深仔記茶餐廳

營業中

休息中

旁邊的川菜截咗單，見呢間茶記未收，就入去試吓個麻辣雲吞撈麵，點知就中咗伏… 雖然圖片只供參考，但真係同個實物毫無關係… 個麻辣醬就咁一pat, 好明顯係廚房買現成返來直接用，仲要買隻唔好食既… 唔麻又唔辣，得少少咸咸地… 個麵食到成口油，又煮得太過、好淋… 雲呑d 蝦都爽口，但都係食到成口油… 餐廳衛生都好麻麻，張枱油都唔只，連張梳化都有食物的漬… 仲話係老字號… 真係得個名… 如果唔擅長做麻辣，就唔好跟風做，食物質素咁差，咪只會做壞自己個招牌…

這間茶餐廳我不嬲都覺得衛生情況麻麻，menu 油淋淋、梳化有飯，碗碟污糟，不過D嘢都幾好味，所以有時放工也會去食。今晚放工約六點半我到這間餐廳叫了個福建炒飯，差不多吃完之際，發現有一樣古怪嘅嘢，啡黑色，似蜆殼，心想福建炒飯不應該有蜆吧，我用鐵匙羹攪一下，嚇呆了竟然是一條蟲，網上查過應該是水蛭，立即覺得反胃。最差係跟侍應說了，他們好似無感覺，只說不好意思，我都唔知，取消單吧，剛巧我家打電話給我要我立即回去，不然我不會放過他們，一定報衛生署。我以後也不會來，也奉勸大家千祈要小心，好吃無用，健康最緊要。

今日點了個煲仔飯+煲仔菜，先講呢個煲仔飯飯底係濕既，完全沒有飯焦，可能我本人見識少未食過冇飯焦嘅煲仔飯啦，另外再講個煲仔菜雜菜粉絲煲，我個煲仔飯已經食咗一大半，都仲未嚟，跟手就問啲姐姐，但班姐姐太過繁忙，忙着圍埋吹水，叫左一陣先有人應，謝謝回應我即到，但都等左大概7-8分鐘，可能都係我本人見識少，原來整一個煲仔飯係會快過整一個什菜粉絲煲，粉絲煲到咗後，發覺呢個粉絲煲真係世界級，百鳥歸巢咁嘅款，再三強調本人真係見識少，第一次食到有蕃茄嘅粉絲煲，再加紅黃青椒，真係好有特色！如果大家唔係太肚餓，太想食飯嘅話，都可以入嚟見識一下！真心唔想有其他人中伏！

天氣一開始涼涼地就會好想食煲仔飯，雖然近排又熱返😂so far食過咁多間煲仔飯都係唔夠自己阿爸煮嘅好食🤫大家有食過好食嘅煲仔飯留言話比小編知🫣.🍚臘腸滑雞煲仔飯 $72本身餐牌就fix咗係跟臘腸，但唔知有冇人同小編一樣係鍾意食潤腸多啲🤭問伙記可唔可以轉，好爽快答應咗🫡睇相都見到真係好足料嘅，絕對對得住個價錢，啲雞都幾多幾滑幾入味🥳唯一缺點就係冇咗煲仔飯種焦味🤣.🍚鳳爪排骨煲仔飯 $72唔知點解啲鳳爪勁橙色，感覺不太自然😂整體感覺都係差唔多，唔係特別好都唔係特別差，感覺有啲似蒸飯而唔係煲仔飯，都冇乜飯焦可言🤣但係幾抵食嘅😉.💰人均消費：～$80.🍽味道: 2.5/5🏙環境: 3/5‍👨🏼‍🍳服務: 3/5💧衛生: 3/5💰價錢: 3.5/5

小菜質素非常高甚至好食過一些酒樓中菜小館，環境乾淨舒適坐得舒服，侍應服務員都有禮，一定會再去。下次想試下佢啲鋸扒，見到隔離叫好似幾好。香港叫得好食嘅茶餐廳真係唔算多，大家好好珍惜。

一碟好嘅乾炒牛河離唔開兩個因素：1.鑊氣充足而𣎴油膩2.色澤均勻牛肉有味傳說每個地方都有一間隱世食堂，但知道嘅人都避免周圍分享，因為擔心一旦公諸於世，呢個地方就𣎴再隱世，連帶食堂質素同感覺都蕩然無存。𣎴過我覺得自私正正就係人類退步嘅根源，所以我決定將一間隱世食堂講出嚟，將當中出色嘅乾炒牛河都坦蕩蕩公開！失敗嘅乾炒牛河總喺碟底有灘油，食完會令到雙唇變潤腸，鑊氣唔夠河粉又癡埋一舊。而呢個食堂嘅 #XO醬乾炒牛河 就令我有種驚艷嘅感覺，河粉每條分明又上色，火喉足夠令河粉夠嚼口，配合唔太辣嘅XO醬昇華味道層次，但味道又唔會濃郁到殘留喺口腔成個下晏，順手食埋配角牛肉片，發覺唔係用鬆肉粉搞到淋到唔似係乜肉片嘅肉，食得出有過油，令牛肉片有牛味有咬口！試埋檸茶同奶茶，就知道呢度嘅水吧同樣有返咁上下！總結咁講，呢碟乾炒牛河就係細細食到嘅好食乾炒牛河，大個之後就發覺唔係人人炒到嘅嗰種牛河。縱然主要客群𣎴再主要，但憑住出色嘅鑊氣炒功，仍然有唔少街坊捧場，久唔久仲會有新客加入，我就係其中一個。時：Lunch Time

