深仔記

營業中

休息中

依間店都開咗好一段時間都幫襯過多次之前收晚上九點個多月前已經多了宵夜時間收深夜兩點今晚十二點後來食，入來見到員工在拖地，唔理照坐低睇清楚！居然全場得我一個食食下都多咗一個客今日我食既係豬手麵不過今天的豬手就感覺不太好，就真的有點失望一來南乳味不足二來是其豬手自身偏瘦！全部都係骨尖位而且也是炆煮得未夠軟淋連塊皮也不軟滑甘香，試問內層的肉又好吃得去哪兒呢食落去豬手的確肉少骨多得啲皮包住豬腳筋同骨唉！只有一味係度吮骨你地睇吓張照片就知...竹升麵一如既往嘅水平, 比較彈牙比較硬身, 湯今天似乎唔夠咸，早知加腩汁！因為印象上次豬手炆得超淋同好入味 wow所以今天再叫，好遺憾今天俏失水準了！所以味道只值三粒星其他服務及環境仍然不錯但又未至於到五粒星既...

放假之前總是忙，忙到連lunch唔記得食，轉眼已經係tea time！同同事係公司附近間深仔記食個tea充充電，點了2個餐share食。淨雲吞一碗有8粒都算多，大大粒咁，每粒都有隻大蝦，爽口加上冇乜肥豬肉，雲吞皮薄，非常推介，性價比高！芝士咸牛肉豬仔包咸牛肉少得可憐，打開望一望，嘩！好似嘔吐物咁！食落口味道不過不失，加埋芝士有點偏咸，豬仔包沒烘過！完全唔抵食！雖然人流多，但如果想坐卡位，侍應姐姐都會細心記住安排。

一入到餐廳，就覺得好光猛。設計簡潔，環境企理乾淨。宵夜時間都有八成客。利害有卡位坐會舒服d！ 雲吞撈麵有6粒雲吞平時出面食既雲吞都會夾雜豬肉。D 蝦味少，肉味重。深仔既雲吞係全蝦兩蝦，無肥豬肉！咬落去蝦都幾新鮮，好爽口。但唔算係好大粒，我一啖都可以食得哂一粒。麵條非常幼身，同平時食既有d唔同，麵質煙韌，就咁食有d 蜆水味，所以 一定要配 蠔油一齊食。可惜份量比較細,同埋價錢都算貴。撈麵既湯有好濃郁既大地魚味整體上如果呢餐當宵夜時段的話。應該送埋飲品就可以！

下午3：30才吃午餐，去咗公司附近的深仔記，点了牛腩河多葱。牛腩真材實料，好入味，腩汁濃郁。因為繁忙時間是搭枱的，搭枱的姨姨也大讚雲吞好吃，好多蝦，下次一定要試下。凍檸茶也很好。

買完東西同朋友中午十一點零鐘又未想食午餐心目中想打發一段時間...漫無目的地由牛頭角來到了官塘又到了肚餓的時刻！可是大家身上無幾銀！一來唔想食咁貴....心中只想看看有沒有地方可以讓我地坐下傾計食碗乜嘢都得正好就讓我們看見這深仔記雲吞麵 記得出品都吾錯，就入去食碗野此店是街坊型的廣東麵店！地方都是簡簡單單。我當然係叫碗雲吞麵，很快麵來到先嘗嘗麵，梘水味道適當而麵條帶香味！極煙韌，爽口彈牙，而且是一咬就斷開的那一種煙韌爽。雲吞五粒仲好大隻，入面亦足料！再留意是雲吞的大地魚湯很香。令整個麵同雲吞連湯底都充滿了香口的味道朋友叫牛腩麵，試試一舊牛腩雖不肥，但夠淋！味道也是夠濃郁，很不錯下次有機會再食過

