深仔記茶餐廳

營業中

休息中

夜收工，9:20入到餐廳問仲有無堂食，女職員答仲有，10點先收舖。於是諗定拿拿聲叫野落單食完走人。戴眼鏡年輕男職員，落單時已經一臉唔耐煩，黎到無樣野係岩。好彩同另一職員反映，有即時同廚房跟進。戴眼鏡年輕男職員連埋單收錢都係粗聲粗氣。可能呢位職員番工番到好累，試問人地食客又何嘗唔係？將心比己，俾錢食飯仲要受餐廳員工既氣，好似點都講唔過去。埋單走個陣，見到仲有幾枱早過本人黎到既食客，仍然慢慢食野傾緊計。

夜收工，去到餐廳已經9:20pm，問清楚仲有堂食話收10點，諗定拿拿聲叫碗粉食完就走。戴眼鏡男同事落單，野食同飲品黎到無樣岩。同另一位同事反映後，該同事即幫手入廚房睇下換唔換到。期間戴眼鏡後生男同事不斷細細聲講”10點山門嫁啦嘛”等，不明用意既說話。可能呢位同事番左成日工都好累。但將心比己，食客都番左全日工，靜係想快手填飽個肚，請問仲需要俾錢買難受受你氣嗎？如果入店前講左唔再接堂食，相信食客都會理解。

叉燒蔥花滑蛋飯 $54配熱飲一杯好味指數 5/5 🍭🍭🍭🍭🍭{食過好多叉燒滑蛋飯 e個係最冇得彈既 叉燒肥瘦均勻 蛋非常香滑 再配上自家既醬汁 味道非常合襯 叉燒同蛋既份量亦很多 😋😋😋｝下午茶：乾炒牛河 $45配熱飲一杯好味指數 4.5/5 🍭🍭🍭🍭🍬{炒河夠獲氣 雖然係下午茶 但份量都好多 牛肉入味 肉質不會太乾 整體唯一缺點 就係好多油｝

突然被安排跟同事同時間放飯所以被捉出去一起吃了她說想走遠一點點去吃深仔記深仔記在下印像中真的好遠 😅但她喜歡就好了但原來這深你記不是在下知道的深仔記這是深仔記茶餐廳😮那..他們兩家是朋友來的嗎？🤔本來也想說不太好胃口可以吃個熱麵就算但既然是茶餐廳又讓在下改變主意來吃個邪惡的吧金沙朱古力西多士$33一件西多要$33有點瘋狂啊$33可以叫一個餐（在下的思想停留在10餘年前）不過自己想吃便吃太多顧慮和怨言大概會更短命西多士很快就到朱古力多到整塊黑會不會膩死呢😅沒想到最後是還好的大概是這幾天有強烈的朱古力慾望的關係朱古力太多 蓋過了牛油的香氣切開時沒有熱辣辣 也沒有脆脆的皮有著是柔軟的方包口感和..濃濃不斷的朱古力味濃濃只有朱古力味..再來杯熱薑檸樂 +$6想說消消氾濫的朱古力膩好像沒什麼味..朱古力還依附在味蕾上不願離去不過熱薑檸樂這東西在下還是人生的第一次甜甜的..沒了熱可樂會沒了氣 這是一個化學作用～大致上不過不失吃飽飽才是最重要而且這是讓在下發現新地方呢亞士厘道的一家風味茶餐廳👍

關於雲吞，關於麵，質素對本人嚟講，正常，放得入口，呑得落肚。但服務，真的有驚起！驚訝到了不起！！唔信嘅，親身去體驗吓（利申：千其唔好比信用卡呀！遇上捲毛四眼仔幫你收錢的話，會機械人話音播放式並不屑地鄙視你唔知道佢哋唔收visa master架*喂！又話始創又話專家嘅店舖但唔收信用卡咁特別實知啦）

早餐沙爹牛，鹹到腎虧，杯奶茶完全冇茶味，少甜都超級甜，雲吞酸嘅，應該放到變質師傅都唔知，服務唔得，唔知點解依家變成咁，以前服務，食物都keep到水準，好失望啊好失望，好失望啊好失望

間唔中都會去亞士厘道搵食，接近晚飯時間都未算多人，係門口見到佢啲炒蛋相好滑好吸引咁😍雖然呢間係茶餐廳，但望落都乾淨企理，仲有唔少卡位，我哋就放心入去一試😂·🐣招牌炒蛋及瑞士汁撈公仔麵配瑞士汁雞脾($54)炒蛋果然無失望，好滑好香蛋味🤤瑞士汁雞脾都夠入味，大大隻，好耐未試過拎住成隻雞脾咁食喇，唔好笑我無儀態呀🤣😆撈公仔麵每條麵都好均勻撈到瑞士汁👍🏻望落以為細細份，但食落真係好飽，我食唔晒啲麵😂套餐包左一杯熱飲，呢個價錢算抵食啦😌😌