今日黎尖沙咀做野，下午茶嘅時候黎左呢間叫左個 瑞士雞髀 + 薯條 +凍奶茶瑞士雞髀勁肥但又勁鞋，唔知煮左幾耐最神奇係煮咁耐都完全冇味，個髀成陣雪藏味同腥味薯條白雪雪油淋淋，好明顯油溫太低，炸得唔夠火喉。啲薯條吸曬油，一啲都唔香口凍奶茶少甜都係甜，成杯野冇奶茶味冇奶味，好似飲緊杯糖水咁

店員十分之有禮貌，店舖都幾大，好多卡位坐，座位好闊落舒適，裝修簡潔令人很舒服乾淨臘腸滑雞煲仔飯$78套餐仲包中湯蘿蔔青紅蘿蔔湯配埋飲品天氣凍凍地最適合食煲仔飯，食煲仔飯就一定諗起臘腸，煲仔飯好好食，有飯焦，即叫即整，落豉油的時候仲聽到治治聲，十分香口，雞亂畫入口好味，臘腸簡直不得了👍🏻家常小菜～蜜椒薯仔牛柳粒$88套餐中通配飲品牛柳粒份量都比較多好惹味，薯仔有點焦脆的外表，炆得好琳，成碟都炒得好好味👍🏻淨水餃🥟$40油菜水餃有五粒，保持水準都好好味👍🏻我見餐牌好多滑蛋叉燒系列下次一定會試

常聽說澳牛的滑蛋好有水準，所以吸引不少人排隊潮聖，但原來澳牛前主廚已經轉戰到深仔記茶餐廳，還沒太多人知的時候，不用和大眾逼爆，就先去潮聖一下，才發現除了滑蛋，還有其他值得推介的美食。******************************深仔記茶餐廳位於人潮旺多的尖沙咀區，附近不少商業大廈，白天都不少上班一族。茶餐廳附近有不少食店，選擇眾多，但晚巿還是有其吸引力，也有食客前來品嚐。深仔記茶餐廳的座位一點都不少，還有些6人卡位可以安排入座。餐廳光線充足，坐位也舒服。餐牌由早餐，下午茶，晚巿，除了每天指定套餐，還包括中西式粉麵飯、鐵板餐、特式飯麵、魚蛋粉麵都有供應。飲品一般餐茶都有供應，最特別就以紅豆配豆花或涼粉的茶飲，可以選上奶茶、咖啡、鴛鴦作為茶底，跟餐只需加HKD14就可以加配，確實不錯。來到潮聖，當然要以滑蛋為主題去點菜，滑蛋鰻魚、滑蛋叉燒、滑蛋撈麵、滑蛋三文治…，樣樣都想吃，最後大家在眾多款色之中決定選上幾款，一齊共享。迷你三寶 HKD15，可以試齊雲吞、鳳城水餃和魚蛋，先呷一口湯底，清甜無比，雲吞仲要全部都係蝦，無論水餃還是雲吞，蝦都非常彈牙。魚蛋都一樣彈牙好食，迷你三寶剛

係尖沙咀shopping完想食平少少，見到依間茶餐廳入面座位坐得幾闊落，而且價錢實惠決定一試係香港好少見到有鐵板餐，仲有特色忌廉湯 $88真係好抵咁。首先個湯，對比起其他餐廳依到加咗鮑魚素翅落個湯度，好足料啖啖湯都有鮑魚絲。望下塊扒，大大塊，煎得外脆，肉質軟腍，真係超值！我個朋友就想食中餐，叫左肥牛粉絲煲，個底好多肥牛，配飯一流飲品方面叫咗紅豆豆腐花奶茶冰，顧名思義即是將紅豆冰+豆腐花+奶茶，三合為一。原先會以為好奇怪，但豆腐花配埋紅豆好夾，唔會好死甜

我真係想講呢間嘢到底點做㗎真係超級難食，四個人食全部都覺得好難食😭我一個朋友已經係唔揀食，個炒飯食到一半真係食唔落去，好難食😭瑞士汁公仔麵冇瑞士汁，d意粉根本連冇牙都食到，餐跟嘅飯又隔夜冷飯，真係痴線 講真，又唔係話收得平，跟個凍飲要6蚊，上到嚟係頹飯就算了，仲勁勁勁難食，第一次俾差評😭😭好伏啊！！！