入去啱岩有卡位！一坐底唔洗十秒已經有伙記黎問我想食咩叫咗兩個早餐等左兩分鐘度啲野就黎齊哂沙爹牛肉麵上枱都係熱騰騰顏色好深...我嗅到幾香，牛肉鞋口（預咗）恕我直言：平日光顧的茶餐廳！早餐怕人潮高峰期做吾切因為只追求快，老早炒定一大碗沙嗲牛肉每有柯打的時候，就舀起一些牛肉在麵上！其實牛肉應即煮即食不然放涼了，肉就會變得又粗又柴！這兩個麵都不會例外...但是朋友讚好食,因為味道好濃.麵質好爽！相信炒蛋同脆豬都係即叫即整！炒蛋熟度剛剛好唔會話好老！而脆豬都係即叫即烘牛油比例亦剛剛好所以上枱都仲有脆既口感

經常早午餐都光顧...收工見到有宵夜時段就走入去試試...豬手撈麵豬手南乳味夠重, 好入味豬手夠大件。豬皮又吾會過稔！又多肉, 唔會只得骨。豬手最基本要清既豬毛都清得好乾淨，連毛毛都無。麵身彈身, 輕微碱水味。但較爽及彈牙正合我口味. 麵底亦帶有豬手的南乳汁香. 不用5分鐘便吃完！細細碟亦一一如期地不太飽肚...但味道上是已經滿足了至於價錢，撈麵$37。加熱飲多$8 算是不過不失！宜家香港租金高昂！仲邊會有廿幾蚊碗啊……所以係可以接受啦。題外話此店前身皇馬餐廳本人幫襯吾少！兩年換三個老細！宜家改為深仔記希望大家支持呢D小店吾好比佢地咁易執....我地宵夜又多個選擇店員服務友善及合作！見到我一人都比大卡位我服務可以比5 星

下大雨，用外送app order 晚餐，要等55 minutes, 預早order is acceptable.冰室茶餐：沙茶牛肉麵，選左雞湯底，公仔麵，凍茶（即凍奶茶）加三元。牛肉份量算多，味道可以，湯沒有分開碗裝，送到來noddles 「諗」係常識吧！呢個餐仲有脆豬同ham 奄列，蛋炒得滑，脆豬燶左少少。Thai 式菠蘿海鮮炒飯比想像中多海鮮，不過味道真係幾普通，唔算好味。五十幾蚊有野飲算ok 啦～茶記Thai 式野唔好要求Thai 餐廳質素～

一直都有聽過深仔記的大名，知道雲吞麵非常出名~~今次經過想吃下午茶，見到有這間，下午茶又不是很貴~~~好，入去試試....(之後有落坑的感覺，因為性價比高！呵呵！) 餐牌多選擇哦！鮮蝦雲吞當然是我首選，但我選了撈麵，另外點了一個西多士~~ 鮮蝦雲吞撈麵！ 真係明符其名~~鮮蝦雲吞都好重蝦味！而且有最少6粒！ 蝦肉香口而入味！唔錯！撈麵不算太乾身，而且俾既醬汁夠多！GOOD！ 份量很多哦~~下午茶都做到飽肚！ 之後呢個~~我之後來都會叫！ 超厚西多士！有一整隻尾指咁厚！好滿足，好開心！^^最開心是西多士整得很香脆，外脆內軟！ 而且沒有油膩的感覺~~出奇地！！ 感覺和味覺都好得！所以我之後都有繼續繼續~~~ 睇到都想再食~~GOGO！

今日晏晝冇食tea，收工有少少肚餓，拿拿林去食碗雲吞麵墊下肚先 😊深仔記嘅雲吞麵都幾得。 雲吞大大粒，成隻鮮蝦係裡面，好鮮味 😋啲麵 OK 彈牙，夠爽。清湯底味道都唔錯。呢碗麵可以頂到三個鐘，夜啲再食晚飯啦 😁

天氣好熱, 但係LUNCH都係要食嘅 🤗今天就行咗APM附近搵食😋其實天氣熱個人就無乜胃口🤔都係食麵算喇😅成日行過都見到深仔記，今次就外賣佢啦😎叫咗碗招牌嘅鮮蝦雲吞麵(細蓉)加油菜 (芥蘭)😋油菜首選通常都係芥蘭，因為唔會太淋。芥蘭甜甜地，加蠔油，清爽香甜。細蓉有5粒雲吞，雲吞雖然唔太大粒，但係每粒雲吞都有幾隻蝦，蝦肉彈牙，而且雲吞皮薄😋每啖都有粒粒蝦肉😍麵底幼麵😎好爽口😎咁多樣野都係$44😍 lunch 正👍題外話🤔 天氣熱😑等外賣好曬😥😥😥

