就幾油。因為都已經係幾日前食，所以只係寫返其中幾款菜式。1. 燒鵝一隻: 皮脆、但好好好多油呀﹗雖然知道燒鵝係多油既食物，但佢真係好誇張。食落去，真係感覺到d 油好似平時d 汁咁不斷流入你個胃。同埋最慘就係，佢d 燒鵝係.. 凍既﹗所以好滯。2. 啫啫通菜煲: 見個名幾得意就試下啦﹗點知，原來係甜版蝦醬通菜再加多個煲裝住而己~ 又係好油﹗3. 金銀蛋'in' 菜: 呢個就稍為好d，都食得過，夠多菜。4. 炸大腸: 講味道呢，就真係幾惹味，但略嫌太乾身。5. 牛仔骨煲: 個牛仔骨整得幾稔，但個汁太杰，同埋太salty，食左一舊仔就好口乾。6. 瀨粉: 呢個係最好既一樣食物，幣左d 燒鵝太油，唔敢浸落d 瀨粉度。7&8 仲有兩個煲，但太飽，冇食過，所以唔落得comment。其實唔係第一次黎呢間食肆。以前佢唔算好好味，但都只做食得過。估唔到0係短短一年間，d 食物質素下滑得咁緊要。講真，下次都係試下裕記...

唔知係唔係我星期一晚去..少d人..d waiters 服務都唔錯丫..一去到佢就帶我地去坐可以望到電視既位..我地2個人叫左半隻鵝,椒鹽鮮魷同埋牛仔骨煲同埋一碗瀨粉....小菜一般啦..都不錯的..燒鵝也給我有驚喜..不像食評人所說的又少又無肉.皮不脆..我吃的很滋味啊~ok脆,每碟都沒有"抽水"我們最後吃不完..不過我覺得價錢比較貴..一隻鵝要$3xx..貴..

第一次去陳記，合家歡九位，沒有之前留言看見的不愉快經歷，招呼一般的好，沒什麼特別。食物質素算合格，沒失望也沒驚喜，隨便一家酒家都有差不多水準。我地叫了一隻燒鵝，幾好，肉厚油少，上枱時仍有微溫。不過份量好似細一D，唔知係唔係隻鵝細還是......。環境有似大排檔，唔係好乾淨，價錢就十足樓上酒家。下次都諗唔到理由點解要再去。最大問題係廁所，因同老媽子要坐輪椅，那一帶食肆似乎所有廁所都謝絕傷殘人士。不期望有傷殘人士專用廁所，就連普通人都難轉身，不可能容納多一人在內攙扶。我老婆連附近商場廁所都去巡過，全部都一樣，結果要趕搭的士回家。奉勸所親友中有傷殘人士的網友，不要帶他們去深井，去深圳可能較先進文明。

終於嚐到馳名的深井燒鵝...一行四十幾五十人，十足一個旅行團，有人打機有人賭錢，有人月下獨酌，好不熱鬧...而小黃當然係其它果個：食野為先^^主角燒鵝，真的很肥美，皮脆肉香，十幾人食極都有。配角魚扣、鴨舌、羊腩煲等小菜亦頗對口，不過亦有舊同事略嫌太咸，當中個人最愛是羊腩煲，啖啖肉，枝竹市很好味。一大班男人，除了食、賭，便是飲酒，開之不盡的啤酒、紅酒，眾人飲飽食醉、盡興而歸，一洗職場上的怨氣壓力，實是人生一樂也。

放新年假, 沒事做周圍貢. 貢入深井, 行行海邊, 睇睇燒鵝. 行到差不多, 聞名到陳記食個下午茶. 下午茶, 燒鵝瀨是最佳選擇, 燒鵝其實同出面一樣, 沒有大驚喜. 瀨粉好幼細, 又爽口. 加上用芥蘭做伴菜. 唔錯. 另叫油菜一份, 伙記叫廚房出($40)或是茶餐廳出($10), 當然以便宜為主.深井村63 號陳記, 名不虛傳

1/31, 老公係「深井陳記」買碗外賣「燒鵝瀨」比我,好嘢~~~! 咁我今晚就唔駛煮同洗啦!! 天氣咁凍, 真係勁唔想洗碗呀!十點幾, 老公終於返到啦!!呢個「燒鵝瀨」原來好大碗喎! (最大Size 個隻外賣碗) 佢個湯仲要另上架!所以啲瀨粉同燒鵝都冇淋到! 同埋個湯底仲熱熱哋, 又夠味, 正喎!!咁樣睇$27 都唔算貴呀!

我和老公、奶奶到陳記吃晚飯, 叫了一碟炒硯,一碟燒鵝,一碟薑汁炒芥蘭,那碟硯是涼的,未至於凍,不是即炒新鮮熱辣的樣子,相信是某枱炒錯了便拿回廚房,待下個客人叫便是但炒炒再拿給人食,因我們投訴,那主管一個子也沒有解釋便拿走了,還主動扣回那碟硯的價錢,相信他一定早已知道那碟是翻炒硯,太失望了,那次是第一次去,又貴(那碟薑汁芥蘭要87蚊呢,還要加一)又不老實,以後無交易。

好耐未去過食晚飯, 之前都都覺得佢麻麻, 燒鵝一d都唔熱, 今次中午去食, 價錢貴了好多, 叫一個例牌鵝100, 但無落單, 叫一個例牌雞50, 但黎咗一碗切雞飯, 最快就係蒜蓉白菜仔是最快來, 先講個例牌鵝, 得一隻鵝肶多少少, 貴到離晒譜, 隔離枱26蚊一碟叉鵝飯, d鵝已經有我個例牌鵝半碟, 總之一句到尾, 有被騙感覺.

小弟及女友去呢間陳記試下佢d燒鵝，見到咁多人食，諗住會好好食。點知大感失望。我地被安排入坐於一間只開早上及下午的茶餐廳，但晚上卻變成陳記既舖頭之一。首先講講食物既質素，燒鵝又肥d皮又唔脆，見佢出面d燒鵝係新鮮整既，點知我地食果d係凍既，付款時向收銀投訴，佢話佢地全部燒鵝都新鮮熱辣，對我們說唔好意思(都食完law, 講sorry 又有乜野用? 難道是我地運氣不好，而其他人食既燒鵝卻是很好吃？)。至於價錢，我覺得佢地好唔老實，燒味雙併是$80，雞拼鵝就變佐$100??? 問收銀佢話鵝併叉燒就$80，點解佢份餐牌又唔寫清楚??? 雖然只係$20，但係我講得佢地十分唔老實，誠信好有問題。我地食佐雞鵝雙併($100)，西蘭花帶子($70)及一個白飯($6)，點知埋單要$211，因為仲要計茶介(二位$6)﹐花生及酸果(總共: $10)，仲要加一服務費？天呀，基本上我唔覺得佢地有乜野服務，大家有冇試過去茶餐廳仲要比加一服務費？基本上佢係大排檔既格局，酒樓既價錢，茶餐廳既服務，值得讚既係佢諜西蘭花帶子都幾大碟，質素都OK，但小弟仍然不明白為何這麼它這麼多人惠顧，而深井其他食市卻顯得比較冷清。