咁啱喺尖沙咀做嘢，好肚餓，夜晚想食埋晚飯先走，又想揀啲性價比高啲嘅餐廳，就醒起亞士厘道有深仔記茶餐廳，最近成個品牌都唔同晒，小清新路線，原水鐵閘風格，坐得舒適！雖然夏日熱辣辣，都可以嘆住冷氣食煲仔飯。今次就試吓呢款比較特別嘅鰻魚煲仔飯。日式鰻魚煲仔飯$78包例湯紅豆冰加$14煲仔飯都唔算要等好耐，佢每一粒米都好乾身，香氣十足！上面兩塊鰻魚仲可以自己加入鰻魚汁，香滑又唔會太dry，估唔到都幾match。另外例湯有雞腳蟲草花，材料十足，好入味，以形補形。乾炒牛河$60 條條分明，鑊氣十足，加上一片片牛肉和芽菜，牛肉鹹香及更有口感。+$8菠蘿冰汽水加菠蘿冰好清新，分量豐富。忌廉芝士焗班腩$88鍾意食芝士嘅我哋就叫咗款忌廉芝士班腩，都幾滑下，特別係多汁嘅地方；有啲部份係表面，冇乜點沾上忌廉芝士汁嘅位置就比較香脆。雖然係茶餐廳，但佢服務態度都唔錯，而且環境同埋洗手間都比較乾淨，人均消費幾十蚊已經好豐富！

原來呢到新開左間茶餐廳，個裝修好靚!特別係個霓虹燈牌。叫左個蝦仁叉燒滑蛋飯，好足料，好多蝦仁同叉燒，蝦仁係大大粒，食落都幾彈牙。叉燒望落都好靚仔，邊邊仲有燒過，幾好食。飯中間會有甜豉油。蛋係好滑身好嫩。個蛋好好送飯，一啖接一啖咁食。乾炒牛河炒得好有鑊氣，一黎到就好香，牛肉份量都幾OK，又係咬落去好嫩口。完全滿足食茶記既心!!西多士好有驚喜，入面既花生醬係有埋花生粒，所以好有咬口，同埋更加香，配埋牛油同糖漿真係世界級好食!!推介! 奶茶紅豆冰都好好飲，茶底幾濃。

深仔記茶餐廳 📍尖沙咀亞士厘道29-39號九龍中心大廈地舖CP值極高既港式茶記👍🏻茶記都有煲仔飯食👀即叫即整～大概等30分鐘北菇滑雞煲仔飯$68 追加左排骨+$10 性價比超高😬 真真正正既煲仔飯🤤由生米煲成熟米～上枱熱辣辣出哂煙冬菇大大粒炆到好淋好入味🤤雞件好滑～排骨好夠味菠蘿咕嚕肉$78 跟飯同湯咕嚕肉肥瘦均勻～香脆可口❤️配上蔥、洋蔥同菠蘿酸甜開胃跟餐例湯：青紅蘿蔔豬骨湯～足料招牌蔥花滑蛋三拼$60按自己喜好簡材料我就貪心D🤭叫哂3款叉燒、牛肉、蝦🤝好豐富滑蛋炒得好滑🤣成碟食哂迷你三寶$15鳳城水餃、魚蛋、雲吞三併$15湯底好正✨餃子🥟雲吞好足料下次會再來試試粉麵❤️紅豆冰特飲🫘系列+$14涼粉紅豆冰奶茶🥤味紅豆🫘棉軟配上QQ口感涼粉配搭埋香濃港式奶茶☕️好正凍檸水+$3 ✅埋單人頭百零蚊✅抵食又坐得舒服真係幾唔錯港式茶記👍🏻#深仔記茶餐廳 #深仔記 #尖沙咀美食#香港茶餐廳 #茶餐廳 #茶記

“窩蛋牛肉煲仔飯+排骨”($68+$10)“芝士汁撈公仔麵配香滑炒蛋”($56)“紅油抄手”($40)尖沙咀深仔記茶餐廳最近大裝修過招牌用上大大個霓虹燈牌好sharp☺️餐廳入面有啲懷舊鐵閘做裝飾同時又帶點小清新嘅cafe感2者又配合得唔錯,完全唔會兀突睇睇餐牌發現食物種類超多雲吞麵,茶餐,炒粉麵,小炒,鐵板餐就連煲仔飯都有😍雖然過咗中秋仲係咁熱但都忍唔住叫返個🤣揀咗窩蛋牛肉煲仔飯另加排骨🐮大大煲飯入面舖滿超多牛肉同排骨加上窩蛋,豉油一齊又點會唔好食☺️個飯唔會太濕,食到尾啲飯焦超正😝另一份就叫咗好耐冇食嘅芝士撈丁🧀可以喺雞扒/豬扒/雞翼/吉列魚柳之中選擇我就揀咗要雞扒🐔😋雞扒外層微脆,入面肉質算滑唔乾柴😙芝士味唔會太濃太膩,岩岩好呢道嘅芝士撈丁最正係配埋炒滑蛋😍最後仲要咗份menu推介嘅紅油抄手雲吞大大粒,皮薄豬肉餡飽滿🤩配上紅油夠哂惹味☺️跟餐加配特飲都只係加$14☺️飲返杯奶茶涼粉冰就夠哂解暑😆