深宵食堂 (已結業)

放假同朋友去左食野,大家都去曬郊外,變相其實市區唔算太多人,比想像中舒服我地去左銅鑼灣,行左一陣街,買左小小日用品,之後先去食晚飯去左時代廣場果頭食野,依個商場以前好多餐廳,不過因為痠情執左好多間餐廳,變相選擇唔多最後我地去左深宵食堂環境寬落,有日本氣氛,算係可以暫時減小我地對日本既思念🤣食左好多野食,燒物串燒為主,味道都唔差今次無飲酒,飲左佢地特飲食物最好食係炸紫薯,炸得好脆,但紫薯仲係好香,味道唔錯😋另外日式河粉都幾好味,個汁好香,菜同肉好平均,食完已經飽飽地😆價錢唔貴,下次都會同朋友再黎👍🏻

日式味道之串燒看過日劇深夜食堂嗎一家心靈小店深夜到凌晨時分傾聽路過的疲憊活得太用力抓得緊的沒多少努力地裝作很努力那不如誠懇地怠慢至少活得真以前啊～每個月女友大姨媽來的時候要克制自己和她別吃雪糕現在呢～是別喝酒🙊和朋友吃過串燒後,心靈終於得到慰藉牛舌串燒,煙肉年糕串燒,各有味力好吃的食物,果然有魔力,令人生再有動力這夜跟朋友點了不同的串燒,盡訴心中情深夜走在街道上,也好像沒有了拘束,趁年輕捉緊夢想_✿ 深宵食堂銅鑼灣耀華街百樂中心6樓

連續4日假期,緊係要約下朋友見面啦,今次我地約出黎食飯幾個女仔食飯,緊係要搵D比較優質既餐廳啦,如果唔係打唔到卡,就好浪費啦我地出左銅鑼灣食野,因為選擇較多,最後朋友話去深宵食堂深宵食堂個名同一套日劇好似,連裝修感覺都差唔多食物係燒物,串燒日系野為主,都幾有特色我地叫左好多唔同野食,都係精緻野為主最好食一定係燒羊扒,好有羶香味,入口好香,肉質都好嫩,份量夠2個人食,大推羊扒另外牛柳粒串燒又係好好味,好大粒,好有口感,依度D野食基本上都比普通串燒店大,份量多D同飽D我地都係女仔為主,所以都無叫酒飲,反而叫左D特飲,味道唔會好甜,價錢唔貴,幾抵飲成班女仔食飯緊係開心啦,最後傾計差唔多到1點先返屋企,好開心😃

話說我之前去左銅鑼灣，我哋幫襯間黃店居酒屋，佢地無位，當時6:45，佢話要七點半先知有無人無來，我地等到七點八，再問佢情況，佢竟然話下，七點半無人來都無二人枱架喔，我地當時嬲到爆，因為我地企正𨋢口等位，佢果二個侍應傾計一直都知我地等緊，正常都應該問下我地咩事喺度等，如果等到七點半都係無二人枱的話，係未應該叫我地唔好等，真心想支持，點知換來甘既經歷

早兩日同朋友睇完戲有少少肚餓咁朋友就提議不如去食宵夜我哋搵左好幾間啦就搵到一間叫做深宵食堂嘅餐廳見到食日本野即刻好開心上到去發現原來雖然鋪頭面積唔大但食物好有水準呢個燒魚干好甜又香口 推薦鯖魚略嫌有少少燶不過都可以一試芝麻雞翼好香口 一咬落去肉汁好濃郁依間餐廳唔所以都可以一試嫁

今日放假約左朋友仔去左銅鑼灣shopping，順便食埋晩飯，去左耀華街百樂中心搵食，最後揀咗依間位於六樓嘅深宵食堂,黎到都幾多人,等左大約二十分鐘先有位，環境舒適，坐位都幾闊落，滿意😊😊😊店員幾有禮貌,MENU都幾得意😎最後揀左招牌鵝肝飯，賣相吸引，石鍋上，熱辣辣，香噴噴，鵝肝好香，大大塊，飯粒好好咬口，仲配左沙律🥗菜，正😋😋😋玉子燒都好特別,入面係芝士,出面既蛋好滑,都幾大份，好抵食👍🏻👍🏻👍🏻價錢唔貴,食得過，下次一定會再幫襯，推薦t比各位試試😊😊😊

又一次証明OpenRice 好評不可信服務 - 差！要問先比水，仲要冇綠茶，得普通水。網上訂位冇跟進有時限，坐低咗先話食1.5小時，仲有20分鐘已經叫你埋單，最重要係有吉枱。宜家香港咁嘅環境仲平日限時？想點！環境- 差！好似深水埗平民店咁，普通過普通，枱同鄧都cheap, 又逼夾食物 - 好普通，似一般放題水準但收你高級餐廳價錢，d 燒物好咸，份量又細，3個人食咗$800，一d都唔值。總言之有其他大把選擇，唔好中伏

和朋友黎到銅鑼灣深宵食堂，聽個名就聽得多，我都係第一次黎，我地坐低後先吃點小吃。呢道既食物選擇十分之多，我地也點了很多野食，每款既的味道都好入味。可惜我又掛住吹水 ... 影得兩張相 !!牛串燒既味道不錯，口感厚實，入口已經牛味濃，大家都覺得相當高評價 !! 之後仲值得一提既 豚肉露旬卷，豬唔會有其他怪味，露旬咁幼都仲保持到爽脆 !! 燒功好重要 ~~吃串燒真係唔可以操之過急，黎呢道就係想吹下水 !! 串燒慢功出細貨 ~~ 呢間居酒屋可以說是 兩個字：無得輸 !!!

