深仔記

營業中

休息中

今天下午茶我在官塘深仔記(是工厦店)買了雲呑麵和熱檸茶外賣，我飲檸茶一向都落4至5包糖，因為我會認真篤檸檬，以一杯三片檸檬的熱檸茶，要4至5包糖才會好飲，一般人1至2包糖，因為他們受薰陶(薰陶他們當然包括商家)，視糖為洪水猛獣，祗能吃小小，其實茶記嘅食物本來就不健康，看看干炒牛河吃完後碟底成氹油(當然不是花生油)就知有幾唔健康，吃幾包糖又算什麽呢？事實上糖能提供能量，亦能给人有快樂的感覺，一杯被認定好飲的可囗可樂就含有7粒方糖(约相等於7包糖)。飲檸茶檸水他們篤幾下就算(白白浪費了3片檸檬)，當然落1至2包糖都可以，如果認真篤檸檬，1至2包糖根本好難飲。因此我攞多4包糖放進外賣袋裏，突然間遠處有個大約二幾歲的女侍應破囗大駡我，骂我攞糖要收錢，仲叫我以後唔好嚟買外賣！其實連包糖都咁孤寒嘅茶記，都唔荒會比乜嘢好食材比客人吃啦！難怪近來咁多香港人寕願北上消費！

今日星期日帶完小朋友去興趣班，去附近食嘢，食完出邊就落大雨(係落到倒水甘），當時大約下午二點半左右，假日觀塘區人流係唔係繁忙的，小朋友食完就想訓，見無人等位（間餐廳大約只有1/2至 2/3什至更少人坐緊），出邊下大雨，所以我就俾小朋友係我大脾訓一陣，我地2個人係坐一邊卡位，而對面卡位我只放左把縮骨遮係旁邊。坐左大約45 分鐘後，有個職員大媽阿姐，係度單打我地，同佢d 同事講，嘩俾個細路係度訓霸住哂個位，仲放把遮係對面霸哂（把縮骨遮已經係收好的，只放旁邊）。當時係無人等緊位，仲有其他位吉的，外面係繼續大雨。其實佢要我讓出個位俾返佢，同我講餐廳唔俾人坐甘耐，係可以大大方方同我講，好樂意立即俾返佢，完全無hard feeling ，因為的確坐耐左，並唔係用依個單打方法囉。我都想食完就走帶佢返去訓，我未食完出邊已經落緊大雨啦，大佬。原來一個3歲小朋友食完嘢休息一個鐘多d 都係容不下(外邊仲落緊大雨），要用到單打人地同人地講佢介意霸住佢地個寶貴卡位，真係又開眼界，間餐廳請到甘趕客的人我真係祝福佢。

炒蛋三文治上桌了，炒得超級滑溜的蛋，尚有少許蛋漿在內，那種細嫩的味道真是無與倫比。吐司是厚片的，脆而鬆軟，配炒蛋吃真不錯。超美味的炒蛋多，只有老店才做得到的口味，我也一定會再來吃的。

其實我是深仔記的常客， 平時都沒有什麼服務態度只為求食餐快飯， 食物質素都可以每一次都覺得ok嘅，但今次服務態度真係好差， 未食完已經不停催你走， 十二點幾嘅時段都唔係話好多人，就不斷叫你坐埋一邊，其實我仲有兩啖就已經食完可以走🥲， 跟住我同店員姐姐講我仲有兩啖好快好快，她答“好快好快”，然後就用非常不友善的眼神望一望我， 令到我很有壓力，連咖啡都不想飲，但係其他卡位都係兩個人一台佢又冇叫人哋坐埋一邊😅， 點知到我食完埋單的時候，店內仲有兩張卡位是空出來的。 我明白中午時段會好繁忙，但係都要睇下有沒有客人，如果仲未有太多客人的時候應該比其他食客食過安樂茶飯吧！我食黑松露汁煙三文魚飯， 味道普通，但份量可以食飽。我以後都唔會再去了！

