深井陳記燒鵝 (已結業)

我都好少寫食評 但係真係差到我忍唔住希望大家食飯之前望吓OpenRice唔好再中伏了首先佢有三宗罪第一，上菜耐到唔合理首先一入去7:45叫咗三樣嘢過咗陣同我哋講燒鵝要等好 我等佢等到8:15上咗碟燒鵝8:22我得碟燒鵝送飯請問啲涼瓜，魚同埋牛肉係咪仲種緊同養緊？同個侍應反映咗 之後5分鐘先有埋碟涼瓜炒牛肉再過多陣又要吹佢8:36先上埋個魚雲煲太難食啦 8:50已經準備走人俾多1分鐘，佢都覺得係折磨第二，完全唔好食打着深井嘅名號，啲燒鵝又韌又唔好食啲涼瓜炒牛肉，牛肉又係韌嘅，涼瓜苦到好似食緊中藥咁，唔係正常嗰種涼瓜苦最後個魚雲煲，又乾又燶又鹹，仲要成煲嘢得嗰幾嚿，剩低全部都係蔥同薑第三，員工態度差到以為我爭佢錢一啲禮貌都冇，唔係想佢俾啲咩五星級服務我，但服務行業，對客嘅時候係咪都應該有返少少禮貌？十問九唔應隔籬枱問佢嘢，態度勁差咁樣話嚟緊啦等吓啦得啦得啦追佢上菜嘅時候，就係咁話煮緊啦，等吓啦真心覺得呢間嘢如果請唔夠人佢一係就開半場同埋唔該廚房啲師傅換吓佢

本來12人餐收我4000都以經唔平，點知佢……隻鵝仲凍，之後一句乳豬無曬專拼盤，仲要粒聲唔出蒸石班轉比炸魚涼瓜火腩，荷葉飯無曬，轉楊州炒飯，伊面仲硬嘅，鮑魚六頭變10幾頭，其實唔爆已經俾臉

我好少打食評，但今日一行12人去開將軍澳行山，回程見到深井陳記燒鵝餐廳，心唸將軍澳都有陳記燒鵝，不如就入去試試。入到去環境闊落，職員俾左間包廂房我地，私隱度高，讚之後我地叫左個12位用套餐名叫‘‘龍情鮑宴’’ ，每一道菜上到黎都噴晒煙，鑊氣夠，最難得係餐廳做燒味同埋海鮮都一樣咁出色呢個套餐價錢6,388蚊，除開每位都係532蚊，已經食到燒鵝、燒腩仔、鮑魚、龍蝦呢d貴價菜式，每一款都好有誠意，絕對足料，所以真係難得一頓美味既晚餐，要記錄一下

肥得只剩肥膏和皮。深井出名燒鵝併燒腩瀨粉$60，全碟幾件全是皮和肥膏，沒有肉。要叫佢換燒腩，才換幾舊肉比你。燒鵝全是皮，雖然是下午茶，但都應該比返啲質素！一定冇下次！

平時都係打電話落去叫外賣，見OpenRice 有外賣自取，就懶得打落去。結果！燒鵝下庄，除左腿有四塊肉，下面果啲反轉就係圖片果幾塊骨加肥膏，$158/份俾咁嘅質素，會唔會太過份？！最近外賣都覺得燒鵝質素差咗，無諗過離譜到咁！以後都唔幫襯！！！

喺天晉主打燒味的餐廳🍴都有好多小炒叫餸食飯叫咗碟頭堂食，即管試下四寶飯有鼓油雞，雞肉肉質幾嫩，好食燒鵝都好好肉，無諗過鹹蛋係一隻唔係半隻，整體都好食仲包埋熱飲☕️，凍飲另外加錢另外叫咗半肥瘦叉燒同燒肉雙拼，一樣都係60仲飯既鼓油味好食叫多個啫啫芥蘭，68蚊來講個份量都唔少，啲肉碎好餸飯！下次來試下叫餸食飯先