銅纙灣百樂中心係覓食好地方，當中深宵食堂頍有名氣，大家普遍視佢為平民串燒店，今日終於有機會試。本身以為要排隊，但可能閒日闗係，八點鐘都有約一半吉座位。對比食過嘅串燒店，呢間食物要等得耐啲，而且食物選擇少。所有串燒份量都好袖珍。.什菌調味過咸，砌得好碎，口感遜色。.牛舌彈牙但略為乾身。.雞翼外脆同保留到肉汁。.吉列蠔炸粉較厚。.金菇肥牛啲金菇唔夠嫩同多。.秋葵一樣係份量少，味道不過不失。.雞泡魚乾味道濃郁～.另外嗌咗兩杯啤酒，人均消費$220。整體而言唔係好飽，食完再去聰嫂食咗兩份甜品。餐廳性價比唔高，而且欠缺特色菜式。不過勝在位置方便，人少少靜靜地傾到計，同埋營業至凌晨兩點。

星期日嘅晚上，同朋友再一次食日本嘢做晚餐。今次來到銅鑼灣耀華街6F的深宵食堂。除咗因為主打優雅嘅環境之外，當然亦因為食物質素有保證。朋友中其中一位是日本人，所以這天晚上開了一枝日本清酒，價錢不貴，味道也不錯。這個燒金菇可以食到嫩滑嘅口感，香味亦夠突出，上枱時香噴噴，不單好食而且味道有層次，正！這個烤腸是餐廳最近最新提供的菜式，入口充滿鮮味，絕對值得一試！另外點了很多東西，今晚滿枱美食，環境又舒適，當然值得推介！

朋友聚會選左黎深宵食堂，鋪頭聽就聽得多，今次第一次黎！上到黎朋友已拎位！👍🏻座位寬闊，即使六人卡位，亦都寬闊有餘，甚具型格。唔錯！朋友點左一堆野，我都影唔切，大家又掛住吹水！只係影左兩張 🤣吹水離唔開啤酒，抵飲！呢道比較著名既應該係呢個芝麻雞翼，雞翼十分入味，又炸到好脆，送啤酒好爽，九家仲叫左幾客 🤣🤣 個豚肉露荀都好正，火喉岩岩好！有少少菜食下解滯！朋友仲叫左燒秋葵，唔錯！帶點清香，食多d菜比較好 🤣 所以再叫了一碟燒帶子入口鮮嫩，味道唔錯，口感帶爽，咬下很有質感，又夠大粒！

放工終於可以同朋友食飯啦,我兩位朋友，一位想食日本野，但另一位唔想食生冷野，於是我提議黎呢間喺銅鑼灣嘅深宵食堂,呢度係食日式燒物，滿足晒我兩位朋友嘅需要呀！我仲一早訂左位呀！黎到都幾多人, 大家都餓左好耐啦坐低無耐傾陣計就叫野食,野食好快就到,全部熱辣辣香噴噴咁,勁開心☺深宵玉子燒係必食既,裡面配加芝士好香滑,茄汁加落去味道好夾別度嘅招牌沙律好新鮮,鮮味好重,好開胃牛油飯好特意,口感都好好雞軟骨都唔錯整體食物都唔錯, 朋友都話下次會再黎

約左朋友食飯,黎左深宵食堂食野,個感覺好似係日本既居酒屋,好懷念日本呀! 坐低無耐叫野食,睇左個Menu,食物選擇都多下厚燒羊扒，都幾厚片，燒得唔錯，唔會太硬。仲有個醬可以俾你點坐黎食。羊扒燒得幾香，唔會乾爭爭。男胖子最愛，柱貝細細粒，一口一啖，鮮甜味都足，入口唔錯。燒雞翼,大推，食材個味好夾，雖然好香，但唔會遮左個雞味，而個燒得好好。煙肉串燒都唔錯，有卜卜脆的口感。呢度嘅串燒價錢唔太貴，而且款式都幾多選擇下，下次可以約多D朋友一齊黎，咁就可以叫得再豪氣D，可以再食多小小野。

有時放工成9點幾時，好多餐廳都已經LAST ORDER咗😭😭😭咁夜見呢間深宵食堂開到好夜，約埋同事一齊去咗食嘢！ 我哋叫咗一些食物一齊share！炸雞翼處理得很好，十分有口感，雞翼香又濃，勁好味，誠意推介！炸紫著很爽口，口感亦不錯。炸得好香。處理得不錯，很好吃。十分爽脆，意外驚喜的好味道！燒鮪魚都好好食,每樣食物都好有水準！我哋全部都真心好鍾意食！另外朋友叫咗杯啤酒，簡直係一大享受！應該真係變咗做我哋嘅深宵食堂！

銅鑼灣餐廳選擇多D,所以約朋友都會黎依面今次去左依間深宵食堂,貪依度方便,返屋企都快D深宵玉子燒～ 玉子好滑呀！配上茄汁一流！都係新鮮爽口嘅！份量亦係啱啱好，好開胃！燒菠羅～ 所用嘅菠羅絕對係靚菠羅，食得出一定唔係平價貨！ 既香又甜！見到色彩繽紛都好吸引，而味道都好濃！ 食串燒一定會食啲邪惡嘅item，所以燒雞翼依款係必點嘅！ 動物嘅油脂用熱力迫出嚟，再流返落啲肉度！ 真係原汁原味！ 加上少少鹽吊味，簡直人間極品！店內嘅環境好靚， 明顯花過心思去裝飾，啱曬女仔💕 亦有啲寫喺黑板嘅推介食品，既然推介得，一定會點一兩樣支持下！嘢食嘅item都算多價錢合理。