星期六有節目，家人想去官塘工廠買波鞋喎😀let’s go go，下午 2 點幾、有啲疲倦，途經駿業里 「深仔記茶餐」聽聞不錯，馬上試試下午茶餐先睇吓餐牌，有多士、三文治、飯、麵、等等可供選擇家人推介呢間餐廳嘅雲吞麵好食，咁我就試吓鮮蝦雲吞撈麵啦！ 小小雲吞，食落去啲蝦同肉都係新鮮好食，麵好彈牙，個人覺得有微微梘水味，都可以接受的鮑汁雞腳麵 嘩！有 5、6隻雞腳，炆得好淋，慢慢咀嚼，食很好滋味😋再來一碟菜心 加 腩汁，嫩綠 好食

成日行過都比啲香味吸引到，今日終於有機會一入餐廳第一下感覺不是太好，光線不是太光猛，加上地下比較多紙巾垃圾，但餐枱還可接受，尚算乾淨，但客量都算比較多！餐廳主打雲吞麵，撈麵，但今天比較想嘗試一下小菜！小菜選擇大概有10至15個左右，兩個人叫了兩道菜，各加了$15有飯有湯！起初都不是抱太大期望，誰知有驚喜！上菜快，份量超級多，仲要熱辣辣，鑊氣亦都好足夠！觀塘深仔記地點方便，如要去地鐵站，可行去APM，行大概10分鐘左右，樓下亦都有多條巴士線路，附近收工的打工仔可以不妨一試！

今日喺公司附近買外賣 同事話呢間餐廳嘅雲吞麵好出名好好食，咁我就試吓啦！我見到佢有鮮鵝腸 好想食🤭 咁同事又話雲吞好食，我就叫雙拼！麻辣鵝腸雲吞米線 $49 雙拼再加$10= $59鵝腸真係好新鮮 係脆口嘅！份量唔少㗎 真係幾好食，連雲吞都唔錯，佢唔係話好大粒嗰隻，但係食落去啲蝦都係新鮮好好食👍🏻 麻辣湯底我就要咗小辣，佢個麻辣醬好香，不過略嫌湯底有啲油我見有啲食評話價錢都貴，但其實呢個質素算唔錯㗎啦，而家出面食碗麵都唔平啦🤭🤭

由舊居元朗食到觀塘主居返工又係繼續食😂真係好似7仔老麥一樣總有一間係你附近😂今次簽完約又未到同朋友見面嘅時間決定食多一次🥬腐乳空心菜 空心菜爽口 帶少少草青味腐乳醬望落有少少稀但點完食落口發覺係有原因嘅太濃郁反而會變得死鹹依家啱啱好帶點辣味係口腔迴盪🍜京都炸醬+南乳豬手麵南乳醬好濃郁豬手軟糯炸醬份量多 帶點辣味麵嘅碱水味依然好重唔係人人都會接受但換其他麵底又會變得普通所以魚與熊掌 唔係經常可以兼得㗎🤣

心血來潮想係觀塘食雲吞麵，第一時間諗起深仔記，又近地鐵站，好方便！本身間店入面都逼，加上防疫間晒透明板，坐得有啲侷促，唔知點解大家都習以為常咁，一個卡位對面各坐一個人已經踢晒腳，唯有將就一下。點咗個牛腩雲吞撈麵試下，但牛腩有啲韌，而且味濃，我唔太中意，而雲吞就正常好食，蝦肉同豬肉爽口好夾。另外點咗碟菜心，出奇地好食！

搬左新Office之後，斜對面就係深仔記，同事話佢啲午餐飯幾好。呢日一個人就行左入深仔記食個quick lunch。裡面啲位偏窄，坐得唔係好舒服，建議餐廳可以抹下啲透明隔板，上面有太多痕跡，感覺唔多衛生。最終叫左個重慶黑柏葉拼雲吞撈麵（66）加杯熱好立克（+6）一共72份量一般女仔夠食，但男士就未必夠啦。雙拼雲吞係3粒，放係麵下面，另外黑柏葉份量有啲少，麵黎講幾彈牙爽口嘅，但我未必會再食啦以呢個價錢黎講嘅話