尖沙咀收工後一個人就去咗食深仔記嘅晚餐,好耐冇食蒸肉餅,所以就叫咗個鹹魚蒸肉餅食,蒸肉餅嘅份量都正常,不過肉餅就比較多油,入口都好鬆軟仲有好香嘅鹹魚味,尖沙咀晚餐60蚊有找真係抵食

次次來尖沙咀shopping 前必食，本人算幫襯得最多嘅茶餐廳叫咗正雲吞細細粒擺入口好方便！鮮蝦彈牙！油菜係通菜，腐乳放邊！冇黑名買青BB好靚仔新鮮奶茶正正常常，幾好！但其實所謂嘅正正常常唔係間間茶餐廳做到但係呢間就收到埋單係$50超底

最近好想食熱辣辣既燒味飯，又唔想乾噌噌食飯，於是係友人推薦下黎到尖沙咀「深仔記」，聽閒係前澳牛+曾任職米芝蓮餐廳大廚坐鎮，咁當然唔好錯過啦～😏😎蔥花滑蛋叉燒飯$54 首先，碟野一上黎就知道今日一定滿「飽」而歸😂😂份量十足，好大碟👍🏻另外，滑蛋火候控制得岩岩好，仲有流心蛋汁，而且叉燒肉味濃帶蜜汁微甜味🤤，暫時食過所有茶餐廳，最好食既蔥花滑蛋叉燒飯就係而間，會再黎試哂其他出名野👍🏻🤤🤤

今日路經尖沙咀，由於太耐無食過茶餐廳，於是黎到「深仔記茶餐廳」，聽聞餐廳由前澳牛廚師同埋曾任職米芝蓮餐廳既大廚坐鎮，咁就要試真啲啦😎😎😎今次叫左芝士撈丁+炒蛋+魚柳（$54）～首先，要高度讚揚個炒滑蛋，功架十足，啲蛋零舍嫩滑，另外芝士係用左一整塊芝士，而唔係單單芝士粉，有少少拉絲，而魚柳都炸得好脆，難怪吸引了路少客人慕名而來，睇黎我都會做埋長期粉絲，來tst既飯堂之一🤣🤣🤣👍🏻👍🏻👍🏻

行到熱辣辣，都要找個地方坐坐。時間啱啱好，下午茶抵吃*瑞士雞髀配薯條雞髀夠色澤，肉質又嫩又滑。薯條即炸熱辣辣，加了脆漿去炸，食落特別脆口*西多士配雞中翼西多中間加了粗粒花生醬做餡，唔加糖漿都夠味道，啱晒鍾意口感嘅我*奶茶不算香濃，入口滑而不黏口，算唔錯～

價錢合格 但服務態度極差～～基本上黑口黑面 不會說話 落完單會張單飛落你張檯 其他人行行企企 唔係因為忙。只此一次～唔想再受氣！ 正式做就36 唔做就36！衰到貼地。食物方面 standard 茶餐廳

以前成日喺尖沙咀工作，海港城附近條街亞士厘道係好多餐廳好多嘢食，記得以前呢個位置都係一間類似茶餐廳嘅冰室，諗住重回舊地示範，點知經過見到好多舖頭都轉左，就試吓呢間新開嘅深仔記茶餐廳，去茶餐廳，返茶餐廳應該叫嘅食物，點左炸雞中譯配西多士，另外點左碗麻辣黑柏葉雲吞麵，因為我鍾意食辣所以點左呢碗，感覺佢只不過係雲吞麵另外自己加咗少少辣椒油落去，但係個價錢就貴過一般雲吞麵好多，好似差唔多$70？＞＜‘ 咁又真係有少少貴喎。另外朋友點左嘅炸雞中譯同西多士，佢話整體都唔錯，只不過真係油膩左小小，感覺食咗好多油落肚，不過咁邪惡嘅嘢食間唔中食下都可以嘅～^_^’

星期五20：45入去食飯，員工提咗十萬次九點三要交枱，ok食完走。想嗌小菜又話師父收咗工，食食下飯一大陣煙味係門口攻埋黎，望一望原來全部員工企正門口食煙。趕住收工唔好做生意囉！倒米伙記。😡