真係好小俾負評，其實過往都有食開呢間餐廳，起初感覺都覺得唔錯，商場泊車方便，差唔多個個星期都黎幫親，甚至推薦俾朋友。但裝修後瀨粉變質唔在講，伙記自己計錯數，講番俾佢地聽，好似係我同佢乞咁，感覺係羞辱，講完佢地聽仲要攪小動作，專登開大冷氣吹你走，有咁樣既樓面，咁樣做幾多推廣優惠都冇用。整體來講，食物質素還可，但樓面態度完全唔得，應該唔會再有下次，亦唔會再介紹俾朋友。綜上，負評！🥲👎🏻👎🏻👎🏻👎🏻

外賣半隻燒鵝$240，半隻油雞$100，竟然半隻燒鵝個份量仲少過半隻油雞， 上下髀位得返4份1，睇落似用其它切剩出嚟湊埋一盒咁，真係唔會再有下次幫襯。（希望深井陳記燒鵝總公司正視呢個問題，避免影響其他分店。）

叫咗個燒腩燒鵝瀨，燒腩燒鵝得中指長度多少少，燒鵝半份都係骨，有肉嘅都有中指闊到咁厚。燒腩厚度同尾指厚度一樣咁薄。瀨粉係多嘅，但係唔飽。味道一般，肉質偏向「鞋」口。服務係茶餐廳水準，所以都okay嘅。成個餐收我72蚊。

Food is pretty good, but service is bad. Staff there is not helpful and rude. It took over 10 mins to get the rice when all the dishes were already on the table. When we asked them how long we still had to wait, the waitress was so impolite and impatient. No matter how good the food is, bad service ruin all.

陳記的燒鵝很新鮮，價錢合理，中午過來食午餐，除了有午巿套餐選擇外，還有各式燒味飯，油雞和燒鵝髀是最好食的，午餐還配有餐飲，幾抵食的。不過餐廳服務就一般，態度有待改善。

一個人下午茶我一般都會揀茶記或者coffee shop，前者貪其快及平靚正，後者就係想 hea 下，今日突然想食燒味，就近近地去天晉匯嘅深井陳記燒鵝試吓😙門面裝修沿用番傳統中式設計，裡面坐位佈局其實同一間茶餐廳無異下午茶餐主要都係燒味湯粉麵類及少數炒粉麵等，不是太多選擇，但黎得陳記燒鵝，當然又唔可以同一般茶餐廳咁多元食品比較🎉🔻一個人就咁叫左個燒鵝拼叉燒湯瀨粉➕一杯熱奶茶，燒味唔算多，但挾住深井陳記燒鵝名聲，呢個份量應該差唔多，起碼係燒鵝唔係燒鴨囉，至於杯奶茶，質素的確係比傳統茶餐廳略為遜色，以$50價錢黎講，算合格啦😂

天氣炎熱，實在唔想買餸煮飯洗碗。但晚餐始終要食，咁點算好呢？突然醒起附近明明有間陳記喎，食燒鵝都好呀！燒鵝（半隻）味道唔錯，不過就略為細隻。比起同區某間酒樓，陳記呢隻質素好好多⋯啫啫通菜煲呢個超級有驚喜，炒得夠鑊氣，上菜時熱辣辣、香噴噴。而且賣相唔錯，通菜依然翠綠。味道唔錯，肉碎醬汁個調味非常惹味。————————整體感覺環境：清潔衛生，枱夠闊略，坐得舒服。但係冷氣太凍太大風，要帶返件外套⋯食物：味道、賣相、份量都正常，值得👍🏻服務：上菜快，待應姐姐招呼唔錯

叫了燒鵝四寶飯，全碟共有四件燒鵝，但都是得塊皮加骨和肥膏，還說自己是金牌燒鵝 ，簡直不是人食。職員態度又差，通知該店負責人黃經理， 不承認燒鵝有問題，還叫客人可向深井陳記燒鵝總店投訴，沒有顧客服務可言，不會有下次幫襯。

呢間鋪都幾大間，人又通常唔算好多，疫情下堂食都較安心。不過我今次只係外賣燒鵝，此店的燒鵝真的很出色，我見他斬給我時，燒鵝還有煙出，證明真係好新鮮出爐，外賣一隻分四個外賣盒給你，真係好大隻。燒鵝拿到回家還暖暖的，鵝皮還有點脆，叫了多燒鵝汁，用來餸飯一流，超好味！