深仔記位於觀塘駿業里6號富利工業大廈A座地下， 其實觀塘不缺茶餐廳， 但好食的不是太多間。 之前食過幾次深仔記都覺得款式多， 今次試下下午茶📋 ～ 金錢肚拼雲吞麵$52、 京都炸醬撈麵$47、 子薑皮蛋$10、 凍奶茶$3、茶走。 📍凍奶茶🥤 ～ 凍奶茶順滑， 幾好飲。 📍茶走☕ ～ 茶走甜度適中。 📍金錢肚拼雲吞麵🍜～ 雖然份量唔大碗， 但精髓在於湯底， 有香濃的牛肉湯味，再加上花椒八角， 金錢肚軟腍惹味， 雲吞蝦肉爽口。 📍京都炸醬撈麵🍝 ～ 喜歡甜甜辣辣的味道，中辣少甜醒胃好味。 📍子薑皮蛋🥚 ～ 子薑太大塊，如果可以切細塊一點就比較好。 整體不錯，種類多又幾好味。 🏷️溫馨提示～ 整個用餐體驗均屬個人分享意見， 只作參考😊。

蝦仁炒滑蛋飯（$62 單點價by 外賣apps)賣相：🐧🐧🐧味道：🐧🐧🐧蝦仁炒滑蛋直接冧在飯上，同放在一個膠飯盒內。滑蛋汁跟飯比例相約，飯量約正常一碗份量。蝦仁約莫十隻左右，另有大量菇、韮黃作伴菜。味道方面，蝦仁明顯為冰鮮蝦仁，口感爽口彈牙，但雪味重，無蝦的鮮味。滑蛋汁入口嫩滑，蛋味頗濃郁，鹹度適中，伴飯剛剛好。飯因滑蛋汁直接淋面，因此偏冧變爛。菇片口感偏滑，菇味淡薄。韭黃細軟入味。外送等候時間：🐧🐧🐧🐧在假日晚上7點幾下單，約需時20分鐘，與預計時間相約。🐧❤️結語：質素一般，價錢略貴。

行過見廣告相 麻辣牛肉同雲吞 好似好正咁天氣咁凍 啉住食辣野可以保暖一點就兩個人入去試試 從未寫過食評的我 因為今次呢間食店 我忍不住要開筆寫 因為實在太差了 因為疫情問題 加上年初七 下午兩點時份 店內完全不多人的 我們二人坐底後 點了兩個小食 麻辣牛拍葉面 同 麻辣雲吞 等了三分鐘左右食物送到我們面前 嘩……簡直同相片完全兩回事先唔好講味道 食物來到 完全唔熱 覺得係煮完放置好耐才攞出嚟完全唔掂😢😢再嚟試個味道 簡直唔覺有麻辣味 食落似只係加咗辣油便算 簡直垃圾中之垃圾

有時唔知食乜好，想食清清哋就會嗌佢哋嘅水餃，用外賣app落單仲有額外8折，真係幾抵食架！淨水餃(5粒)$38粒粒都好飽滿，入面有豬肉、蝦、木耳絲，一口咬落去食到好豐富嘅口感，調味有啲鹹，但佢嘅皮好薄！但係咁先滿足！有啲似雲吞皮，我中意食港式水餃因為佢皮薄餡多，好怕水餃係係皮厚又冇味以前係用膠盒仔裝辣油手，而家轉左係李錦記失色左。嗌埋油菜都係40蚊但係如果大食嘅朋友可能就唔夠啦可能要嗌埋麵先會夠飽～

由牛頭角行去觀塘 每次等過馬路時 呢間餐廳總會映入眼簾👁 但係因為佢嘅大門有啲隱蔽 加上外牆殘舊 所以都冇特別想入去試只係今日睇到佢嘅下午茶餐牌 有想食嘅西多士 就衝左入去啦🤩 另外在叫咗個XO醬雞扒炒公仔麵西多士- 金黃色好吸引 切到四四方方嘅牛油🧈係西多士嘅精髓 最鍾意喺茶餐廳點呢個 因為佢嘅糖漿就放喺隔離任落唔嬲👏🏻👏🏻👏🏻👏🏻👏🏻 XO醬雞扒炒公仔麵- 難得地炒得乾身唔算油 不過味道稍為俾佢嘅顏色淡 加少少辣椒醬一齊食會更加好味奶茶紅豆冰- 奶茶偏奶 茶味唔算好濃 但要淨係佢啲紅豆 粒粒圓潤💕 唔會爛晒但原來呢間入面嘅環境裝修都好新淨 坐得舒服 咁嘅價錢冇得彈