深仔記食粉麵係出色，今次就試下日式睇下佢點唔掂先！每次lunch黎都一定係爆場，中位價茶記，嘢食都幾靠得住。今次我就睇下佢嘅日式鰻魚炒飯掂唔掂先！落單到上菜十分中就有得食。聞落好香，粒粒飯都上哂色，夠亁身，唔會一舊舊，食落唔會有d熱有d凍，一般茶記落鰻魚嘅份量都好少同好細粒，不過呢個就粒粒分明，味道同份量都啱啱好。冇失望

星期一心思思想買外賣番公司，行行下見到有易拉架寫主標榜全港十大好食雲吞麵，就要試試佢我好鍾意食撈麵，所以見2點後有下午茶叫，就叫牛腩撈麵+茶走，外賣多1蚊，總數盛惠$44! 等餐都比一般茶記耐，心諗唔系漏單嘛，終於15分鐘後攞得! 番到公司一打開:香味: 啲柱侯香即湧上黎，香氣真系同潮州麵檔唔一樣，香味好濃郁有深度!麵底:食左住麵更加不得了，每條真系撈好掛上腩汁，同一般蠔油撈差太遠，下次必定加底牛腩: 共有6塊有根有大腩肉，部位似牛肉與肉之間有根，牛根林滑肉身咬後齊口，煙韌有膠質，仲要無渣不痴牙，一流湯底: 濃濃嘅大地魚蝦子香氣，加上韮黃入口清爽不咸不涸喉，沒有口渴感不覺有味精唯一失色茶走，茶膽餘韻較薄，不夠回甘另見食評，鮮魷魚面，豬手撈不錯，總之必定回購

很久以前在旺角試吃過深仔記的雲吞麵，前日在觀塘，見到深仔記已在工廠區開店，現時全港已有四間分店了。下午茶時段，仍然是人頭湧湧，相信水準不會差。進去試過後果然不錯，便連續幫趁了兩次。先說第一次，午市過後食客仍然多，但幸運地坐到卡位，較為舒適。下午茶套餐除了招牌的雲吞麵食之外，還有一般的茶記食品。本想試吃這間的雲吞麵，但一來以前已經試過，二來見到炒粉麵套餐只是$29，實在比$32的湯粉麵套餐來得吸引。於是便叫了星洲炒米，配熱奶茶。等了約五分鐘炒米便送上，鑊氣十足，賣相甚佳，配料豐富，細看有叉燒、蝦仁、火腿絲、蛋絲、青紅椒絲、韮王、芽菜、洋葱和葱段，米粉上還灑了芝蔴。吃進口，米粉炒得乾爽不油膩，味道濃香惹味，微辣但不嗆鼻。與價錢貴差不多一倍的太興相比，一點也不輸蝕！至於奶茶則一般，奶太多但茶味較淡，故只是滑溜而不香醇。昨日再去食客更多，只能坐在中間通道的細檯一邊，十分狹窄，這次叫了乾炒牛河和熱鴛鴦。食物很快便送到，同樣是鑊氣十足，香味四溢。目測之下，牛河頗為對板，河粉色澤油潤，配料也有幾款蔬菜（韮王、芽菜、洋葱和葱段）。但吃進口，味道較淡，要加豉油來調味。河粉亦炒得太油，也許網友會說，乾炒牛

喺尖沙咀返工都經常去食深仔記，見經過歡觀塘都有，滿心歡喜但失望而回。成碗湯唔知咩事，一嚟就已經成碗油浮面... 有相為証, 真係勁油淋淋.... 食落啖啖都係油... 都算喇，仲要勁重味精！上至雲吞下至湯 ，都好重味精，未食到一半已經好口喝 成口油又成口味精，仲要掛住深仔記個招牌.... 唔會再去觀塘呢間